ගර්භනී මවකට මේ තරම් පෝෂණය ලබා දෙන තවත් පළතුරක් නැති තරම්

April 22, 2018
2,110
No fruit like this for a pregnant mother
ගර්භනී සමය කියන්නේ ආහාර පාන ගැන වැඩි සැලකිල්ලක් දැක්විය යුතු කාල සීමාවක්. ගර්භනී මවක් අනිවාර්යෙන් ආහාරයට එක් කර ගත යුතු වගේම ආහාරයට ගැනීමෙන් වැළකිය යුතු ආහාරත් මේ අතර තියෙනවා. මොකද මව ලබා ගන්න ආහාර කුස තුල වැඩෙන ඔබේ දරුවාට අනිවාර්යෙන් යහපත් හෝ අයහපත් විදියට බලපෑම් කරනවා. ඒ නිසා ඔබට හිතෙන හිතෙන විදියට ආහාර ගැනීම කිසිසේත්ම කරන්න බැහැ.

ගර්භනී සමයේදී ඔබ ලබා ගත යුතු සෞඛ්‍ය සම්පන්න ආහාර හා පෝෂ්‍යදායීම ආහාර අතරින් පළමු තැන තියෙන පළතුරක් තමයි දූරියන් කියන්නේ. ගර්භනී මව්වරුන්ට වගේම කාන්තා පිරිමි කියලා කිසිම භේදයක් නැතිව දුරියන් ඉතා ගුණදායක පළතුරක්. විශේෂයෙන් කාන්තා රෝග රැසකට ගුණ දීමේ හැකියාව දූරියන් වලට තියෙනවා. මෙහි විටමින් වර්ග බහුලයි. ක්ෂුද්‍ර පෝෂක ලෙස සෝඩියම්, පොටෑසියම්, මැග්නීසියම්, කැල්සියම් අඩංගුයි. ඒ වගේම කාබෝහයිඩ්‍රේට් හා ප්‍රෝටීන් හා ප්‍රධාන පෝෂක ද බහුලව අන්තර්ගතයි.

දූරියන් වල සීනි සහ කාර්බෝහයිඩ්රේට් ප්‍රමාණවත් තරම් අඩංගුයි. දූරියන් මධ්‍යම පරිමාණයේ මදුළු දෙකක කැලරි 60 ක් පමණ අඩංගු වෙනවා. එය ශක්තියෙන් මෙන්ම ඛනිජ සහ විටමින් වලින්ද ඉහළ නිසා ගර්භනී සමයේ අවශ්‍ය ශක්තිය ලබා ගන්න හොඳ මුලාශ්‍රයක්. විශ්ෂයෙන් දූරියන් වල අඩංගු සුක්රෝස් වැනි සරල සීනි ඔබට ශක්තිය සපයනවා.

ඒ වගේම මෙහි අහිතකර කොලෙස්ටරෝල් හෝ සන්තෘප්ත මේද අඩංගු නොවන නිසා ගර්භනී මවකට ආරක්‍ෂිත ආහාරයක් වෙනවා. දූරියන් සිරුරට අවශ්‍ය තන්තු ලබා ගැනීමට හැකි හොඳ මුලාශ්‍රයක්. එය ගර්භනී සමයේ පොදු රෝගී තත්ත්වයක් වන මල බද්ධය ඇතිවීම වළක්වනවා. ගර්භනී සමයේ මවගේ සිරුරේ උෂ්ණත්වය තරමක් ඉහළ යනවා. එය සාමාන්‍ය තත්ත්වයක්. දුරියන් වලට සිරුර සිසිල් කිරීමේ හැකියාව පවතිනවා. ඒ වගේම පිපාසය දුරලනවා.

මේ මොන පෝෂණය මෙහි අන්තර්ගත වී තිබුනත් ඔබ දියවැඩියා රෝගයෙන් පෙළෙනවා නම් දුරියන් ආහාරයට ගැනීමෙන් වැලකීම නුවණට හුරුයි. මොකද දූරියන් වල සීනි බහුලව අඩංගු වෙනවා. එය ඔබේ රෝගී තත්ත්වයට අහිතකර ලෙස බලපෑම් කරන්න ඉඩ තියෙනවා. ඒ වගේ රෝගී තත්ත්වයන්ගෙන් පෙලෙන අයෙක් මොන ආහාරය ගත්තත් එය වෛද්‍ය උපදෙස් මත ගන්න. ඒක ඔබෙත් දරුවාගේත් ආරක්ෂාවට හොඳයි. ඔබ කුස තුළ දරු ගැබක් වර්ධනය වන බව ඔබ කිසි විටක අමතක නොකළ යුතුයි.

Related Articles

Featured Articles

Trending Articles

අපේ ජනප්‍රියම ලිපි

Dark side of virginity test in marriage
   179
   152

කුමරි බඹසර : කන්‍යාභාවය තහවුරු කිරීමේ මිත්‍යාව

ගැහැනු දරුවෙක් විදිහට තමන්ගේ පිරිසිදු බව සනාථ කිරීමේ චාරිත්‍රය තවමත් මේ සමාජයෙන් ඈත් වෙලා නැහැ. ප්‍රථම සංසර්ගයේදී රුධිරය පිටවිය යුතුමද
Guava for a beautiful you
   80
   70

මිහිරි කටහඬක් වගේම සුන්දර රූපයක් ලබා දෙන පේර

පේර වල තියන මෙන්න මේ විශ්මිත ගුණ නිසා මේ ලිපිය කියෙව්වට පස්සේ අද ඉඳන් ඔබ අනිවාර්‍යෙන්ම හිතලම පේර ආහාරයට ගනියි
Polos cashew mix
   132
   64

පොලොස් කජු බැදුම

හරිම ගුණ ආහාරයක් වෙන පොලොස් වලින් හදන මේ බැදුම බත්, පාන්, රොටී ඔනේ එකක් එක්ක කන්න පුලුවන්..
Lets talk about one more thing woman suffer with
   562
   62

කාන්තාවන් පීඩා විඳින තවත් එක් කාරණයක්

සමහර පොත් වල ලියැවෙන්නේ ගෙදර බුදුන් අම්මා කියාය. දවස පුරා අපට ඇහෙන්න ලැබෙන්නේ සුන්දර ගැහැණුන් ගැනය. ඒත් ගැහැණුන්ගේ පීඩාවන් කතා කරන්නට ගිය තැන හිමිවන්නේ අපවාදය, ප්‍රතිපීඩාවන්ය. කාන්තාවන්ගේ ප්‍රශ්න වලට විසඳුම් තිබේද?
Must have frocks for woman (Part 01)
   13,843
   39

ගවුම් අඳින්න කැමති යුවතියකට තිබිය යුතුම ගවුම් වර්ග 06 ක් - (01 කොටස)

ඔයත් ගවුම් විලාසිතා වලට අනුව හැඩ වෙන්න කැමති යුවතියක් නම් අද හැඩකාරී ඉදිරිපත් කරන මේ ලිපිය කියවලාම බලන්නකෝ ඔයාව ලස්සනට පේන ගවුම් වර්ග මොනවාද කියලා

Latest Articles

Most Viwed

 |

x