දරුවෙක් කුසේ තියාගෙන අහුවෙන අහුවෙන දේ කන්න එපා

May 31, 2018
4,277
Do not eat anything and everything when you are pregnant
කිරි සිහිනය සැබෑවක් වෙන්න පටන් ගත්ත දවසේ ඉඳලා මවක් මොනතරම් නම් ඒ ගැන හිතනවද? කොච්චර පරිස්සම් වෙනවද? ආහාරපාන, ගමන් බිමන් වගේම එදිනෙදා දින චර්යාව ගත කරන එක පවා සම්පූර්ණයෙන්ම වගේ වෙනස් කරනවා. මොකද ඒ හැම දෙයක්ම කුස තුළ වැඩෙන දරුවාට බලපෑම් කරන්න පුළුවන් නිසා. ගර්භනී කාන්තාවක් තමන් විසින් ලබාගනු ලබන ආහාරපාන පිළිබඳව අතිශය සැලකිලිමත් විය යුතුයි. මොකද ආහාර පාන කියන්නේ සෘජුවම දරුවාට බලපාන දෙයක් විශේෂයෙන් මවක් ලබා ගන්නා ආහාර ඇතැම් විට ගබ්සාවීම් වලට පවා හේතුවෙන්න පුළුවන්.

වෙනදා පුරුදු විදියට ආහාරපාන ගත්ත වගේ මේ කාලේදී කන්න බොන්න බැහැ. හිතෙන හිතෙන දේවල් හිතෙන හිතෙන වෙලාවල් වලට කන බොන එක නම් ඒ තරම් හොඳ නැහැ.ඒ නිසා විශේෂයෙන් ගර්භනි මවකට සුදුසු ආහාර මොනවාද? වැඩිපුරම පෝෂ්‍ය පදාර්ථ ප්‍රමාණයක් අඩංගු වන ආහාර මොනවාද කියන එක ගැන වගේම දිනපතාම ඒ ආහාර තමන්ගේ ආහාර වේලට එකතු කර ගන්න අමතක නොකළ යුතුයි.

සෞඛ්‍ය සම්පන්න හා ආරක්ෂිත ආහාර පාන ලබාගත යුතුයි. ගර්භනී සමයේ මවක් ආහාර පාන ලබා ගනිද්දී මුලින්ම අවධානය දෙන්න ඕන ඒ ආහාර වල සුරක්ෂිත බාවයට. කාර්යබහුල බව නිසා ගොඩක් මව්වරු නිවසේ රැඳෙන්නේ හරිම අඩුවෙන්. එහෙම වෙද්දී බඩගින්න නිවා ගන්න අහුවෙන දෙයක් කන්න සිද්ධ වෙනවනේ. විශේෂයෙන් දිනපතා රැකියාවට යන කෙනෙක් නම් මේ කියන දේ අනිවාර්යෙන් සිද්ධ වෙනවා. ඒත් ඉතින් එහෙමයි කියලා ඒක අනුමත කරන්න බැහැ.

වෙළඳ පොලෙන් මිලදී ගන්න ආහාර වල නිෂ්පාදිත දිනය හා කල් ඉකුත් වීමේ දිනය අවධානයෙන් බැලිය යුත්තක්. කල් ඉකුත් වූ ආහාර සහ නියමිත උෂ්ණත්වය යටතේ ගබඩා නොකර ආහාර වර්ග වල අහිතකර විෂ රසායනිකයන් ඒවායේ වර්ධනය වූ බැක්ටීරියාවන් මවගේ ශරීර ගත වුනොත් වමනය, පාචනය වගේ තත්ත්වයන් ඇති වෙන්නත් දරුවාට අහිතකර බලපෑම් ඇති කරන්නත් ඉඩ තියෙනවා.

මේ කාලේදී සකස් කළ මස් වර්ග ආහාරයට ගැනීමෙන් සම්පුර්ණයෙන් වැළකෙනවා නම් තමයි හොඳම දේ. ඒ කියන්නේ සොසේජස්, මීට් බෝල්, හැම්, බේකන් වගේ ආහාර ඒ වගේම, කෘතීම ආහාර සහ සුරක්ෂිත ලෙස පිස නොගත් ආහාර ලබා ගැනීමෙන් කුස තුල වැඩෙන කලලයට දැඩි බලපෑම් ඇති කරනවා. මොකද ඒවගේ ඇති අහිතකර රසායනික වලට ඔරොත්තු දීමේ හැකියාවක් කුඩා කලලයකට නැහැ.

ඒ වගේම ටින් කල ආහාර තෝරා ගන්මේදීත් ඔයා ගොඩාක් පරිස්සම් වෙන්න ඕන. මේ කාලේදී ඒවගේ ආහාර නොගන්න තරමට හොඳයි. එහෙම නැත්තන් කලින් කිව්වා වගේ කල් ඉකුත් වීමේ දිනය ගැන වගේම ඇසුරුම් වල පළුදු තියෙනවාද කියලා හොඳින් පරික්ෂා කරන්න. ඒ වගේම ආපන ශාලා, හෝටල් වැනි ස්ථාන වලින් ආහාර ගැනීම හැකි තරම් අවම කරන්න. මොකද ඒවායේ සුරක්ෂිත බව හා පෝෂණ ගුණය ගැන විශාසයක් තැබිය නොහැකියි.

ඒ වගේම අලුත් පලතුරු දිනපතා ආහාරයට එක් කර ගන්න. නමුත් හැම පලතුරක්ම ගර්භණි සමයේදී සුදුසුයි කියලා අනුමත කරන්න බැහැ. විශේෂයෙන් අන්නාසි, ගස්ලබු වගේ අහාර ගර්භනී මවකගේ ආහාරයට ගන්නේ නැහැ කියන එක ඔබ දැනටමත් දන්නව ඇති. මොකද විටමින් සී බහුල ආහාර ගබ්සා වීම් ඇති කරන්න හේතු වෙනවා.

එළවලු පිස ගනිද්දී අනවශ්‍ය විදියට තම්බන්න එපා. ඒ එහෙම වුනොත් ඒවායේ ඇති පෝෂණ ගුණයන් විනාස වෙන්න ඉඩ තියෙනවා. ඒ වගේම එළවලු වලින් සලාද වැනි දේ සකස් කර ගනිද්දී ගොඩාක් පරිස්සම් වෙන්න ඕන. කෘමි නාශක, වල් නාශක වගේ අහිතකර රසායනිකයන් වලින් වන බලපෑම් කුස තුළ වැඩෙන කලලයට දරා ගන්න බැහැ.

සැර අධික කුළුබඩු ආහාරයත් දරුවාට අහිතකර විදියට බලපානවා. ඒ අධික සැර කුළුබඩු වර්ග ආහාරයට ගැනීමෙන් වලකින්න. තක්කාලි, සැමන්, අන්නාසි වගේ ආහාර සමහර අයට විවිධ අසාත්මිකතා ඇති කරනවා. ඒ වගේ ඔයාට අසාත්මිකතා ඇති වෙන ආහාර වර්ග තියෙනවා නම් ඒවායින් වලකින්න.

දරු ගැබ කුස දරා ගෙන ඉන්න කාල සීමාවේදී නොදැනුවතකමින් හරි මේ ආහාර වර්ග ගත්තොත් කුස තුල වැඩෙන කළලය ගබ්සා වෙන්න, කලලයට අහිතකර බලපෑම් ඇති කරන්න තියෙන ඉඩ ඉතා වැඩියි. විශේෂයෙන් ගැබ් ගත් මුල් මාස කීපයේදී මේ ආහාර ගැනීමෙන් ගබ්සා වීමේ ප්‍රතිශතය තවත් වැඩියි. ඒ නිසා වැරදීමකින් වත් මේ ආහාර නොගන්න පරිස්සම් වෙන්න මතක තියා ගන්න.

Related Articles

Featured Articles

Trending Articles

අපේ ජනප්‍රියම ලිපි

Make watalappan like this and enjoy the real taste
   4,840
   4,078

මේ දේවල් ටික දැනගත්තොත් නම් නියම රහට රස පදමට වටලප්පන් හදන්න පුළුවන්

වටලප්පන් කන්න කැමති ඔයාලට නියම විදිහට වටලප්පන් එකක් හදාගන්න වැදගත් වෙන දේවල් ටිකක් තමයි අද අපි ඔයාලට කියන්නේ. මේ දේවල් හරියට කරොත් ඔයාටත් පුළුවන් නියම රසට වටලප්පම් හදාගන්න
Say bye to scaled skin
   1,312
   1,140

කොරල සහිත සමට සදහටම සමු දෙන්න

විශේෂයෙන් කකුල්වල සහ අත්වල මේ තත්ත්වය දකින්න පුළුවන්. උනන්දුවක් තියෙන කෙනෙක්ට ඉක්මනින්ම සුව කර ගන්නත් පුළුවන්. බලන්නකෝ මොනවද කරන්න පුලුවන් කියලා
How to prevent heart attacks by reducing cholesterol
   1,217
   1,035

heart attack හදා ගන්නේ නැතුව කොලෙස්ටරෝල් හරි විදියට අඩු කරගන්න

කොලෙස්ටරෝල් මට්ටම අවම කරගන්න වටිනා ආහාර හා කොහොමද ඒ දේවල් ආහාර වේලට එකතු කරගන්න ඕනෙ කියන එක ගැන වගේම රුධිරයේ කොලෙස්ටරෝල් මට්ටම අවම කරගන්නෙ කොහොමද කියන එක ගොඩක් අයට තවමත් තියෙන ගැටලුවක්
How to make Polos the Kandy taste
   1,139
   1,014

නුවර රසට නියම පොලොස් ඇඹුල හදන්නේ මෙහෙමයි

උඩරට පළාත ඉතින් කටට රසට හදන කෑම බීම වලට කොහොමත් ප්‍රසිද්ධයි නේ. ඒ කෑම බීම අතර තියෙන රසම කෑමක් තමයි පොලොස් ඇඹුල කියන්නේ. හදන්න බෑ කියලා හිතාගෙන ඉන්න අයට වගේම හරියට හදාගන්න බැරි අයටත් නුවර රසට නියම විදිහට පොලොස් ඇඹුල ලේසියෙන්ම හදාගන්න වැදගත් වෙන දේවල් ගැන තමයි අද අපි ඔයාලට කියන්නේ
If you do these in he morning, you will not be able to reduce weight
   812
   689

උදේම මේ දේවල් කරොත් කවදාවත් බර අඩුකර ගන්න බැරිවෙයි

බර අඩුකර ගන්න හිතාගෙන ඉන්න අය නම් මේ දේවල් උදේට කරොත් නම් කවදාවත් බර අඩුකර ගන්න වෙන්නේ නැහැ. ඒ නිසා මේක කියවලා උදේට කරන්න ඕනේ දේවල් වගේම නොකරන්න ඕනේ දේවල් ගැනත් දැනගත්තොත් කිසිම ප්‍රශ්නයක් නැතුව බර අඩු කරගෙන ලස්සනට ඉන්න පුළුවන්

Latest Articles

Most Viwed