ඔයාගේ මිතුරියන් අතරේ හොඳම මිතුරියක් වෙන්නේ කොහොමද? කියවලා දැනගන්න

September 8, 2017
2,669
How to be a best friend among friends
අපි කවදාවත් කැමති වෙන්නේ නැහැනේ නරක යාළුවො ආශ්‍රය කරන්න. ඒ අයගෙන් අපිට කවදාවත් යහපතක් වෙන්නේ නැති නිසා ගොඩාක් දෙනෙක් උත්සාහ කරන්නේ එහෙම අයගෙන් ඈත් වෙලා යහපත් සිතුම් පැතුම්, චර්යාවන් තියෙන අයව ඇසුරු කරන්න. අනිත් අයගෙන් දේවල් බලාපොරොත්තු වෙන්න කලින් තමන් අඩු පාඩු හදාගෙන ඉන්න එක හොඳයිනේ. අපි කවුරුත් කැමති නැහැනේ තව කෙනෙක්ගෙන් නරකක් අහන්න. ඒ නිසා යාළුවෝ අතරත් කැපී පෙනෙන චරිතයක් වෙන්නේ කොහොමද කියලා අපි කියන්නම්

1. අවංක වෙන්න

අනිත් අයත් එක්ක මිතුරු කම් දිගු කාලයක් පවත්වාගෙන යන්න නම් ඔයාගේ අවංක කම අනිවාර්ය ලක්ෂණයක් වෙන්න ඕන. ඔයත් මූණට එකක් කියලා, හිතේ තවත් එකක් තියාගෙන ඉන්න කෙනෙක් නම් කවදාවත් ඔයාට හොඳ මිතුරියක් වෙන්න නම් බැහැ. දිය යටින් ගින්දර ගෙනියන කාටවත් කවුරුවත් කැමති නැහැනේ. ඒ නිසා මිතුරු කණ්ඩායමෙන් ඔයාව කොන් වෙන්න පුළුවන්. ඒ වගේම හොඳම මිතුරිය වුනත් ඔයාව ප්‍රතික්ෂේප කරන්න ඉඩ තියෙනවා. ඔයා ළඟ තියෙන අවංක ගති ලක්ෂණ ඉස්මතු කර ගන්න. හැමෝම අතරේ ඔයාට හොඳ පිළිගැනීමක් ලැබෙයි.

2. අනවශ්‍ය විහිළු ඕනවට වඩා ඕන නෑ

යාළුවෝ අතර විහිලු තහළු කියන දේවල් සාමාන්‍ය දෙයක්නේ. එහෙම නොවෙනවානම් තමයි පුදුමේ. එත් තියෙන යාළුකම් නැත්තටම නැති කරන්න විහිලුවකට පුළුවන්. මොකද විහිළු කියන දේවල් දන්නේ නැති අයත් ඔය යාලුවො අතර ඉන්නවනේ. ඔයාට එහෙම අත්දැකීම් එහෙමත් ඇති සමහරවිට. ඒ නිසා කෙනා කවුද කියල හොඳට තේරුම් අරන් කරන විහිළුවක් කරන එක ඇඟට ගුණයි. ඒ වගේම මතක තියා ගන්න ඕන තවත් දෙයක් තමයි කරන විහිළුවක් සීමාවක් ඇතුව කරන්න ඕන කියන එක.

3. විශ්වාසවන්ත බව

යාළු මිත්‍රකම් විතරක් නෙවෙයි ඕනෑම විදියේ බැඳීමක් පළුදු වෙන්න හෝ නැත්තටම නැති වෙන්න මේ දේ හේතු වෙනවා. විශ්වාසයක් නැති කෙනෙක් එක්ක සම්බන්ධකම් තියාගන්න කිසිම කෙනෙක් ලෑස්ති නැහැ. විශ්වාසය කියන්නේ ඇති කරොත් නැති කරන්න බැරි සහ නැති උනොත් ඇති කරන්න බැරි දෙයක්. විශ්වාසෙ කඩ වෙන විදියේ වැඩ කරලා පස්සේ අනේ මාව විශ්වාස කරන්න කියල නාහෙන් අඬලා වැඩක් නැහැ. මොකද විශ්වාසය කියන්නේ දිනා ගන්න ඕන දෙයක් මිසක් ඉල්ලලා ලබා ගන්න පුළුවන් දෙයක් නොවෙන නිසා.

4. සමාව දෙන හොඳ පුරුද්ද ඔයා තුළත් ඇති කර ගන්න

අපි අතිනුත් අනිත් අයට ඕන තරම් වැරදීම්, අතපසුවීම් සිද්ධ වෙනවනේ. තමන්ගේ පැත්තෙන් හිතල යාලු මිත්‍රයින් අතින් සිද්ධ වෙන වැරදි, හිත රිදීම් අමතක කරන්න. ඒවාට සමාව දෙන්න. ඒත් ගොඩාක් දෙනෙක් කරන්නේ පුංචි පුංචි දේවල් ලොකු කරගෙන හිත් අමනාපකම් ඇති කර ගන්න එක. එහෙම වෙද්දී එතන මිත්‍රත්වයක් පවතින්න විදියක් නැහැනේ. ඒ නිසා ඔයා ළඟ මේ වටිනා ගුණය ඇති කර ගන්න. සමාව දෙන එක වගේම තමන් අතින් වෙන වැරදි වලට සමාව ඉල්ලන එකත් නිහතමානී ගුණයක් කියල අමතක කරන එපා.

මෙන්න මේ කියපු දේවල් ඔයා ළඟත් තියෙනවා නම් ඔයා ඇත්තටම හොඳ මිතුරියක් කියල කියන්න පුළුවන්. අනිත් අය අතරේ කැපී පෙනෙන චරිතයක් කියල කියන්න පුළුවන්. යාලුවෝ අතරින් කැපිලා යන්නේ නැතුව ඒ අයගේ ආකර්ෂණය දිනා ගන්න ඔයාට මේ කිව්ව දේවල් ගොඩක් වැදගත් වෙයි.

Related Articles

Featured Articles

Trending Articles

අපේ ජනප්‍රියම ලිපි

Vegetable Chop Suey Recipe
   1,784
   1,547

වෙජිටබල් චොප්සි - Recipe

ඔයාට ඔයාගේ ගෙදර වෙජිටබල් චොප්සි පහසුවෙන් සකස් කර ගන්න හැටි මෙන්න
You’ll be surprised if you hear the benefits of steaming
   1,490
   1,255

හුමාලය මුහුණට ඇල්ලීමෙන් ලැබෙන වාසී ගැන ඇහුවොත් ඔයා පුදුමත් වෙයි

ඔන්න හැඩකාරී අදත් ඔයාට කියලා දෙනවා ලස්සනට ඉන්න ගෙදර ඉඳලම කරන්න පුළුවන් සරල සත්කාරයක් ගැන. මේ වෙනුවෙන් ඔයාට රුපියලක්වත් වියදම් වෙන්නේ නම් නැහැ
Eat more curry leaves to get rid of these diseases
   1,471
   813

මේ ලෙඩරෝග සුව කරගන්න ඕන නම් කරපිංචා ටිකක් වැඩිපුර කන්න

ඇඟ අඩු කරන, ලෙඩ ගොඩකට සුව දෙන කරපිංචා ඔසුවක් වෙන්නේ කොහොමද කියලා බලමු
Like to have attractive hair?
   2,130
   630

ඔයත් කැමතිද ආකාර්ෂණීය කෙස්කළඹක හිමිකාරිණියක් වෙන්න

පංචකල්‍යාණය අතුරෙන් ඉතාමත් වැදගත් කල්‍යාණයක් තමයි කේශ කල්‍යාණය. ඉතිං ඔයාට ශක්තිමත්, දිගු වගේම සුන්දර කෙස්කලඹක් නෑ කියලා ඒ ගැන හිතමින් වද වුණු කාලේ දැන් ඉවරයි
Don’t make them a slave infant of your love
   683
   590

ආදරය කරන කෙනාව කවදාවත් ඔයාගේ ආදරය ඉදිරියේ අනාථයෙක් කරන්න එපා

ඔයා ඇත්තටම ඒ කෙනාට ආදරය කරනවා නම් ඒ වැරදි කවදාවත් පිට කෙනෙක් ඉදිරියේ කියන්න එපා. මොකද ඒ කෙනාගේ පෞර්ෂත්වයට එය කැළලක්

Latest Articles

Most Viwed