“අපි මෙහෙම දුක් විඳපු අය නෙවෙයි” ඕපනායක ජනක සමන් කුමාරගේ කතාව

June 26, 2019
6,686
Story of Janaka Saman Kumara
සිතු දේ නොම වෙයි, නොසිතු දෙයම වෙයි... යන ඉපැරණි‚ කියමනෙන් අදහස් වන්නේ, අමිහිරි දේට පමණක් නොසිතූ ලෙස මුහුණ දෙන්නට සිදු වන බව නොවේ. අවාසනාව මෙන්ම වාසනාව ද නොසිතූ ලෙස මිනිසා කරා එළැඹෙන්නේය. කෙටි කාලයක් තුළ මේ අත්දැකීම් දෙවර්ගයම විඳි අයෙකු පසුගිය අඳුරු වැසිබර දිනෙක ඕපනායක පෙදෙසේ දී අපට හමු විය. මෑතක දී Dialog Mega වාසනා දිනුම් ඇදීමෙන් රුපියල් දශ ලක්ෂයක ත්‍යාගයක් හිමි වූ ඔහුගේ නම ජනක සමන් කුමාර ය. මේ ඔහුගේ කතාවයි.

“මම රැකියාව කරන්නෙ කුලී රියැදුරෙක් විදියට. ස්ථීර ජොබ් එකක් නෑ. ඒත් අපි මෙහෙම දුක් විඳපු අය නෙවෙයි, ඉස්සර ලොරි පවා අපට තිබුණා. නොහිතපු විදියට තාත්තා අසනීප වුණාට පස්සෙ ඒවා විකුණන්න වුණා.”

“ඒ දවස්වල කරපු ව්‍යාපාරය මොකක්ද?”

“තේ දළුයි, රබර් දරයි ප්‍රවාහනය කළා. තේ ෆැක්ටරි වලට දර ඕන කරනවනෙ.තාත්තා අසනීප වුණාම අපේ වාහනවල ෆිනෑන්ස් ගෙවාගන්න බැරුව ගියා. හම්බ කරපු හැමදේම නැති වුණා. වෙදකම් කරන්න සල්ලි ණයට ගන්නත් සිද්ධ වුණා.”

"ඊට පස්සෙ මම කුලී රියැදුරෙක් විදියට වෙනත් අයගෙ වාහනවල වැඩ කරන්න පටන් ගත්තා. ඔය අතරෙ තමයි නොහිතපු විදියට Dialog Mega වාසනාවෙ රුපියල් මිලියනයෙ තෑග්ග ලැබුණේ.”

"තෑගි මුදලින් මොනවද කරගත්තේ?”

"අතට ලැබුණු මුදලින් වැඩි හරියක් පරණ ණය බේරන්න තමයි වියදම් කළේ. අපේ ණය බර සැහැල්ළු කරගන්න Dialog Mega වාසනාවෙන් ලොකු සහයෝගයක් ලැබුණේ. ඒ ගැන Dialog ආයතනයට ණයගැතියි. Dialog Mega වාසනා වගේ වටිනා තෑගි තරඟයක් පැවැත්වීම ගැන මම ඉතාම ස්තුතිවන්ත වෙනවා. නැත්නම් ඉතිං මොන විදියකින් මේ ණය බේරන්නද?”

"ගෙදර වෙන කවුද ඉන්නෙ?”

"දැන් ගෙදර ඉන්නෙ මමයි, අම්මයි, තාත්තයි විතරයි. අම්මත් දැන් තරමක අසනීපෙන් ඉන්නෙ. නංගිලා දෙන්නා කසාද බැඳලා. ඒ මස්සිනාලා දෙන්නගෙනුත් සෑහෙන සහයෝගයක් ලැබෙනවා. මට තවම විවාහ වෙන්න ලැබුණෙ නෑ.”

"හැමදාම මේ රස්සාවම කරන්න ද අදහස? මිලියනයක් වාගෙ තෑග්ගක් ලැබෙන්නෙ වාසනාවන්ත කාලයක් උදාවෙලා නිසානෙ. විවාහ වෙලා එහෙම අළුතින් ජීවිතය පටන්ගන්න හිතුවොත් හොඳ නැද්ද?”

"ඇත්තටම පොඩි බිස්නස් එකක් කරන්න මේ දවස්වල සැලසුම් කරමින් තමයි ඉන්නෙ.”

"ස්වයං රැකියාවක් වගේ දෙයක් ද?”

"ඔව්. වාහනයක් කුලියට අරගෙන පලතුරු ප්‍රවාහන බිස්නස් එකක් කරන්නයි අදහස. ඔය ඇඹිලිපිටිය වාගෙ පැතිවල ගොවි මහත්වරුන්ගෙන් කෙසෙල්, ගස්ලබු, කොමඩු වාගෙ පලතුරු එකතු කරගෙන බලංගොඩ පැත්තෙ කඩ වලට දාන්නයි හිතාගෙන ඉන්නෙ.”

අනාගතය පිළිබඳ පැහැබර පැතුම් සමුදායකින් විකසිත ජනකගේ සිනාමුසු මුහුණ මතට ඒ මොහොතේ අව් රැල්ලක් පතිත විය. අප කතාව අරඹන විට අහස වසා සිටි අඳුරු වළාවන් ඉවතට ඇදී ගොස්, පරිසරය ආලෝකවත් කරමින් හිරු නැවතත් රැස් විහිදුවයි. ජනක සමන් කුමාරගේ බලාපොරොත්තු සඵල වී ඔවුන්ගේ ජීවිත ද ඒ අයුරින්ම යළි ආලෝකවත් වේවා යනු අපගේ හෘදයංගම පැතුමයි.

Related Articles

Featured Articles

Trending Articles

අපේ ජනප්‍රියම ලිපි

How magnesium help us to have a better sleep
   213
   176

මැග්නීසියම් (magnesium) අපේ නින්දට උදව් කරන්නේ කොහොමද..

අප අතර සිටින බොහෝ දෙනා නිතර කියන දෙයක් තමයි කොච්චර ට්‍රයි කලත් මට හොඳ නින්දක් ලබා ගන්න බැහැනේ කියලා.. අපි බලමු කොහොමද මැග්නීසියම් අපිට සුව නින්දක් ලබා දෙන්නෙ කියලා..
Sri Lankan Pickle (Sinhala Achcharu)
   27,935
   114

සිංහල අච්චාරු ඉතා පහසුවෙන් හදාගමු

අබ, ලුණු, ඉඟුරු, සුදු ලුණු හා කහ කුඩු සියල්ල එකට දමා හොඳින් අඹරා ගන්න. ඉන් පසු විනාකිරි ටික මැටි භාජනයකට දමා හොඳින් උතුරුවා ගන්න
Get rid of wrinkles that makes you look older
   3,856
   110

ඔබ වියපත් කරන සමේ රැලි වැටීම් අවම කර ගන්නේ මෙහෙමයි

කවුරු වුනත් උත්සාහ කරන්නේ තමන්ගේ තරුණ පෙනුම රැක ගන්න. සමේ තෙතමනය රැක ගනිමින් රැලි වැටීම් අවම කරන මේ ස්වාභාවික සත්කාර ඔයත් අදම try කරන්න
Mung Kawum Recipe
   5,215
   95

මුං කැවුම් - Recipe

සිංහල අවුරුදු කෑම
Secrets to take out the beauty in you
   6,953
   85

ඔයාගේ හැඩ-වැඩ වැඩි කර ගන්න ඕන නම්, මේ රහස් 5 ඔයාට හරිම වැදගත්

අද හැඩකාරී අපි ඔයාට කියලා දෙනවා සම්පුර්ණ ලස්සනක් ලබා ගන්නේ කොහොමද කියලා

Latest Articles

Most Viwed