ඔබේ දරුවාට බියකරු සිහින පෙනෙනවාද? එහෙනම් මේ උපදෙස් පිළිපදින්​න

August 27, 2020
4,929
How to deal with kids nightmares
ගොඩක් වෙලාවට ඔයා සුවට නිදාගෙන ඉන්න රාත්‍රීන් හි ඔබේ දරුවාගේ කෑගැසීම් නිසා හදිසියේම අවදි වෙන අවස්ථා උදා වෙලා ඇති. ඒ වගේ වෙලාවට ඔයා දරුවන් වෙතට දුවලා ගියත්, ඔයාගේ සැනසිලිදායක වචන වලට දරුවා ඉක්මණින් සන්සුන් වෙන්නේ නැද්ද? එහෙනම් දරුවා බියකරු සිහින දැකලා කෑ ගැහුවොත් ඒ වගේ වෙලාවකදී ඔයාගේ දරුවන් එක්ක ගනුදෙනු කරන්න පුලුවන් ක්‍රම පිළිබඳව අද හැඩකාරී අපි කියලා දෙන්නම්. 

නපුරු සිහින කියන්නේ මොනවාද ?
නපුරු සිහින කියන්නේ ළදරුවෙක් ගැඹුරු නින්දක ඉන්නකොට ඇතිවන නරක සිහිනයි. බොහෝ වෙලාවට කුඩා දරුවන්ට නපුරු සිහිනය විස්තරාත්මකව මතක තබා ගන්න පුලුවන්. ඒ නිසා පහුවදා උදෑසනත් දැකපු නපුරු සිහින නිසා කලබල වෙන්න පුලුවන්. 

අලුත උපන් බිළිඳුන්ට බියකරු සිහින පෙනෙන්න පුලුවන් ද කියලා දන්නේ නැහැ. නමුත් ඔවුන් දිනකට පැය 10 කට වඩා වැඩි කාලයක් (REM) ගැඹුරු නින්දේ ගත කරනවා. ඒ නිසා ඔවුන් ද මූලික බියකරු සිහින අත්විඳින්න පුලුවන්. කුඩා දැරුවෙකුට බියකරු සිහින අත්විඳීමට යම් යම් හේතු තිබෙන්න පුලුවන්.

ළදරුවන්ට බියකරු සිහින පේන හේතු

දුක්ඛිත හෝ බියජනක තත්ත්වයන් : 
වැඩිහිටියෙකුට සාමාන්‍ය යැයි කියලා පෙනෙන දේවල් ළදරුවෙක්ට කරදරයක් වෙන්න පුලුවන්. ඔබේ කුඩා දරුවා බිය උපදවන රූපයක් දැකලා නම් හෝ අකමැති ඥාතියෙක් සමඟ කාලය ගත කරලා ඇත්නම් දරුවා බියකරු සිහින අත්විඳින්න පුලුවන්. විශේෂයෙන් හොඳ පරිකල්පනයක් ඇති කුඩා දරුවන් බියජනක කතා ඇසීමෙන් පස්සේ ද බියකරු සිහින වලට ගොදුරු වෙන්න පුළුවන්.

ඖෂධ : 
ඇතැම් ඖෂධ මගින් ද දරුවන්ට රාත්‍රියේදී බියකරු සිහින ඇති කරනවා. ඒ වගේ අවස්ථාවලදී එම ඖෂධ නැවැත්වීම හෝ මාත්‍රාව වෙනස් කිරීම මගින් දරුවාට විවේකයක් ලබා ගන්න දෙන්න.

මානසික ආතතිය සහ කාංසාව : 
ඔයාගේ දරුවා ජීවත් වෙන්නේ යම් දෙයක් ගැන යම් බියෙන් හෝ කනස්සල්ලෙන් වෙන්න පුළුවන්. ඒවා දරුවන්ට බියකරු සිහිනයක් බවට පත් වෙන්න පුලුවන්.

වෙහෙස : 
නිසි නින්දක් නොලැබීම තෙහෙට්ටුව සහ වෙහෙසට හේතු වන අතර එමඟින් ළදරුවන්ගේ නිදා ගැනීමේ හා අවදි වීමේ චක්‍රය කඩාකප්පල් වනවා. එමඟින් වක්‍රාකාරව දරුවන්ගේ මොළයට බියකරු සිහින වල හැඩය ගන්නා ඍණාත්මක සිහින දැකීමට මඟ පෑදෙන්න පුලුවන්.

නින්දට පෙර අධික ආහාර වේලක් ගැනීම :
නින්දට පෙර අධික ආහාර වේලක් ගැනීම වැඩිහිටියන්ගේ ද බියකරු සිහින දැකීම් වලට බලපාන එක හේතුවක්. ළදරුවන් ඝන ආහාර පරිභෝජනය හුරු වූණාට පස්සේත් මේ සඳහා ගොදුරු වෙන්න පුලුවන් වුණත්, එය ළදරුවන්ට අදාළ වෙනවාද කියලා නිශ්චිතව ම කියන්න බැහැ.

නපුරු සිහින සමඟ කටයුතු කරන්නේ කොහොමද ?

හුරතල් කරන්න
ඔයාගේ ළදරුවා සමඟ ප්‍රමාණවත් කාලයක් ගත කරන්න. ඔයා දරුවා ළඟ සිටින බවට එයාට සහතික වන්න. ළදරුවන්ට වාචික සහතික කිරීම් නොතේරෙන නිසා ඔවුන්ව තුරුලට ගෙන හුරතල් කරන්න. ඔයාගේ දරුවාව සිනාසෙමින් සමීපව තබාගෙන විවේකීව ඉන්න ගමන් ගීත ගායනා කරන්න.

සිදු වූ දේ පැහැදිලි කරන්න: 
ආරම්භක කාංසාව සමනය වුණාට පස්සේ දරුවාට නරක සිහිනයක් පෙනී ඇති බව පැහැදිලි කිරීමට උත්සාහ කරන්න. නපුරු සිහින සැබෑවක් නොවන බවත්, සැබෑ ජීවිතයට කිසි විටෙකත් ඒවායින් හානියක් කරන්න බැරි බවත් තේරුම් ගැනීමට කුඩා දරුවාට උදව් කරන්න.

මනෝභාවය වෙනස් කරන්න : 
ළදරුවාට තේරුම් ගන්න පුලුවන් අත්දැකීමක් හෝ විහිළුවක් බෙදා ගැනීමෙන් ඒ මොහොත සැහැල්ලු කිරීමට උත්සාහ කරන්න. තවත් පවුලේ සාමාජිකයෙක් සම්බන්ධ කර ගෙන කුඩා දරුවා සමඟ සැහැල්ලු සංවාදයක් පවත්වන්න.

ආරක්ෂක අයිතමයක් තබා ගන්න: 
දරුවාට සුවපහසුවක් ගෙන දෙන යමක් ලබා දෙන්න සහ ආරක්ෂාව පිළිබඳ සංකේතයක් ලෙස එය ක්‍රියා කරනවා කියන්න. ඒක මෘදු බ්ලැන්කට්ටුවක ඉඳන් සරල හුරුබුහුටි සෙල්ලම් බඩුවක් වුණත් වෙන්න පුලුවන්.

දරුවාව නින්දට යනකල් රැඳී සිටින්න: 
එසේම ඔබ කාමරයෙන් පිටත් වෙලා යන්න කලින් දරුවාට සැනසීමක් ලබා දීමට වග බලා ගන්න.

උදේට නපුරු සිහින ගැන කතා එපා: 
නපුරු සිහින ගැන කෙලින්ම කතා කරන්න එපා. ඒ වෙනුවට, ‘ඔයා හොඳින් නිදාගත්තාද?’ වගේ ප්‍රශ්නයක් අසන්න. ඔයාගේ ළදරුවා බියකරු සිහිනය ගැන කතා කිරීමට පටන් ගන්නවා නම් ඒවාට හොඳින් සවන් දෙන්න.

Related Articles

Featured Articles

Trending Articles

අපේ ජනප්‍රියම ලිපි

Know about Vaginal atrophy
   2,110
   635

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?
This is why your skin look dark
   33,085
   166

ඔබේ සම අඳුරු වෙලා පේන්නේ මේ හේතු 5 නිසායි

අඳුරු පැහැ වුනු මුහුණ යලි පැහැපත් කල හැකි මේ පහසුම ක්‍රම ටික ඔබට අත් වැසිල්ලක් වේවි
Are you a good wife? (01)
   3,483
   125

ඔයත් යහපත් බිරිඳක්ද? මේ ලක්ෂණ ඔයා ළඟත් තියෙනවද? (01)

විවාහය කියන්නේ කණ්ඩායම් වැඩක්. තවද අවශ්‍යතාවන් සපුරා ගැනීමට දෙදෙනාම එක් වී උත්සාහයන් දැරීමට අවශ්‍ය වෙනවා. ඔයාට ‘හොඳ ස්වාමිපුරුෂයෙක්’ අවශ්‍ය වනවා සේම, ඔයාගේ සැමියාට හොඳ බිරිඳක් අවශ්‍ය වෙනවා. ‘හොඳ බිරිඳක් වන්නේ කෙසේද’ යන්න පිළිබඳ අද හැඩකාරී අපි මෙ ලිපියෙන් කියලා දෙනවා
Use these natural ingredients carefully
   209
   119

මේ ස්වාභාවික අමුද්‍රව්‍ය 8 අධික ලෙස භාවිතා කළොත් සිද්ධ වෙන්නේ මොකක්ද කියලා දන්නවාද?

පරිසර හිතකාමී සහ සාමාන්‍යයෙන් අඩු හානිකර දේවල් වුවත්, මෙම ස්වාභාවික අමුද්‍රව්‍ය අපගේ රූපලාවණ්‍ය කටයුතුවලට එකතු කිරීමේදී අපි තවමත් ප්‍රවේශම් වෙන්න ඕනේ
4 breakfast mistakes lead you to gain weight
   517
   78

උදෑසන ආහාරය මඟින් ඔබව තරබාරු කරවන වැරදි 4ක් මේ

තාමත් නව වසරේ ආරම්භක කාර්තුවේ ඉන්න නිසා උදේ ආහාරය මඟ හැරිය යුතුද නැද්ද යන්න පිළිබඳ විවාදය පසෙකට දමලා, ඔබ උදේ ආහාරය සඳහා අනුභව කරන දේවල් වලට අවධානය යොමු කරන්න පටන් ගන්න. ඔබේ බර අඩු කරන්නේ හෝ වැඩි කරන්නේ එයයි

Latest Articles

Most Viwed