ශීතකරණය තුළ නිවැරදි ලෙස ආහාර ගබඩා කරන්න දන්නවද?

August 11, 2020
1,168
Do you know how to store food in fridge
ශීතකරණය වර්තමානය වන විට සෑම නිවසකටම අත්‍යවශ්‍ය උපකරණයක් වෙලා. ආහාර කල් තබාගැනීම සඳහා අප භාවිතයට ගන්නා මෙම විදුලි උපකරණය නිවැරදි අයුරෙන් පරිහරණය කළොත් එහි නිසි ප්‍රයොර්ජනය ගන්න පුලුවන්. අද හැඩකාරී අපි ඔයාට ශීතකරණය තුළ නිවැරදිව ආහාර ඇසුරුම් කරන ආකාරය ගැන කතා කරන්න හිතුවා.

අද සමාජයේ බොහෝ දෙනෙක් කාර්යබහුල දිවියක් ගත කරන නිසාම සතියකට වරක් සුපිරි වෙළෙඳසලකින්  නිවෙසට අවශ්‍ය ආහාර වර්ගල බඩු මිලදී ගැනීමේ ප්‍රවණතාවයක් දක්නට ලැබෙනවා. විශේෂයෙන් ශීතකරණය තුළ තබන ආහාර නිවැරදි ලෙස සෞඛය ආරක්ෂිතව ගබඩා කිරීම පිළිබඳවත්, ශීතකරණයේ තැබූ ආහාර සෞඛ්‍ය ආරක්ෂිතව ආහාරයට ගන්නේ කෙසේද යන්න පිළිබඳවත් දැනුම ඉතා වැදගත්ය. මන්ද යත් ශීතකරණයේ තිබෙන ආහාර වර්ග ඔබ නිවැරදි ලෙස පරිහරණය නොකළහොත් ඔබේ සෞඛ්‍යට විවිධ හානි ඇති වීමට ඉඩ ඇති නිසා.  

ශීතකරණයක ගබඩා කළ යුතු මෙන්ම නොකළ යුතු ආහාර වර්ග තිබෙනවා. එමෙන්ම ඒ ඒ ආහාර වර්ග ශීතකරණයක තබන විට ඒවා ශීතකරණයේ නිශ්චිත ස්ථානවල ගබඩා කිරීම ඉතාම වැදගත් වෙනවා. එළවළු හා පලතුරු වර්ග මිලදී ගෙන එදිනම අනුභව කරන්නේ නම් එය වඩාත් උචිත යි. නමුත් නිරන්තරයෙන් වෙළෙඳ පොළට ගොස් මිලදී ගැනීම් සිදුකිරීමට කාලය නොමැති නිසා අපි ශීතණකනයේ ගබඩා කරනවා. එළවළු, පලතුරු අප ශීතකරණයේ සාමාන්‍ය කොටසේත්, වැඩි දින ගණනක් කල් තබාගන්නා මස් මාළු අධිශීතකරණයේත් ගබඩා කිරීම සාමාන්‍යයෙන් සිදුකරනවා.

ශීතකරණයේ දොරේ ආහාර ගබඩා කිරීම සඳහා පහසුකම් සපයා තිබුණද බිත්තර, කිරි, කිරි ආහාර, පිසින ලද ආහාර දොරේ ආහාර ගබඩා කිරීම නම් සුදුසු දෙයක් නොවේ. මන්දයත් දොර පිටතට නිරාවරණය වීම නිසා නිරන්තරයෙන් උෂ්ණත්වය වෙනස් විය හැකි නිසායි. මෙ ආහාර ශීතකරණයේ හොඳින් සිසිල ලැබෙන ස්ථානයක තැබිය යුතුයි. මේවා ශීතකරණයේ ඉහල රාක්ක වල තැබීමත් කල යුතුයි. ශීතකරණයට ආහාර දැමීමේදී පවුලේ සාමාජිකයන් ගණනට එක් වේලකට සෑහෙන ලෙස වෙන් වෙන්ව, වෙනම ම ගතහැකි ලෙස භාජනවල බහා ශීතකරණයේ දැමීම සිදුකිරීම කරන්න.

සෝස් වර්ග, මැයෝ, වතුර, බීම වර්ග ශීතකරණයේ දොරෙහි ගබඩා කරන්න පුළුවන්. මොකද ඒවා වෙනස් වන උෂ්ණත්වයට ඔරොත්තු දෙන නිසා. නමුත් නැවුම් පළතුරු වලින් සෑදූ ඒවා දොරේ තබන්න එපා.

එළවළු, පළතුරු, කොළ වර්ග ශීතකරණයේ සාමාන්‍ය කොටසේ පහලම ඇති රාක්කයේ හෝ ලාච්චුවේ දමන්න. අමු එළවළු, පළතුරු, කොළ වල ඇති යම් යම් බැක්ටීරියා අනිත් ආහාර වලට යාමෙන් වලකින්න මේ ක්‍රමය සැම විටම පිළිපදින්න.හැකි සෑම විටම ඒවා බෑග් වල හෝ කොළ වල ඔතා තබන්න.

අමු මස් හෝ මාළු අධිශීතකරණයේ දමා පිසින විට නිරන්තරයෙන් සියල්ලම පිටතට ගෙන නැවත් ශීතකරණයට දැමීම නොකරන්න. එවිට අමු මාළු මස් වලට ඉක්මනින් බැක්ට්‍රරියා ඇතිවීම සිදු වෙන්වා. සෑම විටම එක වේලකට සරිලන පරිදි මස් මාළු කොටස් කර වෙන වෙනම පෙට්ටි වල හෝ බෑග් වල අසුරන්න.

අධිශීතකරණයේ අයිස් කැට මිදීමට තිබෙන තැටිය අසල මස් මාළු ගබඩා කර තැබීමද නුසුදුසුය.

ඒ වගේම ආහාර ද්‍රව්‍යයන්ගෙන් උපරිම ප්‍රයෝජන ලබා ගැනීමට නම් ඒවා ඉතා හොඳින් පිරිසුදු කර පිසදා හොඳින් ආවරණය කර තැබීම ඉතාම වැදගත්. එළවළුල පලා වර්ගල පලතුරු විශේෂයි. අල, ලූණු, සුදු ලූණු ශීතකරණයේ තබන්න එපා. කොමඩු වර්ග ශීතකරණයෙන් පිට තබනවා නම් රසය සහ ගුණය රැකෙන්වා. කැපූ කොමඩු නම අධිශීතකරණයේ තැබීම තමයි සුදුසු.

හැමවිටම ශිතකරණයේ යොදා ඇති උපදෙස් පරිදි ආහාර ගබඩා කිරීම ඉතා උචිත වන අතර නිවෙසට අවශ්‍ය ආහාර ද්‍රව්‍ය නිවැරදි ප්‍රමාණයෙන් මිල දී ගෙන පරිභෝජනය කිරිම මඟින් අපගේ සෞඛ්‍ය, මුදල මෙන්ම මහන්සිය ද ඉතිරිවේ.

Related Articles

Featured Articles

Trending Articles

අපේ ජනප්‍රියම ලිපි

Be beautiful with fruit peels
   5,890
   116

කුණු කූඩයට විසිකරන පළතුරු පොතුවලින් ලස්සන වෙන්නේ මෙහෙමයි

හැමෝම කරන්නේ පළතුර කාලා පොත්ත කුණු කූඩුයට විසි කරන එක. ඒත් ඔයා හැඩකාරී අද මේ කියන දේවල් ටික ඇහුවට පස්සේ කවදාවත් අපි මේ කියන පළතුරුවල පොතු විසිකරන එකක් නම් නෑ
Things to keep in mind when you hold a baby
   2,375
   72

අලුත උපන් බිළිඳකු වඩා ගැනීමේදී මතක තබා ගත යුතු කරුණු

අලුත උපන් බිළිඳකු ආරක්ෂිතව වඩා ගැනීමේ නිවැරදි ක්‍රමය කියන්නම්
Sago Caramel Pudding
   2,057
   68

සවු කැරමල් පුඩිම

සවු කියන්නේ ගොඩ දෙනෙක් ප්‍රිය කරන ආහාරයක්. අධික රුධිර පීඩනය අඩු කරන ශක්තිජනක ආහාරයක් වන සවු පෝෂණ ගුණාංග බොහොමයකින් අනූණයි.
Know these before you suffer from HIV
   969
   65

HIV කියා සැක හිතුනොත් විඳවන්න කලින් මේ දේවල් දැනගෙන ඉන්න

HIV ආසාදනය වෙලා ඇති බවට සැක කරනකොට එම පුද්ගලයාට ඇතිවෙන මානසික ආතතිය සමඟ කටයුතු කරන එක පහසු නැහැ. පුද්ගලයෙකුට මෙම තත්වය තුළදී කරන්න පුලුවන් යම් යම් දේවල් තියෙනවා. මේ ලිපිය එයට අස්වැසිල්ලක් වේවි..
Eat oatmeal these 4 ways to lose weight
   769
   59

බර අඩු කර ගැනීමේ අදහස ඔබටත් තියනවා නම් මෙම ක්‍රම 4ට ඕට්මීල් අරගන්න

ඔබ බර අඩු කර ගැනීමට උත්සාහ කරනවා නම් ඔබේ එදිනෙදා ආහාර වේලට පහසුවෙන් ඕට්මීල් ඇතුළත් කරගන්න පුලුවන් ක්‍රම හතරක් මෙන්න

Latest Articles

Most Viwed