මේ දිනවල ඇතිවිය හැකි කොලරාව රෝගී තත්ත්වයෙන් ඔබත් ආරක්ෂා වෙන්න

May 31, 2018
4,840
Be protected by cholera
කොලරාව කියන්නේ මරණය පවා ඇති කරවන්න පුළුවන් රෝගී තත්ත්වයක් කියලා ඔබ මීට කලින් හිතන්න නැතුව ඇති. විසබීජ ශරීරගත වීම් තුලින් කොළොලරාව ඇතිවෙන්න පුලුවන්. විශේෂයෙන් විෂබීජ සහිත ජලය ශරීරගත වීමෙන් තමයි මේ තත්ත්වය වැඩිපුර ඇති වෙන්නේ. ඉතින් මේ දවස්වල දැඩි වැසි සහිත කාලගුණය හා ගංවතුර තත්ත්වයන් නිසා මේ වගේ රෝගී තත්වයන් පැතිරෙන එක ඉතා සීඝ්‍රයෙන් සිදු වෙනවා. අන්න ඒ නිසා තමයි මේ වගේ තත්ත්වයන් ගැන ඔබ වඩාත් සැළකිලිමත් විය යුතුයි.

අපවිත්‍ර වූ ආහාර අනුභවය, අපවිත්‍ර වූ ජලය පානය කිරීමට වැනි දේ නිසා කොලරාව ඇතිකිරීමට හේතුවන බැක්ටීරියාව ශරීරගත වෙන්න පුළුවන්. කොලරාව විෂබීජයෙන් ආසාදිත බොහෝ දෙනෙක් රෝගාතුරු නොවන නමුත් රෝග කාරක බැක්ටීරියාව දින 7 ක් 14ක් දක්වා කාලයක් තුල මළ සමග පිට කරනවා.

කොලරාව වැළඳුණු පුද්ගලයෙකුට දියරමය වශයෙන් මළ පිටවීම ඒ කියන්නේ බඩ බුරුලට යාම, මලපහ කරන වාර ගණන වැඩිවීම. වමනය, බඩේ වේදනාව. විටක තද උණ ගතිය, ඇඟ පත වේදනාව ඇතිවිය හැකියි. බොහෝ විට කොලාරාවෙන් ආසාදනය වූ පුද්ගලයන්ට පාචනය ඇති වන අතර ඔවුන්ගෙන් 10%ක් බරපතල ලෙස රෝගාතුර වී ඉතා තදින් පාචනය ඇති වී පසුව අධික ලෙස විජලනයට පත් වෙන්න ඉඩ තියෙනවා

විජලනය ඇති වුනු කෙනෙක් තුළ මේ ලක්ෂණ දකින්න පුළුවන්. පිටවන මුත්‍රා ප්‍රමාණය අඩු වීම, මුඛය, දිව, තොල් වියලීමට ලක් වීම, ශරීරය වියලීමට ලක් වීම, දරුවන්ගේ තොල් පහළට නෙරා යාම, පිපාසය අධික ලෙස ඇතිවීම ප්‍රධාන වශයෙන්ම දකින්න පුළුවන්.

ඒ වගේම හුස්ම ගැනීම වේගවත් වීම, අත් පා සීතල වීම, තද නිදිමත ගතිය, සිහිය මද වීම කියන්නේමෙහි තවත් රෝග ලක්ෂණ. මෙසේ ක්‍රමයෙන් විජලනයේ ලක්ෂණ නරක අතට හැරුනොත් ඉතා ඉක්මනින් රෝගියා ළඟම ඇති රෝහලට රැගෙන යාමට හෝ වෛද්‍ය ප්‍රතිකාර ලබාදීමට හැකි ස්ථානයකට රැගෙන යාමට කටයුතු කළ යුතුයි. කොළරාවට නිසි කල නිසි ප්‍රතිකාර සිදු නොකිරීම මගින් බරපතල ලෙස රෝගී වීම තුළින් මරණය පවා ඇති වෙන්න පුලුවන් ඒ වගේම දරුවන් තුළ මන්ද මන්දපෝෂණය වැනි තත්වයන් ඇති කරන්නත් මෙම කොළරාව හේතු වෙනවා.

මේ තත්ත්වය අවම කර ගන්න ඔයාට කරන්න පුළුවන් දේ,

කොළරාව රෝගී තත්ත්වයෙන් ආරක්ෂා වීමට නම් ඔයා මෙන්න මේ දේවල් ගැන වැඩිපුර සැලකිලිමත්මත් විය යුතුයි.

හැම විටම උතුරවා නිවාගත් ජලය පානය කරන්න

හොදින් පිසගත් ආහාර අනුභව කරන්න

පිසගත් ආහාර මැස්සන්ගෙන්, කැරපොත්තන්ගෙන් හා සුරතල් සතුන්ගෙන් ඈත් කොට තබන්න

නිතර සබන් යොදා පිරිසුදු වතුරෙන් අත් සෝදන්න

නිවැරදි වැසිකිළි කැසිකිලි පුරුදු අනුගමනය කරන්න

කුඩා දරුවන්ගේ මලපහ වැසිකිළියට නිසි පරිදි බැහැර කරන්න

එළවළු වර්ග හා පලතුරු වර්ග ආහාරයට එකතු කර ගනිද්දීත් හොඳින් සෝදා පිරිසිදු කර ගන්න

මෙන්න මේ දේවල් ගැන මේ දවස් වල වැඩි අවදානයක් දෙමින් මේ දිනවල පැතිරිය හැකි මේ වගේ රෝග වලින් ආරක්ෂා වෙන්න හැකි තරම් උත්සාහ කරන්න.

Related Articles

Featured Articles

Trending Articles

අපේ ජනප්‍රියම ලිපි

Shirt dress inspirations to stand out like a diamond
   10,170
   2,507

දියමන්තියක් වගේ කැපිලා පෙනෙන්න සැහැල්ලු ෂර්ට් ඩ්‍රෙස් විලාසිතාවන්

ෂර්ට් ඩ්‍රෙස් කියන ඇඳුම අනිත් මොන ඇඳුමක් එක්ක ගත්තත් පුංචි වැදගත් කමක් ඔයාට එකතු කරනවා. අද හැඩකාරී අපි ඔයාට මහගන්න, මස්සවගන්න සැහැල්ලු ෂර්ට් ඩ්‍රෙස් පැට්න් වලට අදහස් ටිකක් දෙන්න යන්නේ
Difference between love and truth - Story
   3,840
   1,243

ප්‍රේමයේ බැඳීම සහ සත්‍යය අතර වෙනස - Story

ඔවුන් අතර තියන දැඩි ප්‍රේමය නිසා ඔවුන්ට ඒ තීරණය අරන් වෙන් වෙන්න කිසිම අවශ්‍යතාවයක් තිබ්බේ නෑ..
Don’t do these mistakes that slow hair growth
   12,345
   995

ඔයාගේ හිසකෙස් වර්ධන වේගය අඩු කරන මේ වැරදි කරන්න එපා

කොණ්ඩය ඉබේටම වැඩීමට ලොකු කාලයක් ගත වෙනවා. නමුත් දිගු සහ නිරෝගිමත් කෙස් කලඹක සිහිනය සැබෑ කර ගැනීමට මෙම බලපෑම්කාරී දේ පිළිබඳව ඔයා දැනුවත් විය යුතුයි
Home remedies to get rid of Calluses
   1,035
   360

පාදයේ කැලසස් නොහොත් ඝන ගැටිති නිවසේදීම ඉවත් කරන්නේ කොහොමද?

කැලසස් කියන්නේ ඇතිල්ලීම හෝ ඝර්ෂණය නිසා පාදයේ ඇතිවන ගැටිති වලටයි. මෙය වේදනාකාරී මෙන්ම කකුලට අපහසුවක් සහ අවලස්සනක් ගෙනදෙනවා. ඉතින් කැලසස් ඔබේ පාදයේ හෝ අතේ ඇති නම් නිවසේදීම මේ පිලියම් කර දුරදිග නොයා එය ඉවත් කරගන්න පුලුවන්
How to remove hair dye on your skin
   397
   289

ඔළුවට දාන හෙයාර් ඩයි එක සමේ ගැවුනොත් ඉවත් කරන්නේ මෙහෙමයි

ඔයා නිවසේදී කෙස් කලඹ වර්ණ ගැන්වූවත්, සැලෝන් එකට ගියත් ඒ හෙයාර් ඩයි එක අනිවාර්යයෙන්ම ඔයාගේ නළල, කන්, බෙල්ල හෝ වෙනත් තැනක ගෑවෙනවා. නලලේ, අතේ, කන්වල පැල්ලම් සිටින මේ ගැටලුවට විසඳුම් අද අපි ගෙනාවා

Latest Articles

Most Viwed