කිරි කොස්

කොස් කන්න කැමති කවුරුත් කන්න කැමති ව්‍යාංජනයක් තමයි කිරි කොස්. කියනකොටත් කෙල උනන කිරි කොස් රසට හදන හැටි බලමු.

අවශ්‍ය දේ :

හොඳින් පැසුන කොස් මදුලු 25 ක් පමණ
කහ තේ හැඳි බාගයක්
ලුනු ස්වල්පයක්
ගම්මිරිස් තේ හැඳි බාගයක්
තුනපහ කුඩු තේ හැඳි බාගයක්
අමුමිරිස් කරල් දෙක තුනක්
රතුළුණු ගෙඩි කීපයක්
සුදුළුණු බික් හතරක්
කරපිංචා ඉති දෙකක්
රම්පෙ කැබැල්ලක්
උම්මලකඩ කුඩු තේ හැඳි බාගයක්
කුරුඳු කැබැල්ලක්
මිටිකිරි කෝප්ප බාගයක්
දියකිරි කෝප්පයක් හෝ කොස් තැම්බීමට අවශ්‍ය පමණට ගන්න
තෙම්පරාදු කරනවා නම් පොල්තෙල් මේස හැන්දක් පමණ
අබ ස්වල්පයක්

සාදන අන්දම :

01. මුලින්ම කොස් මදුලු දිග අතට කපා ගන්න. ඇට තලා ගන්න. කොස් ඇටත් දෙකට තලා ගත් විට ඉක්මනින් තම්බා ගන්න පුලුවනි.

02. මුලින්ම කොස් ඇට වතුර දමා ලිප තබන්න.

03. කොස් මදුළු වලට දියකිරි එකතු කර වෙනම භාජනයක දමා එයට ලියාගත් රතුළුණු, සුදුළුණු, අමුමිරිස්, රම්පෙ, කරපිංචා, උම්මලකඩ, කහ, ගම්මිරිස්, කුරුඳු ආදිය එකතු කරන්න.

04. කොස් ඇට තැම්බී ගෙන එන විට දියකිරි සමග කොස් මදුළු එකතු කරන්න.

05. මෙය හොඳින් ඉදුන විට මිටිකිරි කෝප්ප බාගයත් එකතු කරන්න. එය පැසෙන විට බිමට ගන්න.

06. කැමැති නම් තෙම්පරාදු කිරීමට, භාජනයක් ලිප තබා තෙල් එකතු කට එය රත් වන විට අබ එකතු කර පුපුරවන්න. රතුලුනු සහ කරපිංචාද එක් කරන්න. ඩැන් එයට කොස් ව්‍යාංජනය එකතු කර කලවම් කර ලිපෙන් ඉවතට ගන්න. තෙම්පරාදු නොකලත් රසයේ වෙනසක් නැහැ.

එන්.ඒ.පි.සි