ඔබේ පෙම්වතාගේ සතුට නැති කරන දේවල් 6ක්

February 8, 2017
11,325
How to Make Your Boyfriend Happy: 6 Things to Never Do
අපි හැමෝම වගේ දන්නවා පෙම්වතෙක් සතුටින් තියන්න මොන වගේ දේවල්ද කරන්න ඕනේ කියලා. හැබැයි ගොඩක් කාන්තාවන් දන්නේ නෑ මොන වගේ හේතු හින්දද පිරිමියෙක් අසතුටට පත් වෙන්නේ කියලා. මේ හින්දා ගොඩක් කාන්තාවන් අතින් වෙන්නෙම තමන්නේ පෙම්වතාගේ හිත රිදෙන දේවල්. අද අපි ඔබට කියල දෙන්නේ ඔබ අතින් මේ විදිහට වෙන පෙම්වත්ගේ සතුට නැති නැති වෙලා යන කාරණා 6ක් ගැන.

1. ඉරිසියාව

ගොඩක් ගෑණු ළමයි කැමති නෑ තමන්ගේ පෙම්වතා වෙන ගෑනු ළමයි එක්ක කතා කරනවා තියා හිනා වෙනවටවත්. හැබැයි ඔබ මතක තියා ගන්න ඕනේ ඔහුගේ ජිවිතේ ඉන්න එකම කාන්තාව ඔබ විතරක්ම නොවන වග. මොකද ඔහු සමාජයේ ජිවත් වෙනකොට රැකියාවක් කරනකොට ඔහුට විවිධ කාන්තාවන් සමග කටයුතු කරන්න සිදු වෙනවා. ඔබ මේ දේවල් වලට ඉරිසියා කර කර ඔහුට වද කරන්න ගියොත් නම් ඔහුට ඔබව ඉක්මනින්ම එපා වේවි. ගොඩක් ගෑනු ළමයි මේ විදිහට කරන්නේ ඇත්තටම ඔවුන්ට ඔවුන් ගැනම විස්වාසයක් නැති නිසා. මේ වගේ වෙලාවල් වලට මේ ගෑනු ළමයි නිතර පෙම්වතා සමග රණ්ඩු කරමින් ඔහුගේ දුරකථනය, පරිගණකය පරික්ෂා කරමින් ඔහුට කරදරයක් වෙන ආකාරයට හැසිරෙනවා. මේ දේවල් වල අන්තිම ප්‍රථිපලය වෙන්නේ පෙම්වතාට මේ සියල්ල එපා වී ඔබව අත්හැර දැමීමයි.

2. පෙම්වතාගේ මවට අවමන් කිරීම

සමහර වෙලාවට ගෙදර ප්‍රශ්නයක් ඇති උනාම ඔබේ පෙම්වතා ඔහුගේ මව ගැන වැරදි විදිහට කතා කරාවි. නමුත් ඔහු එහෙම කතා කරා කියලා ඒකෙන් අදහස් වෙන්නේ නෑ ඔබට ඇය ගැන වැරදි කියන්නට ඔහු ඔබට අවසර දුන්නා කියන එක. මේ වගේ වෙලාවට ඔබ කරන්න ඕනේ ඔහුට ඔහුගේ ගැටලුව නිදහසේ කියන්න දීල ඔහුගේ හිත හදන එක. නැතුව ඔහුගේ මවට බනින එක නෙවෙයි.

3. පොරොන්දු ඉටු නොකිරීම

බොහෝ වෙලාවට ඔබට අමතක වෙනවා ඔබ ඔහු වෙනුවෙන් ලබා දුන්නු පොරොන්දු. මේ වගේ වෙලාවල් වලට පෙම්වතාට හිතෙන්නේ ඔබ ඔහු ගැන හිතන්නේ නෑ කියලා. එක නිසා හොදට මතක තියාගන්න ඔබ ඔහු වෙනුවෙන් ලබා දෙන පොරොන්දු ඉටු කරන්න.

4. ආඩම්බර වීම සහ අහංකාර වීම

ගොඩක් ගෑනු ළමයි කරන්නේ තමන්ගේ පෙම්වතාට ආඩම්බර කම් පෙන්වීම සහ අහංකාර කම් පෙන්වීමයි. මිතුරියන්ගේ පෙම්වතුන් කරන කියන දේවල් කිය කියා ඔබේ පෙම්වතා නොකරන දේවල් කියමින් ඔබ ඔවුන්ව හෑල්ලුවට ලක් කරමින් ඔබේ අහංකාරකම් ඔහුට පෙන්වනවා නම් ඔබේ පෙම්වතා කිසිම දවසක ඔබත් එක්ක සතුටින් ඉන්නේ නැති වේවි.

5. පෙම්වතාගේ මිතුරන් ප්‍රිය නොකිරීම

බොහෝ විට පිරිමි ළමුන් කැමතියි පෙම්වතිය සමග කාලය ගත කරනවා වගේම තමාගේ මිතුරන් සමගත් කාලය ගත කරන්න. නමුත් ගැහැණු ළමයි ගොඩක් දුරට කැමති වෙන්නේ නෑ පෙම්වතා මිතුරන් සමග සිටිනවාට. මේ නිසා ඔවුන් කරන්නේ පෙම්වතාගේ මිතුරන් ගැන වැරදි කියමින් ඔවුන් හමුවීමට ඔහුට යන්න නොදී කටයුතු කිරීමයි. මේ නිසා බොහොමයක් පෙම්වතුන් තමාගේ පෙම්වතිය නිදහසට බාධාවක් යයි සිතා ඔවුන්ව අත්හැර දමනවා.

6. පෙම්වතාගේ විශ්වාසය බිද දැමීම

බොහොමයක් පෙම්වතියන් තමාගේ පෙම්වතා අනෙක් තරුණියන් ඇසුරු කරනවට අකමැති උනත් ඔවුන් පෙම්වතාට රහසින් තවත් තරුණයින් සමග සබදතා පවත්වනවා. යමෙක් ඔබට සැබවින්ම ආදරය කරන්නේ ඔබ පිලිබදව කිසිදු සැකයක් හිතේ තියාගෙන නෙවෙයි. නමුත් ඔබ ඒ විස්වාසය බිද දැමුව හොත් නැවත ඔහු කිසිම දවසක ඔබව විශ්වාස කරන්නේ නැති වේවි.


Related Articles

Featured Articles

Trending Articles

අපේ ජනප්‍රියම ලිපි

Outfits go with red shoes
   1,277
   685

රතු සපත්තු දාන්න පුලුවන් ඇඳුම්

ඔයා රතු සපත්තු දෙකක හිමිකාරිණියක් නම් ඔයාට ස්ටයිලිෂ් විදිහට අඳින්න පුළුවන් ආකාර මොනාද කියලා අද හැඩකාරි ඔයාට කියන්නයි යන්නේ
Toddler creative learning and development: what to expect
   847
   132

පුංචි දරුවෝ ඉගෙන ගන්න විදිහ ඇත්තටම පුදුමයි

අද අපි ඔබට කියන්නේ ඔබේ දරුවාගේ නිර්මාණාත්මක ඉගෙනීමට වගේම වර්ධනයටත් බලපාන වැදගත්ම දේවල් කිහිපයක් ගැන
How to have a falling hair
   1,108
   104

කඩා හැළෙන හිසකෙස් ලබා ගන්න කැමති ද?

කඩා හැලෙන හිස කෙස් ඔයාගේ මුහුණට විශේෂ පෙනුමක් ලස්සනක් එකතු කරනවා. ඉතින් කාන්තාවක් විදිහට ඔයා ඔයාගේ කෙස් කළඹ ගැන වැඩි සැලකිල්ලක් දැක්වීම නම් අත්‍යවශ්‍යයි. ඔයාගේ කෙස් කළඹ නිරෝගීව සහ කඩා හැලෙන ලෙස පවත්වාගෙන යන්නේ කොහොමද කියලා දැනුවත් කරන්න හැඩකාරී අපි අද තීරණය කළා
Roasted Cuttlefish Curry Recipe
   655
   48

දැල්ලො බැදුම් කරිය

අපි ඉතින් දැල්ලො හදන්ව නම් එක්කො ලූණු එක්ක තෙල් දානවා නැත්තම් බටර් කරනවා. මේ දෙකෙන් පොඩ්ඩක් එහාට ගිහින් මේ ඉන්දියානු ක්‍රමයට දැල්ලො හදලා රස බලමු
Remedies for varicose
   2,073
   45

නහර ගැටගැසීම නවත්වන්න මේ ප්‍රතිකාර කරන්න

නහර ගැට ගැසීමේ රෝග තත්වයේ මුල් අවදියේ රෝග ලක්ෂණ නම් දණහිසෙන් පහළ කොටසේ පමණක් නහර ඉදිමී නිල් පැහැ ගැන්වී තිබීම උනත් කාලයත් සමගම මුළු පාදය පුරාවටම මෙය පැතිරීගෙන යනවා. ඇතැම් විට මේ නිසා ඔයාට කැමති විලාවිතා කරන්නත් මෙය බාධාවක්

Latest Articles

Most Viwed