ලෙඩ දා ගන්නේ නැතුව ඇඟ බේරගෙන job එක කරන්නේ මෙන්න මෙහෙමයි

February 26, 2018
4,909
How to survive in a job
රැකියාව කරන තැන කියන්නේ අපි හරිම පරිස්සමෙන් වැඩ කටයුතු කරන්න ඕන තැනක්. මොකද වැඩ කරන තැන ප්‍රශ්න දා ගත්තොත් රැකියාව තිත්ත වෙනවා. ඒ නිසා මේ කියන වැරදි, අඩු පාඩු ඔයා අතින් වෙන්න ඉඩ දෙන්න එපා.

ඔයාගේ පෞද්ගලික ජීවිතය ගැන විස්තර office එකේ අයත් එක්ක බෙදා හදා ගන්නවද?

මේක නම් ඔයා කරන ලොකු වැරද්දක්. ඔයා විවාහක කෙනෙක්නම් ගෙදර දොරේ සිද්ද වෙන හැම දෙයක්ම වැඩ කරන තැන ගිහින් කියවන්න එපා. ඒත් අපේ ගොඩක් දෙනෙක් කරන්නේ husband ගේ වැරදියි, දරුවන්ගේ ප්‍රශ්නයි, අනිත් හැම දෙයක්මයි හැමෝම එක්ක කියවන්න යනවා. එහෙම වෙද්දී කෝ ඔයාට කියලා පෞද්ගලිකත්වයක්.

ඒ වගේම මේ දේවල් ඔයාට ප්‍රශ්න ඇති කරන්න බලන් ඉන්න යට හොඳ ආරංචි. ඔයාගේ පවුල් ජිවිතේ අවුල් කරන්න ඔයා මේ කරන වැරැද්ද හේතු වෙන්න පුළුවන්. මේ කාරණාව විවාහක අයට විතරක් නෙවෙයි විවාහ වෙන්න හිතන් ඉන්න අයට වගේම ආදරේ කරන අයටත් අදාළයි.

අනුන්ගේ පෞද්ගලික දේවල් හොයන එකත් නවත්තන්න

කලින් කිව්ව දේ අනිත් පැත්ත තමයි මේ. ඔයාගේ පෞද්ගලික දේවල් අනිත් අය එක්ක කියවන්න එපා වගේම අනිත් අයගේ පෞද්ගලික දේවල් ගැන හොයන්න මහන්සි වෙන එකත් නවත්තන්න. කාන්තාවන්ට ඉතින් කරන්නම බැරි දේත් ඕකනේ. ඒත් ඔයා මේ වැරදි වැඩේ කරොත් ඒකෙන් හානි වෙන්නේ ඔයාගේ ප්‍රතිරූපයටමයි. ඔයාගේ චරිතය ගැන අනිත් අය අතර ඇති වෙන්නේ හොඳ ආකල්පයක් නෙවෙයි. අනිත් අයගේ පෞද්ගලික දේවල් ගැන ඔයා තුල යම් යම් අදහස් ඇති. ඒත් ඒවා ඔයා ගාවම තියා ගන්න. මොකද රාජකාරි කරද්දී ඔයා කළ යුතු සහ නොකළ යුතු දේවල් ගැන අවබෝධයක් ඔයා තුල තිබිය යුතුයි. එහෙම නොව්නොත් ප්‍රශ්න වැඩියි.

අනිත් අයගේ දුර්වලතා හොයන්න යන්න එපා

අපි කසිම කෙනෙක් සර්ව සම්පුර්ණ නැහැ. අපි හැමෝම ළඟ අඩු පාඩු දුර්වලතා තියෙනවා. ඒ දේ තේරුම් අරගෙන කවදාවත් තවත් කෙනෙක්ගේ දුර්වලතාවයන් විවේචනය කරන්න, හෑල්ලු කරන්න යන්න එපා. මොකද ඔයා ළඟත් ඔයාට තවමත් හඳුනා ගන්න බැරි වුනු දුර්වලතා බොහොමයක් තියෙන්න පුළුවන්.

අනිත් එක ඔයා මේ කරන වැරැද්දෙන් අනිත් කෙනාගේ හිත රිදෙන්න, හිත් අමනාපකම් ඇති වෙන්න පුළුවන්. අනිත් අය අතරේ ඔයා අප්‍රිය කෙනෙක් වෙන්න වගේම හතුරන් ඇති කර ගන්නත් හේතුවක් වෙන්න පුළුවන්. එහෙම වෙද්දී රැකියා ස්ථානයේ නෙවෙයි කොතනත් හරි හැටි වැඩ ටික කර ගන්න බැරුව යනවා.

කේලාම්

රැකියා ස්ථානයේ වැඩි පුරම ප්‍රශ්න ඇති කරන්නේ මෙන්න මේ නරක පුරුද්ද තියෙන අය. තමන්ගේ ළඟින්ම ඉන්න කෙනාගේ දේවල් තවත් අය එක්ක කියනවා. එයාලගේ ප්‍රශ්න තව තැනක ගිහින් කියනවා. ඒ විදියටම තමයි ආයතනයේ ප්‍රධානියා ළඟට ගිහිල්ලත් කේලම් කියන්නේ. මෙහෙම වෙද්දී වැඩ කරන තැන අය අතරත් මත ගැටුම් ඇති වෙනවා. ඒ ප්‍රශ්න දුර දිග ගියොත් එතන රාජකාරි කරන්න බැරි තත්වයක් උදා වෙනවා. මේක නම් හරිම නරක පුරුද්දක්. එහෙම කරා කියලා මොනවද ඔයාට ලැබෙන්නේ. අනිත් අයගේ අප්‍රසාදය විතරයි. මේ වැරැද්ද ඔයත් කරනවා නම් එක තමයි ඔයා ළඟ තියෙන ලොකුම දුර්වලතාවය.

ඔයා වෙන job එකක් හොයනවද?

එහෙනම් ඒක කරන්න ඕන අඬබෙර ගහ ගහ නෙවෙයි. හේතුව මොකද්ද කියලා අමුතුවෙන් කියන්න ඕන නැහැනේ. මුලදීත් කිව්වා වගේ අපි වැඩ කරන්නේ විවිධාකාර මිනිස්සු එක්ක. ඒ අතරේ හොඳ අය වගේම කේලම්කාරයෝ, ඊර්සියාකාරයෝ ඕන තරම් ඉන්නවා. එහෙම අය එක්ක ඒ වගේ දේවල් බෙදා හදා ගන්න ගියොත් හොයා ගත්ත රස්සාවයි, තියෙන රස්සාවයි දෙකම නැති වෙන්න පුළුවන්.

Related Articles

Featured Articles

Trending Articles

අපේ ජනප්‍රියම ලිපි

Never do this when you take a shower in the morning
   932
   184

උදේට නානවා නම් මේ දේ කරන්න නම් එපා

ස්නානය කර දවස නැවුම්ව ආරම්භ කිරීමට කැමති හැඩකාරි ඔබත් මේ කරුණු ගැන දැනුවත් වීම ඉතාමත් වැදගත්.. වෛද්‍යවරුන් පවසන ආකාරයට ඔබගේ මේ උදෑසන ස්නානය අතරතුර ඔබ ව්සින් වැළකිය යුතු කරුණු කිහිපයක් තිබෙනවා
6 things guys will only do when they are crazy about you
   35,740
   72

ඇත්තටම කොල්ලෙක් කෙල්ලෙක්ට පිස්සු වැටුනහම මොකද කරන්නේ?

කතාවට වගේ හැමෝම කියන්නේ ආදරේ පිස්සුවක් කියලනේ. හැබැයි ඉතින් මේක කොච්චර පිස්සුවක් උනත් අපි කාටවත් ආදරයක් නැතුව ජීවත් වෙන්න අමාරුයි
15 Easy methods to organize your home
   492
   68

නිවස පිළිවෙලකට තියාගන්න ප්‍රවීණයන්ගෙන් පහසු උපදෙස් 15ක්

ඔබට තියෙන්නේ කෙසේ පිළිවෙලට සකස් කලත් ඉක්මනින් අපිලිවෙල වෙන නිවසක් නම්.. අඩුම තරමින් දින කිහිපයක් හෝ නිවස එක දිගට පිළිවෙලට තබා ගැනීමට ඔයාට ඕනේ නම්.. ඒ සම්බන්ධයෙන් ක්ශේත්‍රයේ ප්‍රවීණයන් ගේ අදහස් විමසා බලමු..
Children calling out and getting out of bed
   7,686
   52

දරුවන්ව තනියම නිදාගන්න පුරුදු කරන එක ලොකු ප්‍රශ්නයක් ද?

දෙමාපියන්ට ඇතිවෙන ලොකුම ප්‍රශ්නේ තමයි දරුවන් නින්දෙන් ඇහැරිලා නිතර නිතර දෙමාපියන්ට කතා කරන එක
Does eating late at night gain weight?
   1,661
   50

ප්‍රමාද වී රාත්‍රී ආහාරය ගැනීමෙන් සිරැරේ බර වැඩිවෙනවද..?

බොහෝ පුද්ගලයින් සිතනවා ප්‍රමාද වී ආහාර ගැනීමෙන් ඔවුන්ගේ ශරීරයේ බර වැඩි වෙනවා කියා. ඇත්තටම එසේ සිදු වනවා ද? අද ලිපිය මගින් රාත්‍රී ආහාරය සහ බර වැඩි වීම සම්බන්ධයෙන් ඔබට වැදගත් කරුණු කියන්න සිතුවා...

Latest Articles

Most Viwed