ස්වභාවික ක්ලෙන්සර් එකකින් ඩීප් ක්ලෙන්ස් එකක් කරමු

August 14, 2020
3,875
Lets do a natural deep cleanse
ඔයාගේ සමේ අපිරිසිදු කුණු දුවිලි හා මේකප්  ඉවත් කිරීම සදහා ක්ලෙන්සර් එකක් භාවිතා කිරීම හරිම වැදගත්. ඔයා මේ මූලික පියවර වත් නොසලකා හැරලා ඉන්නකොට වෙන්නේ සමේ ගැටළු වර්ධනය වෙන එකයි. ඔයා රසායනික අමුද්‍රව්‍ය පදනම් කරගත් පිරිසිදුකාරක භාවිතා කිරීමට අකමැති නම් මුළුතැන්ගෙට නැතිවම බැරි, රුපලාවන්‍ය කටයුතු වලටත් භාවිතයට ගන්න පුලුවන්, අපි හැමෝටම වැදගත් වන අමුද්‍රව්‍ය ටිකකින් ක්ලෙන්ස් කරන හැටි අද හැඩකාරී අපි ඔයාට කියා දෙන්න සුදානම්. ඔයාගේ සම මෘදු, සිනිඳු හා දීප්තිමත් බවට පත් ක‍රන්න පුලුවන් ස්වාභාවික ක්ලෙන්සර් කිහිපයක් මෙන්න.
 
1. කඩල පිටි සහ කහ
ඈත අතීතයේ ඉඳන්ම සම පැහැපත් කර ගැනීමට සහ පිරිසිදු කර ගැනීමට කඩල පිටි භාවිතා කරනවා. කහ කුඩු වල තියන ප්‍රතිඔක්සිකාරක සහ ප්‍රති-ක්ෂුද්‍ර ජීවී ගුණාංග නිසා ඔයාගේ මුහුණේ ඇති අඳුරු පැල්ලම් අඩු කර ගැනීමටත්, කුරුලෑ අඩු කිරීමටත්, පිරිසිදු හා නැවුම් බවක් ඇති කරන්නත් උපකාරී වෙනවා.

ඔයාට අවශ්‍ය වන්නේ

කඩල පිටි මේස හැඳි 2 
කහ කුඩු තේ හැඳි 1
කිරි

ඔයා කළ යුතු දේ
මේ අමුද්‍රව්‍ය භාවිතා කරලා පේස්ට් එකක් සාදා ගන්න. ඒක මුහුණට සහ බෙල්ලට ආලේප කරන්න. මිනිත්තු 20 ක් පමණ ඒක මූණේ වේලෙන්න තියලා පිරිසිදු වතුරෙන් සෝදා හරින්න. අවම වශයෙන් සතියකට දෙවරක්වත් මේක කරන්න.

2. කිරි
කිරි කියන්නේ සමට මනා පොෂණයක් එකතු කරන පිරිසිදුකාරකයක්. ඒ වගේම ඔයාගේ සම මෘදු කරන අමු ද්‍රව්‍යයක්. සමේ සෞඛ්‍ය සම්පන්න බව වැඩි දියුණු කරන්න පුලුවන් සංයෝග රැසක් එහි අඩංගු වෙනවා.

ඔයාට අවශ්‍ය වන්නේ 
ලුණු
කිරි

ඔයා කළ යුතු දේ
කිරි සහ ලුණු මිශ්‍ර කරලා පිරිසිදුකාරකයක් සාදා ගන්න. කපු පුළුන් බෝලයක් භාවිතා කරලා ඒක ඊළඟට මුහුණේ සහ බෙල්ලේ ආලේප කරන්න. මෙය සතියකට වරක් හෝ දෙවරක් උත්සහා කරලා බලන්න.

3. මී පැණි
මී පැණි මගින් මුහුණ පැහැපත් කරනවා මෙන්ම මුහුණේ ඇති කුණු දුහුවිලි ද පහසුවෙන් ඉවත් කරලා මුහුණ ප්‍රබෝධමත්ව තබනවා. සමේ රැළි ඇතිවීම පමා කරනවා විතරක් නෙමෙයි, සමේ pH අගය ද නියාමනය කරනවා. ඔයාගේ සමට තරුණ බවක් හා දීප්තිමත් පෙනුමක් ද ලබා දෙනවා.

ඔයාට අවශ්‍ය වන්නේ
නැවුම් කිරි
මී පැණි තේ හැඳි 2-3 ක්

ඔබ කළ යුතු දේ
කිරි සහ මී පැණි මිශ්‍ර කරලා පේස්ට් එකක් සාදා ගන්න. මෙම පේස්ට් එක ඔයාගේ මුහුණට සහ බෙල්ලට ආලේප කරන්න. තත්පර 30 ක් සම මත වේළෙන්නට හැර ඇඟිලි තුඩු වලින් මෘදු ලෙස රවුමට පිරිමදින්න. ඇල් වතුරෙන් සෝදා හරින්න. සතියට දෙ තුන් වතාවක් කරන්න.

4. පොල් තෙල්
පොල්තෙල් වල lauric acid සහ මොයිස්චරයිසින් ගුණ තියනවා. එමගින් සමේ වියළි බව මගහරවා ගෙන සම පැහැපත් කර ගන්න ඔබට පුලුවන්.

ඔයාට අවශ්‍ය වන්නේ
පිරිසිදු පොල්තෙල් තේ හැඳි 1 
මී පැණි තේ හැඳි 1 
යෝගට් තේ හැඳි 1 

ඔයා කළ යුතු දේ
සියලුම අමුද්‍රව්‍ය මිශ්‍ර කරලා ඝන පේස්ට් එකක් සදා ගන්න. එය මුහුණේ ආලේප කරලා විනාඩි 15 ක් පමණ තබන්න. පස්සේ හොඳින් සෝදා හරින්න. 

5. යෝගට්
යෝගට් වල ලැක්ටික් අම්ලය අඩංගු වන අතර එය ඔයාගේ සම මොයිස්චරයිස් කරනවා. යුවතියන්ට ඉතා පහසුවෙන් මෙමගින් මුහුණ පැහැපත් කර ගැනීමට හැකියාව ලැබෙනවා.

ඔයාට අවශ්‍ය වන්නේ
යෝගට් මේස හැඳි  1-2 
මී පැණි මේස හැඳි  1 
ලෙමන් යුෂ තේ හැඳි 1

ඔයා කළ යුතු දේ
බඳුනකට යෝගට්, මී පැණි සහ ලෙමන් යුෂ එක් කරලා මිශ්‍ර‍ කර ගන්න.
මිශ්‍රණය ඔයාගේ මුහුණේ සහ බෙල්ලේ ආලේප කරන්න.
මිනිත්තු 15-20 කට පස්සේ සෝදා හරින්න.
සතියකට වතාවක් සත්කාරය කරන්න.

Related Articles

Featured Articles

Trending Articles

අපේ ජනප්‍රියම ලිපි

10 symptoms shows you are pregnant
   34,096
   85

කවුරුත් නොකියන ගැබ්ගත් බව අඟවන ලක්ෂණ 10ක්

ගැබ්ගත් කාන්තාවන් පීරියඩ්ස් නවතින එක, පියයුරු මෘදු වෙන එකට වඩා වෙනස් අත්දැකීම් වලට මුහුණ දෙනවා. නමුත් මේවා ගැන අනිත් අයට කියනවා අඩුයි. ඔබ මේ ලක්ෂණ දැනන් සිටින එක නුවණට හුරුයි කියලා අපි හිතුවා
Don't ever think of marring these 5 men
   39,609
   82

මේ පිරිමි පස් දෙනාගෙන් එක්කෙනෙක් එක්ක විවාහ වෙන්න තියා හිතන්නවත් එපා

හැබැයි ඒක එහෙම වෙන්න නම් අනිවාර්යෙන් සැමියාගෙන් සහයෝගය ලබෙන්නම ඕන. ඒත් ඔයාට හමු වෙලා ඉන්නේ මේ වගේ පෙම්වතෙක් නම් කවදාවත් පවුලේ වත් ඔයාගේ වත් සතුට ආරක්ෂා වෙයි කියලා
Things to do to avoid heart attack risk
   8,206
   70

හෘදයාබාධ අවදානමෙන් මිදෙන්න මේ දේවල් පුරුදු කර ගන්න

හෘදයාබාධයක් වැනි දරුණු අසනීපයක් ඇති වෙන්න කලින් ඔයාගේ පරිස්සම ගැන හිතලා මේ දේවල් අනුගමනය කරන්න
Day to day tips for a outstanding beauty
   23,522
   34

කැපීපෙනෙන රූපයකට එදිනෙදා ජීවිතයේදී හැමෝටම වැදගත් ටිප්ස් 04ක්

එදිනෙදා ජීවිතයේදී හැමෝටම වැදගත් වන සිරුරේ වයස් ගත ස්වභාවය පාලනය කර ගැනීම සඳහා උපකාර වන උපදෙස් ස්වල්පයක් කියන්නයි යන්නේ
Why are children’s teeth yellow and what can we do about it?
   2,469
   32

දරුවාගේ දත් කහ පාට වන්නේ ඇයි? ඒ සඳහා කළ හැක්කේ කුමක් ද?

හැඩකාරි වෙතින් අද අපි කතා කරන්නේ කුඩා දරුවන්ගේ දත් කහ පාට වීම සම්බන්ධවයි

Latest Articles

Most Viwed