හිතන්නේ බලන්නේ නැතිව ඉක්මනට වැඩි කර ගත්ත බර ඉක්මනටම අඩුකර ගන්නේ මෙහෙමයි

June 23, 2017
8,956
How to Lose Weight Fast
අපේ තියෙන වැරදි ආහාර රටාව සහ ජීවන රටාවේ තියෙන වැරදි නිසා ගොඩ දෙනෙක් ස්ථුල භාවයට පත් වෙලා, බර වැඩි වෙලා, ඒ වගේම ගොඩ දෙනෙක් ඒක මානසික වදයක් කර ගෙන සහ එයින් මිදෙන්න ගොඩක් උත්සහ කරනවා. කෙටි ක්‍රම හොයනවා. ඉක්මනින් බර අඩු කර ගන්න කියලා ගොඩක් දෙනෙක් භාවිතා කරන විවිධ ක්‍රම නම් කිසි සේත්ම අනුමත කරන්න බැහැ. ඒ නිසා නිවැරදි ආහාර රටාවකට පුරුදු වීම සහ ක්‍රමානුකුලව ව්‍යායාම කිරීමත් ගොඩක් වැදගත්. තමන්ගේ උසට හා වයසට සරිලන ලෙස බර පවත්වාගෙන යාම ගොඩක් වැදගත්. ඒ අතර මේ ආහාර වර්ග ඔයාගේ ආහාර වේලට එකතු කර ගත්තොත් බලන්නකෝ ඔයාට ලැබෙන වාසි මොනවද කියලා.

1. තම්බා ගත් එළවළු

විශේෂයෙන් රාත්‍රී ආහාර වේලට තම්බා ගත් එළවලු කන්න. හැබැයි අනවශ්‍ය විදියට තම්බන්නත් එපා. හුමාලයෙන් තම්බනවා නම් තමයි ගොඩක් හොඳ. විශේෂයෙන් කෙදි බහුල එළවලු වර්ග එකතු කර ගන්න. එමගින් ඔබව වැඩි වෙලාවක් බඩගිනි නොවී තබා ගනීවි. තවද රුධිරයේ සීනි මට්ටම අසාමාන්‍ය ලෙස අඩු වැඩි වීමත් මේ මගින් පාලනය කරනවා. ඒ වගේම ආහාර ජීර්ණ පද්දතියේ නිසි ක්‍රියාකාරිත්වයටත් හේතු වෙනවා.

2. බිත්තර

ඔයාගේ ශරීරයේ බර පාලනයට ප්‍රෝටීන් වැඩියෙන් අඩංගු ආහාර උදැසන අහාර වේලට එකතු කර ගන්න. බර පාලනයට එයින් මහත් රුකුලක් ලැබෙනවා. කැලරි 350ක් පමණ ආහාරයට ප්‍රෝටීන් ග්‍රෑම් 35 ක් පමණ ලැබෙන ලෙස බිත්තර එකතු කර ගැනීමෙන් දවස පුරාම ප්‍රබෝදයක් ලැබෙනවා වගේම ඔයාට වරින් වර කෙටි ආහාර ගැනීමටත් ඕන වෙන එකක් නෑ. ප්‍රධාන ආහාර වේලට අමතරව ගන්න කෙටි ආහාර අපේ බර වැඩි වීමට වගේම ස්ථුලභාවයට හේතු වෙනවා.

3. බෝංචි

බෝංචි වගේම ගොඩක් එළවලු වර්ග අපට අවශ්‍ය ප්‍රෝටීන් වලින් සමන්විත වෙනවා. ඒ වගේම ඒවායේ ඇති කෙදි සහිත බව නිසා හෙමින් හෙමින් දිරවීමට ලක් වෙනවා. වාසිය වෙන්නෙත් ඔයාටමයි. ගොඩක් වෙලාවක් යනකන් බඩගින්නක් දැනෙන එකක් නැහැ. එවිට ඔයා අනවශ්‍ය ලෙස අධික තෙල් හා සීනි සහිත කෙටි ආහාර ගන්න එක ගොඩක් අඩු වෙයි. ප්‍රධාන ආහාර වේලකදී උනත් පිෂ්ටය වැඩි ආහාර නොගෙන ඉදිවී.

4. සුප් වර්ග

ප්‍රධාන කෑම වේලට පෙර සුප් කෝප්පයක් පානය කරන්න පුලුවන්නම් එක ගොඩක් හොඳයි. නිවැරදි ලෙස අඩු මේද මට්ටමක් සහ ශරීරයට අහිතකර රසකාරක නැතිව හදපු එලවලු හෝ මාංශමය සුප් එකකින් කුසෙන් හරි අඩක් පමණ පුරවා ගත හැකියි. ඒ නිසා පසුව ඔබ ආහාරයට ගන්නා පිෂ්ටය හා මේදය අඩංගු ආහාර සෑහෙන්න අඩු කර ගන්න පුළුවන්.

5. රට කජු, අලිගැට පේර

දිනකට ස්වල්ප වශයෙන් මේ දේවල් ආහාරයට ගන්න පුලුවන්නම් ඔයාගේ ශරීරයේ බර අඩු කර ගැනීමේ සැලැස්මට වාසියක් වෙනවා. අනෙක මේවගේ අඩංගු වෙන්නේ හිතකර මේදයයි. ඒ නිසා සුළු වශයෙන් මේවා ආහාරයට එකතු කර ගන්න.

7. යෝගට්.

අපි කවුරු උනත් කන්න කැමති දෙයක්නේ යෝගට් කියන්නේ. යෝගට් ආහාර ජීර්ණ පද්ධතියේ නිසි ක්‍රියාකාරිත්වයට හේතු වෙනවා වගේම එයින් ඔයාට නිතර නිතර බඩගිනි වෙන එකකුත් නැහැ.

මේ දෙවල් කරන්න අමාරු දේවල් නෙවෙයිනේ. පොඩ්ඩක් කම්මැලිකම අඩු කරලා මේ කියපු දේවල් කරලා බලන්න. ඒ වගේම දවසකට අඩුම ගානේ විනාඩි 45ක් වත් ව්‍යායාම කරන්න. තමන්ගේ වයසටත් උසටත් ගැලපෙන ශරීර ස්කන්ධයක් පවත්වා ගැනීම ගොඩක් වැදගත් වෙනවා කියන එක ඔයාට අමුතුවෙන් කියන්න ඕන නෑනේ.

Related Articles

Featured Articles

Trending Articles

අපේ ජනප්‍රියම ලිපි

Do you know about the disease in womb?
   18,424
   1,031

කාන්තා ප්‍රජනන පද්ධතිය ආශ්‍රිත රෝගාබාධ ගැන ඔබ දන්නවාද?

බොහෝ දකුණු ආසියාතික රටවල වගේම ලංකාවෙත් මේ ප්‍රජනන පද්ධතියේ රෝග සම්බන්ධව මිත්‍යා විශ්වාස ගොඩක් තිබෙන නිසා බොහෝ ලෙඩ රෝග මුල් අවස්ථාවේදීම ප්‍රතිකාර ගැනීමෙන් වැළකිලා යනවා
Symptoms to say you are pregnant
   23,969
   87

මේ ලක්ෂණ වලින් කියන්නේ ඔයා අම්ම කෙනෙක් වෙන්න යනවා කියලා

ගැබ් ගැනීමක් සිදු වූ මුල් කාලසීමාවේදී ඒ පිළිබඳව නිවැරදිව තහවුරු කර ගන්න එක ඉතාමත් වැදගත්. මොකද කුස තුල වැඩෙන කළලයේ ආරක්ෂාව හා වර්ධනය ගැන අවධානය දෙන එක ඔබ කළ යුතුම දෙයක්. මෙන්න මේ කියන ලක්ෂණ වලින් පෙන්නුම් කරන්නේ ඔබ මවක් වෙන්න යනවා කියන එක
Don't ever think of marring these 5 men
   33,166
   74

මේ පිරිමි පස් දෙනාගෙන් එක්කෙනෙක් එක්ක විවාහ වෙන්න තියා හිතන්නවත් එපා

හැබැයි ඒක එහෙම වෙන්න නම් අනිවාර්යෙන් සැමියාගෙන් සහයෝගය ලබෙන්නම ඕන. ඒත් ඔයාට හමු වෙලා ඉන්නේ මේ වගේ පෙම්වතෙක් නම් කවදාවත් පවුලේ වත් ඔයාගේ වත් සතුට ආරක්ෂා වෙයි කියලා
How to Lose Weight Naturally
   74,266
   55

මාසෙකින් කිලෝ විස්සක් විතර අඩු කර ගන්න කැමතිද?

ජිම් එකේම පදිංචි වෙලා ඉන්න ඕනේ කියලා ඔබට හිතෙනවා ඇති. ආස කෑමක් නොකා ජිම් යනවා කියන්නේ මහා හිසරදයක්ම තමයි
Indoor plants that cleans air inside your house
   35,296
   40

ගෙදර ලිපෙන් පවා පිට වන විෂ වායු නසන, නිවෙස තුළ තබන පැල (Indoor Plants)

මෙන්න මේ ශාක මගින් වැඩි ඔක්සිජන් වායුවක් පිට කරනවා වගේම නඩත්තු කරන්නත් ඔබට එච්චර වද වෙන්න ඕනේ නෑ

Latest Articles

Most Viwed

 |

x