ගර්භනී මවකගේ සියලු පෝෂණ අවශ්‍යතා විටමින් පෙත්තකින් ලබා ගන්න බැහැ

April 3, 2018
3,411
A vitamin pill cannot full fill the nutrition needs of a mom
නිරෝගී දරු සම්පතක් කියන්නේ හැම මවකගේම හැම පියකුගේම එකම බලාපොරොත්තුව. නිරෝගී දරු සම්පතක් ලබා ගන්න නම් අනිවාර්යයෙන් මව නිරෝගී විය යුතුයි. මම නිරෝගී වන්නේ නිසි පෝෂණය ලැබීමෙන් හා ලෙඩ රෝගවලින් තොරව මේ සමය ගත කළොත් විතරයි. ඒ නිසා මව අනිවාර්යෙන් තමන්ගේ නිරෝගී බාවය හා පෝෂණය ගැන අනිවාර්යයෙන් සැලකිලිමත් විය යුතුයි.

ගර්භනී කාලය සාමාන්‍යයෙන් මාස නමයවයකට පමණ සීමා වෙනවා. ඒ කියන්නේ සති 42 පමණ කාලයක්. මෙම කාලයේදී අවධි තුනකට අනුව ගර්භාෂය තුළ වැඩෙන කළලයට පෝෂණය කියන දේ බලපෑම් කරනවා. ඒ කියන්නේ පළමු මාස තුන, දෙවැනි මාස තුන හා අවසන් මාස තුන වශයෙන්.

ඒ වගේම ගර්භනී කාලයේදී මවගේ බර නියමිත පරිදි වැඩිවීම මගින් මවගේ හා දරුවාගේගේ පෝෂණය පිළිබඳව යම් අදහසක් ලබාගන්න පුළුවන්. මවගේ බර වැඩිවීම අවම මට්ටමක පවතිනවා නම් එය දරුවාගේ පෝෂණයට හා සෞඛ්‍ය තත්ත්වය අහිතකර ලෙස බලපෑම් කරන බව සෑම ගර්භණී මවක්ම සිහි තබා ගත යුතුයි. ඒ නිසා අනිවාර්යයෙන් සියලු පෝෂ්‍ය පදාර්ථ වලින් බහුල සමබර ආහාර වේලක් ලබා ගැනීමේ වැදගත්කම අවබෝධ කර ගත යුතුයි.

මෙහි මුල් මාස තුනේදී මවගේ බර වැඩි විය යුත්තේ සුළු වශයෙන්. නමුත් කුස තුල වැඩෙන කළලය මොලය හා ස්නායු පද්ධතියේ වර්ධනය සිද්ධවෙන්නේ මුල් මාස තුන තුලයි. අන්න ඒ නිසා කළලයේ මුල් මාස තුන කියන්නේ ඉතාමත් වැදගත් ඒ වගේම අතිශය ප්‍රවේශම් විය යුතු කාලයක්. ගර්භනි සමයේ දෙවැනි හා අවසන් අවධිවල බර වැඩිවීම වේගවත්ව සිදු විය යුතුයි. කලලයේ වර්ධනය නිසි පරිදි සිදු වෙනවා නම් මේ බර වැඩි වීම ඒ අනුව සිදු විය යුතුයි. දරුවාගේ වර්ධනය නිසි පරිදි සිදු වීමට ගර්භණීය සමයේ ඔබ ලබා ගන්නා ආහාර වල පෝෂණය ඉහල මට්ටමක පැවතිය යුතුයි. මේ සමයේදී ලබා ගන්නා පෝෂණ අවශ්‍යතා සියල්ල ම පාහේ සාමාන්‍ය ප්‍රමාණයට වඩා වැඩි විය යුතුයි.

ගර්භනි සමයේ වැඩි වශයෙන් පෝෂදායී ආහාර ලබා ගන්න ඕන එක ඇත්ත තමයි. නමුත් ආහාර පාන ලබා ගැනීමේදී ඔබ සැලකිලිමත් විය යුතු තවත් කරුණු කාරණා කීපයක්ම තියෙනවා. විශේෂයෙන් කොලෙස්ටරෝල් වැනි රෝගී තත්වයන් සහිත මවක් නම් අනිවාර්යෙන් මේදය ගැනීමේදී සැලකිලිමත් විය යුතුයි. රටකජු, කජු, අලිගැටපේර වැනි අසන්තෘප්ත මේද අම්ල සහිත ආහාර ගැනීම වඩා සුදුසුයි. නමුත් පොල්, පොල් තෙල් මාජරින් වැනි සංතෘප්ත මේද සහිත ආහාර ගැනීම විශේෂයෙන් කොලෙස්රෝල් වැඩි මව්වරුන්ට එතරම් හිතකර වන්නේ නැහැ.

ගර්භනී කාලේදී දෛනික ප්‍රෝටීන් අවශ්‍යතාව සාමාන්‍යයෙන් ග්‍රෑම් 50-60 ක් පමණ වෙනවා. මෙහිදී කලලයේ සෛල, අවයව, පද්ධති වල විකසනය හා වර්ධනයට මෙන්ම මාතෘ පටක වර්ධනයට ප්‍රෝටීන් අවශ්‍ය වෙනවා. මේ නිසා මේ කාලයේදී හැකි පමණ පෝෂණීය ආහාර ලබා ගැනීමට මව මතක තබා ගතයුතුයි. මස්, මාළු, කිරි, බිත්තර වැනි ප්‍රෝටීන් බහුල ආහාර කිසි විටක අමතක කරන්න එපා.

විටමින් හා ඛනිජලවණ යන පෝෂ්‍ය පදාර්ථයන්ගේ අවශ්‍යතාවයත් මේ කාලයේදී ඉතා ඉහලයි. ඒ නිසා තද කොළ පැහැති පලා වර්ග අනිවාර්යෙන් ආහාරයට එකතු කර ගන්න. හැම පෝෂ්‍ය පදාර්තයක්ම පෙති වලින් ලබා ගන්න හිතන්නේ නැතිව ස්වාභාවික ආහාර පාන මඟින් ඔබටත්, දරුවාටත් අවශ්‍ය පෝෂණය ලබා ගන්න එක තමයි වඩාත් වටින්නේ.

Related Articles

Featured Articles

Trending Articles

අපේ ජනප්‍රියම ලිපි

Don't ever think of marring these 5 men
   28,955
   712

මේ පිරිමි පස් දෙනාගෙන් එක්කෙනෙක් එක්ක විවාහ වෙන්න තියා හිතන්නවත් එපා

හැබැයි ඒක එහෙම වෙන්න නම් අනිවාර්යෙන් සැමියාගෙන් සහයෝගය ලබෙන්නම ඕන. ඒත් ඔයාට හමු වෙලා ඉන්නේ මේ වගේ පෙම්වතෙක් නම් කවදාවත් පවුලේ වත් ඔයාගේ වත් සතුට ආරක්ෂා වෙයි කියලා
Here is the reason if you didn’t loose your weight still
   781
   163

කෙට්ටු වෙන්න දැඟලුවාට තාමත් මහතද? මෙන්න විසඳුම

අපි ඔයාට කෙට්ටු වෙන්න දැගලුවාට තාමත් මහතයි නම් ඊට හේතු වෙන කාරණා කියලා දෙනවා
wife who loves husband don't do these things
   70,864
   161

සැමියාව සතුටින් තියන්න කැමති බිරින්දෑවරු කවදාවත් නොකරන දේවල්

බහුතරයක් කාන්තාවන් සමහර වෙලාවට උත්සහ කරනවා තමන්ගේ සැමියාව පාලනය කරන්න. නමුත් මේක යහපත් පවුල් ජිවිතයක් ගෙනයන්න විශාල බාධාවක්
Food habits that help Japanese women stay slim
   33,977
   151

ජපාන කාන්තාවන්ගේ තරුණ පෙනුම, ජවය, ලස්සන රැක ගන්න ඔවුන් ඇත්තටම මොකද කරන්නේ?

කවුරු කොහොම මොනවා කිවුවත් ලෝකය පුරාම ලස්සනම කාන්තාවෝ ජපාන කාන්තාවෝ කියල පිළිගැනීමක් තියෙනවා. ඔවුන් අවුරුදු 25දී පෙනුම 18වගේ
Bad Habits that Woman Should not Have
   18,026
   136

කාන්තාවන්ට මැරු කැඳවන වැරදි පුරුදු

කාන්තාවන් වන ඔබ සතු ඇතැම් වැරැදි පුරුදු නිසා බොහෝ දේ අහිමි වෙන්න පුළුවන්. ඔබ එවැනි පුරුදු නිසා අනතුරේ හෙළනුයේ ඔ‍බේ මෙන්ම අන්‍යයන්ගේ ජීවිතයි

Latest Articles

Most Viwed

 |

x