රහසේම ඔබගේ සමට හානි කරන එදිනෙදා පුරුදු 10ක්

August 30, 2021
2,407
10 habits that are secretly ruining your skin
බොහෝ දෙනා සිතනවා සම වයසට යන්නේ ඉතා සෙමින් බවට.. නමුත් මොහොතක් ගෙන සිතා බලන්න ඔබගේ සම ඔබ කුඩා කලදී, නැතිනම් ඔබ නව යොවුන් වියේ සිටියදී තිබූ පරිදිම නීරෝගිමත්ව තිබෙනවාද? නැතිනම් වියළී හෝ අවපැහැ ගැන්විලාද..? අපගේ සම වයස්ගත විම හෝ හානි වීම කෙරෙහි 90%ක්ම බලපානු ලබන්නේ අප සම කෙරෙහි දක්වන සැලකිල්ල මත පදනම්ව බව ඔබ දන්නවාද??

සමට වඩාත් හානිදායක වන එදිනෙදා පුරුදු 10ක් සම්බන්ධයෙන් හැඩකාරි අපි සොයාබැලූ අතර එම කරුණු සහ සමට හානිදායක දෑ වළක්වා ගැනීමට ඔබට අනුගමනය කල හැකි පියවරයන් අපි මෙම ලිපිය මගින් ඔබවෙත ගෙන එනවා..

1. හිසකෙස් සඳහා යොදන ආලේපන සමෙහි තැවරීම
ෂැම්පූ, කන්ඩිෂනර්, මාස්ක් සහ නොයෙකුත් හිසකෙස් විලාසිතා සඳහා යොදනු ලබන ස්ප්‍රේ වැනි නොයෙකුත් ආලේපන වර්ග අප එදිනෙදා අපගේ හිසකෙස් සඳහා භාවිතා කරනවා. නමුත් මෙම බහුතරයක් නිෂ්පාදනවල සල්ෆේට් (sulfates) අඩංගු වන අතර එම ආලේපන ගැල්විමෙදී ඒවා මුහුණෙ සම මත තැවරෙන අතර එමගින් සම අවපහ ගැනීම, වියළීම, සමෙහි ඇති සිදුරු අවහිර වීම, පිළිස්සීම වැනි ගැටළු ඇතිකරනවා. එමනිසා සෑමවිටම හිසකෙස් ආශ්‍රිත නිෂ්පාදන මිලට ගැනීමේදී සල්ෆේට් අඩංගු නොවන ආලේපන මිලට ගැනීමටත් හිසෙහි ආලේපන තවරන විට නළල සහ මුහුණ ආවරණය කරගැනීමත් කල යුතුයි.

2. සම සඳහා අධික ලෙස ආලේපන වර්ග ගැල්වීම
බොහෝ ආලේපන වර්ග වල ස්වභාවික අමුද්‍රව්‍ය වලට වඩා රසායන ද්‍රව්‍ය අඩංගු වන අතර සාමාන්‍යයෙන් අප ඉතා කෙටි කලකින් එක් ආලේපන වර්ගයකින් තවත් ආලේපන වර්ගයක් ලෙස විවිධ ආලේපන සඳහා මාරුවනවා.. මේවායේ අන්තර්ගත කල්තබා ගන්නා රසායන ද්‍රව්‍ය හේතුවෙන් සම මත ආසාදන, සම වියළීම, කුරුලෑ ඇතිවීම වැනි ගැටළු ඇතිවිය හැකියි. එමනිසා විවිධ නිෂ්පාදන අත් හදා බැලීමෙන් වැළකී සමට ඉතාමත් සුදුසු ස්වභාවික අමුද්‍රව්‍ය අඩංගු නිෂ්පාදන 1 ක් හෝ 2ක් භාවිතයට හුරුවන්න.


3. මුහුණේ අනවශ්‍ය රෝම ඉවත්කරන ආලේපන ප්‍රමාණය ඉක්මවා භාවිතය
මුහුණේ අනවශ්‍ය රෝම ඉවත්කිරීමට භාවිතා කරන ආලේපන සහ රෝම ඉවත් කිරීමේන් පසුව උද්දීපනය පාලනයට ආලේප කරන ආලේපන වර්ග වල සමට ආසාත්මික විය හැකි අමුද්‍රව්‍ය අඩංගු වන බැවින් සැලකිලිමත් වන්න. විෂ සහිත නොවන ආලේපන තෝරාගන්න.

4. නව පරිසර තත්ත්වයන් ඇති ස්ථාන වෙත සංචාරය
ඔබට හුරුපුරුදු පරිසරයෙන් මිදි අලුත් පරිසර තත්ත්වයන් වෙත සංචාරය කරනවිට එහි ඇති හිරු එළියේ බලපෑම, තාපය, සීතල සහ ආර්ද්‍යතාවය වැනි සාධක ඔබේ සමට හානිදායක වීමට ඉඩ තිබෙනවා. එමගින් සමෙහි ආසාදන, කුරුළෑ, කැසීම් සහ අධිකලෙස සම වියළීම් වැනි තත්ත්ව ඇතිවීමට ඉඩ තිබෙනවා. හිරු එළියට නිරාවරණය වන විට ආරක්ෂිත ආලේපනයක් පලදින්න. උෂ්ණාධික පරිසරයේදී මෙන්ම සීතල අධික පරිසරයේදීද සම වියළීමට ලක්වන බැවින් සමට සුදුසු මොයිස්චරයිසින් ක්‍රීම් වර්ගයක් ආලේප කරන්න.

5. මේක් අප් ඉවත් කිරීමට භාවිතා කරන ආලේපන වර්ග
සමෙහි සිදුරු අවහිර කිරීම, කුරුළෑ ඇතිවීම වැනි තත්ත්ව සඳහා බලපෑම් එල්ල කරනු ලබන ප්‍රධාන ක්‍රමයක් ලෙස ඔබ මේක් අප් ඉවත් කිරීමට භාවිතාකරන ආලේපන හැඳින්විය හැකියි. දිනපතා මේක් අප් ඉවත් කිරීමට මෙවැනි රසායන අඩංගු ආලේපන භාවිතය සම සඳහා දැඩි අහිතකර බලපෑම් එල්ල කරනු ලබනවා. මෙයට විසඳුමක් ලෙස සෑමවිටම comedogenic නොවන ආලේපන තෝරාගත යුතුය.

6. මුණින් අතට නිදාගැනීම
බොහෝ දෙනා නිදාගැනීමට පුරුදු වී සිටින්නේ මුහුණ කොට්ටයට තද කරගෙනයි.. එම ඉරියව්වේදී මුහුණ කොට්ටයට තදව ඇති අතර එමගින් සමේ සිදුරු අවහිරවන අතර කුරුලෑ ඇතිවීමට හේතු විය හැකියි. එමනිසා සෑමවිටම මුහුණ උඩට හැරී තිබෙන ලෙස නිදාගැනීමට උත්සාහ කරන්න.

7. ප්‍රමාණය ඉක්මවා ස්ක්‍රබ් කිරීම
සතියකට දින 3 ක් හෝ 4ක් සම ස්ක්‍රබ් කරන්න. දිනපතා කිරීමෙන් වළකින්න.

8. ශරීරය පිරිසිදු කිරීමේදි ජලයේ උෂ්ණත්වය පිළිබඳව සැලකිලිමත් වන්න

සමේ සුවය පිළිබඳ සැලකිලිමත් වීමේදි ඔබ නෑමට හෝ ඇඟ සේදීමට භාවිතා කරන ජලයේ උෂ්ණත්වය පිළිබඳව සැලකිලිමත් විය යුතුයි. සිසිල් ජලයෙන් සම මත මනාව පිරිසිදු නොවන අතර උණුසුම් ජලයෙන් සම අධික ලෙස වියළීමට ලක්වනවා.. එමනිසා මද උණුසුම් ජලය සම සඳහා වඩාත් සුදුසු වනවා. 98ºF සිට 108ºF (36C-42C) දක්වා උණුසුමකින් යුතු ජලය භාවිතා කරන්න.

9. සකස් කරන ලද ආහාර අනුභවය
කේක් වර්ග, සොසේජස්, බේකන් වැනි දෑ සහ බර්ගර් වැනි සකසන ලද ආහාරයන් හි අධික ලෙස කාබෝහයිඩ්‍රෙට් සහ සීනි අඩංගු වනවා.. එමගින් කුරුලෑ අතිවිම, තරබාරුව වැනි රෝග තත්ත්ව ඇතිවිය හැකියි. එමනිසා කෙටි කෑම වර්ග භාවිතය අඩුකර සෑමවිටම නැවුම් එළවලු සහ පළතුරු වැනි සෞඛ්‍ය සම්පන්න ප්‍රෝටින් සහිත ආහාර රටාවකට හුරු වීමත් ජලය ප්‍රමාණවත් පරිදි පානය කිරීමත් ඉතාමත් වැදගත් කාරණාවක්.

10. උදෑසන අවදි වීමෙන් පසු මුහුණ නිසි ලෙස පිරිසිදු නොකිරීම
රාත්‍රී නින්දෙන් අපගේ සම අලුත්වැඩියා වීමක් සිදුකරන අතර අනවශ්‍ය තෙල්, බැක්ටීරියා වැනි දෑ පිටකරනු ලබන අතර ඒවා මුහුනෙහි සම මත තැන්පත්ව තිබෙනවා. එමනිසා උදෑසන අවදි වූ විගස මුහුණ හොඳින් පිරිසිදු කරගත යුතුයි. එසේ නොවුණ හොත් සම අධික ලෙස වයසට යාම, කුරුළෑ ඇතිවීම, රැළි වැටීම වැනි තත්ත්වයන්ට ඉක්මණින් ගොදුරු වනවා.


සම ඔබගේ පෙනුම කෙරෙහි විශේෂ බලපෑමක් එල්ල කරන තර එය ඔබට ආත්ම විශ්වාසයෙන් යුතුව බාහිර ලෝකයට මුහුණ දීමට අවශ්‍ය ශක්තිය ලබාදෙනවා.. එමනිසා හැකි සෑම විටම ඉහත සඳහන් වැරදි පුරුදු වලින් මිදීමට උත්සාහ කරන්න.. වියළීමෙන් අවපහ ගැන්වීමෙන් තොරව දිදුලන නීරෝගි සමක් පවත්වාගෙන යාමට ඔබට අනුගමනය කල හැකි පියවර සමග නැවත ලිපියකින් හමුවෙමු.

Related Articles

Featured Articles

Trending Articles

අපේ ජනප්‍රියම ලිපි

Never do this when you take a shower in the morning
   932
   184

උදේට නානවා නම් මේ දේ කරන්න නම් එපා

ස්නානය කර දවස නැවුම්ව ආරම්භ කිරීමට කැමති හැඩකාරි ඔබත් මේ කරුණු ගැන දැනුවත් වීම ඉතාමත් වැදගත්.. වෛද්‍යවරුන් පවසන ආකාරයට ඔබගේ මේ උදෑසන ස්නානය අතරතුර ඔබ ව්සින් වැළකිය යුතු කරුණු කිහිපයක් තිබෙනවා
6 things guys will only do when they are crazy about you
   35,757
   84

ඇත්තටම කොල්ලෙක් කෙල්ලෙක්ට පිස්සු වැටුනහම මොකද කරන්නේ?

කතාවට වගේ හැමෝම කියන්නේ ආදරේ පිස්සුවක් කියලනේ. හැබැයි ඉතින් මේක කොච්චර පිස්සුවක් උනත් අපි කාටවත් ආදරයක් නැතුව ජීවත් වෙන්න අමාරුයි
15 Easy methods to organize your home
   493
   69

නිවස පිළිවෙලකට තියාගන්න ප්‍රවීණයන්ගෙන් පහසු උපදෙස් 15ක්

ඔබට තියෙන්නේ කෙසේ පිළිවෙලට සකස් කලත් ඉක්මනින් අපිලිවෙල වෙන නිවසක් නම්.. අඩුම තරමින් දින කිහිපයක් හෝ නිවස එක දිගට පිළිවෙලට තබා ගැනීමට ඔයාට ඕනේ නම්.. ඒ සම්බන්ධයෙන් ක්ශේත්‍රයේ ප්‍රවීණයන් ගේ අදහස් විමසා බලමු..
Does eating late at night gain weight?
   1,673
   60

ප්‍රමාද වී රාත්‍රී ආහාරය ගැනීමෙන් සිරැරේ බර වැඩිවෙනවද..?

බොහෝ පුද්ගලයින් සිතනවා ප්‍රමාද වී ආහාර ගැනීමෙන් ඔවුන්ගේ ශරීරයේ බර වැඩි වෙනවා කියා. ඇත්තටම එසේ සිදු වනවා ද? අද ලිපිය මගින් රාත්‍රී ආහාරය සහ බර වැඩි වීම සම්බන්ධයෙන් ඔබට වැදගත් කරුණු කියන්න සිතුවා...
Children calling out and getting out of bed
   7,686
   52

දරුවන්ව තනියම නිදාගන්න පුරුදු කරන එක ලොකු ප්‍රශ්නයක් ද?

දෙමාපියන්ට ඇතිවෙන ලොකුම ප්‍රශ්නේ තමයි දරුවන් නින්දෙන් ඇහැරිලා නිතර නිතර දෙමාපියන්ට කතා කරන එක

Latest Articles

Most Viwed