දිනපතා ඉඟුරු ආහාරයට ගත්තොත් ශරීරයට සිදුවන්නේ කුමක්ද?

ඉඟුරු යනු gingerol නමැති සංයෝගයක් සහිත ඔබගේ සෞඛ්‍යය කෙරෙහි බලපෑම් කරන්න පුලුවන් සංයෝගයක්. විශේෂයෙන් ඉඟුරු දෛනිකව ආහාරයට ගැනීමෙන් පිළිකාව වැළදීමේ අවධානම පහළ දමනු ලබනවා.. එසේනම් ඉඟුරු දිනපතා ආහාරයට ගැනීමෙන් ඔබගේ සෞඛ්‍යයට සිදුවන්නේ කුමක්දැයි දැනගන්න ඔබත් කැමතිද..

1. ඉඟුරු සිරැරේ ආම්ලිකතාවය සමනය කිරීමට උපකාරි වනවා


ඇතැම් ආහාර වර්ග ආහාරයට ගත් පසු උදරයේ ආම්ලිකතාවය, අපි ගැස්ට්‍රයිටිස් කියලා කියන්නේ.. ඒ තත්ත්වය ඉහළ යන අතර උදරයේ අපහසුතා ඇතිවනවා.. නමුත් ඔබ ඉඟුරු ආහාරයට ගැනීමෙන් හෝ තේ සමග එක්කර දිනපතා පානය කිරීමෙන් ආම්ලිකතාවය හේතුවෙන් ඇතිවන අපහසුතා මගහරවා ගත හැකියි.


2. සිරැරේ ඇතිවන ප්‍රදාහයන් පාලනය කිරීම


ඉඟුරු ආහාරයට ගැනීමෙන් සිරැරේ ඇතිවන ප්‍රදාහ‍යන් සඳහා සහනය ගෙන දෙන අතර විශේෂයෙන් ආතරයිටිස් වැනි නිදන්ගත රෝග තත්ත්වයන්ගෙන් පීඩා විදින රෝගීන් සඳහා සහනය ලබාදෙනවා.


3. පිළිකා අවධානම පහළ දැමීම


පර්‍යේශකයන් පවසන ආකාරයට ඉඟුරු ආහාරයට ගැනීමෙන් සායනික සහ චිකිත්සක ප්‍රතිකාරයන්ට වඩා ඉක්මනින් හා ආරක්ෂිතව ඩිම්බකෝෂ පිළිකා සෛල විනාශ කරනු ලබනවා.. එමෙන්ම බඩවැල් ආශ්‍රිතව පිළිකා ඇතිවීම කෙරෙහි බලපානු ලබන අවදානම් සාධකයක් වන ප්‍රදාහයන් පාලනය කිරීමේ හැකියාවද ඉඟුරු සතුවනවා.


4. ආහාර ජීර්ණය වේගවත් කිරීම


දිනපතා ඉඟුරු පරිභෝජනයෙන් උදරයේ ආම්ලිකතාවය ඉහළ යාම නිසා ඇතිවන ඔක්කාර තත්ත්වයන් සමනය කරන අතර ආමාශ ආමාධ ඇතිකරන අහිතකර බැක්ටීරියා විනාශ කිරීමේ බලයක්ද එය සතුවනවා. එමෙන්ම ආහාර ජීර්ණය සඳහා උත්තේජකයක් ලෙස ක්‍රියාකරන කෙළ නිපදවීම සඳහාද ඉඟුරු උපකාරි වනවා. විශේෂයෙන් උදෑසන ආහාර වේලෙන් පසු ඉඟුරු තේ කෝප්පයක් පානය කිරීම ඉතා සුදුසු වනවා.. විශේෂයෙන් ගර්භනී සමයේ ඇතිවන ඔක්කාරය , වමනය වැනි උදෑසන අසනීප මගහරවා ගැනීමටද ඉඟුරු කදිම විසඳුමක්.


5. හිසරද‍ය වළක්වනවා


ඉඟුරු දිනපතා පරිභෝජනය මගින් බොහෝ දෙනාට ඇති පොදු ගැටළුවක් වන හිසරදය සමනය කරගැනීමට සහ වළක්වා ගැනීමට උපකාරි වන අතර එය ඖෂධ සහ වේදනා නාශක පෙති මගින් ඇතිවන අතුරු ආබාධයන් වළක්වා ගැනීමට කදිම පිළියමක්. ඇතැම් අධ්‍යනයන් සඳහන් කරන ආකාරයට දිනපතා ඉඟුරු ආහාරයට ගැනීමෙන් ඔබට හිසරදය, ඉරුවාරදය ඇතිවීමේ අවධානමින් මිදීමට හැකිවනවා.


6. බර අඩුකිරීම


සිරැරේ බර අඩුකර ගැනීම ඇතැම් විට දුෂ්කර කාර්‍යයක්.. විශේෂයෙන් ඒ සඳහා ඔබගේ ආහාර රටාව සැලකිය යුතු කාර්‍ය්භාරයක් ඉටු කරනු ලබනවා. ඊට අමතරව සිරැරේ බර අඩුකර ගැනීමට නම් ඔබගෙ ආහාර ජීර්න පද්ධතිය නිසි පරිදි ක්‍රියාකල යුතුයි. නමුත් ආහාර් ජීර්ණ ක්‍රියාවලිය මන්දගාමි වීමට ඔබ ගන්නා ඇතැම් ආහාර වර්ග බලපානු ලබනවා.. නමුත් ඔබ දිනපතා ඉඟුරු අඩංගු ආහාර ගැනීම හෝ තේ පානය කරනවා නම් ඔබගේ ආහාර ජීර්ණ පද්ධතිය නිසි පරිදි ක්‍රියාකාරි වීමටත් බර අඩුකර ගැනීමටත් සහය වනවා.


7. මාංශ පේශී වේදනා සහ කැක්කුම් අඩු කිරීම


අධික ලෙස සිරැර වෙහෙසවා කරනු ලබන ව්‍යායාම් හෝ දෛනිකව ඇතිවන වෙහෙස නිසා මාංශ පේශී වේදනාව ඇතිවනවා. නමුත් පර්‍යේශණ මගින් තහවුරු කර ඇති ආකාරයට ඔබ දිනපතා ඉඟුරු පරිභෝජනය මගින් මාංශ පේශී වේදනාව සහ කැක්කුම් අඩුකරගත හැකියි.


වියළන ලද, කුඩු කරන ලද හෝ නැවුම්ව ඉඟුරු ඔබට වෙළඳ පොලෙන් මිලට ගත හැකි අතර ඉඟුරු යුෂ තේ සඳහා එක්කර පානය කිරීමට හෝ ආහාර සැකසීමේදි කුළුබඩුවක් ලෙසද එක්කර ගත හැකියි. එසේ ඔබ කුමන ආකාරයට ඉඟුරු ආහාරයට ගනු ලැබූවත් එය දිනපතා පරිභෝජනයෙන් ප්‍රතිලාභ රැසක් ලබගත හැකියි.