ගර්භනී සමයේ ගැස්ට්‍රයිටීස් ඇති වුනොත් වහාම මේ දේවල් කරන්න

May 18, 2018
3,848
Do these if you get gastritis while you are pregnant
ගැස්ට්‍රයිටීස් කියන්නේ අද වෙද්දී වයසේ කිසිම භේදයක් නැතුව ඇති වෙන රෝගී තත්ත්වයක්. අහල බැලුවොත් නැති කෙනෙක් හොයා ගන්නත් බැරි වෙයි. අහන අහන කෙනාට ගෑස්. ගොඩාක් වෙලාවට ඉස්කෝලේ යන වයසේ දරුවන් අතරේ සුලබව දකින්න පුළුවන්. ආහාර වෙල් මඟහැරීම, වැරදි ආහාර පුරුදු, ක්ෂණික ආහාර ඇතුළු ආහාර රටාවේ තියෙන මේ වගේ දුර්වලතා නිසා ගොඩාක් දෙනෙක් මේ ලෙඩේ හදා ගන්නවා.

ගර්භනී සමය කියන්නේ විවිධ ශාරීරික අපහසුතා වලට මව මුහුණ දෙන කාලයක්. ගැස්ට්‍රයිටීස් කියන්නේ ඒ අතරින් තවත් එකක් විතරයි. ගර්භනී සමයේ ඇති වන ගැස්ට්‍රයිටීස් තත්ත්වය අවම කර ගන්න මවක් අනිවාර්යෙන් මේ දේවල් නම් අනිවාර්යෙන් අනුගමනය කල යුතුයි.

1. ගැස්ට්‍රයිටීස් තත්ත්වය ඉහල නංවන ආහාර වලින් වළකින්න

අපි ගන්න ආහාර වලින් ගැස්ට්‍රයිටීස් තත්ත්වය ඇති වීම සඳහා ඉහල බලපෑමක් තියෙනවා. ඒකට ගර්භනිද? නැද්ද කියන එක අදාල වෙන්නේ නැහැ. කොහොම වුණත් විශේෂයෙන් ඔබ කන බොන ආහාර ගැන සැළකිලිමත් වෙන්න. සමබර පෝෂ්යදායී ආහාරයක් හැම විටම ලබා ගන්න. ඒ අතරම, අධික තෙල් සහිත හෝ තෙල් වලින් බදින ලද ආහාර වලින් වළකින්න. එසේම, සෝඩා සහ කෘත්‍රිම බීම වර්ග, පාන්පිටි බහුල ආහාර අවම කල යුතුයි.

2. හිතකර පාන වර්ග මඟහරින්න එපා

හිතකරම පානය තමයි ඉතින් වතුර. වැඩිපුර වතුර පානය කරන්න. එයින් ගර්භනී මවකගේ ගැස්ට්‍රයිටීස් තත්ත්වය අවම කරන්න වගේම සිරුරේ උෂ්ණත්වයත් අවම කර ගන්න පුළුවන්. ඒ වගේම ගර්භනී සමයේ ඇති වන මලබද්ධය අවම කරන්නත් එයට පුළුවන්. දිනකට වතුර විදුරු 8-10ත් අතර ප්‍රමාණයක් පානය කරන්න. ඊට අමතරව පලතුරු හා එළවලු යුෂ පානය කරන්න. ගස්ලබු, කොමඩු, කැරට්, පිපිඤ්ඤා වැනි යුෂ පානය ඉතාමත් හිතකරයි.

3. තන්තු බහුල ආහාර පරිභෝජනය වැඩි කරන්න

තන්තුමය ආහාර දිනපතා ලබා ගත්තත් විවිධාකාර හේතු නිසා අමාශයේ ගැස්ට්‍රයිටීස් තත්ත්වය වැඩි වෙන්න පුළුවන්. ඒ නිසා තන්තු බහුලව අඩංගු ආහාර වැඩි වශයෙන් හා දිනපතා ලබා ගන්න. ගැස්ට්‍රයිටීස් එක්ක සටන් කිරීමේ හැකියාව තන්තුමය ආහාර වලට තියෙනවා. මලබද්ධය අවම කරනවා. දිනපතා තන්තු 25g -30g අතර ප්‍රමාණයක් සිරුරට ලබා දීම අතාවශ්‍යයි.

4. ක්‍රියාශීලි වෙන්න

ඔබ ගර්භනී වුනා කියන්නේ දවස තිස්සෙම ඇඳේ වැතිරිලා ඉන්න ඕන කියන එකවත්, මුළු දවසෙම විවේක ගන්න ඕන කියන එකවත් නෙවෙයි. අනිවාර්යෙන් ඔබ ක්‍රියාශීලිව ඔබේ දවස ගෙවා දැමිය යුතුයි. ගෙදරදොරේ වැඩ කරන්න. හැබැයි බර වැඩ හෝ නුසුදුසු දේවල් කරන්න යොමු වෙන්න එපා. ගර්භනී මවකට සුදුසු ව්‍යායාම කරන්න. මේ දේවල් ගර්භනී සමයේ ඔබේ බර අනවශ්‍ය විදියට වැඩි වීම අවම කරමින් සෞඛ්‍ය සම්පන්න දිවියක් ලබා ගන්න උදවු වෙනවා.

5. ආතතිමය තත්ත්වයන්ගෙන් මිදෙන්න

ගර්භනී මවකට කායික සෞඛ්‍ය වගේම මානසික සෞඛ්‍යයත් ඉතාමත් වැදගත් වෙනවා. මොකද ඒ දෙකම දරුවාට බලපෑම් කරනවා. ඒ නිසා අනිවාර්යෙන් මව මානසිකවත් නිරෝගිව ඉන්න ඕනමයි. ඒ වගේම එය ගැස්ට්‍රයිටීස් වැනි තත්ත්වයන් ඇති කරන්න අනිවාර්යෙන්ම බලපෑම් කරනවා.

Related Articles

Featured Articles

Trending Articles

අපේ ජනප්‍රියම ලිපි

Short term memory loss symptoms diagnosis and treatment
   267
   204

කෙටිකාලින මතකය නැතිවීම, රෝග ලක්ෂන, හේතු සහ ප්‍රථිකාර

කාන්තා අප එතරම් මේ ගැන සැලකිළිමත් නොවූවාට.. මේ තත්ත්වය අපේ ජීවිතය සම්පූර්ණයෙන් කණපිට හැරවීමට පවා හේතු වෙන බව ඔබ දැනුවත් වී සිටීම වැදගත්…
Must have frocks for woman (part 02)
   24,771
   189

ගවුම් අඳින්න කැමති යුවතියකට තිබිය යුතුම ගවුම් වර්ග - (02 කොටස)

ඔයාට තවත් ලස්සනට අඳින්න පුළුවන් ගවුම් වර්ග මොනවාද කියලා
Do not do these after sexual intercourse
   1,945
   169

ලිංගික සංසර්ගයෙන් පසු මේ දේවල් නම් කරන්න එපා

ලිංගික එක්වීමකින් පසු ඔබ විසින් අනිවාර්‍යෙන් වැළකිය යුතු කරුණු පිලිබදව ඔබ දැනුවත්ද..? කාර්‍යක්ෂම ලිංගික ජීවිතයක් ගතකරන ගමන්ම ඔබ වැළකී සිටිය යුතු ප්‍රධාන කරුණු 6 ක් පිළිබදව හැඩකාරි අපි ඔබට ඉදිරිපත් කරනවා
Energy Boost Mango Juice
   3,317
   84

උදේට බීලා යන්න ශක්තිජනක අඹ ජූස්

අපි ගොඩක් අය පුරුදු වෙලා ඉන්නේ උදේට තේ එකක් කෝපි එකක් බොන්නනේ. ඒත් ඒකෙන් සතියට දවස් තුනක් වත් අයින් වෙලා පළතුරු ටිකක් කන්න, බොන්න පුරුදු උනොත් ඔයාගේ, ඔයාගේ පවුලේ අයගේ යහපත් සෞඛ්‍යයට හොඳ ආරම්භයක් වෙයි
How to keep your feet beautiful
   44,824
   74

මුහුණේ වගේම දෙපා වල ලස්සන රැක ගන්නේ මෙහෙමයි

ගොඩාක් වෙලාවට අපේ දෙඅත් සහ දෙපා නිතරම හිරු එලියට නිරාවරණය වෙනවා. මුහුණට වඩා ඉක්මනට කුණු දුවිලි එක්ක ගැටෙනවා. එනිසා අනිවාර්යෙන් විශේෂ සත්කාරයක් දෙපා වෙනුවෙන් ලබා දෙන්නම ඕන

Latest Articles

Most Viwed