ඔසප් සමයේ වේදනාව සමනය කිරීමට සරල පිළියම් මෙන්​න

June 18, 2020
1,156
Home remedies for monthly periods pain
ඔසප් වීම කියන්නේ කාන්තාවකගේ ශරීරයේ තිබෙන ඩිම්බයක් සංසේචනය වීම නැතිනම් ශරීරයෙන් පිටවීමට අදාළ ක්‍රියාවලියයි. මේ දින වලදී හෝමෝන මට්ටම ඉහළ යන අතර මෙම හෝමෝන ඔයාගේ මනෝභාවයට හා ශක්ති මට්ටමට බලපානවා. සාමාන්‍යයෙන් සෑම දින 28 කටම පසු බඩේ වේදනාවක්, කොන්ද කැක්කුමක් සමග කකුල් කැක්කුමක් ඇති වෙනවා. මේ විදිහට හැම මාසයකම දරා ගන්න බැරි වේදනාවක් ඇති වීම කාන්තාවන්ට මානසික කරදරයක්. ඉතිං අද හැඩකාරී අපි ඔයාට ඔසප් වේදනාව සමනය කිරීමට සරල පිළියම් කිහිපයක් ගැනයි කියන්න හිතුවේ.

වේදනාවට හේතු
ගර්භාෂයේ ඇති මාංශ පේශි හැකිලෙන විට ඔසප් වීම සිදු වෙනවා. ගර්භාෂය හැකිලෙන විට, රුධිර නාල වලට එරෙහිව පීඩනය යෙදිය හැකි අතර එමඟින් ඒවා මිරිකීමෙන් ඔක්සිජන් සැපයුම අඩාල කරනවා. වේදනාව හා කැක්කුම ඇතිවීමට හේතුව මෙයයි. මෙම සිදුවීම අතරතුර, ශරීරය වේදනාකාරී රසායනික ද්‍රව්‍ය නිකුත් කරනවා. ටිකෙන් ටික මෙම රසායනික ද්‍රව්‍ය ඔක්කාරය, කෑම අරුචිය සහ හිසරදය ඇති කරනවා.

බොහෝ කාන්තාවන් මෙම කාල සීමාව ළඟා වෙත්ම යම් රෝග ලක්ෂණ අත්විඳිනවා. මේවාට මනෝභාවය වෙනස්වීම්, හැසිරීම් වෙනස්වීම් සහ ශාරීරික අපහසුතා ඇතුළත් වනවා.

මනෝභාවය සහ චර්යාත්මක වෙනස්කම්:
1: කාන්තාවකට වැඩි කෝපයක්, තදබල මානසික අවපීඩනයක් හෝ කනස්සල්ලක් දැනිය හැක
2: සමහර කාන්තාවන්ට චිත්තවේගීය හැඟීම් අධික​ව ඇති වීමට වැඩි ඉඩක් තිබිය හැක - උදා - අඬන්න සිතීම, ආත්ම අභිමානය දුර්වල වීම, කෝප වීම හෝ මනෝභාවය වෙනස් වීම
3: අමතක වීම හෝ හුදෙකලා බවක් දැනීම
4: මෙම කාලය තුළ ලිංගික උනන්දුව හා ආශාව අඩුවීම
5: ඔසප් වීම ආරම්භ වීමට පෙර සිටම කාන්තාවන්ට ආහාර සම්බන්ධ ආශාවන් ස​හ කෑම රුචිය වැඩි විය හැක
6: වෙනදාට වඩා වෙහෙසට පත්වන බැවින් නින්දටද බාධා ඇති වෙන්න පුළුවන්

මෙම කාල සීමාව තුළදී වේදනාව දරාගත නොහැකි නම්, යම් සහනයක් ලබා ගැනීමට සරල පිළියම් කිහිපයක් මෙන්න..

1. පැරසිටමෝල් වැනි වේදනා නාශක හෝ ibuprofen සහ codeine  වැනි වේදනා නාශක කෙටිකාලීන භාවිතය සඳහා සුදුසු වන අතර ඔසප් වීමේදී හිසරදය, බඩේ කැක්කුම සහ පිටුපස වේදනාව අඩු කිරීමට බෙහෙවින් උපකාරී වෙනවා.

02. මේ කාලය තුළ උදරයට උණුසුම ලබාදීමෙන් මාංශ පේශි ලිහිල් කිරීමට සහ වේදනාකාරී කැක්කුම අඩු කිරීමට උපකාරී වෙනවා. උණුසුම්ව ස්නානය කිරීමෙන් හෝ උණු වතුර බෝතලයක් භාවිතා කිරීමෙන් මෙය කළ හැක.

03. ඔයාගේ බඩ වටා ලැවෙන්ඩර් තෙල් හෝ තල තෙල් ආලේප කිරීමෙන් කැක්කුම සමනය කිරීමට උපකාරී වෙනවා. මෙහි linoleic  අම්ලය බහුල බැවින් කැක්කුම සමනය කරන ප්‍රතිඔක්සිකාරක ගුණ ඇත.

04. ගැහැණු හෝමෝනවල සමතුලිතතාවය යථා තත්ත්වයට පත් කිරීම සඳහා මහදුරු භාවිතා කළ හැකි අතර එය ඔසප් වීම හා සම්බන්ධ වේදනාවන් සමනය කරනවා. මහදුරු ආහාර දිරවීම පහසු කරන අතර බඩ පිපුමත් වලකනවා. සාමාන්‍ය උණුසුම් වතුර කෝප්පයකට මහදුරු තේ හැන්දක් දමා විනාඩි 5ක් පමණ තබා පෙරා උණුසුම්ව බොන්න.

05. කුරුඳු වල වේදනා නාශක සහ විෂබීජ නාශක ගුණ ඇති අතර එමගින් කැක්කුම සමනය කිරීමට උපකාරී වනවා. එය කාන්තාවන් මුහුණ දෙන වඩාත් සුලභ ප්‍රශ්නයකට විසඳුමක්. මෙහි කැල්සියම්, මැන්ගනීස් සහ යකඩ​ද අඩංගු වන අතර ආහාර ජීර්ණයට සහ රුධිරයේ සීනි පාලනය කිරීමටද හොඳයි.

06. නිවිති කියන්නේ මැග්නීසියම් බහුල ආහාරයක්. නිවිති මේ කාලයේදී ඔබට අවශ්‍ය කැල්සියම් ප්‍රමාණය ලබා දෙනවා පමණක් නෙවෙයි මස් පිඩු පෙරලීම වැනි වේදනාකාරී තත්වයන්ගෙන් ඔබව ආරක්ෂා කරනවා.

07. ඉඟුරු තේ එකට මී පැණි එකතු කර පානය කිරීම මාංශ පේශි කැක්කුම සමනය කිරීමට සහ කාංසාව සහ නුරුස්නා ගතියට තුඩු දෙන ආතතිය අඩු කිරීමට සුදුසුයි. ඉඟුරු-මී පැණි තේ කෝප්පයක් පානය කිරීමෙන් ඔක්කාරය හා ඉදිමීම සමනය කරයි.

08. කෙසෙල් ව​ල විටමින් බී 6, මැග්නීසියම් සහ පොටෑසියම් බහුල වන අතර මෙම වේදනාකාරී දවස් සඳහා කදිම ආහාරයක්.

09. ආමන්ඩ් මගින් ප්‍රමාණවත් තරම් ප්‍රෝටීන් හා තන්තු ලබා ගැනීම උපකා​ර වන අතර, මෙමගින් ආර්තව ලක්ෂණ පෙන්වන කාලය තුල හෝ ආර්තව කාලය තුල වැඩිපුර ආහාර ගැනීම වලක්වනවා.

Related Articles

Featured Articles

Trending Articles

අපේ ජනප්‍රියම ලිපි

2020 fashion trends
   5,069
   2,502

2020 වසරේ හිට් වුණු ෆැෂන් ට්‍රෙන්ඩ්ස්

අවුරුද්දෙන් අවුරුද්ද වෙනස් වෙන මේ විලාසිතා ප්‍රවණතාවය සමඟ ඔයාගේ ඇඳුම් ආයිත්තම් කට්ටලය 2020 අවුරුද්දට ගැලපෙන්න අප්ඩේට් කරගන්න
Tops goes with denims (part 01)
   11,500
   699

ඩෙනිමට මේ වගේ top එකක් ඇන්දොත් ඔයාව තවත් ලස්සනට පෙනේවී (01 කොටස)

විලාසිතාවක් විදිහට ඩෙනිම අඳින්න පුරුදු වුණොත් ඔයාට තවත් පිරිසක් අතරේ කැපි පෙනෙන විදිහට ලස්සනට ඉන්න පුළුවන්
Face packs for mix face skins
   7,263
   499

මිශ්‍ර සමක් සහිත යුවතියකගේ පෙනුම ඔප් නංව​න යෝගට් ෆේස් පැක්

සමේ පෙනුම ඔප් නංවන්න හැකි අමුද්‍රව්‍යයක් තමයි යෝගට් ෆේස් පැක් කීපයක් ගැන අපි කියන්නම්
4 things to fight about before getting married
   1,038
   189

විවාහ වීමට පෙර ඔබ සටන් කළ යුතු කරුණු 4 ක්

උපදේශකයින් පවසන්නේ ඔබ විවාහ වීමට පෙර යම් යම් දේ ගැන සටන් කරන තරමට, එකිනෙකාගේ පෞද්ගලික දෘෂ්ටිකෝණයන් පිළිබඳව ඔබ දෙදෙනාගේම අවබෝධය වඩා හොඳ වෙනවා කියලයි. ඉතින් අද අපි ඔබට කියන්නම් පෙම්වතියක් විදිහට ඔබ විවාහ වීමට පෙර සටන් කරන්න අවශ්‍ය කරුණු 4 ක් ගැන...
Be beautiful with veniwalgeta
   473
   154

වෙනිවැල් ගැට වලින් ලස්සන වෙමු

ගෙදර තියෙන වෙනිවැල්ගැට කෑල්ලෙන් ලස්සන වෙන්න.. මේ දවස්වල සැලෝන් යන්නත් නැහැ. . වැඩි මහන්සියක් නැතුව ෆේෂල් එකක් කරගනිමුද..?

Latest Articles

Most Viwed