ඔබේ පෙණුමට හානි වෙන මේ ෆවුන්ඩේෂන් වැරදි ටික කරන්න එපා

March 15, 2022
8,098
Don’t do these foundation mistakes that ruins your look
ඔබත් මේකප් භාවිතය පිළිබඳව උනන්දුවක් දක්වනවා නම් දන්නවා නේද ෆවුන්ඩේෂන් ආලේප කිරීමේ වැදගත්කම.. එය වචනයේ පරිසමාප්ත අර්ථයෙන්ම ඔබගේ මේක්අප් එකේ පදනමයි; එය ඔබට පරිපූර්ණ පෙනුමක් ගෙන දෙනවා.. කොතරම් අලංකාර, මිල අධික ඇස් ආලේපන ගැල්වූවත් ඔබ නිසි පරිදි ෆවුන්ඩේෂන් ආලේප කලේ නැත්නම් ඇත්තටම ඔබ බලාපොරොත්තුවන පෙනුම ඔබට ලැබෙන්නේ නැහැ.

එසේනම් මේකප් කිරීමේදි ෆවුන්ඩේෂන් ආලේප කිරීමේදි ඔබ අතින් සිදුවන වැරදි සහ අතපසුවීම් පිළිබඳව දැනගන්න කැමතිද..?

මේකප් ෆවුන්ඩේෂන් සම මත ආලේප කිරීමට ඇඟිලි භාවිතා කිරීම


ෆවුන්ඩේෂන් ආලේප කිරීමේ වඩාත් සාර්ථකම සහ වේගවත්ම ක්‍රමය ඇඟිලි මගින් එය මුහුණේ ආලේප කිරීම කියායි බොහෝ දෙනා සිතන්නේ. නමුත් ඔබ දන්නවාද ඇඟිලි මගින් ආලේප කරන විට ඔබගේ සමේ රළු පැල්ලම් සහිත ස්වභාවයක් ඇතිකරනවා.. ඔබ මේකප් කරනවා නම් ෆවුන්ඩේෂන් ආලේප කරන විට ඒ සඳහා විශේෂයෙන් සකසා ඇති ස්පොන්ජයක් (damp beauty blender) හෝ ෆවුන්ඩේෂන් බ්‍රෂ් එකක් පාවිච්චි කරන්න පුළුවන්.

ගෙල ආශ්‍රිත ප්‍රදේශය නොසලකා හැරීම


බොහෝ විට මේකප් මුහුණට පමණක් කිරීමටයි බොහෝ දෙනා පුරුදුව සිටින්නේ. නමුත් ඔබට අලංකාර පෙනුමක් අවශ්‍ය නම් ෆවුන්ඩේෂන් ආලේප කරන විට ඔබගේ ගෙල ආශ්‍රිත සම මතත් ආලේප කරන්න මතක තබා ගත යුතුයි.. නැතිනම් ඔබගේ මුහුණ එක් පැහැයක් සහ ගෙල ආශ්‍රිත පෙදෙස වෙනත් පැහැයකුත් ගන්නවා.

මොයිස්චරයිසින් ක්‍රීම් ආලේපකල විගස ෆවුන්ඩේෂන් ආලේප කිරීම


ඔබට පරිපූර්ණ සහ ස්වාභාවික පෙනුමක් අවශ්‍ය නම් මුහුණේ මොයිස්චරයිසින් ක්‍රීම් ආලේපකල විගස ෆවුන්ඩේෂන් ආලේප කිරීමෙන් වැළකිය යුතු වෙනවා.. එසේ නැතිනම් මොයිස්චරයිසින් ආලේපනය සහ ෆවුන්ඩේෂන් එකිනෙක ඇලී රළු ස්වභාවයක් ගෙන දෙනවා.

සමට නොගැලපෙන ෆවුන්ඩේෂන් වර්ග තෝරා ගැනීම


ඔබගේ සම තෙල් සහිත නම් ඔබට පව්ඩර් ෆවුන්ඩේෂන් වර්ගයක් ගැලපෙන්නේ නැහැ.. එවිට සමට වියළි සහ හුණු ආලේප කරා වැනි ස්වභාවයක් ගෙන දෙනවා.. ඒ වගේම ඔබ චායාරූප ගන්නවා නම් ඒවායේ ඔබගේ පෙනුම වඩාත් අස්වාභාවික ස්වභාවයක් පෙන්වනවා.. එමනිසා තෙල් සහිත සමට සුදුසු වන්නේ matte foundation වර්ගයක්. නමුත් ඒවා ආලේප කල පසු ගැලපෙන compact වර්ගයක්ද ආලේප කල යුතුයි. සෑමවිටම ඔබගේ සමට ගැලපෙන ෆවුන්ඩේෂන් වර්ගයක් තෝරා ගන්න.

ෆවුන්ඩේෂන් ආලේප කිරීමට පෙර කන්සීලර් (concealer) ආලේප කිරීම


බොහෝ දෙනා පුරුදුව සිටින ෆවුන්ඩේෂන් ආලේප කිරීමට පෙර කන්සීලර් ආලේප කිරීම වැරදි ක්‍රියාවක්. ඇත්තටම කන්සීලර් මගින් සිදුකරන්නේ, ෆවුන්ඩේෂන් එකෙන් කවර් නොවුනු අඩු පාඩු ආවරණය කරන එකයි. එමනිසා මින්පසු ඔබ මේකප් කරන විට ෆවුන්ඩේෂන් ආලේප කර ඉන් පසු කන්සීලර් එකකින් අඩුපාඩු ටික හදන්න.

බලන්න.. ඔබත් මේකප් කරන විට මේ වැරදි සියල්ල හෝ කිහිපයක් සිදුකලා නේද.. හෙට ඉඳන් මේ වැරදි කරන්නේ නැතුව නිවැරදිව ලෙස ෆවුන්ඩේෂන් ආලේප කරලා බලන්න.. ඔබට පරිපූර්ණ සහ සුන්දර පෙනුමක් ලැබෙනවා නොඅනුමානයි.

Related Articles

Featured Articles

Trending Articles

අපේ ජනප්‍රියම ලිපි

Are you binge-watching too?
   4,991
   63

ඔයත් බින්ජ්-වොච් (Binge-Watch) කරන කෙනෙක්ද?

අද මිලියන ගණනක් දෙනා මේ ආකාරයෙන් අපගේ ප්‍රියතම කතා මාලාව නිතිපතා නරඹන්න පුරුදුවෙලා තියෙනවා. ඒත් මේ බින්ජ්-වොච් කියන්නේ මොකක්ද? අපිත් Binge-watch කරනවද?
chore lists for kids
   38,736
   36

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
Protect your baby's soft skin with jasmine and kasthuri kaha
   23,383
   29

පිච්ච සහ කස්තුරි කහ සාරයෙන් ඔබගේත් බිළිඳාගේත් මෘදු සම රැකගනිමු

හැඩකාරී අපි කියන්න යන්නේ මේ දිව්‍යමය ඖෂධ වලින් අපේ සමට ලැබෙන වාසි ගැන සහ ඒ වාසි සමට ලබාගන්න ඔබට පහසුවෙන්ම භාවිතා කරන්න පුළුවන් හොඳම නිෂ්පාදනයක් ගැනයි

Latest Articles

Most Viwed