කතුරුමුරුංගා වලින් නිරෝගි වෙමු. රසට උයමු පිසමු

June 30, 2020
1,155
Goodness of kathurumurunga
කතුරුමුරුංගා අප අතර ඉතාම සුලබ පලා වර්ගයක්.. සුදු මල්, රතුමල්, නිල් මල්, කහ මල් යනුවෙන් ප්‍රභේද කිහිපයක් තිබෙනවා. ආයුර්වේදයේදී කතුරුමුරංගා හැඳින්වෙන්නේ “අගස්ති” යන නමිනුයි. අහසේ අගස්ති තාරකාවට සමාන නිසාත් මේ නම යෙදෙන බව කියනවා. ඒ වගේම සෘෂිවරුන් අතර අගස්ති සෘෂිවරයා තරුණ පෙනුමකින් යුක්තයි. කතුරුමුරංගා වලත් බොහෝ රසායනයන් අන්තර්ගත නිසා අගස්ති යන නම යෙදෙන්නට ඇතැයි සැලකෙනවා.

කතුරුමුරංගා සහ වෛද්‍ය විද්‍යාත්මක ගුණ

කතුරුමුරුංගා පෝෂණ ගුණ බහුලව තිබෙන ශාඛයක්. විටමින් A, B වගේම කැල්සියම් බහුලයි.

මද්‍යසාර නිසා ඇති වෙන අක්මා රෝග තත්වයට වගේම සෙංගමාලය නිසා අක්මාවට ඇති වෙන හානිය සඳහාත් කතුරුමුරුංගා ගුණදායකයි.

ඇස් රෝග වෙනුවෙන් මෙන්ම රාත්‍රි අන්ධකාරයටත් වගේම හතලිස් ඇඳිරියේදී සහනය ලබා ගැනීමට පීකුදු සමග එකට යොදා කතුරුමුරුගා කොළ පිස ගැනීමෙන් ගුණදායකයි.

අපි සාමාන්‍ය රෝග වෙනුවෙන් කතුරුමුරුංගා යොදා ගන්නවා. කට දිව වන වීම. උෂ්ණ බිබිලි වලදී කතුරුමුරුංගා කොල මලවා ආහාරයට ගන්නවා. ඒ වගේම කිරි හොද්ද පිස එයට කතුරුකොල එක් කර ගෙනහොද්ද යාන්තම් බුබුලු දමන විට බා ගන්නවා. මෙහි තන්තු බහුල නිසා ආහාර ජීරණය පහසු කරනවා. මල බද්ධය ඇති විට කතුරුමුරුංගා කොල ව්‍යංජනයක් විදිහට ආහාරයට ගන්නවා. වර්තමානයේ පපඩම් සමග ගැඹුරු තෙලින් බැද ගත් කතුරු කොළ එක් කර ගන්නවා.

තුනටිය වේදනාව සහ හන්දි ඉදිමුම නිසා ඇති වෙන වේදනාවේදී කොළ සහ පොතු අඹරාගෙන ආලේප කිරීම ගුණදායකයි. සාමාන්‍ය
තුවාල වෙනුවෙන්ද මේ ආලේපය යොදා ගත් විට එය පිරිසිදු වී දින කීපයකින් සුවය ලැබෙනවා.

ලස්සන වෙන්නත් පුලුවනි..

හමේ ඇති වෙන ලප කැලැල් මකා ගැනීමට කතුරුමුරුංගා කොළ ඉස්ම ආලේප කිරීම ගුණදායකයි. යටි පතුල් පැලෙන අපහසුතාවය අපි අතර ඉතා සුලබයි. මේ තත්වය නිසා වේදනාව වගේම පාදවල තිබෙන අලංකාර බව නැති වෙනවා. ඒ අපහසුතාවයට පිලියමක්
විදිහට කතුරුමුරුංගා මුල් වියලා කුඩු කර ගෙන මීකිරි සමග මිශ්‍ර කර ආලේප කරන්න.

කතුරුමල් වලින් පිස ගන්නා ආහාර

අපි කතුරුමුරුංගා මැල්ලුමක් විදිහට පිලියෙල කරද්දී යාන්තම් බටර් ටිකකින් තෙම්පරාදු කර ගතහොත් රසය වැඩියි. ඒ වගේම බිමට ගෙන දෙහි ඇඹුල් ස්වල්පයක් එක් කරන්න. සියඹලා කොලයට සමාන හැඩ රුව ඇති මෙම පත්‍ර ලියා ගෙන වගේම කොළ විදිහටත් සකසා ගත හැකියි. සලාදයක් විදිහටත් කොළ ලියා ගෙන අමුමිරිස්, රතුළූනු , උම්මලකඩ එක් කරන්න. අවශ්‍ය පමණට ලුණු සහ පොල්ද දෙහි ඇඹුල්ද යොදා ගෙන සලාදය පිලියෙල කර ගත හැකියි.

පාන් පිටි කෝප්ප 4/1 ක් පමණ පොල්කිරිවලින් දියකර ගෙන කොකිස් බදින පදමට සාදා ගෙන එහි කතුරු මල් පෙති තවරා ගැඹුරු තෙලේ බැදගන්න.

ඒ වගේම කතුරුමල් සිහින්ව ලියා ගෙන එයට රතුළූණු, අමුමිරිස්, කරපිංචා, උම්මලකඩ ලියාගෙන එක් කරන්න. බටර් හෝ පොල්තෙල් ස්වල්පයක් ලිප තබා එයට මෙම මිශ්‍රනය දමන්න. මිරිස්, කහ, ලුණු, තුනපහ ඇති පදමට දමන්න. මිටිකිරි ස්වල්පයක් එක් කර ගෙන එය පැසුන විට ආහාරයට ගන්න.

එන්.ඒ.පි.සි

Related Articles

Featured Articles

Trending Articles

අපේ ජනප්‍රියම ලිපි

Short term memory loss symptoms diagnosis and treatment
   273
   207

කෙටිකාලින මතකය නැතිවීම, රෝග ලක්ෂන, හේතු සහ ප්‍රථිකාර

කාන්තා අප එතරම් මේ ගැන සැලකිළිමත් නොවූවාට.. මේ තත්ත්වය අපේ ජීවිතය සම්පූර්ණයෙන් කණපිට හැරවීමට පවා හේතු වෙන බව ඔබ දැනුවත් වී සිටීම වැදගත්…
Must have frocks for woman (part 02)
   24,774
   190

ගවුම් අඳින්න කැමති යුවතියකට තිබිය යුතුම ගවුම් වර්ග - (02 කොටස)

ඔයාට තවත් ලස්සනට අඳින්න පුළුවන් ගවුම් වර්ග මොනවාද කියලා
Do not do these after sexual intercourse
   1,945
   169

ලිංගික සංසර්ගයෙන් පසු මේ දේවල් නම් කරන්න එපා

ලිංගික එක්වීමකින් පසු ඔබ විසින් අනිවාර්‍යෙන් වැළකිය යුතු කරුණු පිලිබදව ඔබ දැනුවත්ද..? කාර්‍යක්ෂම ලිංගික ජීවිතයක් ගතකරන ගමන්ම ඔබ වැළකී සිටිය යුතු ප්‍රධාන කරුණු 6 ක් පිළිබදව හැඩකාරි අපි ඔබට ඉදිරිපත් කරනවා
Energy Boost Mango Juice
   3,317
   84

උදේට බීලා යන්න ශක්තිජනක අඹ ජූස්

අපි ගොඩක් අය පුරුදු වෙලා ඉන්නේ උදේට තේ එකක් කෝපි එකක් බොන්නනේ. ඒත් ඒකෙන් සතියට දවස් තුනක් වත් අයින් වෙලා පළතුරු ටිකක් කන්න, බොන්න පුරුදු උනොත් ඔයාගේ, ඔයාගේ පවුලේ අයගේ යහපත් සෞඛ්‍යයට හොඳ ආරම්භයක් වෙයි
How to keep your feet beautiful
   44,824
   74

මුහුණේ වගේම දෙපා වල ලස්සන රැක ගන්නේ මෙහෙමයි

ගොඩාක් වෙලාවට අපේ දෙඅත් සහ දෙපා නිතරම හිරු එලියට නිරාවරණය වෙනවා. මුහුණට වඩා ඉක්මනට කුණු දුවිලි එක්ක ගැටෙනවා. එනිසා අනිවාර්යෙන් විශේෂ සත්කාරයක් දෙපා වෙනුවෙන් ලබා දෙන්නම ඕන

Latest Articles

Most Viwed