ඔබත් බෙල්ලේ සම අඳුරු වීම නිසා කණස්සල්ලෙන්ද? එසේ නම් මේ පියවර 5 අනුගමනය කර බලන්න

August 14, 2022
35,129
5 skin care tips for your neck
බොහෝ යුවතියන් තම රූ සපුව කෙරෙහි බෙහෙවින් අවධානය යොමුකරන අතර ඉනුත් මුහුණේ සම රැකවරණය පිළිබඳව ඉතාමත් සැලකිලිමත් වෙනවා. නමුත් ඒ හා සමාන අවධානයක් බෙල්ල ආශ්‍රිත සම සඳහා ඔබ ලබාදෙනවාද.. ඔබගේ මුහුණ කෙතරම් සුරූපි වුවත් ගෙල පෙදෙස ආශ්‍රිත සම දුර්වර්ණ ස්වභාවයක් ගන්නවා නම් ඔබ අපේක්ශා කරන ප්‍රථිපල ඔබට නොලැබී යනවා නේද?

එසේ නම් මෙන්න ඔබගේ බෙල්ල ආශ්‍රිත සමෙහි රැකවරණය සඳහා ඔබ අනුගමනය කළයුතු පියවර 5ක්..

හිරු කිරණින් ආරක්ෂා වෙන්න
හිරු එළියේ ඇති අහිතකර පාරජම්බූල කිරණ මගින් එල්ලවන බලපෑම නිසා ඔබගේ ගෙල ආශ්‍රිත සියුම් සම අඳුරු පැහැ වීම සිදුවෙනවා. එමනිසා දිවා කාලයේ නිවසින් පිටතට යාමට පෙර නිසි ප්‍රමිතියකින් යුතු හිරු ආලේපනයක් හෙවත් සන්ස්ක්‍රීන් ආලේපනය වර්ගයක් ආලේප කරන්න. එමගින් සම අවපැහැ ගැනීම පාලනය කරගත හැකි වෙනවා.



මැරුණු සම ඉවත් කරන්න
බෙල්ලේ සම මත මැරුණු සෛල, කුණු දූවිලි ආදිය තැන්පැත් වී තිබීම නිසා සම අඳුරු පැහැ වෙනවා. එමනිසා ඔබ මුහුණ සඳහා භාවිතා කරන ස්ක්‍රබ් වර්ගයක් භාවිතා කර සමෙහි මැරුණු සෛල ඉවත් කල යුතුවෙනවා. ඒ වගේම විටමින් C අඩංගු මොයිස්චරයිසින් ආලේපනයන් මගින් නැවුම් සෛල වර්ධනය වීම සඳහා සහය වෙනවා.

සම රැකවරණයට අවශ්‍ය විටමින් ලබාගන්න
සම සඳහා වඩාත් සුදුසු පෝෂකයක් වන්නේ කොලජන් වන අතර ඉන් සමට අවශ්‍ය තරුණ පෙනුම ලබාදෙනවා. විටමින් C, Omega-3 සහ Omega-6 වැනි පෝෂකයන් මගින් ස්වභාවිකවම ඔබේ ශරීරය තුළ කොලජන් නිපදවීමට සහය වෙනවා. එමනිසා රාත්‍රියේ නින්දට යාමට පෙර Omega-3 සහ ඔමෙගා 6 ලබාගැනිම වඩාත් සුදුසු වෙනවා. එමගින් ඔබගේ සමෙහි සෛල අලුත්වැඩියා කරනවා.



AHA අම්ලය රූපලාවන්‍ය සත්කාර සඳහා එක්කර ගන්න
AHA හෙවත් Alpha Hydroxy Acid මගින් ඔබේ බෙල්ල ආශ්‍රිත සමේ වියළි බව දුරුකර සමේ තෙතමනය ආරක්ශා කර දෙනවා. විශේෂයෙන් එහි අඩංගු විටමින් A සම වියළීමට එරෙහිව සමමත තෙතමනය රදවා සිටිනවා.

නිසි රූපලාවන්‍ය ආරක්ෂණ ක්‍රම පිළිපදින්න
ඔබට ආවේණික සමට ගැලපෙන රූපලාවන්‍ය පුරුදු සකස් කරගන්න. දිනපතා සම පිරීසිදු කිරීම, සමේ ආරක්ශාවට සන්ස්ක්‍රීන් ආලේපය, තෙතමනය රැකගැනීමට මොයිස්චරයිසින් ආලේප කිරීම, සතියකට වරක් හෝ දෙවරක් මැරුණු සම ඉවත් කර සමට අවශ්‍ය පෝෂණය ලබාදෙන ෆේස්පැක් එකක් ගැල්වීම වැනි දෑ ඔබගේ සම නීරෝගිව තබාගැනීමට ඉතා වැදගත් පියවරයන් වෙනවා. ඊට අමතරව සමට අවශ්‍ය පෝෂණය ලබාගැනීමට සමබර ආහාර වේලක් ලබාගැනීම, ප්‍රමාණවත් පරිදි ජලය පානය කිරීම වැනි දෑ ඔබගෙ දෛනික කාලසටහනට එක්කරගත යුතු වෙනවා..

Related Articles

Featured Articles

Trending Articles

අපේ ජනප්‍රියම ලිපි

Are you binge-watching too?
   4,991
   63

ඔයත් බින්ජ්-වොච් (Binge-Watch) කරන කෙනෙක්ද?

අද මිලියන ගණනක් දෙනා මේ ආකාරයෙන් අපගේ ප්‍රියතම කතා මාලාව නිතිපතා නරඹන්න පුරුදුවෙලා තියෙනවා. ඒත් මේ බින්ජ්-වොච් කියන්නේ මොකක්ද? අපිත් Binge-watch කරනවද?
chore lists for kids
   38,736
   36

දරුවන් නිවසේ කටයුතු සඳහා එක්කර ගැනීමට කුඩා වියේ සිට යොවුන් විය දක්වා දරුවන්ට සුදුසු වැඩකටයුතු ලැයිස්තුවක්

එදිනෙදා කටයුතු සඳහා දරුවන් එක්කර ගැනීමෙන් දරුවන්ගේ ජීවන කුසලතා වැඩි දියුණුව, දරුවන්ගේ බුද්ධි වර්ධනයට සහ මනා හැසිරීමටද හේතු වෙනවා. දෙමවුපියන් නිවසේ එදිනෙදා කටයුතු සඳහා දරුවන් එක්කර ගැනීමට ඒ ඒ වයස් කාණ්ඩ වල දරුවන්ට පැවරිය හැකි වැඩ ලැයිස්තුවක් ගැනයි අද සටහන
Protect your baby's soft skin with jasmine and kasthuri kaha
   23,382
   29

පිච්ච සහ කස්තුරි කහ සාරයෙන් ඔබගේත් බිළිඳාගේත් මෘදු සම රැකගනිමු

හැඩකාරී අපි කියන්න යන්නේ මේ දිව්‍යමය ඖෂධ වලින් අපේ සමට ලැබෙන වාසි ගැන සහ ඒ වාසි සමට ලබාගන්න ඔබට පහසුවෙන්ම භාවිතා කරන්න පුළුවන් හොඳම නිෂ්පාදනයක් ගැනයි

Latest Articles

Most Viwed