ආකර්ෂණීය රුවක් ඇති කාන්තාවක්ට බෙල්ල මග හැරෙන්නේ කොහොමද?

රූපලාවණ්‍ය හා රූපලාවණ්‍ය ප්‍රතිකාර ගැන කතා කරන විට මුහුණ, හිසකෙස්, අත් සහ පාද කෙරෙහි අවධානය යොමු කරන්න අවශ්‍යයි.  ගොඩක් අය මෙම කොටස් හොඳින් හැඩගන්වා ගන්න නමුත් බෙල්ල, උරහිස්, අතෙහි වැලමිට වැනි ශරීර කොටස් වලට එතරම් සැළකිල්ලක් දක්වන්නේ නැහැ. නමුත් ඔබේ මුහුණට ඇති සැලකිල්ලම බෙල්ලටත් අවශ්‍යයි. ඔබේ බෙල්ලේ සම රැළි වැටීම හා අවපැහැ වී ඇත්නම් ආකර්ෂණීය පෙනුමක් ලැබෙනවද? වියළි හිසකෙස්, කළු වැලමිට සහ ඉරිතැලීම් නිසා ඔබේ සරාගී පෙනුමට බාධාවක් වෙනවා. එබැවින් ඔබේ බෙල්ල, උරහිස්, අත් සහ වැලමිට රැකබලා ගැනීම ද වැදගත් කාර්යක්. අද හැඩකාරී අපි ඔයාට ආකර්ෂණීය රුවකට බෙල්ල පැහැපත් කර ගැනීමේ සත්කාර ගැන මේ ලිපියෙන් කියලා දෙනවා. 

කළ යුතු පළමු දෙය නම් ඔබේ නිකට අසලින් ඔබේ මුහුණ නතර වේ යැයි සිතීම නතර කරන්න. ඔබේ බෙල්ල ඔබේ මුහුණේ කොටසක් ලෙස සිතන්න. ඔබ ඔබේ මුහුණ සෝදා ගන්නා සෑම විටම ඔබේ බෙල්ලද සෝදන්න. ඔබ ඔබේ මුහුණේ යමක් අලේප කරන්නේ නම්, එය ඔබේ බෙල්ලට ආලේප කිරීමට මතක තබා ගන්න, නැතහොත් ඔබේ මුහුණ සහ බෙල්ල අතර අවිනිශ්චිත වර්ණ වෙනසක් ඇති වෙනවා. සෑම රාත්‍රියකම ඔබේ බෙල්ලේ සමට හිතකර ක්‍රීම් ආලේප කිරීම නිසා බෙල්ලේ අවපැහැ ගැන්වීම් සහ රැළි වැටීම් වළක්වා ගන්න පුළුවන්.

ගෙදරදීම කර ගත හැකි සත්කාර..
ඔබේ බෙල්ලේ සම සුදු කර මෘදු කිරීම සඳහා නිවෙස් පිළියම් කිහිපයක් තිබේ. 

01. නැවුම් එළකිරි වලින් ඔබේ බෙල්ල හොඳින් සම්භාහනය කරන්න. කිරි හොඳ පිරිසිදුකාරකයකි. එයින් බෙල්ලේ ඇති කුණු දුවිලි ඉවත් කර ගත හැක.

02. ඔලිව් තෙල් සහ සීනි සමඟ මිශ්‍ර කර හොඳින්  සම්භාහනය කරන්න. මෙය දිනකට තුන් වරක් කර වෙනස අත්හදා බලන්න.

03. කෙසෙල් ගෙඩියක් ගෙන ඔලිව් තෙල් තේ හැන්දක් සමග තලපයක් වනතුරු මිශ්‍ර කරන්න. එය බෙල්ලේ අලේප කර විනාඩි 15කින් සෝදා හරින්න.

04. ලෙමන් හා රෝස් වතුර සමාන කොටස් ගෙන ඔබේ බෙල්ල සම්බාහනය කරන්න. මෙම මිශ්‍රණය එක රැයක් තබා පසුදා උදැසන උණුසුම් ජලයෙන් සෝදා හරින්න.

05. අර්තාපල් යුෂ බ්ලැක් හෙඩ්ස් අඩු කිරීමට ද උපකාරී වේ. අර්තාපල් ගෙන පෙති කපා මිනිත්තු 5 සිට 10 දක්වා ඔබේ බෙල්ලේ කළු ලප මත ආලේප කරන්න.

06. බේකින් සෝඩා, ලුණු සහ ඔලිව් තෙල් සමානව ගෙන ඒවා තලපයක් වන තුරු හොඳින් මිශ්‍ර කර බෙල්ලේ ආලේප කරන්න. මිනිත්තු 20 කින්  පමණ වතුරෙන් සෝදන්න.


සරල ව්‍යායාම…
බෙල්ලේ මාංශ පේශි තද කර ගැනීමට ඔබට උපකාරී වන සරල ව්‍යායාම කිහිපයක් මෙන්න. 

01. සෙමින් හුස්ම ගන්න සහ පපුව මතට පහසුවක් ගෙන දීම සඳහා ඔබේ බෙල්ල පහළට ගෙනෙන්න. ඉන්පසු ඔබේ හිස සෙමෙන් ඔසවා ඔබට හැකි තරම් පිටුපසට නැමෙන්න. 

02. උරහිස් සහ ශරීරය චලනය නොකර ගැඹුරින් හුස්ම ගැනීමත් සමගම ඔබේ බෙල්ල වම් පැත්තට හරවන්න. 

මෙම අභ්‍යාස දෙක දිනකට අවම වශයෙන් දස වතාවක් නැවත නැවත කරන්න.