ඇස් දෙක ඇස් දෙක වාගේ රැක ගන්නේ මෙහෙමයි

January 18, 2019
5,714
How to look after your eyes
ඇස් දෙක ඇස් දෙක වාගේ රැක ගත්තේ නැති වුණොත් ඔයාට මුළු ජීවිත කාලයේම ජීවත් වෙන්න වෙන්නේ පසුතැවිල්ලෙන්. තවත් කෙනෙක් ඔයාව දකින කැඩපත තමයි ඔයාගේ මුහුණ. ඔයා චුට්ටක් මෙහෙම හිතලා බලන්නකෝ ඔයාගේ ඇස්වල නිරෝගී බව අඩු වෙලා කියලා. ඔයාගේ මුහුණ කොච්චර ලස්සන වුණත් වැඩක් නෑ ඔයාගේ ඇස් දෙක නිරෝගී නැත්තම්. ඔයාගේ බාහිර ස්වරූපය ලසස්න කරන්න වගේම අවලස්සන කරන්නත් ඇස් දෙකට පුළුවන්. අන්න ඒ නිසා තමයි හැඩකාරී අපි ඔයාට කියන්නේ ඔටයාගේ ඇස් දෙක ඇස් දෙක වාගේ රැක ගන්න කියලා. ඇස් දෙකේ සුන්දරත්වය වගේම නිරෝගී බව රැක ගන්න ගෙදර ඉඳලම කරන්න පුළුවන් සත්කාර කිහිපයක් ගැන ඔයාට අද හැඩකාරී මේ ලිපිය මගින් කියලා දෙන්න තීරණය කළා. ඔයා මේ ලිපිය කියවලාම බලන්නකෝ. ඔයාගේ ඇස් දෙකත් ඇස් දෙක වාගේ රැක ගන්න ඔයා කරන්න ඕන පිළියම් මොනවාද කියලා.

ඇස් අවට කළු වෙලා නම්

ගොඩක් දෙනෙක්ට තියෙන ගැටළුවක් තමයි ඇස් අවට කළු පැහැ ගැනීම. මෙවැනි තත්ත්වයක් ඇති වෙන්න බලපාන සාධක කිහිපයක්ම තියෙනවා. ඔයා ප්‍රමාණවත් නින්දක් ලබා ගන්නේ නැති නම්, මානසික ආතතිය හා පීඩනය වැඩි නම්, අධික ලෙස වෙහෙසට පත් වෙන කෙනෙක් නම්, වතුර බොන්නේ අඩුවෙන් නම් ඔයාගේ ඇස් යටත් කළු පැහැ වෙලා එහෙමත් නැතිනම් අවපැහැ වෙලා ඇති දැනටමත්. ඉතිං මේ වගේ ගැටළුවකට ඔයා ප්‍රතිකාර කළ යුත්තේ හරි පරිස්සට. මොකද ඔයා අතින් වෙන පුංචි අත් වැරැද්දකින් ඔයාගේ ඇස් දෙකේ පෙනීම නැති වෙලා යන්න පුළුවන්. ඔන්න අද හැඩකාරී ඔයාට මේ වෙනුවෙන් ගෙදර ඉඳලම කරන්න පුළුවන් සත්කාර කිහිපයක් කියලා දෙනවා.

01. තක්කාලි කියන්නේ ඔයාගේ සමට වටිනා සත්කාරයක් කියලා ඔයා දන්නවා. ඉතිං තක්කාලි යුෂ වලට කහ යුෂ ටිකක් මිශ්‍ර කරලා ඇස් වටේ ආලේප කරන්න. ටික වේලාවක් තියලා සිසිල් වතුරෙන් සෝදා ඉවත් කරන්න.

02. අර්තාපල් යුෂත් ඔයාගේ දෙනෙත් අවට තියෙන කළු පැහැය අවම කරගත හැකියි. අර්තාපල් බ්ලෙන්ඩර් කරලා යුෂ ටික ඉවත් කරගන්න. හොඳින් ඇස් අවට ආලේප කරලා සිසිල් වතුරෙන් සෝදලා ඉවත් කරන්න. මෙයින් ඔයාගේ ඇස් අවට අවපැහැය ඉවත් වෙලා යනවා.

03. මී කිරි වලිනුත් ඔයාගේ ඇස් අවට තියෙන අවපැහැ ගතිය ඉවත් කළ හැකියි. ඔයා කරන්න ඕන මෙච්චරයි. මුලින්ම මුහුණ පිරිසිදු කර ගන්න. පසුව ඇස් වටා හොඳින් මී කිරි ආලේප කරලා විනාඩි 20 ක් විතර තියලා සෝදා හරින්න.

04. ආමන්ඩ් ඔයිල් වලිනුත් ඔයාගේ දෙනෙත් වල අවපැහැය අඩු කරලා මුහුණේ සමේ පැහැයට සමාන වෙනවා. ඔයාට කරන්න තියෙන්නේ ඉතාමත් සුළු දෙයක්. ආමන්ඩ් ඔයිල් ඔයාගේ ඇස් වටේ ආලේප කරලා මිනිත්තු 30 ක් විතර තියලා සෝදා ඉවත් කරන්න.

මළානික දෙනෙත්වලට විසඳුමක් හොයා ගන්න

හැඩකාරී අපි මුලින් කිව්වා වගේ දෙනෙත් ඔයාගේ මුහුණට එකතු කරන අපූරු සුන්දරවය රෝගී වු ඇස් දෙකකින් ඔයාට ලැබෙන්නේ නෑ. කායික වගේම මානසික හේතු සාධකයන්ගේ අඩු වැඩි බලපෑම නිසා ඔයාගේ ඇස්වලට මළානික පෙනුමක් එකතු විය හැකියි. ඉතිං ඔයා ඔයාගේ ඇස්වල මළානික පෙනුමට විසඳුම් හෙව්වේ නැති වුණොත් ඔයා බලාපොරොත්තු වෙන ලස්සන මුහුණට ලබා ගන්න බෑ.

01. ඔයා රෑට නිදා ගන්න කලින් කපු පුළුන් බෝල දෙකක් අයිස් වල පොගවලා ඇස් දෙක මත තියාගෙන ඉන්න. විනාඩි 10 ක් විතර හැමදාම ඔයා මේ සත්කාරය කරලා බලන්නකෝ. එතකොට ඔයාගේ ඇස්වල මළානික පෙනුම අඩු වෙලා යනවා.

02. අර්තාපල් සහ පිපිඤ්ඤා යුෂත් ඔයාගේ ඇස්වල මළානික බව අඩු කරලා නිරෝගී පෙනුමක් එකතු කරනවා. අර්තාපල් හා පිපිඤ්ඤා පෙති වශයෙන් කපා ගන්න. ඉන් පසු විනාඩි 15 ක් විතර ඇස් මතුපිට තියාගෙන ඉඳලා ඉවත් කරන්න.

03. ඔයාගේ දෙනෙත්වල මළානික බව අඩු කර ගන්න කෝමාරිකා සහ පිපිඤ්ඤා අයිස් කියුබ් යොදා ගන්න පුළුවන්. කෝමාරිකා සහ පිපිඤ්ඤා යුෂ අරගෙන තමයි ඔයා මේ අයිස් කියුබ් හදා ගන්න ඕන. පසුව ඔයාට පුළුවන් මේ අයිස් කියුබ්වලින් ඔයාගේ ඇස් හොඳින් ස්ක්‍රබ් කරන්න. මේ සත්කාර කෙටි කාලයක් කළාම ඔයාගේ ඇස්වල මළානික බව අඩු වෙලා යනවා.

ඇස් යටට ගිලීම නතර කර ගන්න

ගොඩක් දෙනෙක්ට තියෙන ගැටළුවක් තමයි දෙනෙත් ඕනවටත් වැඩියෙන් ඇස් ගිලුණු ස්වරූපයකින් දිස් වීම. මෙවැනි තත්ත්වයක් ඔයාගේ දෙනෙත්වලට සිදු වුණොත් ඔයාගේ මුහුණට අවලස්සනක් තමයි එකතු වෙන්නේ. අධිකව නිදි වැරීම, අඳුරේ පොත් කියවීම හා පරිඝණක භාවිත කරනවා නම් ඔයාට මෙවැනි තත්ත්වක් දැනටමත් ඇති වෙලා ඇති. මෙවැනි තත්ත්වයකින් ඔයාගේ මුහුණට වයසක පෙනුමක් තමයි එකතු වෙන්නේ. ඉතිං මේකට සාර්ථක විසදුමක් ඔයාට හොයා ගන්නම සිදු වෙනවා. මෙවැනි ගැටළුවකට සාර්ථක විසදුමක් තමයි මී පැණි සහ ආමන්ඩ්. මී පැණි සහ ආමන්ඩ් සම සමව අරගෙන හොඳින් මිශ්‍ර කර ගන්න. පසුව දෙනෙත් අවට හොඳින් ආලේප කරන්න. ඔයා මේ සත්කාරය කරන්න ඕන රාත්‍රී‍ර නින්දට පෙර. පසු උදෑසන සෝදා ඉවත් කරන්න. මෙවැනි සත්කාරයක් කරන්න කලින් ඔයාගේ දෙනෙත් පිරිසිදු කර ගැනීම ඉතාමත් වටිනවා.

Related Articles

Featured Articles

Trending Articles

අපේ ජනප්‍රියම ලිපි

Short term memory loss symptoms diagnosis and treatment
   273
   207

කෙටිකාලින මතකය නැතිවීම, රෝග ලක්ෂන, හේතු සහ ප්‍රථිකාර

කාන්තා අප එතරම් මේ ගැන සැලකිළිමත් නොවූවාට.. මේ තත්ත්වය අපේ ජීවිතය සම්පූර්ණයෙන් කණපිට හැරවීමට පවා හේතු වෙන බව ඔබ දැනුවත් වී සිටීම වැදගත්…
Must have frocks for woman (part 02)
   24,774
   190

ගවුම් අඳින්න කැමති යුවතියකට තිබිය යුතුම ගවුම් වර්ග - (02 කොටස)

ඔයාට තවත් ලස්සනට අඳින්න පුළුවන් ගවුම් වර්ග මොනවාද කියලා
Do not do these after sexual intercourse
   1,945
   169

ලිංගික සංසර්ගයෙන් පසු මේ දේවල් නම් කරන්න එපා

ලිංගික එක්වීමකින් පසු ඔබ විසින් අනිවාර්‍යෙන් වැළකිය යුතු කරුණු පිලිබදව ඔබ දැනුවත්ද..? කාර්‍යක්ෂම ලිංගික ජීවිතයක් ගතකරන ගමන්ම ඔබ වැළකී සිටිය යුතු ප්‍රධාන කරුණු 6 ක් පිළිබදව හැඩකාරි අපි ඔබට ඉදිරිපත් කරනවා
Energy Boost Mango Juice
   3,318
   85

උදේට බීලා යන්න ශක්තිජනක අඹ ජූස්

අපි ගොඩක් අය පුරුදු වෙලා ඉන්නේ උදේට තේ එකක් කෝපි එකක් බොන්නනේ. ඒත් ඒකෙන් සතියට දවස් තුනක් වත් අයින් වෙලා පළතුරු ටිකක් කන්න, බොන්න පුරුදු උනොත් ඔයාගේ, ඔයාගේ පවුලේ අයගේ යහපත් සෞඛ්‍යයට හොඳ ආරම්භයක් වෙයි
How to keep your feet beautiful
   44,824
   74

මුහුණේ වගේම දෙපා වල ලස්සන රැක ගන්නේ මෙහෙමයි

ගොඩාක් වෙලාවට අපේ දෙඅත් සහ දෙපා නිතරම හිරු එලියට නිරාවරණය වෙනවා. මුහුණට වඩා ඉක්මනට කුණු දුවිලි එක්ක ගැටෙනවා. එනිසා අනිවාර්යෙන් විශේෂ සත්කාරයක් දෙපා වෙනුවෙන් ලබා දෙන්නම ඕන

Latest Articles

Most Viwed