ෆේෂල් එකක් කරන්න කලින් අනිවාර්යෙන් ක්ලේන්සර් කරන්න ඕන ඇයි කියලා ඔයා දන්නවද?

October 28, 2017
2,427
Do you know why you have to cleanse before a facial?
ෆේෂල් එකක් කරනවා කියන එක අද තරුණ වැඩිහිටි කියලා භේදයක් නැතුව කාන්තා පාර්ශවය අතරේ තියෙන හරිම සාමන්‍ය දෙයක්නේ. අපි මුහුණට ෆේෂල් එකක් කරන්නේ මුහුණේ මාංශපේශීන් ශක්තිමත් කර ගන්න සහ පැහැපත් පෙනුමක් ප්‍රබෝධමත් බවක් ලබා ගන්න. හැබැයි ෆේෂල් එකක් කරන්න කලින් හොඳ ක්ලෙන්සර් ක්‍රීම් එකක් භාවිතා කරලා ඔයාගේ මුහුණ හොඳින් පිරිසිදු කර ගන්න ඕන කියන එක ඔයා දැනටමත් දන්නවා. ෆේෂල් එකකට කලින් නිවැරදිව කොහොමද ක්ලේන්සර් එකක් කර ගන්නේ කියලා දැන ගන්න එක තමයි ගොඩාක් වැදගත්.

මුහුණ ක්ලේන්සර් කරද්දී නෝමල් ක්ලෙන්සර් සහ ඩීප් ක්ලෙන්සර් කියලා ක්‍රම දෙකක් තියෙනවා. නෝමල් ක්ලෙන්සර් එකකින් වෙන්නේ ඔයාගේ සම මතුපිට කුණූ, දුවිලි ඉවත් කිරීම. ඩීප් ක්ලෙන්සර් එකකින් ඊට වඩා එහා දෙයක් සිද්ධ වෙනවා. එමඟින් සම ගැඹූරට පිරිසිදු කිරීමක් සිදු වෙන අතර සම මතු පිට විතරක් නෙවෙයි රෝම කූපවල තැන්පත් වූ කුණූ ආදියද ඉවත් කරමින් මුහුණ පිරිසිදු කරනවා.

ඒ වගේම මේද ග්‍රන්ථින්ගෙන් නිකුත් වන තෙල් සම මතුපිටට පැමිණ කුණූ සමග එකතු වීම නිසා සමේ බ්ලැක් හෙඩ්ස් වයිට් හෙඩ්ස් තත්ත්වයන් ඇති වෙනවා. ඒ නිසා ඩීප් ක්ලෙන්සර් කිරීම ඉතා වැදගත්. බොහෝ විට බ්ලැක් හෙඩ්ස්, වයිටි හෙඩ්ස් සියුම් බිබිලි කුරුළෑ ආදිය මතුවීමේ ඉඩකඩ වැඩි වන්නේ ගැඹුරට පිරිසිදු නොකිරීම නිසයි. මුහුණ පිරිසිදු කිරීමේදී මතුපිට කුණු සහ රෝම කූපවල තැන්පත් වී ඇති කුණු ඉවත් කිරීම ඉහත කී ක්‍රම දෙක අනුව කරන්න ඔයාට පුළුවන්

ඒ වගේම ඔයා මුහුණ පිරිසිදු කිරීමට යොදා ගන්නා සබන් සහ ෆේස් වොෂ් ගැනත් සඳහන් කල යුතුමයි. ෆේස් වොෂ් එකක් තෝරා ගනිද්දී ඔයාගේ සමේ ph අගයට ගැලපෙන ෆේස් වොෂ් එකක් තෝරා ගන්න. ඒ වගේම සබන් භාවිතය හැකි තරම් අවම කරන්න. සබන් භාවිතය නිසා සමෙහි අධික වියළි බවක් ඇති වෙන්න සහ සම රැළි වැටෙන්න පුළුවන්. ෆේස් වොෂ් එකක් භාවිතයෙන් මේ විදියට පිරිසිදු කර ගැනීම සාමාන්‍ය පිරිසිදු කර ගැනීමක් විදියට හඳුන්වන්න පුළුවන්.

ගැඹූරට පිරිසිිදු කිරීමේදී මුහුණේ මාංශපේශීන් ඉතා සියූම් නිසා මාංශපේශීන් පිහිටා ඇති ආකාරය සැලකිල්ලට ගනිමින් මුහුණ පිරිමැදීම කළ යුතුයි. මොකද මුහුණ පිරිමැදීමට යාමෙන් මාංශපේශීන් පහත්වීමකට ලක්වන්නට පූළුවන්. ඒ වගේම ඇස්වටා සහ කට වටා මාංශපේශීන් රවූමටත් කම්මූල්වල නහය මුල, පිටතට සහ උඩටත් නළලේ කෙලින් අතට බෙල්ලේ දිග අතට ආදී ලෙස මාංශපේශීන් පිහිටා ඇති නිසා එම පිහිටීම සැලකිල්ලට ගෙන ඒ අනූව ආලේප කිරීම පිරිමැදීම සහ තැවරූ ආලේප ඉවත් කිරීම කළ යුතුයි.

ෆේෂල් එකකදී මූලින්ම ක්ලෙන්සර් කරන්න ඕන ඔයාගේ ඇස් ප්‍රදේශය. ඇස් ක්ලෙන්සර් කිරීමේදී එහි මාංශ පේශීන් රවූමට පිහිටා තියෙන්නේ කියන එක ඔයා අමතක නොකළ යුතු දෙයක්. ඒ වගේම සම්බාහනය කිරීමේදී අත තදින් සම්බාහනය කරන්නත් එපා. මොකද ඇස තිබෙන්නේ කුහරයක් තුළ නිසා අත තදින් සම්භාහනය කිරීමෙන් ඇස් ගිලිමකට ලක් වෙන්න සහ ඇස් යට කළු වෙන්නත් රැළි වැටීමටත් ඉඩ තියෙනවා. ඒ නිසා ඇස් අවට පිරිසිදු කරන විට ඉතාමත් සැලකිලිමත් වෙන්න ඕන. ඒ වගේම ක්ලේන්සර් ඇස් ඇතුලේ තැවරෙන්න ඉඩ තියන්නත් එපා.

ෆෙෂල් එකක් කරන්න කලින් ක්ලේන්සර් එකක් කර ගන්න එකේ වැදගත්කම සහ ක්ලේන්සර් එකක් කොහොමද නිවැරදිව කර ගන්නේ කියන එක ගැන තමයි මේ කිව්වේ. මේ දේවල් ගැනත් ටිකක් ඔයාගේ අවදානය යොමු කරන්න. මොකද ඔයා ඔයාගේ ලස්සනට කිසිම හානියක් වෙනවට කැමති නෑ කියලා අපි දන්නවා.

Related Articles

Featured Articles

Trending Articles

අපේ ජනප්‍රියම ලිපි

Health Benefits of Eating Oats
   38,613
   502

ගොඩක් දෙනෙක් නොදන්නා ඕට්ස් හා එහි වටිනාකම

අපේ ශරීර සෞඛ්‍යට ඉතා ප්‍රබල ලෙස යහපත් බලපෑමක් ඇති කරන පුළුවන් ගොඩාක් වටිනා ධාන්‍යක් විදියට ඕට්ස් හඳුන් වන්න පුළුවන්
The 8 Most Common Dreams Decoded
   15,625
   182

ඔබ දකින සිහින වලින් හෙළිවෙන රහස්

අපි නිදාගෙන ඉන්නකොට වගේම ඇහැරිලා ඉන්නකොටත් සිහින දකිනවා. මේ කියන්නේ නම් ඔබ නිදාගෙන ඉන්නකොට දකින සිහින වලින් කියවෙන ඔබේ ජීවිතය ගැනයි
A golden relief for the new year
   1,102
   62

අලුත් අවුරුද්දට අතේ මිටේ අග හිඟකම් නැති කරන රත්තරන් සහනයක්

අපි හැමෝගෙම ජීවිත වලට ප්‍රශ්න එන්නේ කලින් දැනුම් දීලා නෙවෙයිනේ. කාන්තාවෝ විදිහට අපි හැමෝම අසාවෙන් පරිස්සම් කරන රත්තරන් අපි නොහිතන අවස්ථාවන් වලදී ජීවිතේට අපිට අවශ්‍යම වෙන සහනයක් ලබා දෙන්නේ හදිසියේම ඇතිවෙන මුදල් අග හිඟකම් වලදී
Do you know the avoiding situation to drink water
   437
   57

වතුර බෙන්න හොඳ නැති අවස්ථාවන් ගැන දන්නවද?

අද හැඩකාරී අපි ඔයාට කියන්නේ වතුර පානය කරන විට සැලකිලිමත් වෙන්න ඕන අවස්ථාවන් ගැනයි

Latest Articles

Most Viwed