රෙදිවලින් නිමැවූ ඔබේ සෝෆාව පිරිසුදු කරගන්නේ කෙසේද?

July 24, 2019
893
How to clean you fabric sofa
හැමෝම ආසයි ගෙවල් දොරවල් පිරිසුදුව තියාගන්න. සම්පූර්ණයෙන්ම නැතත් තමුන් වැඩිපුරම පාවිච්චි කරන කොටසවත් ලස්සනට පිරිසුදුව තියාගන්නට බොහෝදෙනෙක් ආසා කරනවා. ඒ අතරින් විශේෂම අවධානයක් යොමු වෙන්නේ සාලයට. සාලය වඩාත් ලස්සනට තියාගන්න එක තරමක් අපහසු වැඩක්. කුඩා දරුවන් සහ සුරතල් සතුන් සිටින නිවසකට නම් එය අතිශය අපහසු වැඩක්. නමුත් අපහසුයි කියා නොසිතා අපිට සාලය පිරිසුදුව තබාගන්නට සිදුවෙනවා. එයට ප්‍රධානම හේතුවක් වෙන්නේ නිවසට අනපේක්ෂිතව පැමිණෙන ආගන්තුකයන්. කොහොමවුනත් මේ සාලය පිරිසුදුව තබාගැනීමට දරන උත්සාහයේදි වැඩිම වෙහෙසක් ගන්නට සිද්ධ වෙන දෙයක් විදියට ඔබේ නිවසේ ඇති රෙදිවලින් නිමැවූ සෝෆාව දක්වන්නට පුළුවන්. 

සෝෆාව ඔබේ නිවසේ සියළුම දෙනා ප්‍රිය කරන තැනක්. වෙහෙසකර දිවිය සුවපහසුවෙන් ගෙවන්නට ඇති තැන් අතලොස්සෙන් ප්‍රධානම තැනක් තමයි ඒ. නමුත් ඔබේ රෙදි සෝෆාව තරමක් අපිරිසුදු වුනාම නම් අපි කලින් කියපු හිතේ සතුට වියැකිලා යන්නෙ නිතැතින්. එනිසාමයි අපි ඔබේ රෙදිවලින් නිමවූ සෝෆාව පිරිසුදු කරගන්නට හැකි ක්‍රමයක් සටහන් තබන්නේ.

රෙදි සෝෆාවක බීම වර්ග වැටීම, ඉඳුල් සහිත අත් ගෑවීම, මඩ සහිත දෙකකුල් තැවරීම මෙන්ම මේ සියල්ල එකට සිදුවී දුඟදක් නිකුත් වීමත් රෙදි සෝෆාවක හිමි කරුවන්ට මුහුණ දෙන්නට වෙන ප්‍රශ්නයක්. කොහොමවුනත් මෙයට විසඳුම් ඇති නිසා ඔබ තවදුරටත් දුක්විය යුතු නැහැ.

මුලින්ම ඔබේ ෆැබ්රික් සෝෆාව පිරිසුදු කරන ක්‍රමය පිළිබඳ ඔබ දැණුවත් විය යුතුයි. ඒ බව සඳහන් කුඩා ටැග් එකක් ඔබේ ෆැබ්රික් සෝෆාවේ සඳහන්ව ඇති. 

ඒ වෙනුවෙන් මුලින්ම සෝෆාව වැකියුම් ක්ලීනරයකින් වැකූම් කරගත යුතුයි. ඉන්පසුව එය තරමක් තද කෙඳි සහිත බ්‍රෂ් එකකින් හොඳින් රෙදි දාර අතරේ රැඳී ඇති අපද්‍රව්‍ය ඉවත් වෙන ලෙසට බ්‍රෂ් කරගත යුතුයි. ඉන්පසුව බේකින් සෝඩා ගෙන සෝෆාව පුරා විසුරුවා හැර මිනිත්තු තිහක් පමණ නිසොල්මන්ව තැබිය යුතුයි. එය මින් පෙර තිබුනු කුණු දූවිලි සහ අනෙකුත් පැල්ලම් මගින් ඇති කළ දුඟද පළවා හරිනු ඇත. ඉන්පසුව නැවතත් සෝෆාව වැකියුම් කිරීම මගින් ඔබට ඔබේ සෝෆාව සාර්ථකව පිරිසුදු වූ පෙණුමකට පැමිණෙමින් තිබෙන වග වැටහේවි.



ඉන්පසු සේදුම්කාරක සබන් ද්‍රවණයක් වතුර ස්වල්පයක දිය කර පෙන එන තෙක් සකසාගෙන මුලින් ක්‍රියාවලියෙන් ඉවත් නොවුනු තෙල් හෝ මඩ පැල්ලම් මත රෙදි කැබැල්ලකින් ආලේප කළ යුතුවෙයි. එය අදාළ පැල්ලම මත රවුමට රවුමට ආලේප කිරීමෙන් ඉක්මනින් ඉවත් වනු ඇත. ඉන්පසුව මෘදු රෙදිකඩක් ගෙන එය හොඳින් සබන් මිශ්‍රිත ජලයේ පොඟවා නැවත එම ජලය විසුරුවා හැර සාමාන්‍ය ලෙස රෙදි කඩ සෝෆාව මත එහා මෙහා ගෙනයන්න. එය ඔබේ සෝෆාව පිරිසුදු කිරීමේ අවසාන පියවරයි.

Related Articles

Featured Articles

Trending Articles

අපේ ජනප්‍රියම ලිපි

How to have long eye lashes
   217
   168

ආකර්ෂණීය බැල්මකට ස්වාභාවිකවම ඇහි පිහාටු හදාගන්නේ මෙහෙමයි

මේ කරුණු පහ සමඟ, ඔබේ අයි ලෑශස් වල පැවැත්ම වැඩි කාලයක් පවතින අතර වෙන කවරදාටත් වඩා දීප්තිමත් ඇස් ඔබට ලබා දෙයි. ඒකට අවශ්‍ය ඔබෙන් පොඩි තල්ලුවක් විතරයි
Do you what happens if you take cod-liver oil everyday?
   302
   49

දිනපතා මෝර තෙල් ගත්තොත් ශරීරයට වෙන දේ ඔබ දන්නවාද?

දවසට මෝර තෙල් පෙති 2 ගානෙ බිව්වොත් මොනවා වෙයිද? ශරීරයේ ඉන්සියුලින් මනාව පාලනය කරනවා වගේ සෑහෙන ප්‍රයෝජන ගොඩක් මෝර තෙල් වලින් ලැබෙන බව ඔබ දැනන් සිටියාද?
Be beautiful with betel leaves
   721
   39

බුලත් නිසා හැඩවෙන්න පුලුවනි

හැඩකාරියන්ගේ හැඩකාරබව ඉස්මතු කිරීමට බුලතින් ලැබෙන පිටුවහල ගැනත් දැන ගත්තොත් අපේ කට්ටියට බොහොම පහසුවෙන් හැඩකාරබව තවත් වැඩි කර ගන්න පුලුවනි
Useful tips to use in kitchen
   326
   36

උයන පිහන වෙලාවට වැදගත් ටිප්ස් ටිකක්

උයන පිහනකොට වැදගත් වෙන ටිප්ස් ටිකක් තමයි මේ
Kithulpiti kenda
   479
   27

කිතුල්පිටි කැඳ

ගැස්ට්‍රයිටීස් රෝගීන්ට මෙන්ම ශරීරය දුර්වල අයට ගුණදායකය

Latest Articles

Most Viwed

 |

x