ප්‍රතිශක්තීකරණය වැඩි වෙන්න වැළඳගැනීම උදවු වෙන්නේ මෙහෙමයි

April 14, 2020
2,228
How hugging increase your immune strength
මේ කාලයේදී නම් සමාජ දුරස්ථභාවය ආරක්ෂා කරගන්න එක අපේ පුද්ගල වගකීමක් නිසා වැළඳ ගැනීම් කියන්නේ නොකළ යුතුම දෙයක්. හැබැයි පවුලේ එකට ජීවත් වෙන අපේ ආදරණීයන් එක්ක ගෙවන මේ විවේකී සමයේදී පහුගිය කාර්‍යබහුල කාලයේදී අපිට අමතක වෙලා තිබ්බ පවුලේ සාමාජිකයන්ගේ ආදරය අලුත් කරගන්න ඔබට මේ උපදෙස් ටික වටිනවා නොඅනුමානයි. ආදරණීය වැළඳගැනීමකින් අනෙකාට දැනෙන්නේ රැකවරණයක්. කොහොමින් කොහොම හරි වැළඳගැනීමකින් ජීවිත වලට හොඳ හැඟීමක් ඇති කරනවා. ඉතිං ඔයාගේ සෞඛ්‍යය හා සබඳතා වැඩි දියුණු කිරීමට බලයක් ඒකට තියෙනවා. මොකද වැළඳගැනීම ඔයාගේ මනසට සහ ශරීරයට ධනාත්මක බලපෑමක් ඇති කරනවා. අද හැඩකාරී අපි ඔයාට ප්‍රතිශක්තීකරණය වැඩි වෙන්න වැළඳගැනීම උදවු වෙන්න විදිහ ගැන තමයි කියන්න හිතුවේ. වැ​ළඳ ගන්නා අනෙකාට සෙනෙහස පෙන්වීමට මෙය අවස්ථාවක් කර ගන්න පුළුවන්. ඔයාට මිනිත්තු කිහිපයකින් යළිත් සෞඛ්‍ය සම්පන්න බවක් සහ සතුටක් දැනෙන්න පටන් ගන්නවා.

1. සබඳතාව ශක්තිමත් කිරීමට උපකාරී වෙනවා.
වැළඳ ගැනීමකින් කියවෙන්නේ “මම ඔයා වෙනුවෙන් ඉන්නවා” කියලයි. ඔයාගේ සම ආදරණීයයාගේ සමට ස්පර්ශ වෙනකොට ශරීරයේ උණුසුම සහ ධනාත්මක ශක්තිය වැඩි වෙලා ඔයාගේ සම්බන්ධතාවය ශක්තිමත් කරගන්න ඒක උපකාරී වෙනවා. ගර්භණී කාල​යේ ඉඳන්ම තම දරුවා සමඟ ශක්තිමත් සම්බන්ධතාවයක් ගොඩනඟා ගැනීමට අපේක්‍ෂා කරන මවක් ඇගේ බඩ නිතරම අත ගන්න ඕනේ කියන්නෙත් ඒ නිසයි.

2. සෙම්ප්‍රතිශ්‍යාවේ බරපතලකම අඩු කරන අතර ප්‍රතිශක්තිය වැඩි කරනවා.
නිතර වැළඳගැනීම් කරන පවුලකට සෙම්ප්‍රතිශ්‍යාව වැළඳීමේ අවදානම අඩු බව පරීක්ෂණ වලින් සොයා ගෙන තියෙනවා.  ඔවුන් අසනීප වුණත් නිතර නිතර වැළඳ ගැනීමෙන් ඔවුන්ට සම්පුර්ණයෙන්ම සුවය ලබන්න පුළුවන්. ශාරීරික ස්පර්ශය මගින් ශරීරයට රෝග සමඟ සටන් කිරීමට උපකාරී වෙනවා පමණක් නොවෙයි ප්‍රතිශක්තීකරණ ශක්තියත් වැඩි කරනවා.

3. ආතතිය අඩු කරනවා 
ඔයා ආතතියට පත්වෙනකොට cortisol හෝමෝනය සෑම විටම ඉහළ මට්ටමක පවතිනවා. වැළඳගැනීමෙන් ලැබෙන පුදුම සහගත වාසියක් නම් රුධිරයේ ඇති cortisol මට්ටම අඩු කිරීමට උපකාරී වෙනවා. ඉතින් නිරෝධායන කාලය අවසන් වුණාට පස්සේ මතක ඇතිව සැමියා වැඩ ඇරීලා කේන්තියෙන් ගෙදර එනවා දැක්කොත් මුකුත්ම නොකියා ඔහුව තදින් වැළඳ ගන්න. එමගින් ඔහුට නිසැකවම දැනෙනවා ඇයි මම මේ තරම් කරදර වෙන්නේ, කවුරු නැතත් මගේ බිරිඳ මං වෙනුවෙන් ඉන්නවා නේ කියල.

4. හදවත නිරෝගීව තබා ගැනීමට උපකාරී වෙනවා.
සහකරුගේ වැළඳගැනීමකින් රුධිර පීඩන මට්ටමේ සහ හෘද ස්පන්දන වේගයේ විශාල අඩුවීමක් පෙන්නුම් කරනවා. නිතර වැළඳ ගන්නා අය අධි රුධිර පීඩනය සහ හදවත ගැන ඕනෑවට වඩා කරදර වෙන්න ඕනේ නැහැ. ​ඒ වගේම ඔයාගේ නැන්දම්මා හෝ වෙනත් කෙනෙක් දුර්වල හදවතක් සමඟ ජීවත් වෙනවා නම් ඔවුන්ව නිතරම වැළඳ ගැනීමට උත්සහ කරන්න. ආදරය මගින් හදවත් අවදානම් තත්ත්වයන්ගෙන් මුදවා ගන්නවා.

5. බිය අඩු කරනවා
ජීවිතය විඳිනකොට ඔයාට අනපේක්ෂිත තත්ත්වයන්ට මුහුණ දෙන්න සිද්ධ වෙනවා. ඒ වගේ අවස්ථාවන් වලදී බිය සහ නොසංසුන්තාවය පාලනය කර ගන්න ඇත්තටම අමාරුයි. හැබැයි ඒ වගේ වෙලාවක වැළඳගැනීම් මගින් කාංසාව අඩු කර, ආත්ම විශ්වාසය වැඩි කරනවා. උදාහරණයක් හැටිය​ට, ඔයාගේ සහකරුට හෝ සහකාරියට රැකියා සම්මුඛ පරීක්ෂණයක් ඇති දවසට හෝ  ළදරුවා පාසල් යන පළමු දිනය වැනි දිනයක ඔවුන් නිවසින් පිටවීමට කලින් ආදරණීයව බදා ගැනීමෙන් ඔවුන්ට එයට සාර්ථකව මුහුණ දෙන්න ශක්තිය ලැබෙනවා.

6. වේදනා නාශකයක් ලෙස ක්‍රියා කරනවා.
කෙනෙක් නොසන්සුන් වුණාම ඔහුගේ මාංශ පේශි තද වන නිසා අපහසුතාවයක් දැනෙන්න පටන් ගන්නවා. ඔයා ඔයාගේ සැමියා හෝ පෙම්වතා වටා දෑත් විහිදලා තුරුල් කර ගැනීමෙන් ඔහුගේ මාංශ පේශි ලිහිල් කර රුධිර සංසරණය වැඩි වැඩි කරවන්න පුළුවන්. ඒ වගේම වේදනාවන් අඩු වෙනවා. ඊළඟ වතාවේ ඔයාගේ දරුවා වේදනාවෙන් ඉන්නකොටත් දරුවා සන්සුන් කරගන්න තුරුල් කර ගන්න ක්‍රමය අත්හදා බලන්න.

7. මානසික අවපීඩනයෙන් පෙළෙන අයට සහනයක් ලැබෙනවා.
අසරණ භාවය සහ පහත් කිරීම වගේ හැඟීම් නිසා සමහර අය මානසික අවපීඩනයට වැටීමට හේතු වෙනවා. මානසික අවපීඩනයෙන් පෙළෙන ආදරණීයයෙකු බදාගෙන ආදරය පෙන්වීමෙන් ඔවුන්ගේ ශරීරයේ ඔක්සිටොක්සින් හෝමෝනයේ මට්ටම වැඩි කරන අතර සතුට ද ළඟා කර දෙනවා.

8. ආත්ම අභිමානය ඉහළ නංවනවා
සමහර අවස්ථා වලදී ඔයා ඔයාගේ ආදරණීයයන් සුළු කොට සළකලා ඇති.  ක්‍රියාව වචන වලට වඩා හයියක් වන නිසා කථා නොකරම වැළඳගැනීම නිසැකවම ඔයාගේ සහකරුගේ ආත්ම අභිමානය හා චිත්ත ධෛර්යය ඉහළ නංවන්න පුළුවන් හොඳම ක්‍රමයක්.

වැළඳගැනීම ඔයාගේ සිත තුළ වගේම පවුලේ සාමාජිකයන්ගේ සිත් තුලත් විශාල සතුටක් ඇති කිරීමට සමත් වෙන ආදරණීය පුරුද්දක්. ඉතින් ඔයාගේ ආදරණීයන්ටත් ඒ විදිහට වටිනාකමක් එකතු කරන්න ඔයාට පුළුවන්.

Related Articles

Featured Articles

Trending Articles

අපේ ජනප්‍රියම ලිපි

Has your hair started to thinning?
   450
   69

ඔබේත් හිසකෙස් සිහින් වෙන්න පටන් අරන් ද? එහෙනම් මෙන්න ඒකට හේතු

හිසකෙස් සිහින් වීමේදී තට්ටය ඇති නොකරත්, එය ඔබේ හිස මත හිස් තැන් ඇති කරනවා. ඒ නිසා මෙය සිදු වෙන හේතු සහ කල හැකි ප්‍රතිකර්ම ගැන දැනුවත් වෙන්න මේ ලිපිය අවස්ථාවක් කර ගන්න
How to kill bad bacteria in your mouth
   59
   43

ඔබේ මුඛයේ බැක්ටීරියා විනාශ කර සැහැල්ලුවෙන් හුස්ම ගැනීමට ක්‍රම 6 ක්

ලෝකයේ මිනිසුන්ගෙන් සියයට 35% ත් 45% ත් අතර සංඛ්‍යාවක් ඔවුන්ගේ දිවා කාලයේ මුවින් දුගඳක් වහනය වීම නිසා පීඩා විඳිනවා. මුවින් දුගඳක් වහනය වීම සමඟ සටන් කිරීමට පහසු ක්‍රම 6ක් අද අපි ඔබ වෙතට ගෙන එන්න සුදානම්
Know about Vaginal atrophy
   2,283
   38

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?
Use these natural ingredients carefully
   627
   27

මේ ස්වාභාවික අමුද්‍රව්‍ය 8 අධික ලෙස භාවිතා කළොත් සිද්ධ වෙන්නේ මොකක්ද කියලා දන්නවාද?

පරිසර හිතකාමී සහ සාමාන්‍යයෙන් අඩු හානිකර දේවල් වුවත්, මෙම ස්වාභාවික අමුද්‍රව්‍ය අපගේ රූපලාවණ්‍ය කටයුතුවලට එකතු කිරීමේදී අපි තවමත් ප්‍රවේශම් වෙන්න ඕනේ
Kaju Dosi Recipe
   52,176
   26

කජු දෝසි - Recipe

Video

Latest Articles

Most Viwed