නිදාගන්න කලින් මේ දේවල් කරොත් හැමදාමත් එයත් එක්ක සතුටින් ඉන්න පුළුවන්.

September 12, 2017
18,476
05 Things Happy Couples Do Before They Go to Sleep
හැම විවාහක කාන්තාවකගේම බලාපොරොත්තුව විවාහ ජීවිතය උපරිම සතුටින් ගත කරන එක. සමහර කාන්තාවන් එයාලගේ විවාහ ජීවිතයේ සතුට නැති කර ගන්නේ එයාලගෙම වැරදි වලින්. ඇත්තටම ආදරේදී දෙදෙනා එකට ගත කරන කාලය තමයි හේතු වෙන්නේ දෙදෙනා අතර තියෙන ආදරය වැඩි කරන්න. මේ අතරින් නින්දට පෙර ඔබ ඔහුත් සමඟ ගත කරන කාලය අපි හිතනවාටත් වඩා විශේෂයි. ඔබ නින්දට පෙර ඔහුත් සමඟ ගත කරන කාලය පැයක්ද විනාඩි කිහිපයක්ද කියන එක නෙවෙයි ඇත්තටම මෙතැනදී අදාල වෙන්නේ. ඔබ කොපමණ කාලයක් ඔහුත් සමඟ ගත කරත් ඔබේ ආදරය ඔහුට පෙන්වන විදිහ මත තමයි ඔබ නින්දට පෙර ඔහුත් සමඟ ගත කරන කාලය සාර්ථක වෙන්නේ. ඒ නිසා අද අපි ඔයාට කියන්නේ ඔහුත් එක්ක හැමදාම සතුටින් ඉන්න අවශ්‍ය නම් නිදාගන්න කලින් ඔබ කල යුතු දේවල් කිහිපයක් ගැන.

1.නින්දට පෙර දුරකථනය ඇදෙන් ඉවත් කරන්න

අද ඉන්න බහුතරයක් කාන්තාවන් වගේම පිරිමි අයත් නිදාගන්න කලින් කරන්නේ සමාජ ජාල මාධ්‍ය පරිහරණය කරන එක. මනෝ චිකිත්සකවරුන් පවසන්නේ ඔබ නින්දට පෙර දුරකථනය භාවිතා කරන විට ඔක්සිටෝක්සින් නමැති හෝර්මෝනය ශරීරය තුල නිපදවීම අඩු වෙන බවයි. සාමාන්‍යයෙන් අපි මේ හෝර්මෝනය හඳුන්වන්නේ ආදර හෝර්මෝනය ලෙස. ඉතිං ඔබ නින්දට කලින් දුරකථනය භාවිතා කරනවා කියන්නේ ඔබ දෙදෙනා අතර හොඳ සබඳතාවයක් ඇති වෙන්න ලොකු බාධාවක්. මේ නිසා දුරකථනය පැත්තකට දාලා ඔහුත් සමඟ ආදරෙන් කාලය ගත කරන්න.

2. වැඩ අමතක කරන්න

නිදාගන්න යන විට වැඩ ගැන අමතක කරලා පුළුවන් තරම් ඔහුත් එක්ක සමීපව සතුටින් ඉන්න උත්සහ කරන්න. ඔබ මේ වෙලාවේදී ලබාගන්න විවේකය හෙට දවස ඔබ දෙදෙනාටම හොඳින් ගත කරන්න වගේම ඔබ දෙදෙනා අතර සබඳතාවය වර්ධනය කර ගන්නත් හේතුවක්. ඒ වගේම තමයි ඔබ දෙදෙනා මේ වෙලාවේදී කරන කතා බහ ඔබ දෙදෙනා අතර ආදරය තව තවත් වැඩි කරන්න හේතුවක් වෙනවා. ඒ නිසා ආර්ථික ප්‍රශ්න ගැන පවුල් ප්‍රශ්න ගැන කතා බහ කරන්නේ නැතුව මේ කාලය සතුටින් ගත කරන්න.

3. දෙදෙනාම එක වර නින්දට යන්න

බොහෝ විට සැමියා සහ බිරිඳ නින්දට යන්නේ අවස්ථා දෙකකදී. මේ නිසා ඔවුන්ට තව තවත් ඔවුන්ව මඟ ඇරෙනවා. මොකද සමහර අයට දවල් දවසේ වත් කාලයක් ලැබෙන්නේ නැහැ එකට ගත කරන්න. ඉතින් අඩුම තරමේ දෙන්නා එකම වෙලාවට වත් නිදාගන්න යනවා නම් ඒක ඔබ දෙදෙනාගේ සබඳතාවය වර්ධනය කරගන්න හේතුවක්. ඒ නිසා හැකි සෑම අවස්ථාවකම උත්සහ කරන්න දෙන්නත් එක්ක එකට නිදාගන්න යන්න.

4. නින්දට කලින ප්‍රශ්න විසඳා ගන්න උත්සහ කරන්න එපා

සමහර කාන්තාවන් වගේම පිරිමි අයත් හිතන්නේ ප්‍රශ්න විසඳ ගන්න තියෙන හොඳම වෙලාව මේක කියලා. ඒ නිසා තියෙන ප්‍රශ්න ඔක්කොම විසද ගන්න උත්සහ කරනවා නිදාගන්න කලින්. මේ නිසා සමහර අවස්ථාවන් වල දෙදෙනා අතර හිත් අමනාපකම් පවා ඇති වෙනවා . අන්තිමට වෙන්නේ දෙන්නටම සැහැල්ලුවෙන් නිදාගන්න බැරි වෙන එක. මේ නිසා කවදාවත් ඇඳේදී ප්‍රශ්න විසදා ගන්න උත්සහ කරන්න එපා.

5. දරුවන්ව වෙනම කාමරයක නිදි කරවන්න

ඔබ දෙදෙනා දරුවන් සමඟ එකම ඇදේ නිදාගන්නවා කියන්නේ ඒක ඔබ දෙදෙනාගේ කායික වගේම මානසික සබඳතාවයටත් ලොකු බාධාවක්. මේකෙන් ඔබ දෙදෙනාගේ නිදහස සිමා වෙනවා විතරක් නෙවෙයි ඔබ දෙදෙනාටම නොදැනී ඔබ දෙදෙනාව මඟ හැරෙනවා. ඒ නිසා හැකි තරම් උත්සහ කරන්න දරුවන්ව වෙනම නිදි කරවන්න.

Related Articles

Featured Articles

Trending Articles

අපේ ජනප්‍රියම ලිපි

Outfits go with red shoes
   1,278
   686

රතු සපත්තු දාන්න පුලුවන් ඇඳුම්

ඔයා රතු සපත්තු දෙකක හිමිකාරිණියක් නම් ඔයාට ස්ටයිලිෂ් විදිහට අඳින්න පුළුවන් ආකාර මොනාද කියලා අද හැඩකාරි ඔයාට කියන්නයි යන්නේ
Toddler creative learning and development: what to expect
   853
   137

පුංචි දරුවෝ ඉගෙන ගන්න විදිහ ඇත්තටම පුදුමයි

අද අපි ඔබට කියන්නේ ඔබේ දරුවාගේ නිර්මාණාත්මක ඉගෙනීමට වගේම වර්ධනයටත් බලපාන වැදගත්ම දේවල් කිහිපයක් ගැන
How to have a falling hair
   1,108
   104

කඩා හැළෙන හිසකෙස් ලබා ගන්න කැමති ද?

කඩා හැලෙන හිස කෙස් ඔයාගේ මුහුණට විශේෂ පෙනුමක් ලස්සනක් එකතු කරනවා. ඉතින් කාන්තාවක් විදිහට ඔයා ඔයාගේ කෙස් කළඹ ගැන වැඩි සැලකිල්ලක් දැක්වීම නම් අත්‍යවශ්‍යයි. ඔයාගේ කෙස් කළඹ නිරෝගීව සහ කඩා හැලෙන ලෙස පවත්වාගෙන යන්නේ කොහොමද කියලා දැනුවත් කරන්න හැඩකාරී අපි අද තීරණය කළා
Roasted Cuttlefish Curry Recipe
   656
   49

දැල්ලො බැදුම් කරිය

අපි ඉතින් දැල්ලො හදන්ව නම් එක්කො ලූණු එක්ක තෙල් දානවා නැත්තම් බටර් කරනවා. මේ දෙකෙන් පොඩ්ඩක් එහාට ගිහින් මේ ඉන්දියානු ක්‍රමයට දැල්ලො හදලා රස බලමු
Remedies for varicose
   2,073
   45

නහර ගැටගැසීම නවත්වන්න මේ ප්‍රතිකාර කරන්න

නහර ගැට ගැසීමේ රෝග තත්වයේ මුල් අවදියේ රෝග ලක්ෂණ නම් දණහිසෙන් පහළ කොටසේ පමණක් නහර ඉදිමී නිල් පැහැ ගැන්වී තිබීම උනත් කාලයත් සමගම මුළු පාදය පුරාවටම මෙය පැතිරීගෙන යනවා. ඇතැම් විට මේ නිසා ඔයාට කැමති විලාවිතා කරන්නත් මෙය බාධාවක්

Latest Articles

Most Viwed