නිකැළැල් සමක් සඳහා ස්වභාවික සත්කාර කිහිපයක්

October 9, 2020
15,862
Remedies for a spot free face
නව යොවුන් වියේ දරුවන්ගෙන් 90%ක්ම පාහේ කුරුලෑ ප්‍රශ්නයට මුහුණ දෙනවා. ඔයාගේ සුන්න්දරත්වයට බාධාවක් වෙන විදිහට කුරුලෑ කැළැල් ඇති වෙන්න පුළුවන්. ඉතිං කුරුලෑ කැළැල් බොහෝ යෞවනයන් තුළ මානසික පීඩාවන් ඇති කරනවා. නමුත් කැළැල් ඇතිවීම සාමාන්‍ය දෙයක් බව මතක තබා ගැනීම වැදගත්.

අද හැඩකාරී අපි කුරුලෑ කැළැල් සහ ඇක්නි ලප මකා ගැනීමට උපකාරී වන සමහර නිවෙස් පිළියම් ගැනයි කියන්න යන්නේ. නමුත් මෙම පිළියම් සියලුම සම වර්ගයක් සඳහාම ක්‍රියා කරන්නේ නැහැ. ඒ නිසා මේ විකල්ප අත්හදා බැලීමට පෙර චර්ම විශේෂඥයෙකුගෙන් විමසා බලන්න.

ඇක්නි සහ කුරුලෑ ලප අතර වෙනස
ඇක්නි කැළැල් සාමාන්‍යයෙන් සම මත ආවාට වගේ වලවල් සාදන අතර බොහෝ වෙලාවට සම්පූර්ණයෙන් සුව වෙන්නේ නෑ. කුරුලෑ ලප කියන්නේ කුඩා, පැතලි හා අඳුරු ලප වන අතර මේවා සති කිහිපයකින් ඒවා මැකී යනවා. කුරුලෑවක් කැඩීමෙන් කුරුලෑ කැළැල් ඇති වෙන්න ඇති අවස්ථාව වැඩියි. කොහොම වුණත්, ඒවා ඔයාගේ සමට දිගුකාලීන හානියක් ඇති කරන්නේ නැහැ. ඒත් ඇක්නි කැළැල් සුව වීමට සැලකිය යුතු කාලයක් ගත වන අතර එය සම්පූර්ණයෙන්ම ඉවත් කිරීමට අපහසුයි. ඒ නිසා කුරුළෑ වගේ නොවෙයි, ඇක්නි සුව කිරීමට වෛද්‍ය උපදෙස් ගැනීම කළ යුතුයි.

කුරුලෑ කැළැල් සහ ඇක්නි ලප අඩු කරගන්න සත්කාර කිහිපයක් මෙන්න:

1. දොඩම් ලෙලි කුඩු 
දොඩම් ලෙලි වල ඇති සාරය, මෙලනින් වර්ණක නිෂ්පාදනය අඩු කරන බව ජපානයේ කල පරීක්ෂණකින් සොයාගෙන තියෙනවා. ඉතින් ඇක්නි ලප කැලැල් අඩු කරන්න දොඩම් ලෙලි හොඳ පිළියමක් ලෙස ඔවුන් හඳුන්වනවා.

ඔයාට අවශ්‍ය වන්නේ;
මී පැණි තේ හැඳි 1
දොඩම් ලෙලි කුඩු තේ හැඳි 1

දොඩම් ගෙඩියේ ඉවතලන දොඩම් ලෙලි ටික  හීනියට කපා දවස් දෙකක් තුනක් පමණ අව්වේ වේළාගන්න. අව්වේ වේලා ගත් දොඩම් ලෙලි හොඳින් කුඩු වෙන තෙක් ග්‍රයින්ඩ් කර ගන්න.
මී පැණි සහ දොඩම් කුඩු දෙකම මිශ්‍ර කර ඝන පේස්ට් එකක් සාදා ගන්න. කුරුලෑ කැළැල් හා ඇක්නි කැළැල් ඇති තැන් වලට පේස්ට් එක ආලේප කරන්න. මිශ්‍රණය වියළී ගිය පසු සෝදා හරින්න.
මෙය සතියකට 3-4 වතාවක් කරන්න.

2. පොල්තෙල්
පොල්තෙල් වල කුරුලෑ අඩු කිරීමට උපකාරී වන ප්‍රතිබැක්ටීරීය ගුණ ඇති බව පර්යේෂණයකින් සොයා ගෙන තියෙනවා.

ඔයාට අවශ්‍ය වන්නේ;
පිරිසිදු පොල්තෙල් තේ හැඳි 1ක් 

පිරිසිදු පොල්තෙල් ඔයාගේ අත්ල මත අතුල්ලමින් උණුසුම් කරන්න. කුරුලෑ කැළැල් ඇති තැන් වල අලේප කර පසුදා උදෑසන වන තුරු තබන්න. නින්දට යාමට පෙර සෑම රාත්‍රියකම මෙය කරන්න.
**පොල්තෙල් සිදුරු අවහිර කිරීමෙන් කුරුලෑ නරක අතට හැරෙන බැවින් තෙල් සහිත සමක් ඇත්නම් මෙම පිළියම උත්සාහ කරන්න එපා.

3. කෝමාරිකා ජෙල්
කෝමාරිකා මගින් කුරුලෑ කැළැල් සහ කුරුලෑ ලප අඩු කරන බව සොයාගෙන තියෙනවා.

ඔයාට අවශ්‍ය වන්නේ;
කෝමාරිකා ජෙල් තේ හැඳි 1

කෝමාරිකා කොළ වලින් ජෙල් මේස හැන්දක් සූරලා ගන්න. ලප සහ කැළැල් වල අලේප කර එක රැයක් පමණ එය තබන්න. නින්දට යාමට පෙර සෑම රාත්‍රියකම ඔයාට මෙම සත්කාරය කළ හැකියි.

4. ලෙමන් යුෂ
ලෙමන් යුෂ වල විටමින් C කැලැල් ඇති වීම අඩු කරයි. කාලයත් සමඟ කුරුලෑ කැළැල් සහ ඇක්නි ලප මැකී යන බව ඔබට පෙනෙයි.

ඔයාට අවශ්‍ය වන්නේ;
ලෙමන්
කපු පුළුන්

ලෙමන් භාගයක යුෂ මිරිකා ගෙන කපු පුළුන් වල පොගවා ගන්න. ලප ඇති ප්‍රදේශවල අලේප කරන්න.
මිනිත්තු 10ක් තබා පිරිසිදු වතුරෙන් සෝදා ඉවත් කරන්න.
මෙය සතියකට 3-4 වතාවක් කරන්න පුලුවන්.

** ඔයාට සංවේදී සමක් ඇත්නම්, මෙම පිළියමෙන් සම රතු පැහැයට හා දැවිල්ලකට හේතු විය හැකි බැවින් එය උත්සාහ කරන්න කලින් පොඩ්ඩක් ආලේප කර ටෙස්ට් කර බලා කැළැල් මත ආලේප කරන්න. ලෙමන් යුෂ ආලෙප කිරීමෙන් පසු ඔබ එලියට යනවා නම් සන්ස්ක්‍රීන් එකක් ආලේප කරන්න වගබලා ගන්න.

කහ
කහ කියන්නේ සමේ පිළියම් සඳහා පැරණිතම හා බහුලව භාවිතා කරන ඖෂධයක්. මෙ පිළියම මගින් කුරුලෑ කැළැල් සහ කුරුලෑ ලප මකන්න ලොකු පිටුවහලක් ලබා දෙනවා.

ඔයාට අවශ්‍ය වන්නේ;
කහ කුඩු තේ හැඳි 1
ලෙමන් 1

බඳුනකට ලෙමන් යුෂ මිරිකා කහ කුඩු සමඟ මිශ්‍ර කරන්න. මෙම මිශ්‍රණය ඔයාගේ මුහුණට හා අනෙකුත් බලපෑමට ලක් වූ ප්‍රදේශවලට මෘදු ලෙස අලේප කරන්න.  මිනිත්තු 15 ක් පමණ තබා සෝදා හරින්න.

** ඔයාට සංවේදී සමක් ඇත්නම්, මෙම පිළියමෙන් සම රතු පැහැයට හා දැවිල්ලකට හේතු විය හැකි බැවින් එය උත්සාහ කරන්න කලින් පොඩ්ඩක් ආලේප කර ටෙස්ට් කර බලා කැළැල් මත ආලේප කරන්න. ලෙමන් යුෂ ආලෙප කිරීමෙන් පසු ඔබ එලියට යනවා නම් සන්ස්ක්‍රීන් එකක් ආලේප කරන්න වගබලා ගන්න.

Related Articles

Featured Articles

Trending Articles

අපේ ජනප්‍රියම ලිපි

How to reduce under arm sweating
   6,199
   33

අත් යට දාඩිය දාන එක පාලනය කරගන්නෙ කොහොමද!

ඩියෝඩ්‍රන්ට් එකක් පාවිච්චි කරන එකට අමතරව, මේ හුරු පුරුදු වලින් අනවශ්‍ය විදිහට අත් යට දහඩිය දාන එක පාලනය කරගන්න පුලුවන්
10 symptoms shows you are pregnant
   45,122
   30

කවුරුත් නොකියන ගැබ්ගත් බව අඟවන ලක්ෂණ 10ක්

ගැබ්ගත් කාන්තාවන් පීරියඩ්ස් නවතින එක, පියයුරු මෘදු වෙන එකට වඩා වෙනස් අත්දැකීම් වලට මුහුණ දෙනවා. නමුත් මේවා ගැන අනිත් අයට කියනවා අඩුයි. ඔබ මේ ලක්ෂණ දැනන් සිටින එක නුවණට හුරුයි කියලා අපි හිතුවා
How to get vitamin E for healthy skin and hair
   31,527
   29

විටමින් E මගින් ඔබගේ සම සහ හිසකෙස් සදහා ලබාදෙන පෝෂණය සහ පහසුවෙන් විටමින් E ලබා ගත හැකි ප්‍රභව

ඔබ දන්නවාද ඔබගේ ආහාර වේලේ අඩංගු වෙන විටමින් E සම, හිසකෙස් සහ මාංශ පේශී නීරෝගිව පවත්වාගැනිමට ඉතා වැදගත් බව
5 skin care tips for your neck
   29,591
   27

ඔබත් බෙල්ලේ සම අඳුරු වීම නිසා කණස්සල්ලෙන්ද? එසේ නම් මේ පියවර 5 අනුගමනය කර බලන්න

ඔබගේ මුහුණ තරම් ගෙල පෙදෙස ආශ්‍රිත සම දුර්වර්ණ ස්වභාවයක් ගන්නවා නම් බෙල්ල ආශ්‍රිත සමෙහි රැකවරණය සඳහා ඔබ අනුගමනය කළයුතු පියවර 5ක්
Sri Lankan Pickle (Sinhala Achcharu)
   44,996
   27

සිංහල අච්චාරු ඉතා පහසුවෙන් හදාගමු

අබ, ලුණු, ඉඟුරු, සුදු ලුණු හා කහ කුඩු සියල්ල එකට දමා හොඳින් අඹරා ගන්න. ඉන් පසු විනාකිරි ටික මැටි භාජනයකට දමා හොඳින් උතුරුවා ගන්න

Latest Articles

Most Viwed