ඔබේ අඬන දරුවා ඉක්මනින් නළවා ගන්න පහසු උපක්‍රමයක්..

December 17, 2021
47,800
A funny trick that stops your baby crying immediately
පවුලට අළුත් සාමාජිකයෙක් එකතු වෙනවා කියන්නේ ඕනෑම දෙමව්පියෙකුට ආශීර්වාදයක්.. ඒත් යථාර්ථය නම් අලුත උපන් දරුවා අඬන එක දෙමාපියන්ට පැවරෙන වැඩ රාජකාරි එක්ක බොහෝ වෙලාවට මව පියාට ආතතියක් ගෙන එනවා.. දරුවා නළවා ගැනීමට ඔවුන් කරන්න පුලුවන් ඔක්කොම කරනවා. ඔබේ නිවසේත් කුඩා දරුවකු සිටිනවා නම් මේ අත්දැකීම ඔබටත් ඇති..

නමුත් ඔබ දන්නවාද කැලිෆෝනියාවේ සිටින ළමා රෝග විශේෂඥයකු වන වෛද්‍ය රොබට් හැමිල්ටන් බොහෝමයක් වෛද්‍යවරුන්ට සහ දෙමවුපියන්ට පොදු ගැටළුවක් වන අලුත උපන් බිළිඳෙකු සන්සුන් කරන්නේ කෙසේද යන්න පිළිබද පරීක්ශණයක් පවත්වා දරුවා සන්සුන් කරගැනීමට හැකි ඉක්මන් සහ සරළ පුදුම සහගත ක්‍රමයක් සොයාගෙන තිබෙන බව.

වෛද්‍ය හැමිල්ටන් විසින් "අඬන ළදරුවෙකු සන්සුන් කරන්නේ කෙසේද" යන මාතෘකාව යටතේ, සරළ පියවර 4කින් අඬන දරුවකු පහසුවෙන් නලවා ගන්නේ කෙසේදැයි විස්තර කරනවා..



1. දරුවාගේ දෙඅත් කතිරයක් සේ දිස්වන ආකාරයට ඔවුන්ගේ පපුව ඉදිරියෙන් නමන්න

2. නැමීමෙන් පසු දෑත් නොරිදෙන සේ ආරක්ෂාකාරිව තිබීම වැදගත්

3. ඔබට වඩා හුරු අතින් දරුවාගේ පිටුපස අල්ලා ගන්න; ඔබ දරුවාට ඩයිපරය අන්දා ඇතිනම් ඒ මතින් අත දමා දරුවා ඔබගේ අතෙහි රඳවා ගන්න.

4. අනෙක් අත දරුවාගේ නවන ලද දෙඅත් මත රඳවා දරුවා ඉහල පහළ කරන්න..

ඔබගේ අඬන දරුවා හාස්කමකින් මෙන් ඉක්මනින් නැළවෙනවා ඔබට පෙනේවී..( වීඩියෝ එක හොඳින් බැලීමෙන් ඔබට වඩා හොඳින් ක්‍රමය වටහා ගත හැකියි).

මෙම ක්‍රමය උපතේ සිට මාස 2 ත් 3 ත් අතර දරුවන් සන්සුන් කර ගැනීම සඳහා ඉතාමත් ප්‍රයෝජනවත් බව වෛද්‍ය හැමිල්ටන් පවසනවා.. මන්ද එම වයසේ දී ඔවුන් එම ඉරියව්වේ තබාගැනීමට හැකි බරකින් යුතුයි.

ලොව පුරා මිලියන ගණනාවක් ජනතාව වෛද්‍ය හැමිල්ටන්ගේ වීඩියෝව නරඹා ඇති අතර බොහෝ දෙනා එය අත් හදා බලා දරුවන් ඉක්මනින් නළවාගෙන තිබෙනවා. නමුත් ඇතැම් දරුවන් සඳහා එය වැඩකළ නොහැකි විය හැකියි.. එසේ නොමැතිනම් දරුවා නොනවත්වා හඬන්නේ වෙනත් අසනීප තත්ත්වයකින් හෝ කුසගින්න, බඩ පිපුම වැනි වෙනත් හේතුවක් නිසාද විය හැකියි.. කෙසේ නමුත් දරුවා නොනවත්වා දිගින් දිගටම හඬනවා නම් වෛද්‍ය උපදෙස් ලබාගත යුතු වනවා.



Related Articles

Featured Articles

Trending Articles

අපේ ජනප්‍රියම ලිපි

Are you binge-watching too?
   4,991
   63

ඔයත් බින්ජ්-වොච් (Binge-Watch) කරන කෙනෙක්ද?

අද මිලියන ගණනක් දෙනා මේ ආකාරයෙන් අපගේ ප්‍රියතම කතා මාලාව නිතිපතා නරඹන්න පුරුදුවෙලා තියෙනවා. ඒත් මේ බින්ජ්-වොච් කියන්නේ මොකක්ද? අපිත් Binge-watch කරනවද?
chore lists for kids
   38,732
   36

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
Protect your baby's soft skin with jasmine and kasthuri kaha
   23,382
   29

පිච්ච සහ කස්තුරි කහ සාරයෙන් ඔබගේත් බිළිඳාගේත් මෘදු සම රැකගනිමු

හැඩකාරී අපි කියන්න යන්නේ මේ දිව්‍යමය ඖෂධ වලින් අපේ සමට ලැබෙන වාසි ගැන සහ ඒ වාසි සමට ලබාගන්න ඔබට පහසුවෙන්ම භාවිතා කරන්න පුළුවන් හොඳම නිෂ්පාදනයක් ගැනයි

Latest Articles

Most Viwed