How to have a beautiful skin with green gram ~ මුං ඇට වලින් පද්මාවතී වගේ දිස්නේ ගහන රූප ස්වභාවක් ලබා ගන්න

හැමෝම කැමති කවුරුත් අතරේ කැපිලා පේන විදිහට සුන්දරව, ලස්සනට ඉන්න. ලස්සනට ඇඳ පැළඳ ගෙන තමන්ගේම සුන්දරත්වය විදින්න යුවතියන් හරිම කැමතියි. අද සමාජයේ යුවතියන්ගේ ලස්සන වීමේ සිහිනය වෙනුවෙන් රූපලාවණ්‍ය ක්ෂේත්‍ර කටයුතු වලට විශේෂ ජනප්‍රියතාවයක් හිමි වෙනවා. හැමදාම වගේ ඔයාගෙ රූපය ගැන සැළකිලිමත් වෙන අපි, ඔයාට පද්මාවතී වගේ දිස්නේ ගහන රූප ස්වභාවක් මුංඇට වලින් ලබාගන්නේ කොහොමද කියලා කියන්නයි යන්නේ.

මුං ඇට කියන්නේ ගුණදායක ධාන්‍ය වර්ගයක් විතරක් නෙමෙයි, රූපලාවණ්‍ය ක්ෂේත්‍රය සඳහාද බොහොම වැදගත් වෙන අමුද්‍රව්‍යයක්. මුං ඇට ඕනෑම සමකට උචිතයි. මුං ඇට දිදුළන සමකට, වියළි සමකට, කුරුලෑ සහිත සමකට වඩාත් යෝගය වන අතර සමට අවශ්‍ය නිරෝගිමත් බව පෝෂණය ලබා දී ස්වභාවික දීප්තියක් ලබා දෙනවා. ඔන්න හැමදාම වගේ හැඩකාරී අදත් ඔයාට ගෙදර ඉඳලම ලස්සන පෙනුමක් ලබාගන්න පුළුවන් සත්කාරයක් ගැන කියලා දෙන්න තීරණය කළා. මුං ඇට කියන්නේ රූපලාවන්‍යයට බාහිර සත්කාර පමණක් නොව අභ්‍යන්තර ඖෂධයක්ද වෙනවා.

පළමුව හැඩකාරී අපි කියලා දෙන්නේ කුරුලෑ සහිත සමකට මුං ඇට,

මුං ඇට
එළගි තෙල්
මුං ඇට, රාත්‍රියක් පෙඟෙන්නට දමා අඹරා එළගි තෙල් සමග මිශ්‍ර කර ගෙන මුහුණෙහි ආලේප කරන්න. මෙම මිශ්‍රණය සතියකට තෙවරක්වත් අලේප කර හොඳින් සම්භාහනය කර සිසිල් ජලයෙන් සෝදා තෙතමාත්තු කරන්න. ඔයාගේ මුහුණේ ඇති කුරුලෑ වලට විසඳුමක් ලෙසත් ලප කැළැල් ඉකමනින් ඉවත් කර ගැනීමටත් ස්වාභාවික දීප්තියක්ද මේ සත්කාරයෙන් ලබා ගන්න පුලුවන්.

දෙවෙනුව හැඩකාරී අපි කියලා දෙන්නේ වියළි සමකට මුං ඇට,

මුං ඇට
මි කිරි
රැයක් පුරාවට මුං ඇට පෙඟෙන්නට තබා මි කිරි සමග මිශ්‍ර කර මුහුණේ සහ ගෙලෙහි අලේප කරන්න. මෙමගින් ඔයාගේ මුහුණේ ඇති අධික හිරු කිරණට පිලිසිණු ස්ථාන සහ අඳුරු පැහැය අවම කර දීප්තිමත් බවක් ලබා දෙනවා. තවද සමේ තෙතමනය ආරක්ෂා කර ගැනීමටද මහත් උපකාරයක් වෙනවා. මුං ඇට සත්කාරය මගින් වියලි සමක් ඇති යුවතියන් සදහා සුන්දර දීප්තියක් හිමි කර ගන්න පුළුවන්.

තෙවෙනුව හැඩකාරී අපි කියලා දෙන්නේ දීප්තිමත් සමකට මුං ඇට,

මුං ඇට
මි පැණි
පොල් තෙල්
රැයක් පුරාවට මුං ඇට පෙඟෙන්නට තබා අඹරා ගන්න. අඹරා ගත් මුං ඇට වලට මි පැණි සහ පොල්තෙල් ස්වල්පය බැගින් මිශ්‍ර කර ෆේස් මාක්ස් එකක් හදා ගන්න. පසුව මුහුණේ අලේප කර විනාඩි 20කින් පසුව සිසිල් ජලයෙන් සෝදා හරින්න. මෙම සත්කාරය දවසක් හැර දවසක් අලේප කිරීමෙන් යහපත් ප්‍රතිඵල ලබා ගන්න පුළුවන්. සම නිරෝගිමත් කර සමට අවශ්‍ය පෝෂණය ලබා දෙනවා.