විවාහය දික්කසාදයෙන් කෙළවර වෙන්නේ ඇයි?

August 7, 2018
2,997
Why marriage end up in divorce
දෙදෙනෙක් විවාහ ජීවිතයට එළැඹෙන්නේ ජීවිත කාලය පුරාම දුක, සැප බෙදාගෙන සතුටින් ජීවන ගමන ගෙන යන්න. ජීවන ගමනේ ගොඩක් දුර යන්න හිතාගෙන දෑත් පටලාගත් නමුත් විවිධ බාධක, අභියෝග මධ්‍යයේ බැඳීම් වගේම ආදරවන්තයිනුත් හරියට අසරණ වෙනවා. සංසාර ගමනේ එක ගමනාන්තයක දි හමු වී මියන මොහොත දක්වාම දුක, සැප, සතුට හා කඳුල බෙදා ගනිමින් ජීවන ගමන යන්න සපථ කරගත් බෝහෝ ප්‍රේමවන්තයන්ට වගේම ප්‍රේමවන්තියන්ටත් ජීවන ගමන අතරමග දාලා යන්න සිද්ධ වෙනවා. මංගල පෝරු හස්තකය මත හිඳිමින් විවාහ ජීවිතය ඇරඹුවද ඇතැම් ආදරවන්තයින්ගේ ගොඩක් ආදර කතා අවසන් වෙන්නේ උසාවිවලින්. විවාහය වගේම අද දිකකසාදයත් බොහෝ දෙනෙක් කලාවක් කරගෙන. විවාහය දික්කසාදයෙන් අවසන් වෙන්නේ ඇයි?

01. සබඳතාවට ප්‍රමුඛත්වය නොදීම

විවාහ ජීවිතයට පියවර තැබු ඔබ දෙදෙනාම මුල් තැන දිය යුත්තේ ඔබ දෙදෙනා අතර පවතින බැඳීමටයි. සාර්ථක සම්බන්ධතාවක් පවත්වාගෙන යන්න නම් ඔබ දෙදෙනා අතර අදහස් හුවමාරු කර ගැනීම ඉතාමත් වැදගත්. මේ කියන්නේ විවාහය වෙනුවෙන් සියලු දේවල් කැප කළ යුතුයි කියලා නම් නෙමෙයි. ඔබ දෙදෙනාගේ සබඳතාවය තව තවත් ශක්තිමත් වෙන්නේ ඔබ දෙදෙනා අතර පවතින විශ්වාසය හා එකිනෙකා අතර පවතින සබැඳියාව නිසා. කිසිම අවස්ථාවක ඔබේ සහකරුවාට හෝ සහකාරියට වඩා වෙනත් පුද්ගලයෙක්ට ඔයාගේ ජීවිතය තුළ වැදගත් තැනක් ලබා දෙන්න කටයුතු කරන්න එපා. එයින් සිදු වෙන්නේ ඔබ දෙදෙනා අතර දුරස්ථ සබඳතාවක් නිර්මාණය වීමයි. එය අවසානයේ දික්කසාදයක් දක්වාම වර්ධනය විය හැකියි.

02. යහපතට වඩා අයහපත දකින්න උත්සාහ කරන්න එපා

මුලින් සදහන් කළා වගේ ඔයාගේ සහකරුවා හෝ සහකාරිය අතින් යම් අත් වැරැද්දක් සිදුවිය හැකියි. ඇතැම් විට ඒ වැරදි ඔහු හෝ ඇය හිතාමතා නොකරනවා වෙන්නට පුළුවන්. විවාහ ජීවිතය තුළ සිදුවන එවැනි අත් වැරදීම් ඕනවට වැඩියෙන් ගණනකට ගන්න එපා. ඔහු හෝ ඇය අතින් සිදුවන අත්වැරදීම් වලට මහා ලොකුවට කෑ කෝ ගහන්න යන්න එපා. නිතරම ඔයාගේ සහකාරීය හෝ සහකරුවා තුළින් යහපත් දේ දකින්න උත්සාහ කරන්න. ඒ වගේම යහපත් දේ අගය කරන්න කිසි විටෙක අමතක කරන්න එපා. විශේෂයෙන්ම පිරිසක් ඉදිරියේ ඇයව හෝ ඔහුව අපහසුතාවට පත් වෙන ආකාරයට කටයුතු කිරීමෙන් ඔබ වැළකිය යුතුයි. එසේ වුවහොත් සමාජයේ සෙසු පුද්ගලයින්ට වැටහෙනවා ඔබ දෙදෙනා අතර සාර්ථක සම්බන්ධතාවක් නැ කියලා. එය ඔබ දෙනාගේම සම්බන්ධතාවට එතරම් හොඳ දෙයක් නම් නෙමෙයි.

03. කාර්යාලයේ වැඩ නිවසට රැගෙන යන්න එපා

මෙය නම් කිසිසේත්ම හොඳ පුරුද්දක් නෙමෙයි. කාර්යාලයේ වැඩ ගෙදර අරන් එනවා කියන්නේ ඔයාට ඔහු හෝ ඇය එක්ක වගේම ගෙදර සෙසු අය එක්ක කාලය ගතකරන්න වේලාවක් ලැබෙන්නේ නෑ කියන එක. එවිට ඔබ දෙදෙනා අතර පවතින සම්බන්ධතාව ක්‍රමක් ක්‍රමයෙන් නැතිවී යන්න තියෙන ඉඩකඩ වැඩියි. ඇයට හෝ ඔහුට හිතෙන්න පුළුවන් ඇය හෝ ඔහු වෙනුවෙන් ඔබ අවධානය යොමු නොකරන බව. ඒ නිසා කවදාවත් කාර්යාලයේ වැඩ නිවසට රැගෙන යන්න එපා. ඒ කාළය ඔබ පවුලේ සතුට වෙනුවෙන් මිඩංගු කරන්න. එවිට ඔයාට සාර්ථක සම්බන්ධතාවක් පවත්වාගෙන යන්න පුළුවන්.

04. අදහස් හුවමාරු කර නොගැනීම

ගොඩක් දෙනෙක් විවාහ වී ටික කාලයක් ගියාට පස්සේ තමයි කියන්නේ එයාට මාව ගැළපෙන්නේ නෑ, මට එයාව ගැළපෙන්නේ නෑ කියලා. ඒ නොගැළපීම් ටිකෙන් ටික ඇති කර ගන්නෙත් ඔයාමයි. ඕනෑම සම්බන්ධතාවක් සාර්ථකව පවත්වාගෙන යන්න එකනෙකා අතර අදහස් හුවමාරු කර ගැනීම ඉතා වැදගත්. එසේ නොවුණහොත් සිදු වෙන්නේ හිත ඇතුළේ සඟවාගෙන ඉන්න බොහෝ කරුණු හේතු සාධක යම් අවස්ථාවකදි දෙදරායාමකට ලක් වීමයි. ඔයා ඔහු හෝ ඇය එක්ක කතාබහ නොකර හුදෙකලාව කටයුතු නොකිරීම තුළ සිදු වෙන්නේ ඔබ දෙදෙනා අතර අනවශ්‍ය රණ්ඩු සරුවල් ගැටුම් ආදීය නිර්මාණය වීමයි. එවිට ඔබේ විවාහය දික්කසාදයකින් පවා අවසන් විය හැකියි.

05. පොඩි දේටත් රණ්ඩු විම

පොඩි පොඩි දේවල්වලට නිතර නිතර රණ්ඩු වෙනවා කියන්නේ ඔයාලා දෙන්නාගේ විවාහ ජීවිතය ටිකෙන් ටික නීරස වෙන්න පටන් ගන්නවා. සුළු ප්‍රශ්ණයක් වුණාම එය හොදින් කතාබහ නොකර විසදා ගැනීමකට වඩා ඔයා එයාගෙන් නිතරම් ගේම ඉල්ලනවා නම් එයාට ඔයාව ඉක්මනින්ම එපා වෙනවා. අවසානයේදී ඒ විවාහය දෙදරා යෑමකට පවා ලක්විය හැකියි. ඒ නිසා හැකි සෑම විටම කතාබහ කරමින් සෑම ප්‍රශ්ණයකටම විසදුම් සොයන්න පුරුද්දක් කර ගන්න.

06. ඕනවට වඩා සිරීයස් වෙන්න එපා

විවාහ ජීවිතය තුළ අත්‍යාවශ්‍යම දෙයක් හැර සමාන්‍ය දේවල් ඕනවට වඩා සීරියස් ගන්න එපා. එසේ සිදු නොවුණහොත් ඔබ ඉක්මනින් ආතතියට පත් වෙන්න තියෙන ඉඩකඩ වැඩියි. ඔයාගේ සම්බන්ධතාව පවත්වාගෙන යන්න ආතතිය කියනනේ හොඳ දෙයක් නෙමෙයි. ඒ නිසා සැහැල්ලුවෙන් හා විනෝදයෙන් හැකි සෑම අවස්ථාවකදීම ඔහු හෝ ඇය එක්ක කාලය ගත කරන්න අමතක කරන්න එපා.

07. අගය නොකිරීම

ඔයාගේ සහකරු හෝ සහකාරිය සෑම අවස්ථාවකදිම ඔබේ අගය කිරීම බලාපොරොත්තු වෙනවා. ඒ නිසා හැකි සෑම විටම ඔහුව හෝ ඇයව අගය කරන්න අමතක කරන්න එපා. ඔයාට කෑමක්, බීමක් හෝ ඇඳුමක්, පැළඳුමක් වගේම එයා ඔයාට තෑග්ගක් දෙන මොහොතක ඔබ විසින් ඔහුව හෝ ඇයව අගය කරන්න අමතක කරන්න එපා.

Related Articles

Featured Articles

Trending Articles

අපේ ජනප්‍රියම ලිපි

Do you know about the disease in womb?
   18,419
   1,026

කාන්තා ප්‍රජනන පද්ධතිය ආශ්‍රිත රෝගාබාධ ගැන ඔබ දන්නවාද?

බොහෝ දකුණු ආසියාතික රටවල වගේම ලංකාවෙත් මේ ප්‍රජනන පද්ධතියේ රෝග සම්බන්ධව මිත්‍යා විශ්වාස ගොඩක් තිබෙන නිසා බොහෝ ලෙඩ රෝග මුල් අවස්ථාවේදීම ප්‍රතිකාර ගැනීමෙන් වැළකිලා යනවා
Symptoms to say you are pregnant
   23,969
   87

මේ ලක්ෂණ වලින් කියන්නේ ඔයා අම්ම කෙනෙක් වෙන්න යනවා කියලා

ගැබ් ගැනීමක් සිදු වූ මුල් කාලසීමාවේදී ඒ පිළිබඳව නිවැරදිව තහවුරු කර ගන්න එක ඉතාමත් වැදගත්. මොකද කුස තුල වැඩෙන කළලයේ ආරක්ෂාව හා වර්ධනය ගැන අවධානය දෙන එක ඔබ කළ යුතුම දෙයක්. මෙන්න මේ කියන ලක්ෂණ වලින් පෙන්නුම් කරන්නේ ඔබ මවක් වෙන්න යනවා කියන එක
Don't ever think of marring these 5 men
   33,163
   71

මේ පිරිමි පස් දෙනාගෙන් එක්කෙනෙක් එක්ක විවාහ වෙන්න තියා හිතන්නවත් එපා

හැබැයි ඒක එහෙම වෙන්න නම් අනිවාර්යෙන් සැමියාගෙන් සහයෝගය ලබෙන්නම ඕන. ඒත් ඔයාට හමු වෙලා ඉන්නේ මේ වගේ පෙම්වතෙක් නම් කවදාවත් පවුලේ වත් ඔයාගේ වත් සතුට ආරක්ෂා වෙයි කියලා
How to Lose Weight Naturally
   74,263
   52

මාසෙකින් කිලෝ විස්සක් විතර අඩු කර ගන්න කැමතිද?

ජිම් එකේම පදිංචි වෙලා ඉන්න ඕනේ කියලා ඔබට හිතෙනවා ඇති. ආස කෑමක් නොකා ජිම් යනවා කියන්නේ මහා හිසරදයක්ම තමයි
Indoor plants that cleans air inside your house
   35,296
   40

ගෙදර ලිපෙන් පවා පිට වන විෂ වායු නසන, නිවෙස තුළ තබන පැල (Indoor Plants)

මෙන්න මේ ශාක මගින් වැඩි ඔක්සිජන් වායුවක් පිට කරනවා වගේම නඩත්තු කරන්නත් ඔබට එච්චර වද වෙන්න ඕනේ නෑ

Latest Articles

Most Viwed

 |

x