අනාගතය ගැන තීරණය කරන්න අනාගතයටම ඉඩ දෙන්න - Story

October 8, 2020
544
Let the fire decide about the future - Story
බොහෝ කාලයකට කලින් විශ්මිත හැකියාවක් එක්ක ජීවත් වුණු මනුස්සයෙක් හිටියා. ඒ කියන්නේ ඔහුට අහසේ තියන තාරකා දිහා බලලා ඕනෙම කෙනෙක්ගේ අනාගතය කියන්න පුලුවන් කියලා මිනිස්සු විශ්වාස කළා. ඔහු ජනප්‍රිය ජ්‍යෝතිශාස්ත්‍රඥයෙක් වුණු නිසා රාත්‍රියේ කාලය ගත කළේ අහස දෙස බලාගෙනමයි. ඔහු සැමවිටම කාර්යබහුල වූයේ අනාගතය ගැන කරදර වෙමින්. ඒ අතර ගම්වැසියන් බොහෝ විට ඔහු වෙත පැමිණියේ තමන්ගේ අනාගතය කොයි වගේද කියලා දැන ගැනීමේ බලාපොරොත්තුවෙන්.

එක් සැන්දෑවක ඔහු ගමෙන් පිටත විවෘත පාරක් දිගේ ඇවිදිමින් සිටියා. ඇවිද්ද්දී ඔහුගේ දෑස් තිබුණේ තරු දිහාට හැරිලායි. ඔහුට ඒ වෙලාවේ හිතුණේ ලෝකයේ අවසානය ළං වෙන්න ආසන්නයි වගේ කියලා. ඔහු තරු දෙස බලන් ඇවිදිද්දී ඔහුට ඔහු ඇවිදන් යන මාර්ගය දිහා බලන්න අමතක වුණා. හදිසියේම ඔහු ඒ මාර්ගයේ තිබ්බ මඩ හා ජලය පිරුණු වළකට ඇදන් වැටුණා.

ඔහු මඩ ජලය සහිත ගැඹුරු වලේ ගිලෙමින් සිටි අතර, පිස්සු වැටිලා වගේ වළෙන් ගොඩට එන්න දැඟලුවා. ඒත් ගොඩ බිමට බඩගාගෙන යන්නට ඔහුට පහසු වුනේ නෑ. එසැණින් ඔහුගේ ජීවිතය ගැන විශාල බයක් දැණුන නිසා ඔහු උදව් ඉල්ලා කෑගැසීමට පටන් ගත්තා. උදව් ඉල්ලා ඔහු කරපු හැඬීම් ඇහුණ ගම් වැසියන් ඉතා ඉක්මනින් ඒ වෙත දුවන්න පටන් ගත්තා.

ගම් වැසියන් ඔහුව මඩ වලෙන් ඉවතට ඇදගෙන යන්න සමත් වුණා. ඔහුව බේරගෙන එක්කන් යද්දී ඔවුන්ගෙන් එක් කෙනෙක්, “ඔබ අනාගතය තාරකාවලින් කියවනවා වගේ මවාපානවා. ඒත් ඔබේ කකුල් ළඟ තිබෙන දේ ඔබ දකින්නේ නැහැ! වර්තමානයේ ඔබ ඉදිරියෙ තියන දේවල් ගැන වැඩි අවධානයක් යොමු කරන්නට මේ සිද්ධිය වත් පාඩමක් කරගන්න. අනාගතය ගැන තීරණය කරන්න අනාගතයටම ඉඩ දෙන්න. ”

ඒ අතර තවත් අයෙක් ඔහුට මෙහෙම කිව්වා. “පෘථිවියේ ඇති දේවල් ඔබට නොපෙනෙනකොට තරු ගැන කියවීමෙන් ඇති ප්‍රයෝජනය මොකක්ද?”

පාඩම : අපගේ අනාගතය දීප්තිමත් හා ප්‍රීතිමත් එකක් වෙනවා දකින්න අපි හැමෝම කැමැතියි. නමුත් කාලය කිසි කෙනෙක් වෙනුවෙන් නතර වෙන්නේ නෑ. සෑම හෙට දවසක්ම අද දවස බවටයි පත් වෙන්නේ. ඒ නිසා මේ ගෙවෙන ඔබේ වර්තමානයද ඔබේ අනාගතයේම කොටසක්. බලාපොරොත්තු වීමට හා දියුණු වෙන්නට සෑම විටම හෙට දවසක් තියනවා තමයි. නමුත් ඔබට ඊයේ වෙත ආපසු යන්න බෑ. ඒ නිසා ඔබ වඩා හොඳ හෙට දවසක් සඳහා වැඩ කරන අතරතුර ඔබේ වර්තමාන ජීවිතයේ සමබරතාවය පවත්වා ගන්න.

Related Articles

Featured Articles

Trending Articles

අපේ ජනප්‍රියම ලිපි

How magnesium help us to have a better sleep
   213
   176

මැග්නීසියම් (magnesium) අපේ නින්දට උදව් කරන්නේ කොහොමද..

අප අතර සිටින බොහෝ දෙනා නිතර කියන දෙයක් තමයි කොච්චර ට්‍රයි කලත් මට හොඳ නින්දක් ලබා ගන්න බැහැනේ කියලා.. අපි බලමු කොහොමද මැග්නීසියම් අපිට සුව නින්දක් ලබා දෙන්නෙ කියලා..
Sri Lankan Pickle (Sinhala Achcharu)
   27,935
   114

සිංහල අච්චාරු ඉතා පහසුවෙන් හදාගමු

අබ, ලුණු, ඉඟුරු, සුදු ලුණු හා කහ කුඩු සියල්ල එකට දමා හොඳින් අඹරා ගන්න. ඉන් පසු විනාකිරි ටික මැටි භාජනයකට දමා හොඳින් උතුරුවා ගන්න
Get rid of wrinkles that makes you look older
   3,856
   110

ඔබ වියපත් කරන සමේ රැලි වැටීම් අවම කර ගන්නේ මෙහෙමයි

කවුරු වුනත් උත්සාහ කරන්නේ තමන්ගේ තරුණ පෙනුම රැක ගන්න. සමේ තෙතමනය රැක ගනිමින් රැලි වැටීම් අවම කරන මේ ස්වාභාවික සත්කාර ඔයත් අදම try කරන්න
Mung Kawum Recipe
   5,215
   95

මුං කැවුම් - Recipe

සිංහල අවුරුදු කෑම
Secrets to take out the beauty in you
   6,953
   85

ඔයාගේ හැඩ-වැඩ වැඩි කර ගන්න ඕන නම්, මේ රහස් 5 ඔයාට හරිම වැදගත්

අද හැඩකාරී අපි ඔයාට කියලා දෙනවා සම්පුර්ණ ලස්සනක් ලබා ගන්නේ කොහොමද කියලා

Latest Articles

Most Viwed