කෑම ගැන කියන මේ දෙවල් මගහරින්න හිතන්නවත් එපා

June 6, 2019
2,352
Never neglect theses facts about food
ආහාර අපේ ජීවිතයේ පැවැත්මට හේතු වුනත් අහිතකර විදිහට ආහාර සකස් කර ගැනීම නිසා ඇති වෙන අතුරු ප්‍රශ්නත් සරලව සැලකිය යුතු නැහැ. විටින් විට මේ ගැන පුවත් අපේ හැඩකාරියන්ටත් ඇහෙනවා ඇති. එහෙම නැත්නම් අපි අතරේම අපේම සමීප උදවියටත් මේ තත්වයෙන් අනන්ත බැට කෑමට සිදු වෙලා ඇති.
විශේෂයෙන් පාසල්, ඇගළුම් කර්මාන්තශාලා වගේම වෙනත් විදිහකින් කිව්වත් සමූහව ආහාර සකස් කරන ස්ථානවල මේ වස විස වීම් ඉතාම ඉහලින් ඇති වෙනවා.

ඒත් දැන් කාලා හුඟාක් වෙලානේ..

ඇත්ත... ආහාරයක් උගුරෙන් පහලට යන විටම ඒ ගැන ප්‍රතිචාර ලැබෙන්නේ නැහැ. ශරීරයෙන් ආහාරය ප්‍රතික්ෂෙප කරන කාලය පැය බාගයේ සිට පැය පහක් වැනි කාලයක් දක්වා විය හැකියි.

ඉතින් දැනෙන්නේ කොහොමද...?

ඒ ගැන නම් කතා ඕන නැහැ. වමනය, මල බුරුල් වීම, හිසරදය, උදරයේ වේදනාව... ඔන්න ඔය විදිහට ආහාරය ප්‍රතික්ෂෙප වීමේ ලකුණු අපිට දැනෙනවා. මේ තත්වය බොහොම දරුණු අතට හැරෙන්න පුලුවනි. වමනය, පාචනය නිසා ඇති වෙන විජලන තත්වය මරණයට වුනත් හේතුවක් විය හැකි තරම් දරුනුයි.

ආහාර විස වෙන්නේ කොහොමද...?

සාමාන්‍ය ජීවිතයේදී ආහාර පිසීම සහ ආහාර පරිභෝජනය අතර කාලය වැඩි වෙත්ම ඒ ආහාරයට බැක්ටීරියාවන් ඇතුලු වීමට තිබෙන අවදානමත් වැඩියි. උත්සවයන්හිදී, චාරිකා යන විට පිසින ලද ආහාර අනුභවයට ගත වෙන කාලය වැඩියි. විශේෂයෙන් හාල් කිලෝග්‍රෑම් පණහක් හැටක් පිස ඒවා පිසින ලද භාජනයේම නිවෙන්න තබනවා. එවිට මතුපිටින් සිසිල් ගතියක් ඇති වුනත් ඇතුලත උෂ්ණත්වය ඒ අන්දමින්ම පවතිනවා. වාහන මගින් මේ ආහාර ප්‍රවාහනය කරන විටත් ඇති වෙන රත්වීම ආහාරයේ නරක් වීමට බලපානවා. ශීතකරණයකදී වුනත් ආහාරය ඉවතට ගත යුත්තේ අනුභවයට ආසන්න වේලාවේදියි. ඒ වගේම සීතල ගතිය ඉවත් වෙන තෙක් රත්කර ගැනීමත් වැදගත්.

ශීතකරණය නිසා විදුලි බිල වැඩි වෙනවා…

මේ ගැන නම් හිතන්න එපා. ඊට වැඩිය අසීරුතාවයකට ඔබ වැටෙන්න ඉඩ තිබෙනවා. ආහාර ගබඩා කිරීමේදී ප්‍රශස්ත උෂ්ණත්වය තුල ගබඩා කිරීමෙන් එහි ගුණාත්මක බව ආරක්ෂා කර ගන්න පුලුවනි. ඒ තත්වය සාමාන්‍ය ශීතකරනයේදී නම් සෙන්ටිග්‍රේඩ් අංශක හතරක්. අධිශීතකරනයේදී නම් අංශක 18 ක් තුළ ගබඩා කිරීම අවශ්‍යයි. ඇතැම් ව්‍යාපාරිකයන් වුනත් රාත්‍රි කාලයේදී ශීතකරනය ක්‍රියාවිරහිත කිරිම එහෙම නැත්නම් සීරුමාරු කිරීම නිසා ආහාර නරක් වීමට පුලුවනි.

මස්, මාලු , කිරි, බිත්තර, වැනි ආහාර ක්ෂුද්‍ර ජීවින්ට ඉතා හිතකරයි. ඒ නිසා මේ කාණ්ඩයේ ආහාර ඉක්මනින් පිළියෙල කර ගැනීම, නියමිත උෂ්ණත්වයේ රත් කර ගැනීම, මගින් ආහාර විෂ වීමේ රෝග තත්වයන්නේ පහසුවෙන් දුරස්ථ වීමට පුළුවන්. ආහාර වර්ග නිසි පරිදි වියලා නොගත් විට ඇති වෙන විෂ (Aflatoxin) ධූලක ඉතා අහිතකර විදිහට අපේ සෞඛ්‍යට බලපාන්න පුලුවනි. මිරිස්, පොල්, රටකජු, වැනි ආහාරවලින් ශරීරගත වෙන විෂ ධූලක නිසා අක්මාව, වකුගඩු ආශ්‍රිත රෝග තත්වයන් ඇති වෙන්න පුලුවනි. ආහාරයක පුස් ගතිය දුටු විට අපි කරන්නේ ඒ පුස් කොටස ඉවත් කර සෙසු කොටස් ආහාරයට ගැනීම පුස්නල අන්තර්ගත විෂ ධූලක නිසා අපේ සෞඛ්‍යයට අවදානමක් ඇති වෙන බව අමතක කරන්න එපා.

එකම තෙල් වර්ගයෙන් නැවත නැවත බැදීමත් වගේම මඤ්ඤොක්කා, අලපෙති බදින විට ප්ලාස්ටික් බෝතලයක් තෙලට යොදා ගත් විට සුළං නොවදින බවට තිබෙන විශ්වාසය නිසා මෙවැනි කටයුතු ඒවා ආහාරයට ගන්නා අයට ඉතාම අහිතකර විදිහට බලපානවා. පළතුරු ඉදවීමට යොදන කාබයිට්, කිතුල්පැනි පලදාව වැඩි කර ගැනීමට එහි කඳ හාරා යූරියා යෙදීම නිසා එහි විපාක අපිට දැන් අත්විදින්න සිදු වී තිබෙනවා. මඤ්ඤොක්කා සෛලවල අඩංගු ‘‘ සයනොජෙනික් cyanogenic glucoside ග්ලුකොසයිඩ් සහ ලිනමර්ස් Linemarase එන්සයිම ඉතාම අහිතකර විදිහට බලපාන්න පුලුවන්. මෙම සංයෝග වෙන් වෙන්ව පිහිටීම හානියක් නොවුනත් එකට සංයෝග වීම අහිතකරයි. ඒ නිසා මඤ්ඤොක්කා තම්බන විට වැසුම් ඇර තැම්බිම, පලුදු වුන අල, නිල් පැහැති ඉරි ගිය අල ආහාරයට සුදුසු නැහැ. තිත්ත රස සහ පැණි රස මඤ්ඤොක්කා ලෙසින් වර්ග දෙකක් තිබෙනවා. එයින් ආහාරයට වඩාත් සුදුස පැණි රස වර්ගයයි. ඒ නිසා මේ විෂ ගතිය මගහරවා ගැනීමට මුරුංගා කොළ එක් කිරීම අතීතයේදී භාවිතා කළ ක්‍රමයක්.

තොරතුරු - පේරාදෙණිය විශ්ව විද්‍යාලයේ ආහාර විද්‍යා හා තාක්ෂණ අංශයේ මහාචාර්ය සහ ශ්‍රි ලංකා පෝෂණවේදීන්ගේ සංගමයේ සංස්කාරක ටෙරන්ස් මදුජිත් මහතා.

එන්. ඒ. පි. සි

Related Articles

Featured Articles

Trending Articles

අපේ ජනප්‍රියම ලිපි

Short term memory loss symptoms diagnosis and treatment
   256
   196

කෙටිකාලින මතකය නැතිවීම, රෝග ලක්ෂන, හේතු සහ ප්‍රථිකාර

කාන්තා අප එතරම් මේ ගැන සැලකිළිමත් නොවූවාට.. මේ තත්ත්වය අපේ ජීවිතය සම්පූර්ණයෙන් කණපිට හැරවීමට පවා හේතු වෙන බව ඔබ දැනුවත් වී සිටීම වැදගත්…
Must have frocks for woman (part 02)
   24,770
   188

ගවුම් අඳින්න කැමති යුවතියකට තිබිය යුතුම ගවුම් වර්ග - (02 කොටස)

ඔයාට තවත් ලස්සනට අඳින්න පුළුවන් ගවුම් වර්ග මොනවාද කියලා
Do not do these after sexual intercourse
   1,945
   169

ලිංගික සංසර්ගයෙන් පසු මේ දේවල් නම් කරන්න එපා

ලිංගික එක්වීමකින් පසු ඔබ විසින් අනිවාර්‍යෙන් වැළකිය යුතු කරුණු පිලිබදව ඔබ දැනුවත්ද..? කාර්‍යක්ෂම ලිංගික ජීවිතයක් ගතකරන ගමන්ම ඔබ වැළකී සිටිය යුතු ප්‍රධාන කරුණු 6 ක් පිළිබදව හැඩකාරි අපි ඔබට ඉදිරිපත් කරනවා
Energy Boost Mango Juice
   3,299
   72

උදේට බීලා යන්න ශක්තිජනක අඹ ජූස්

අපි ගොඩක් අය පුරුදු වෙලා ඉන්නේ උදේට තේ එකක් කෝපි එකක් බොන්නනේ. ඒත් ඒකෙන් සතියට දවස් තුනක් වත් අයින් වෙලා පළතුරු ටිකක් කන්න, බොන්න පුරුදු උනොත් ඔයාගේ, ඔයාගේ පවුලේ අයගේ යහපත් සෞඛ්‍යයට හොඳ ආරම්භයක් වෙයි
How to keep your feet beautiful
   44,820
   72

මුහුණේ වගේම දෙපා වල ලස්සන රැක ගන්නේ මෙහෙමයි

ගොඩාක් වෙලාවට අපේ දෙඅත් සහ දෙපා නිතරම හිරු එලියට නිරාවරණය වෙනවා. මුහුණට වඩා ඉක්මනට කුණු දුවිලි එක්ක ගැටෙනවා. එනිසා අනිවාර්යෙන් විශේෂ සත්කාරයක් දෙපා වෙනුවෙන් ලබා දෙන්නම ඕන

Latest Articles

Most Viwed