පැරදුණු ආදරේ අමතක කරන්න ඕනේ නම් ඉක්මනින් මේ දේවල් ටික කරන්න

June 20, 2017
18,306
7 Things You Should Do Immediately After a Breakup
ආදරය හමු නොවුන කෙනෙක් ලෝකේ නැති තරම්. ආදරේ නොවිඳපු වගේම ඒ ආදරයේ විරහවත් නොවින්ඳ කෙනෙක් ලෝකේ නැති තරම්. ඒ වගේම ලෝකේ තියෙන හිත් වේදනා වලින් ලොකුම වේදනාවක් තමයි විරහ වේදනාව. විරහව ගැන කවුරු කොහොම කිව්වත් විරහව නැත්තන් මේ ලෝකේ බිහි වෙලා තියෙන සොඳුරු විරහ ගීත ලියවෙන්නේ නෑ. එත් මේ විරහව නිසා ජිවිතේ විරහවක් කර ගන්නේ නැතුව ජිවිතේ ආයෙත් පටන් ගන්න ඔයාට මේ උපදෙස් ටික ගොඩක් වැදගත් වෙයි.

1. ඔබට ආදරය කරන අය සමග කල් ගෙවන්න

මේ වගේ අමාරු කාලයක් ගත කරන්න ඕන කාමරේට වැදිලා දොර වහගෙන නෙවෙයි. එහෙම ඉන්න තාක් කල් ඔයා එයා ගැන කල්පනා කර කර දුක් වෙනවා. එත් වෙන්න ඕන ඒක නෙවෙයි. එයාව අමතක කරන්න උත්සහ කරන එක. කියනවා වගේ එක කරන්න බෑ තමයි. එත් උත්සහ කරන්න. තනියම ඉන්න එක අඩු කරලා ගෙදර අය යාලුවෝ එක්ක දවසේ වැඩි කාලයක් ගත කරන්න. එයාල එක්ක විනෝදෙන් ඉන්න. ඔයා යාලුවෝ එක්ක ෂොපින් පාරක් දාන්න යන්න. ඔයාටත් නොදැනීම දවස ගෙවිල යාවි.


2. ඔහුට කෝල් කරන්න, SMS කරන්න යන්න එපා

සම්බන්ධතාවයක් බිඳිලා යන්න මොකක්ම හරි ලොකු හේතුවක් තියෙන්න ඕන නේ. දෙන්නා කතා බහ කරලා හරි තනි මතයට හරි කොහොම හරි ඒ සම්බන්දෙ නැවතිලා දෙන්නා දෙපැත්තට උනාට පස්සේ අයෙත් අඩ අඩා පස්සෙන් යන්න එපා. අයෙත් call, sms කරන්න එපා. එහෙම උනොත් තව තවත් දුක් වෙන්නේ ඔයාමයි. එකෙන් තව තවත් හදවත පෑරෙනවා ඇරෙන්න වෙන සෙතක් නැහැ.

විශේෂයෙන්ම කියන්න ඕන දෙයක් තමයි facebook. Facebook එකෙන් එයාව unfriend කරලා දාන්න. නැත්තන් එයාව දකින්න ලැබෙන වාරයක් ගානේ ඔයාට එයාව අමතක කරන්න බැරුව යනවා. ඔයාටත් ටික කාලෙකට හරි ඒවායින් ඈත් වෙන්න පුළුවන් නම් හිත හදා ගන්න ඒක ගොඩක් ලොකු උදවුවක් වෙයි.

3. අනිත් අය එක්ක ඔහු ගැන කතා කරන එක නවත්තන්න

හදිස්සියේම සම්බන්ධතාවයක් බිඳ වැටුණු පසු අපි කරන තවත් දෙයක් තමයි මේ. එත් ඔයා මේ දේ අමාරුවෙන් හරි කරන්න ඕන. නැත්තන් ඔයාට කවදාවත් හිත නම් හදා ගන්න බැරි වෙයි. අනිත් අය එක්ක එයාගේ හොඳ හෝ නරක කතා කරන එක නවත්තන්න. තව දෙයක් තමයි ඔහුගේ යාලුවන්ගෙන් ඔහු ගැන අහන්න යන්න එපා. සමහර විට ඔහු ගැන අහන්න ලැබෙන දේ වලින් ඔයා තවත් වේදනාවට පත් වෙන්න පුළුවන්.

4. මග හරින්න

ඔයාට එයාව නිතර දකින්න ලැබෙනවා කියන්නේ මතකයන් අලුත් වෙනවා කියන එක. ඒ නිසා එයාව දකින්න ලැබෙන අවස්ථාවන් උවමනාවෙන්ම මග හරින්න. ඔයා අහලා ඇතිනේ දර්ශනයෙන් ඈත් වෙන කොට මතකෙනුත් ඈත් වෙනවා කියල.

5. ඔබව හොඳින් බලා ගන්න..

ඔක්කොටම කලින් ඔයා ඔයාට ආදරය කරන්න. මොන දේ කරන්නත් අපි හොදින් ඉන්න ඕනනේ. කන්නේ නැතුව ඉඳීම හෝ වැඩියෙන් කාලා මහත් වීම කියන්නේ කිසිම දෙයක් වෙනස් කරන්න සමත් හැසිරීම් නෙවෙයි. මෙවැනි නරක කාලෙකදී ඔබ වඩා සැලකිලිමත් විය යුතුයි නියමිත ලෙස ආහාර ගැනීමට සහ ව්‍යායාම වල නිරත වීමට. ව්‍යායාම කියන්නේ මානසික ආතතියෙන් මිදෙන්න කරන්න පුලුවන් හොඳම ප්‍රතිකාරයක්. පොත් පත් කියවීම, ඇවිදින්න යාම, මිතුරන් එක්ක විනෝද වීම වගේ දේවල් වල නිරත වෙන්න.

6. busy වෙන්න

ඔයා මේ වගේ වේදනාකාරී තත්වෙක ඉද්දි කරන්න පුළුවන් හොදම දෙයක් තමයි පුළුවන් තරම් busy වෙන එක. එතකොට ඔයාට එයා ගැන හිත හිත දුක් වෙන්න කාලයක් නැති වෙනව. ගෙදර දොරේ වැඩ එක්ක හරි රැකියාවේ වැඩ එක්ක හරි එහෙම නැත්තන් වෙන මොනවා හරි ක්‍රමයකින් ටිකක් කාර්ය බහුල වෙන්න මේ වගේ ප්‍රශ්න වලදී අමතක කරලා හිත හදා ගන්න තියෙන නියම විසදුම තමයි ඒක.

7. හදිස්සියේ වෙනත් සම්බන්ධතා ඇති කර ගන්න එපා

ගොඩක් දෙනෙක් කරන ලොකු වැරද්දක් තමයි මේක. ආදරයෙන් පැරදුනාම හිත හදා ගන්න හෝ ආදරයක අවශ්‍යතාවය නිසා කියල වෙනත් ඇසුරකට යන එක. නමුත් මේක එච්චර හොඳ දෙයක් නෙවෙයි. ආදරයකින් පැරදුනාම අපි තනි වෙනවා. ඒ නිසා වෙන කෙනෙක්ගේ ආදරය ඉක්මනින්ම හොයනවා. නමුත් මේ වගේ තත්වෙක ඉදන් අපි කරන කියන දේ වල හරි වැරැද්ද අපිට තේරෙන්නේ නැහැ. ඒ නිසා ඉක්මන් තීරණ ගන්න එපා. සමහර විට එයත් ඔයාගේ හිත බිදලා දාන්න පුළුවන්. ඒ නිසා ටිකක් ඉවසල හොයලා බලලා තමන්ට ගැලපෙන කෙනෙක් එක්ක නැවත ආදරය කරන්න පටන් ගන්න. නැත්තන් කලින් වගේ ආයෙත් දුක් වෙන්න සිද්ධ වෙයි. කලින් වෙච්ච දේ ආයෙත් පාරක් වෙන්න තියන්න එපා .


මෙන්න මේ දේවල් ඔයාට ඔයා වෙනුවෙන් කරන්න වෙනවා. එහෙම උනොත් ඉක්මනින්ම ඔයාගේ අතීතය අමතක කරලා අලුත් ජිවිතයක් පටන් ගන්න පුළුවන්. කාලයක් යද්දී ඔයාට අයිති ආදරය ඔයාට ලැබෙයි. එදාට හිතෙයි මෙහෙම උන එක කොච්චර දෙයක්ද? මන් අපරාදේ දුක් වින්දේ කියලා. කෙනෙක් අපේ ජීවිතෙන් ඇත වෙලා යනවා නම් එයාලට යන්න දෙන්න. නවත්තන්න එපා. එහෙම යන්නේ ඊට වඩා හොඳ කෙනෙක් ඔයාගේ ජීවිතේට එන්න තියෙන නිසා. ඔයාව ඕන අය ඔයා එක්ක හැමදාම ඉදිවී. ඒ නිසා දාල යන අය ගැන දුක් වෙලා ඇග කෙට්ටු කර ගන්න එපා.

Related Articles

Featured Articles

Trending Articles

අපේ ජනප්‍රියම ලිපි

Weralu benefits
   2,347
   162

වෙරළු වල ගුණ

වෙරළු කොලස්ටරෝල් සඳහා ඉතාම ගුණදායකයි. දිනකට වෙරළු ගෙඩි පහක් අවම වශයෙන් ආහාරයට ගන්නවා නම් හිතකර…
How to keep pregnancy glow like kareena and anushka?
   3,513
   89

කරීනා කපූර් සහ අනුෂ්කා ෂර්මා වගේ ප්‍රෙග්නන්ට් කාලෙත් ලස්සනට ඉන්නෙ කොහොමද?

ප්‍රෙග්නන්ට් කාලෙ කරීනා කපූර් සහ අනුෂ්කා ෂර්මා වගේ ලස්සනට ඉන්න එක පොඩි පියවරක් ඉදිරියෙන් තියමු. ඒ වගේ ඔයාගෙත් ප්‍රෙග්නන්සි ග්ලෝ එක ලබා ගන්නේ කොහොමද කියලා අපි අද කියන්නම්!
How to kill bad bacteria in your mouth
   428
   69

ඔබේ මුඛයේ බැක්ටීරියා විනාශ කර සැහැල්ලුවෙන් හුස්ම ගැනීමට ක්‍රම 6 ක්

ලෝකයේ මිනිසුන්ගෙන් සියයට 35% ත් 45% ත් අතර සංඛ්‍යාවක් ඔවුන්ගේ දිවා කාලයේ මුවින් දුගඳක් වහනය වීම නිසා පීඩා විඳිනවා. මුවින් දුගඳක් වහනය වීම සමඟ සටන් කිරීමට පහසු ක්‍රම 6ක් අද අපි ඔබ වෙතට ගෙන එන්න සුදානම්
Uncomfortable because of body odour?
   6,750
   62

දහදිය දුඟද නිසා ඔයත් හැමදාම අපහසුතාවයට පත් වෙනවද?

අහලා ඇතිනේ දහදිය ගඳ දැනෙන්නේ තමන්ට නෙවෙයි ළඟ ඉන්න අනිත් අයට කියලා. ඒ නිසා අනිත් අය ඉස්සරහා අපහසුතාවයට පත් වෙන්නේ නැතුව මේකට විසඳුමක් හොයා ගමු
Know about Vaginal atrophy
   2,370
   43

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?

Latest Articles

Most Viwed