හීන දැක දැක නිදාගන්න උදව් වෙන පානයක්

February 26, 2019
3,958
A drink to have a better sleep
නින්ද කියන්නේ අපේ ජීවිතයට අත්‍යාවශ්‍ය දෙයක්. ඒත් අද ඔයා ගෙවන කාර්යබහුල පරිසරයක එක්ක ඔයාට හරියට නිදා ගන්නවත් ඉඩකඩක් ලැබෙන්නේ නැති වෙන්න පුළුවන්. තියෙන වැඩ රාජකාරී එක්ක ඔයාට ප්‍රමාණවත් නින්දක් අවශ්‍ය වෙන්නේ නෑ කියලා හිතාගෙන නිදා ගන්න තියෙන වේලාවත් එක එක වැඩකටයුතු වෙනුවෙන් ඔයා මිඩංගු කරන කෙනෙක් නම් ඔයාගේ නිරෝගි සුවය නැති වෙන්න තව ලොකු කාලයක් නෑ කියන එක හොඳින් මතක තියා ගන්න. සමහර වෙලාවට ඔයාට වේලාවක් නැති නම් නිදාගන්න ඔයාගෙන් නින්ද ගිලිහිලා යන්න පුළුවන්. එහෙම නැතුව ඔයාට කොච්චර උවමනාව තිබුණත් ඔයා නිදා ගන්න හැකියාවක් නැති නම් ඒත් නින්ද ඔයාගෙන් ඈතට යනවා. මානසික ආතතිය හා පීඩනය, විවිධ රෝගී තත්ත්වයන් නිසා ඔයාට නින්ද අහිමි වෙන්න තියෙන ඉඩකඩ ඉතාමත් වැඩියි. ඔයා දන්නවානේ සමාන්‍යයෙන් නිදා ගන්න අවශ්‍යතාව තිබිලත් ඔයාට නිදා ගන්න හැකියාවක් නොමැති වීම ඔයාව තව තවත් මානසික වගේම ශාරිරික වශයෙන් අපහසුතාවට පත් කරනවා කියලා. ඉතිං අද හැඩකාරී අපි ඔයාට කියලා දෙනවා නිදා ගන්න බැරුව අපහසුතාවෙන් ඉන්න ඔයාට පහසුවෙන් නිදා ගන්න උදව් වෙන පානයක් ගැන.

ඔයාට ඉක්මනින් නින්ද කැන්දන මේ පානය සකස් කර ගන්න ඕන කරන්නේ හරිම පුංචි දේවල් ටිකක්. අමන්ඩ් කිරි කෝප්පයක්, තලාගත් කරදමුංගු, ඉඟුරු ස්වල්පයක්, කහකුඩු ස්වල්පයක්, මී පැණි වැනි පොඩි අමුද්‍රව්‍යය ටිකක් තමයි ඔයාට මේ පානය වෙනුවෙන් අවශ්‍ය වෙන්නේ.

හැඩකාරී අපි ඔයාට කිව්ව මේ අමුද්‍රව්‍ය ටික හොයා ගත්තට පස්සේ හරිම පහසුවෙන් මේ පානය සකස් කරගත හැකියි. මුලින්ම භාජනයක් පිරිසිදු කරගෙන කිරි ටික රත් කර ගන්න. මදක් රත් වීගෙන එනකොට මුලින් කිව්ව කරදමුංගු, ඉඟුරු, කහකුඩු ආදී සියල්ල එකතු කරලා හොඳින් මිශ්‍ර කරන්න. ටික වේලාවක් යනකොට කිරි එක හොඳින් උතුරන්න පටන් ගන්නවා. එතකොට ඔයාට තියෙන්නේ මී පැණි ටිකක් එකතු කරලා නිදා ගන්න කලින් පානය කරන එක.

ඉතිං නින්ද යන්නේ නැති ප්‍රශ්ණයක් ඔයාට තියෙනවා නම් දැන් පමා වෙන්නේ නැතුව මේ කිව්ව පානය නිවසේදීම හදා ගන්න පුළුවන්. එළකිරි හැර ඕනෑම කිරි වර්ගයක් මේ පානය වෙනුවෙන් ඔයාට භාවිත කළ හැකියි. ඔයා මේ පානය හදා ගන්නකොට හොඳින් කහ මිශ්‍ර කරනවානේ. ඉතිං කහ මගින් ඔයාගේ සිරුරේ තියෙන විඩාව, ආතතිය වැනි තත්ත්වයන් මගහරිනු ලබනවා. අන්න එතකොට තමයි ඔයාට හොඳින් සුව පහසු නින්දක් ලබා ගන්න පුළුවන් වෙන්නේ. ඒ විතරක් නෙමෙයි මී පැණි කියන්නේ ඉතාමත් ගුණදායක ඔසුවක් කියලා ඔයා දන්නවානේ. මෙහි අඩංගු පෝෂක සංඝටක ඔයාට සුව පහසු නින්දක් ඉක්මනින් ලබා දෙනවා. ඉතිං ඔයාටත් හීන දැක දැක නිදා ගන්න ඕන නම් පමා නොවී මේ පානය බොන්න කියලයි හැඩකාරී අපි ඔයාට කියන්නේ.

Related Articles

Featured Articles

Trending Articles

අපේ ජනප්‍රියම ලිපි

10 symptoms shows you are pregnant
   34,100
   86

කවුරුත් නොකියන ගැබ්ගත් බව අඟවන ලක්ෂණ 10ක්

ගැබ්ගත් කාන්තාවන් පීරියඩ්ස් නවතින එක, පියයුරු මෘදු වෙන එකට වඩා වෙනස් අත්දැකීම් වලට මුහුණ දෙනවා. නමුත් මේවා ගැන අනිත් අයට කියනවා අඩුයි. ඔබ මේ ලක්ෂණ දැනන් සිටින එක නුවණට හුරුයි කියලා අපි හිතුවා
Don't ever think of marring these 5 men
   39,610
   83

මේ පිරිමි පස් දෙනාගෙන් එක්කෙනෙක් එක්ක විවාහ වෙන්න තියා හිතන්නවත් එපා

හැබැයි ඒක එහෙම වෙන්න නම් අනිවාර්යෙන් සැමියාගෙන් සහයෝගය ලබෙන්නම ඕන. ඒත් ඔයාට හමු වෙලා ඉන්නේ මේ වගේ පෙම්වතෙක් නම් කවදාවත් පවුලේ වත් ඔයාගේ වත් සතුට ආරක්ෂා වෙයි කියලා
Things to do to avoid heart attack risk
   8,207
   71

හෘදයාබාධ අවදානමෙන් මිදෙන්න මේ දේවල් පුරුදු කර ගන්න

හෘදයාබාධයක් වැනි දරුණු අසනීපයක් ඇති වෙන්න කලින් ඔයාගේ පරිස්සම ගැන හිතලා මේ දේවල් අනුගමනය කරන්න
Day to day tips for a outstanding beauty
   23,523
   35

කැපීපෙනෙන රූපයකට එදිනෙදා ජීවිතයේදී හැමෝටම වැදගත් ටිප්ස් 04ක්

එදිනෙදා ජීවිතයේදී හැමෝටම වැදගත් වන සිරුරේ වයස් ගත ස්වභාවය පාලනය කර ගැනීම සඳහා උපකාර වන උපදෙස් ස්වල්පයක් කියන්නයි යන්නේ
Dress patterns for flower prints
   28,623
   32

මල් ගවුම් අඳින්න කැමති රුවැත්තියන්ට ගවුම් පැට්න්

විශේෂයෙන් මේ කාලෙට මල් ප්‍රින්ට් එක තියෙන රෙද්දෙන් නිමැවුනු ගවුම් අඳින්න ගැහැනු අපි ලොකු කැමැත්තක් දක්වනවා. ඉතින් මේ ගවුම් මෝස්තර ටික බලන්න ඔයා කැමති පැට්න් තියෙනවද කියලා

Latest Articles

Most Viwed