ස්වභාවිකවම ශරීරයේ වේදනාව අඩුකර ගැනීමට උපකාරිවන ආහාර 8ක්

July 10, 2022
6,168
8 foods to reduce body-pains naturally
අපගේ ශරීරයේ ඇතිවන සියලු වේදනාවන් සිරැර තුල ඇතිවන ප්‍රදාහයන් (දැවිල්ල) සහ ගිනි අවුලුවන ප්‍රතිචාරයන් මත පදනම් වනවා. විශේෂයෙන් නිදන්ගත දැවිල්ල, බොහෝ හෘද රෝග, ආතරයිටිස්, ඇදුම, පිළිකා සහ ඩිමෙන්ශියාව වැනි රෝග ඇතිවීම සඳහා විශාල බලපෑමක් එල්ල කරනවා. නීරෝගි දිවියක් සඳහා ශරීරයේ ඇතිවන දැවිල්ල පාලනය කරගැනීම මගින් නීරෝගි දිවියක් ගත කිරීමට උත්සාහ ගත යුතුයි. විශේෂයෙන් අප දෛනිකව ආහාරයට එක්කර ගන්නා ආහාර වර්ග ශරීරයේ ප්‍රදාහයන් ඇතිවීම කෙරෙහි විශාල බලපෑමක් එල්ල කරනු ලබනවා. විශේෂයෙන් සුදු සීනි සහ සුදු පිටි ( පිරිපහදු කරන ලද සිනි සහ පිටි වර්ග) ඒ සඳගා විශාල බලපෑමක් එල්ල කරනු ලබනවා..

නමුත් ඔබ දන්නවාද ශරීරයේ ඇතිවන ප්‍රදාහයන් පාලනයට උපකාරි වන ආහාර පාන වර්ග ද තිබෙන බව. එම ආහාරපාන මගින් නිදන්ගත දැවිල්ල (chronic inflammation) අඩු කිරීම සහ පිළිකා සහ වෙනත් රෝග වලට එරෙහිව සටන් කිරීමටත් හැකියාව ලැබෙනවා.

ඔමෙගා-3 මේද අම්ල


ඉතා සෞඛ්‍ය සම්පන්න මේද වර්ගයක් ලෙස ඔමෙගා - 3 මේද අම්ල හැඳින්විය හැකි අතර එය ශරිරයෙ ප්‍රදාහයන් ඇතිවීමට එරෙහිව සටන් කරනු ලබනවා. සැමන්, ටූනා, ට්‍රවුට් සහ මැකරල් වැනි මේදය බහුල මාලු වර්ග ආහාරයට ගැනීමෙන් ඔබට පහසුවෙන් ඔමෙගා - 3 ලබාගත හැකියි. ඊට අමතරව චියා ඇට, බිත්තර සහ ඇට වර්ග ආහාරයට එක්කර ගැනීම මගින් ඔමෙගා - 3 ලබාගත හැකියි.

සුදුළුනු


සුදුළූණු, ළූණු සහ ලීක්ස් වල ප්‍රතිඔක්සිකාරකයක් වන quercetin අඩංගු වන අතර එමගින් සිරැරේ ඇතිවන ප්‍රදාහයන් (දැවිල්ල) සමනය කල හැකියි. විශේෂයෙන් සුදුළුනු පිළිකා නාශකයක් වන අතර හෘද රෝග සහ ඩිමෙන්ශියා අවදානම අඩු කිරීමටත් උපකාරි වනවා.

හරිත තේ


හරිත තේ වල සිරැරේ ප්‍රදාහයන් අඩුකරන ප්‍රතිඔක්සිකාරක බහුලව අඩංගු වන අතර උදරයේ ඇති අතිරික්ත මේදය ඉවත් කිරීමට, පිළිකා මර්ධනයට සහ මානසික අවපීඩන තත්ත්වයන් සමනය සඳහා උපකාරි වනවා. විශේෂම කාරණය වන්නේ හරිත තේ යනු කැෆේන් වලින් තොර පානයක් බැවින් ඔබගේ නිදි චක්‍රය සඳහා ඉන් බලපෑම් එල්ල නොවේ. එමනිසා දවසේ ඕනෑම වේලාවක පානය කල හැකියි. නමුත් රසකාරක සහ පැණිරස එක් නොකර පානය කිරීම වඩාත් උචිත වනවා.

පූර්ණ ධාන්‍ය සහ බෝංවි වර්ග


පූර්ණ ධාන්‍ය මගින් සිරැරේ ප්‍රදහයන් ඇතිවීම පාලනය කරන අතර චියා ඇට, ඕට්ස්, රතු සහල් වැනි ආහාර C-reactive protein (CRP) මට්ටම පාලනය කරනු ලබනවා. CRP මගින් හෘද රෝග, දියවැඩියාව සහ රූමැටොයිඩ් ආතරයිටිස් වැනි රෝග ඇතිවීම කෙරෙහි බලපානවා.

පූර්ණ ධාන්‍ය සහ බෝංචිවල තන්තු බහුල අතර ඒවා බඩවැල් නිරෝගීව තබා ගැනීමට, බර අඩු කර ගැනීමට, හෘද රෝගවලට එරෙහිව සටන් කිරීමට සහ රුධිර පීඩනය අඩු කිරීමට උපකාරි වනවා. නමුත් ඔබ මෙම ආහාර සමග චීස්, බටර් වැනි ප්‍රදාහයන් ඇතිවීම වැඩිකරන ආහාර වර්ග මිශ්‍ර කර ආහාරයට නොගත යුතුයි.

කහ


කහ යනු පුරාතනයේ සිට සිරැරේ ප්‍රදාහයන් සඳහා ප්‍රථිකාරයක් ලෙස භාවිතාකරන ලද වැදගත් කුළුබඩු වර්ගයකි. ඔබට පහසුවෙන් විවිධ ආහාර වර්ගවලට එක්කර කහ ආහාරයට ගත හැකියි.

බ්‍රොකෝලි සහ ගෝවා


බ්‍රොකෝලි, ගෝවා වැනි එලවලු බොහෝ දෙනාගේ ප්‍රියතම ආහාර වර්ග නොවුණත් ඒවා ඉතා සෞඛ්‍ය සම්පන්න ආහාර ලෙසයි සැලකෙන්නේ. මෙම සමාන පෙති ඇති අලංකාර එළවලු වල සිතනවාටත් වඩා නිදන්ගත දැවිල්ල තත්ත්වයන්ගෙන් ආරක්ෂාව සලසන ප්‍රතිඔක්සිකාරක බහුලව අඩංගු වනවා. ඔබට විවිධාකාරයට ආහාරයට ගත හැකි අතර මෙම එලවලු මානසික අවපීඩනයන් අවම කිරීමටද උපකාරි වනවා.

ඉඟුරු


ඉඟුරු ඉතා ප්‍රබල ඇන්ටි ඉන්ෆ්ලමටරි එකක් ලෙසයි සැලකෙන්නේ. ඔබගේ තේ කෝප්පයට එක්කර එසේ නොමැති නම් ආහාරයක් ලෙස, රසකැවිල්ලක් ලෙස ඔබට ඉඟුරු ආහාරයට එක්කර ගත හැකියි. විශේෂයෙන් ඉඟුරු සාරය ඔස්ටියෝ ආතරයිටිස් නමැති දණහිසේ වේදනාවට ප්‍රථිකාරයක් ලෙසද යොදාගනු ලබන අතර රුධිරගත සීනි අඩු කිරීමටත් සහ හෘද රෝග සමඟ සටන් කිරීමටත් මෙන්ම ආමාශය ආශ්‍රිත රෝග සඳහා සහනය ගෙන දීමටත් උපකාරි වනවා.

සුප්


පැළෑටි සමඟ එළවළු, මාළු හෝ මස් එක්කර සාදන ලද සුප් දැවිල්ලට එරෙහිව සටන් කිරීම සඳහා විශිෂ්ට ක්‍රමයක් ලෙසටයි සැලකෙන්නේ. විශේෂයෙන් කුකුලු මස් එක්කර සාදන ලද සුප් ඉතා හොඳ ප්‍රතිඔක්සිකාරකයක් වන අතර අසනීපවලින් සුවය ලබාගැනීමට සහ වඩාත් හොඳ මනෝභාවයක් ලබාගැනීමට හැකි ආහාරයකි. කුකුලු මස්, සුදුළූණු , ගෝවා හෝ නිවිති සහ හතු එක්කර සකස් කරගන්නා සුප් ප්‍රදාහ තත්ත්ව හේතුවෙන් ඇතිවන රෝග සමග සටන් කල හැකි විශිෂ්ඨ ආහාරයක් ලෙසටද හැඳින්විය හැකියි.

Related Articles

Featured Articles

Trending Articles

අපේ ජනප්‍රියම ලිපි

Milk Toffee Recipe
   136,416
   56

කිරි ටොෆී - Recipe

කිරි ටොෆී ගෙදරදීම හදමු
Cashews that nourish your beauty, protect your skin and protect your health
   11,181
   52

ඔබගේ රූ සපුව වඩවන, සම රැකදෙන, සෞඛ්‍ය ආරක්ෂා කරන කජු

රූ සපුවට, හොඳ සෞඛ්‍යයට කජු වල තියෙන මේ වාසි ඔබව පුදුම කරාවි..
Health benefits of onions
   5,735
   45

ලූණු ආහාරයට ගැනීමෙන් ඔබට අත්වන සෞඛ්‍ය ප්‍රතිලාභ

රස පමණක් නොවේ ළුණුවල ඇති ඔබගේ ශරීරයට වැදගත් අත්‍යවශ්‍ය පෝෂ්‍ය පදාර්ථ ගැනයි අද හැඩකාරි සටහන..
how to make over your health and look in 10 days
   6,319
   44

දින 10කින් ඔබේ සෞඛ්‍යය සහ පෙනුම වැඩි දියුණු කරගැනීමට ඔබත් කැමතිද? ඒ සඳහා පහසු පියවර 10ක්

මේ විනෝදජනක ටාස්ක් 10 ඔයාගේ ශාරීරික සහ මානසික තත්වය ඉහල නන්වන්න හොඳ ආරභයක් ලබා දෙන බව සහතිකයි..
5 tips to reduce vomiting in pregnancy
   17,919
   41

මේ ටිප්ස් 5 දන්නව නම් ගර්භණී සමයේදී ඇති වන වමනය නතර කර ගන්න පුළුවන්..

උදෑසන අසනීප වීම පොදු රෝග ලක්ෂණයක්. නමුත් නිතර නිතර වමනය යාම නිසා ඔබට විජලනය හා තෙහෙට්ටුව ඇති කරනවා. ගර්භණී සමයේදී වමනය යන එක පාලනය කරන්න පිළියම් කිහිපයක් මෙන්න

Latest Articles

Most Viwed