ඔබේ මුහුණ අවලස්සන කරන blackheads පහසුවෙන්ම ඉවත් කරගන්නේ මෙහෙමයි

April 13, 2017
12,406
Simple Remedies to Get Rid of Blackheads
Blackheads කියන්නේ කාන්තාවන්ට වගේම පිරිමි පාර්ශවයටත් තියන ප්‍රශ්නයක්. කාන්තාවන් ඉතිං නිතර දෙවේලේ saloon වලට ගිහින් ලොකු ලොකු ගණන් දීලා blackheads ඉවත් කර ගන්නවා. නමුත් ඉතින් මේකට යන වියදම වගේම blackheads ඉවත් කරද්දී ඇතිවෙන වේදනාවත් ටිකක් දරාගන්න අමාරුයි. පිරිමි පාර්ශවය නම් වැඩිය හිතන්නේ නැහැ blackheads ගැන නමුත් ඉතින් ඒ අයටත් මේ නිසා මුහුණට අවලස්සනක් මිසක් ලස්සනක් නම් ලැබෙන්නේ නැහැ. ඉතින් අද අපි ඔබට කියල දෙන්න යන්නේ වැඩි වියදමක් නැතුව අමාරුවකුත් නැතුව ගෙදරදී පහසුවෙන්ම blackheads ඉවත් කරගන්න පුළුවන් ක්‍රම ටිකක් ගැන.

1. මුහුණ පිරිසිදු කිරීම සදහා තෙල් අඩංගු නොවන පිරිසිදු කාරකයක් භාවිතා කරන්න

ඔබේ සම හොදින් පිරිසිදුව තබා ගැනීම ඉතා වැදගත්. මොකද මුහුණේ අධිකව තෙල් රැදී තිබුනොත් එය blackheads පහසුවෙන්ම ඇතිවීමට හේතුවක්. මේ නිසා තෙල් අඩංගු නොවන cleanser වර්ගයක් භාවිතා කර දවසට දෙපාරක් මුහුණ හෝදන්න. ඉන් පසු තෙල් අඩංගු නොවන moisturizer වර්ගයක් ආලේප කරන්න. මේ නිසා ඔබට පුළුවන් සම වියලි භාවයට පත්වීම වලක්වා ගන්න.

2. ඔබ භාවිත කරන සෑම දෙයක්ම පිරිසිදුව තබාගන්න

බොහෝ විට අපිට මුහුණ හෝදලා පිළිවෙලට ඉන්න මතක තිබුනට අපි පාවිච්චි කරන සමහර දේවල් නම් පිරිසිදු කරගන්න අමතක වෙනවා. විශේෂයෙන් අපි භාවිත කරන කොට්ට සහ කොට්ට උර, තුවාය, විශේෂයෙන් ඔබේ දුරකථනය මේ දේවල් අනිවාර්යෙන්ම පිරිසිදුව තබාගත යුතුයි.

3. සතියකට දෙපාරක් මුහුණ scrub කරන්න

ඔබේ හමට ගැළපෙන scrub වර්ගයක් භාවිතා කර සතියකට දෙපාරක් මුහුණ scrub කරන්න. මේ නිසා ඔබේ මැරුණ සම ඉවත් වී blackheads ඇතිවීම පාලනය වෙනවා. මේ සදහා ඔබට වෙළදපලේ ඇති scrub වර්ගයක් හෝ ස්භාවිකව සකස් කරගත් scrub එකක් භාවිතා කල හැකියි.

4. සති දෙකකට වරක් මුහුණ Steam කරන්න

මෙය blackheads ඉවත් කරගන්න කළහැකි සාර්ථක ප්‍රතිකාරයක්. මුහුණ steam කිරීම මගින් මුහුණේ ඇති අනවශ්‍ය තෙල් ඉවත් වෙනවා වගේම මුහුණ හොදින් පිරිසිදු වෙනවා. ඔබේ සමේ ඇති සිදුරු විවර කරමින් සම ඇතුළතින්ම පිරිසිදු කර ඔබේ සම සිනිදු කරනවා වගේම blackheads ඇතිවීම පාලනය කරනවා.

5. මීපැණි සහ කුරුදු කුඩු

මීපැණි මේස හැදී දෙකකට කුරුදු කුඩු මේස හැදී දෙකක් දමා සාදාගත් මිශ්‍රණය මුහුණේ blackheads ඇති ස්ථානවල අලේප කරන්න. ඉන් පසු පිරිසිදු කපු රෙදි කැබැල්ලක් ඒ මත තබා විනාඩි 8 ක් පමණ තිබෙන්නට හරින්න. ඉන්පසු සෙමෙන් රෙදි කැබැල්ල ඉවත් කරන්න. එවිට මුහුණේ ඇති blackheads රෙදි කැබැල්ලත් සමග ගැලවී යයි. මෙයින් ඔබේ සමට කිසිදු හානියක් සිදු නොවේ.

6.බිත්තර සුදුමද

බිත්තර දෙකක සුදුමද හොදින් කවලම් කරගෙන මුහුණෙහි අලේප කර විනාඩි 10 ක් පමණ වේලෙන්නට තබා සාමාන්‍ය උණුසුම් වතුරින් සෝදා හරින්න. මෙය ඔබේ blackheads ඉවත් කරනවා පමණක් නොවෙයි ඔබේ සම පෝෂණය කරමින් පැහැපත් බවක් ලබාදෙනවා.

Related Articles

Featured Articles

Trending Articles

අපේ ජනප්‍රියම ලිපි

jaggery Moose Recipe
   882
   574

හකුරු මූස් - Recipe

මූස් වලට ආස අයට ශ්‍රී ලංකන් twist එකක්
How to rebuild your self confidence
   677
   549

බිද වැටුණු ආත්ම විශ්වාසය නැවත ගොඩනගා ගන්නේ කොහොමද?

ඔයා ඔයාගේ ජීවිතය තුළ කලකිරීමකින් හා පසු තැවීමකින් නම් කටයුතු කරන්නේ, නැවත වරක් නොව දහස්වාරයක් සිතා බලන්න ඕන කියලයි අපි හිතන්නේ. මානසික බිද වැටීම්, පසු තැවීම් හා ජීවිතේ කඩා වැටීම් අපි කා තුළත් තිබිය හැකියි. නැතිවුණු ආත්ම විශ්වාසය ගොඩනගා ගන්නේ කොහොමද කියලා www.hadakai.lk  වෙතින් තිළිණ කරන මේ ලිපිය කියවලම බලන්නකෝ
Do not go to sleep with make up on your face
   263
   230

මුහුණේ මේකප් එක්ක නින්දට යන්න එපා

රාත්‍රි‍ය පුරාවටම මේකප් මුහුණේ තිබීමෙන් මුහුණේ කරුළෑ ලප කැළැල් ඇති වීමට හිතකර පරිසරයක් නිර්මාණය වෙනවා. ඒ ගැන අද හැඩකාරී තුළින් දැනුවත් කරන්න අපි සුදානම්
Sleep naked, be beautiful
   1,537
   106

නිරුවතින් නිදාගෙන ලස්සන වෙන්න

ගොඩක් දෙනෙක් ලස්සන වෙන්න කැමති වුණාට නිදාගත්තම ලස්සන වෙනවා කියලා අහලා තිබුණේ නෑනේ. මේ කියන්නේ වෙනදා ඔබ සාමාන්‍ය විදිහට නිදා ගැනීමක් ගැන නම් නෙමෙයි. ලස්සන වෙන්න පර්යේෂකයින් හොයාගෙන තියෙන මේ අලූත් ක්‍ර‍රමය ගැන නම් ඔබ තුළ එතරම් දැනුවත් භාවයක් නොමැති වන්නටත් පුළුවන්

Latest Articles

Most Viwed