ලේසියෙන්ම ඉතිරියයි රසයි දෙකම තියෙන්න ලුණු දෙහි

June 23, 2018
4,640
Taste and save with lime pickle
දැන් කාලේ වගේ නෙවෙයි ඉස්සර කාලේ මිනිස්සු නම් කෑම බීම පරිහරණය කරේ අනාගතය ගැනත් හිතලා. මේ නිසා ඒ අය එක එක ක්‍රම පාවිච්චි කරා කෑම බීම කල් තියාගන්න. එක එක කාල වලදී වැඩිපුර තියෙන කෑම වර්ග ඒ කෑම වර්ග හිඟ වෙන කාලවල් වලදී පාවිච්චියට ගන්න පුළුවන් විදිහට තියාගත්තා නිසා ඉස්සර ගෙවෙල් වල කෑම බීම වලින් නම් කිසිම අඩුවක් තිබුනේ නැහැ. දෙහි කියන්නෙත් අද උනත් කාලෙකට ගණන් අඩු උනාට සමහර කාල වලදී හිතා ගන්න වත් බැරි විදිහට ගණන් යන දෙයක්. මේ නිසා ඉතින් දෙහි ගණන් අඩු කාලෙට ලුණු දෙහි එකක් හදා ගත්තොත් දෙහි ගණන් වැඩි වෙන කාලෙට දෙහි වල ගණන් නොබලා ඉන්න පුළුවන්. ඒ විතරක් නෙවෙයි ඉතින් බත් එකට ලුණු දෙහි කෑල්ලක් දාගත්තම පිරියක් ඇතුව බත් එක වුනත් කන්න පුළුවන්.

01. ඕනේ වෙන්නේ මේ දේවල්

ලුණු දෙහි කිවුවම ඕනේ වෙන මූලිකම දේවල් ටික නමේම තියෙනවා. කෝකටත් ඉතින් ආයෙත් කියනවා නම් මේ වැඩේට ඕනේ වෙනවා ඉදුණු දෙහි, අවශ්‍ය ප්‍රමාණයට ලුණු, බැද ගත්ත මිරිස් කුඩු, කොච්චි, දෙහි ඉස්ම, කොච්චි කරල් ටිකක්, සීනි ටිකක්, විනාකිරි ටිකක්, මේ දේවල් ටික තමයි ලුණු දෙහි හදන්න ඕනේ වෙන්නේ.

02. තද අව්වේ වේලීම

ලුණු දෙහි හරිම ක්‍රමයට හදනකොට step දෙකක් තියෙනවා. පලවෙනි එකේදී කරන්න ඕනේ මේකයි. දෙහි ටික හොඳට හෝදලා පිරිසිදු රෙදි කෑල්ලකින් වතුර අයින් වෙනකල් හොඳට පිහදා ගන්න. ඊට පස්සේ මේ දෙහි ගෙඩි වෙන් නොවෙන්න හතරට පලා ගෙන ලුණු දෙහි ගෙඩි වලට පුරවා ගන්න. මේ විදිහට ලුණු දාගත්ත දෙහි ටික පළල අඩියක් තියෙන මැටි වලඳක දාල දවස් 6 ක් 7 ක් පරිස්සමට තද අවුවේ වේලා ගන්න. දෙහි ටික හොඳට වේලුනාම දෙහි පොත්ත දුඹුරු පාට වෙනවා.

03. කට ලොකු භාජනයක්

දැන් දෙහි ටික හොඳට වේලිලා. දෙවෙනි අදියරේදී කරන්න ඕනේ මේකයි. ටිකක් ලොකු කට වහන්න පුළුවන් විදුරු බෝතලයක් හරි බාජනයක් හරි අරන් මේකට වේලා ගත්ත දෙහි ටික දාන්න. දැන් රස අනූව ඒකට බැදපු මිරිස් කුඩු, සීනි, විනාකිරි, දෙහි ඉස්ම, කොච්චි ටික දාල බාජනය වහලා දෙහි ටිකත් එක්ක දැම්ම දේවල් ටික කවලම් වෙන්න හොඳින් හොලවා ගන්න. දැන් ලුණු දෙහි එක හදලා ඉවරයි. හැබැයි මේක තවත් රස වෙන්න නම් තව දවස් දෙක තුනක් යන්න ඕනේ. මුල් දවස් ටිකේ දවසට දෙපාරක් විතර කලින් විදිහටම ලුණු දෙහි එක හොලව ගන්න. එතකොට හොඳටම ලුණු දෙහි එක කවලම් වෙනවා.

04. ලුණු දෙහි වලින් කරන්න පුළුවන් දේවල්

මේ විදිහට හදා ගත්ත ලුණු දෙහි එක ඔයාට සම්බෝල වලට ලුණු මිරිස් වලට උනත් පාවිච්චි කරන්න පුළුවන්. ඒ විතරක් නෙවෙයි ලුණු දෙහි වලට කෑම රුචිය වැඩි කරන්න පුළුවන්. අසනීපයක් වෙලාවට කෑම කන්න බැරුව ඇතිවෙන අප්පිරියාවට උනත් ලුණු දෙහි හොඳ විසඳුමක්. කාලයක් තියාගන්න පුළුවන් වගේම දෙහි ගණන් කාලෙට හොඳ ඉතිරියක්.

Related Articles

Featured Articles

Trending Articles

අපේ ජනප්‍රියම ලිපි

Never do this when you take a shower in the morning
   933
   185

උදේට නානවා නම් මේ දේ කරන්න නම් එපා

ස්නානය කර දවස නැවුම්ව ආරම්භ කිරීමට කැමති හැඩකාරි ඔබත් මේ කරුණු ගැන දැනුවත් වීම ඉතාමත් වැදගත්.. වෛද්‍යවරුන් පවසන ආකාරයට ඔබගේ මේ උදෑසන ස්නානය අතරතුර ඔබ ව්සින් වැළකිය යුතු කරුණු කිහිපයක් තිබෙනවා
6 things guys will only do when they are crazy about you
   35,762
   88

ඇත්තටම කොල්ලෙක් කෙල්ලෙක්ට පිස්සු වැටුනහම මොකද කරන්නේ?

කතාවට වගේ හැමෝම කියන්නේ ආදරේ පිස්සුවක් කියලනේ. හැබැයි ඉතින් මේක කොච්චර පිස්සුවක් උනත් අපි කාටවත් ආදරයක් නැතුව ජීවත් වෙන්න අමාරුයි
15 Easy methods to organize your home
   494
   70

නිවස පිළිවෙලකට තියාගන්න ප්‍රවීණයන්ගෙන් පහසු උපදෙස් 15ක්

ඔබට තියෙන්නේ කෙසේ පිළිවෙලට සකස් කලත් ඉක්මනින් අපිලිවෙල වෙන නිවසක් නම්.. අඩුම තරමින් දින කිහිපයක් හෝ නිවස එක දිගට පිළිවෙලට තබා ගැනීමට ඔයාට ඕනේ නම්.. ඒ සම්බන්ධයෙන් ක්ශේත්‍රයේ ප්‍රවීණයන් ගේ අදහස් විමසා බලමු..
Does eating late at night gain weight?
   1,674
   61

ප්‍රමාද වී රාත්‍රී ආහාරය ගැනීමෙන් සිරැරේ බර වැඩිවෙනවද..?

බොහෝ පුද්ගලයින් සිතනවා ප්‍රමාද වී ආහාර ගැනීමෙන් ඔවුන්ගේ ශරීරයේ බර වැඩි වෙනවා කියා. ඇත්තටම එසේ සිදු වනවා ද? අද ලිපිය මගින් රාත්‍රී ආහාරය සහ බර වැඩි වීම සම්බන්ධයෙන් ඔබට වැදගත් කරුණු කියන්න සිතුවා...
Children calling out and getting out of bed
   7,686
   52

දරුවන්ව තනියම නිදාගන්න පුරුදු කරන එක ලොකු ප්‍රශ්නයක් ද?

දෙමාපියන්ට ඇතිවෙන ලොකුම ප්‍රශ්නේ තමයි දරුවන් නින්දෙන් ඇහැරිලා නිතර නිතර දෙමාපියන්ට කතා කරන එක

Latest Articles

Most Viwed