ලුණු… දිවට රස වුනත් මෙහෙම ප්‍රශ්ණත් තියෙනවා

July 13, 2019
4,408
Problems with using salt
අපි නිතරම දිවට රස ලුහු බැඳ යනවා මිසක එයින් ඇති වෙන අතුරු ආබාධ ගැන සැලකීමක් නැහැ. ලුණු ගැන කතා කලොත් අධි රුධිර පීඩනයේ ගොදුරු බවට අපි පත්ව සිටින්නේ දිව ඉල්ලන විදිහටම ලුණු රසය ලබා දෙන නිසයි. එහෙමනම් අපි ලුණු ආහාරයට ගත යුත්තේ කොහොමද… මේ ගැන අදහස් ඉදිරිපත් කරනු ලැබුවේ පේරාදෙණිය විශ්ව විද්‍යාලයේ ආහාර විද්‍යා හා තාක්ෂණ අංහයේ මහාචාර්ය සහ ශ්‍රි ලංකා පෝෂණවේදීන්ගේ සංගමයේ සංස්කාරක ටෙරන්ස් මදුජිත් මහතා විසින්. ලුණුවල අඩංගු ප්‍රධාන සංඝටකය වෙන්නේ සෝඩියම් ක්ලෝරයිඩි (sodium chloride) එය ප්‍රතිශතයක් විදිහට 78%‍ ක්. ලවණ සහ කැල්සියම් ලවණත් ලුණුවල ඇතුලත්. මුහුදු වතුරේ ජලය වාෂ්ප කර ගෙන ලුණු නිෂ්පාදනය වෙන අතර ඒ අවස්ථාවේදී මුහුදු ජලයේ තිබෙන මැග්නීසියම් සහ කැල්සියම් වැනි ලවණ වර්ග ලුණුවලට එකතු වෙනවා.

ලුණු…. අම්මෝ… එපා.

ඒත් ලුණු එහෙම නැත්නම් සෝඩියම් කුඩා ප්‍රමාණයක් අපේ සිරුරට අවශ්‍යයි. සිරුරේ ලවණ සමතුලිතාවය හා අම්ල භස්ම සමතුලිතතාවය පවත්වා ගැනීමටල ස්නායු සන්නිවේදනයට වගේම ශරීරයේ මාංශ පේශි ක්‍රියාකාරිත්වයට ලුණු අත්‍යවශ්‍ය වෙනවා.

ලෝකයේ පැරණි ශිෂ්ටාචාරවල පවා ලුණු භාවිතයට ගත් බව සඳහන්. ආහාර කල් තබා ගැනීමට ලුණු යොදා ගත්තා. ගර්කින්, අච්චාරු, ජාඩි මේ විදිහට ලුණු යොදා ගෙන කල් තබා ගත් ආහාර අතරට ගැනෙනවා. ශ්‍රි ලාංකීය සංස්කෘතියේත් ලුණු සුවිශේෂී රසකාරකයක් විදිහට භාවිතා කළා. සත්ව පරිණාමය දිහා බලන විටත් බොහෝ ක්ෂිරපායී සතුන්ද නිර්මානය වී සිටින්නේ ලුණු ස්වල්පයක් පරිභෝජනය කිරීමටයි.

එහෙම නම් ලුණු මාත්‍රාවක් තිබෙනවාද…?

වැඩිහිටියෙක් දෛනිකව ලබා ගත යුතු ලුණු මාත්‍රාව ගැන ලෝකයේ විවිධ රටවල් මගින් නිර්දේශ කර තිබෙනවා. අතීතයේදී අපේ මුතුන් මිත්තන් මේ තරම් අධිකව ලුනු පරිභෝජනය කලේ නැහැ.

දෛනික සෝඩියම් ප්‍රමාණය ඉතා පහසුවෙන් අපි ආහාරයට ගන්නා එලවලුල පළතුරු සහ ධාන්‍ය මගිනුත් ලැබෙනවා. එලවළු සහ පළතුරුවල සෝඩියම් අඩුයි. පොටෑසියම් වැඩියි. ඒත් මේවා සකස් කළ ආහාර විදිහට වෙනස් වුනාම සෝඩියම් ඉහළ ගොස් පොටෑසියම් පහළ බසිනවා. කිරි වලින් චීස් හදන විට සෝඩියම් එකතු වෙනවා. හාල් වලින් බිස්කට් හැදුවාම සෝඩියම් ප්‍රමාණය හාල්වලට සාපේක්ෂව ඉහල යනවා. අඹ වලින් ජෑම් හැදුවාම අඹවලට සාපේක්ෂව ජෑම්වල සෝඩ්යම් වැඩියි.

අධික දහඩිය පිටවෙන අයට තාවකාලිකව සෝඩියම් ඌනතාවයක් ඇති වෙන්න පුලුවනි. ඒ වගේ වේලාවට ලුණු ස්වල්පයක් එක් කරන ලද බීම පානයෙන් මෙම ඌනතාවය වලක්වා ගන්න පුලුවනි. ශරීරයට වැඩිපුර ලුණු ලබා ගත්තාම පිපාසය දැනෙනවා. එවිට වැඩිපුර ජලය පානය කළාම සෝඩියම් ජලය සමග බැහැර වෙනවා.

ආහාර රස ගැන්වීමට යම් ලුණු ප්‍රමාණයක් එකතු කළත් පමණ ඉක්මවා ලුණු ආහාරයට ගැනීම අහිතකරයි. ඒ මගින් අධි රුධිර පීඩනය, හෘදයාබාධ සහ ආඝාත වැනි රෝග සඳහා සෘජු බලපෑමක් ඇති කරනවා. දැනට හඳුනා ගෙන තිබෙන විදිහට අධිකව ලුණු පරිභෝජනය කරන පිරිස් අධිරුධිර පීඩන තත්වයන්ට ගොදුරු වෙන අවදානම වැඩියි. වයසත් සමග අපේ රුධිර පීඩනය ඉහල යෑම සාමාන්‍ය තත්වයක්. ඒ නිසා ලුණු වෙනුවෙන් සීමා පනවා ගැනීම නිසා අතීතයේදී වැඩිහිටියන් අතර අධි රුධිර පීඩන තත්වයට ගොදුරු වීමේ අවදානම අඩු තත්වයක පැවැතුනා. ලුණුවලට සංවේදී පිරිස් සිටිනවා. තරබාරුව, වකුගඩු රෝග වැනි තත්වයන්ට පත්ව සිටින අයටත් ලුණු අගුණයි.

අපේ ආහාරයට ලුණු එකතු වෙන ක්‍රම
- බත පිසින විට එකතු කරන ලුණු
- ව්‍යංජන වලට එක් කරන ලුණු
- සුප්, මීට්බෝල්, පපඩම්, බයිට්, අර්තාපල් පෙති වැනි සකස් කළ ආහාර
- සලාද, සුප්, කෝසස් වෙනුවෙන් කෑම මේසයේදී අභිමත විදිහට එකතු කරන ලුණු

ගෙදරදී ලුණු භාවිතය අඩු කර ගන්නේ කොහොමද…?

දිවට නොදැනෙන සේ 50% ක් දක්වා ලුණු අඩු කර ගන්න පුලුවනි.
- ක්‍රමානුකූලව වරකට සුලු ප්‍රමාණයක් විදිහට අඩු කර ගැනීම පහසුයි.
- අල තීරු (potato chips), බයිට්, ටින්මාලු, රටකජු වැනි සකස් කළ ආහර වලින් දුරස් වීම
- කෑම මේසයේදී යොදන ලුණු අඩු කිරීම

එන්. ඒ. පි. සි.

Related Articles

Featured Articles

Trending Articles

අපේ ජනප්‍රියම ලිපි

Think twice before giving these food to your child
   3,253
   60

මේ ආහාර දරුවන්ට දීම නිසා ඇති විය හැකි භයානක තත්ත්වයන් මොනවද කියලා ඔබ දන්නවද?

තවත් සමහර ආහාර දරුවන්ට දිරවා ගැනීමට අපහසුයි. එය දරුවා අපහසුතාවයට පත් කරන්න ලොකු හේතුවක්. ඒ නිසා ඉතාමත් පරිස්සමෙන් වැඩ කරන්න මතක තියා ගන්න
Fashion for a short plus size woman
   23,394
   40

උසින් අඩු මහත ගැහැණු ළමයෙක්ට ගැළපෙනම විලාසිතා මෙන්න

ගොඩක් අය හිතන්නේ සිරුර ටිකක් මහත් වුණාම කිසිම ඇඳුමක් ලස්සනට අඳින්න බෑ කියලා. ඉතිං උසින් අඩු ටිකක් මහත ගැහැණු ළමයෙක්ගේ සුන්දරත්වය වඩාත් කැපී පෙනෙන විදිහේ විලාසිතා මොනවද කියලා බලමු
Dress patterns for flower prints
   31,221
   37

මල් ගවුම් අඳින්න කැමති රුවැත්තියන්ට ගවුම් පැට්න්

විශේෂයෙන් මේ කාලෙට මල් ප්‍රින්ට් එක තියෙන රෙද්දෙන් නිමැවුනු ගවුම් අඳින්න ගැහැනු අපි ලොකු කැමැත්තක් දක්වනවා. ඉතින් මේ ගවුම් මෝස්තර ටික බලන්න ඔයා කැමති පැට්න් තියෙනවද කියලා
Easy  ways to stop hair thinning
   2,885
   29

හිසකෙස් තුනී වීම වැළැක්වීමට පහසු ක්‍රම

මෙම ලිපිය මගින් හැඩකාරි ඔබට ඉදිරිපත් කරන්නේ හිසකෙස් තුනීවීම පාලනය කරගැනීමට ඔබට ගතහැකි පහසු පියවර කිහිපයක් ගැනයි
How much food for kids in 4 to 5 years?
   4,109
   27

වයස අවුරුදු 4ත් 5ත් අතර දරුවකු දිනකට කොපමණ ආහාර ප්‍රමාණයක් ලබා ගත යුතුයිද?

ඔබටත් වයස අවුරුදු 4ත් 5ත් අතර කුඩා දරුවකු සිටිනවා නම් දරුවා දිනකට ප්‍රමාණවත් ආහාර ප්‍රමාණයක් ලබාගන්නවාද? නැතිහොත් දරුවාගේ වයසට ඔබ ලබාදෙන ආහාර ප්‍රමාණවත්ද යන ගැටළුවට විසඳුම් අද හැඩකාරි මේ ලිපියෙන් ගෙනාවා

Latest Articles

Most Viwed