හිරු එළිය විටමිනය හෙවත් විටමින් D ඇයි මෙතරම් වැදගත්?

February 16, 2022
6,164
Why is vitamin D so important?
බොහෝ දෙනා සම අඳුරු පැහැවනවාට බියෙන් හිරු එළියට නිරාවරණය වන්නෙ නැහැ.. නමුත් ඔබ දන්නවාද එමගින් ඔබගේ සිරැරට අත්‍යවශ්‍ය‍ය විටමිනයක් වන විටමින් D ඌනතාවයක් ඇතිවිය හැකි බව. බොහෝ දෙනා විටමින් D මගින් ඔබගේ සිරැරට අත්වන ප්‍රතිලාභ සහ එය නොලැබීමෙන් ඇතිවන අහිතකර ප්‍රථිඵල පිළිබඳව එතරම් තැකීමක් කරන්නේ නැහැ.. නමුත් විටමින් D මගින් සිරැරට අත්වන ප්‍රතිලාභ රාශියක් තිබෙනවා.

විටමින් D මගින් ඔබට අත්වන විශ්මිත ප්‍රතිලාභ 6ක්

1. සිරැරේ ප්‍රතිශක්තිය වැඩි කිරීම

උණ, සෙම්ප්‍රතික්ශාව වැනි රෝග සඳහා පහසුවෙන් ගොදුරු වන්නේ ප්‍රමාණවත් තරම් කාලයක් හිරු එළියේ ගත නොකිරීම හේතුවෙනුයි. අධ්‍යනවලින් හෙළිව ඇති ආකාරයට විටමින් D සුළු මාත්‍රාවක් ගැනීම පවා රෝගවලින් අඩකට ගොදුරු වීම වළක්වාලනවා. එමනිසා දිනකට විනාඩි 10ක් පමන කාලයකවත් හිරු එළියට නිරාවරණය වීම වැදගත් වනවා.

2. අස්ථි ශක්තිමත් කිරීම

ඔබගේ ආහාර වේලේහි ප්‍රමාණවත් තරම් කැල්සියම් අන්තර්ගත නොවුණ විට ඔබගේ සිරැරේ ක්‍රියාකා‍රිත්වයට අවශ්‍ය කැල්සියම් ඔබගේ අස්ථි මගින් ලබාගැනීමට සිදුවන අතර එය අස්ථි වි‍යුහයට බලපෑම් එල්ල කරනවා. නමුත් ඔබ ප්‍රමාණවත් පරිදි විටමින් D මාත්‍රාවක් ලබාගන්නේ නම් එමගින් ඔබගේ ආහාරවල ඇති කැල්සියම් අවශෝෂණය කරගැනීමට සහය වගේම ඔබේ අස්ථි නිරෝගීව හා ශක්තිමත්ව පවතින බවත් එමගින් සහතික වනවා..

3. පිළිකා රෝගවලින් ආරක්ෂාව සැලසීම

සූර්‍යලෝකයට වැඩි වශයෙන් නිරාවරණය වීමෙන් චර්ම පිළිකා ඇතිවනවා යැයි පැවසුණත් සූර්‍යාලෝකයට අඩුවෙන් නිරාවරණය වීමද පිළිකා ඇතිවීමේ අවධනාම ඉහළ නංවනවා. හිරු එළියට හොඳින් නිරාවරණය වන කාන්තාවන්ගේ සිරැරේ ඩිම්බකෝෂ පිළිකා ඇතිවීමේ අවදානම අඩු කිරීමට එය උපකාර වන බවට පර්‍යේෂණයන් මගින් මේවන විට සනාථව තිබෙනවා.

4. හුස්ම ගැනීමේ ගැටළු වලින් ආරක්ෂාව

ශ්වසන ආබාධ වලින් පෙළෙන පුද්ගලයන්ට උණුසුම් දේශගුණයක් සහ හොඳ වාතාශ්‍රයක් සහිත පෙදෙස් වඩාත් උචිත බව පැවසෙනවා. එමෙන්ම හිරු එළියට නිරාවරණය වීමෙන් ප්‍රමාණවත් විටමින් D ප්‍රමාණයක් ලබාගැනීම හුස්මගැනීමේ හැකියාව වැඩි දියුණු කරනවා.

5. මාංශ පේශි වර්ධනය

ඔබ හිරු එළියට නිරාවරණය වූ විට ඔබගේ සම මගින් විටමින් D සිරැරට අවශෝෂනය කරගනු ලබන අතර විටමින් D, steroid හෝමෝනයක් ලෙස සිරැරට අවශෝෂනය වනවා. ප්‍රමාණවත් පරිදි විටමින් D ලැබීම සිරැරේ මාංශ පේශීන් නිසි පරිදි වර්ධනය කෙරෙහි වැදගත් වනවා.

6. මනෝභාවය ඉහළ නැංවීම සහ මොළයේ ක්‍රියාකාරිත්වය වැඩි කිරිම

සිරැරේ විටමින් D ප්‍රමාණවත් පරීදි තිබීම මගින් ඔබට වඩා හොඳ මනෝභාවයකින් යුතුව කටයුතු කිරීමේ හැකියාව ලැබෙන අතර වැඩිහිටි වියේදී මනා බුද්ධියකින් යුතුව කටයුතු කිරීමට එය සහය වනවා.. විශේෂයෙන් විටමින් D මොළයේ ක්‍රියාකාරිත්වය වැඩිකිරීමට සහය වන විටමිනයක් ලෙසයි සැලකෙන්නේ.

ඔබට විටමින් D ලබාගත හැකි ලාභදායීම සහ පහසුම ක්‍රමය වන්නේ හිරු එළියට නිරාවරණය වීමයි. නමුත් අධික ලෙස හිරු එළියට නිරාවරණය වීමෙන් අහිතකර බලපෑම් එල්ලවිය හැකි බැවින් ඒ පිළිබඳවද සැළකිලිමත් විය යුතුයි.. හිරු එළියට අමතරව විටමින් D ලබාගත හැකි ප්‍රභවයන් ලෙස කොඩ් ලිවර් ඔයිල්, තෙල් සහිත මාළු, බෙල්ලන්, බිත්තර කහමද, නිවිති, කේල් වැනි දෑ හැඳින්විය හැකියි.

Related Articles

Featured Articles

Trending Articles

අපේ ජනප්‍රියම ලිපි

10 symptoms shows you are pregnant
   53,021
   44

කවුරුත් නොකියන ගැබ්ගත් බව අඟවන ලක්ෂණ 10ක්

ගැබ්ගත් කාන්තාවන් පීරියඩ්ස් නවතින එක, පියයුරු මෘදු වෙන එකට වඩා වෙනස් අත්දැකීම් වලට මුහුණ දෙනවා. නමුත් මේවා ගැන අනිත් අයට කියනවා අඩුයි. ඔබ මේ ලක්ෂණ දැනන් සිටින එක නුවණට හුරුයි කියලා අපි හිතුවා
The super fruit good for any beauty matter
   15,245
   34

සමට, හිස කෙස් ඇතුළු මුළු සිරුරටම එක සමාන ගුණ දෙන සුපිරිම පළතුර

මේ පලතුරින් සෞඛ්‍ය සම්පන්න ප්‍රතිලාභ රැසක් ඔබට ලබා දෙනවාට අමතරව එයින් ඔයාට මෙන්න මේ කියන ප්‍රතිලාභ නොඅඩුව ලබා ගන්න පුළුවන්
How to reduce under arm sweating
   23,217
   25

අත් යට දාඩිය දාන එක පාලනය කරගන්නෙ කොහොමද!

ඩියෝඩ්‍රන්ට් එකක් පාවිච්චි කරන එකට අමතරව, මේ හුරු පුරුදු වලින් අනවශ්‍ය විදිහට අත් යට දහඩිය දාන එක පාලනය කරගන්න පුලුවන්
Food to regulate your menstrual circle
   46,369
   24

ඔසප් වීම ප්‍රමාදයි කියලා ඔයත් වද වෙන කෙනෙක්ද? මෙන්න එය ක්‍රමවත් කරන්න ගත හැකි ආහාර ටිකක්

නිතරම ප්‍රමාද වෙන ඔසප් චක්‍රය අක්‍රමවත් වීම භයානක රෝග සඳහා මූලික හේතුව බවට පත් වෙන්න පුළුවන්. මෙම ගැටලුවට ආහාර මගින් කලහැකි පිළියම් භාවිතා කිරීමට කැමති තරුණියන්ට හා කාන්තාවන්ට අද අපි සාර්ථක ක්‍රම කීපයක් කියන්න
Changes in your body if you consume cod-liver oil daily
   96,477
   24

ඔබ දිනපතා මෝර තෙල් ගැනීමෙන් ඔයාගේ ශරීරයට සිදුවන වෙනස්කම් කිහිපයක්

ස්වභාවික මෝර තෙල් ඔයාගේ සමට, අස්ථිවලට, හදවතට වගේම ඔයාගේ වයසටත් පුදුම හිතෙන තරම් හොඳ ප්‍රතිඵල ලබාදෙන බව අමතක කරන්න බැහැ. අද හැඩකාරී මේ සටහන මෝර තෙල් භාවිතයට ගැනීමෙන් සෞඛ්‍යයට ලැබෙන හිතකර ප්‍රතිඑල රාශියක් ගැනයි

Latest Articles

Most Viwed