හැර ගිය ආදරය ඔබ නැවත විශ්වාස කරනවාද?

විශ්වාසය බිඳී ගිය පසු සම්බන්ධතාවය පෙර ලෙසම ගොඩ නැගෙයිද? සබඳතා මුල් කාලයේදී එකිනෙකා අතර මුළුමනින්ම විශ්වාසය තබනවා. නමුත් ටික කාලයකට පසු ඔයා නිතරම ඔහු ගැන සැක සහ අනාරක්ෂිතභාවයෙන් පෙළෙන බවක් පෙනෙනවා ද? විශ්වාසය නැවත අලුත්වැඩියා කිරීමට ඔයාට කුමක් කළ හැකිද? එවිට දෙදෙනාම නැවත සතුටින් සිටිය හැකිද යන කරණා මේ ලිපියෙන් අපි කියලා දෙනවා. ඔයාගේ පෙම්වතා ඔයාව රැවටා ඔයාගේ විශ්වාසය කඩ කළ කෙනෙකුව නැවත විශ්වාස කිරීම හරිම අමාරුයි. විශ්වාස කළා වගේ පෙන්නුම් කරත් පරණ සිදුවීම සැරින් සැරේ සිහියට නැගෙනවා. නැවත වරක් ඔයා ඇති කර ගත් විශ්වාසය කඩ වේවි කියලා ඔයා බිය වෙනවා.

01. විශ්වාසය ඇති කර ගැනීමට කාලයට ඉඩ දෙන්න

02. ඔහු නිසා එක් වරක් ඔයා වේදනාවට පත් වුණා.. එ නිසා නැවත වරක් වේදනාවට පත් වීමට ඉඩ ඇති බව තේරුම් ගෙන සිත ශක්තිමත් කර ගන්න

03. ආදරය සහ විශ්වාසය කියන්නේ එක ලඟින් යන කරුණු 2ක් බව මතක තබා ගන්න

ඔයා තුළ වූ බලාපොරොත්තු සුන් කර ගන්න එපා. සබඳතාවයක පදනම වෙන්නේ විශ්වාසයි. බැඳීම් එහෙමත් නැත්නම් සම්බන්ධතා කියන දේ පවතින්නෙ විශ්වාසය ඇත්නම් පමණයි. විශ්වාසයක් නොමැතිව කිසිම බැඳීමක් පවත්වාගෙන යන්න අමාරුයි. ඔයා පෙම්වතාගෙන් බලාපොරොත්තු වෙන විශ්වාසය බිඳුණු තැන බැඳීම් ද බිඳී යනවා සේම ජීවිතය ද අවුල් ජාලාවක් බවට පත් වෙනවා. විශ්වාසය යථා තත්වයට පත් කිරීම සඳහා ඉවසීම යන ගුණාංගය වැදගත් වෙනවා.

ඔයාගේ අතින් වරදක් වී ඔහු තුළ තිබු විශ්වාසය බිදුනොත් ඔබ කල යුත්තේ,

01. සහකරුගෙන් සමාව ඉල්ලන්න. සමාව ඉල්ලීම කියන්නේ ලැජ්ජාවට කරුණක් නෙමෙයි. කරපු වරදක් පිළිගැනීම හොඳ මහත්මා ගතිගුණයක්. ඔයාට ඔහු සමග මිත්‍ර වීමට ඇති උනන්දුව පෙන්විය හැකි හොඳ ක්‍රමයකි

02. බිඳුණු විශ්වාසය නැවත ගොඩා නගා ගැනීම පහසු කාර්යයක් නෙමෙයි. එ නිසා ඔයාගේ සහකරුට හිත හදා ගැනීමට කාලය ලබා දෙන්න

03. ඔයා කියන කරන දේ ගැන ඔහුව දැනුවත් කරන්න

04. ඔයා ඔහු හට දුන් පොරොන්දු එලෙසම රකින්න

05. ඔහුට දැනෙන්න ආදරය කරන්න

06. ඔහුගේ අවශ්‍යතාවයන් ගැන සැලකිලිමත් වන්න