උකුණන්ගෙන් ඔබේ දරුවත් පීඩා විදිනවද?

July 9, 2018
4,075
Is your child suffer because of head lice?
කාන්තාවන් බහුතරයකට තියෙන ගැටලුවක් තමයි හිසෙහි උකුණන් බෝ වීම. බහුල වශයෙන් මෙකී ගැටලුවෙන් පීඩා විදින්නේ පාසල් යන වයසේ දරුවන්. මෙයට නිසි ප්‍රතිකාර නොකළහොත් ඔබේ දරුවාගේ අධ්‍යාපන කටයුතු පවා අඩාල වීමට තිබෙන ඉඩකඩ වැඩියි. විශේෂයෙන්ම මෙකි ගැටලුව නිසා ඔබේ දරුවාගේ දෛනික ජීවන රටාවද අවුල් වියවුල් තත්ත්වයට පත් වෙන්න තියෙන ඉඩකඩ වැඩියි. ඉතිං මේ ගැන හැඩකාරී තුළින් පැහැදිළි කරන්න අපි සුදානම්.

උකුණන් යනු පරපෝෂිත කුඩා සත්ත්වයෙක්. මනුෂ්‍ය හිසේ හා කෙස් සහිත සමේ උකුණන්ගේ ජීව චක්‍ර‍රය සිදුවෙනවා. ප්‍රධාන වශයෙන් අවස්ථා 03 දී උකුණාගේ
පැවැත්ම හදුනාගත හැකියි. ලේඩියා හෙවත් බිත්තරය, කෝෂ අවස්ථාව හා උකුණා යනුවෙන් එම අවස්ථා ත්‍රිත්වය හදුනාගත හැකියි.

උකුණන් බෝ වෙන්නේ කොහොමද?

උකුණන් මිනිසාගෙන් මිනිසාට බෝවෙන ක්‍ර‍ම ගණනවාක් හදුනාගන්න පුළුවන්. විශේෂයෙන්ම උකුණන් සිටින හිස කෙස් මගින් බෝවෙන අතර, ඇදුම්වලින් සහ
අනෙකුත් පෞද්ගලිකව ඔබ භාවිත කරන කොට්ට, ඇද ඇතිරිලි, පනාව, තොප්පිය, කොණ්ඩ බූල්, බුරුසු වගේම උකුණන් ඉන්න අයගේ දේවල් බහුලව භාවිත කිරීමෙන් උකුණන් කෙනෙකුගෙන් තවත් කෙනෙකුට බෝ විය හැකියි.

උකුණු උවදුරෙන් වැඩි පුරම පීඩා විදින්නේ කවුද?

උකුණු උවදුරෙන් බහුලව පීඩා විදින්නේ වයස අවුරුදු 5ත් - 10ත් අතර පාසල් ළමුන්. මේ අවධියේ පසුවන ළමුන් ඉතාමත් ක්‍රි‍යාකාරීයි. ඔවුන් නිරන්තරයෙන්
වෙහෙසීමට පත්කරන ක්‍රියාකාරකම්වල නිරත වෙනවා. එහිදි ඔවුන්ගේ හිසට දහඩිය දැමීම වේගවත්ව සිදුවෙනවා වගේම කුණු දුහුවිලි රැදීම ක්ෂණිකව රැඳෙනවා. මෙවැනි පසුබිමක් තුළ උකුණන් බෝවීම වේගවත්ව සිදු විය හැකියි. පිරිමි ළමුන්ට වඩා ගැහැණු ළමයින්ගේ කොණ්ඩය දිග නිසා හිසෙහි උකුණන් ඉතාමත් ඉක්මනින් බෝ වෙනවා. දෙමාපියන් කාර්යබහුල වීම නිසා දරුවන්ගේ හිස නිසියාකරයෙන් පිරිසිදු කිරීමක් සිදු වෙන්නේ නැහැ. විශේෂයෙන් කුඩා දරුවන්ව
දිනපතා නෑවීමක් සිදු කරන්නේ නැති තරම්.

උකුණන් නැති කරන්න ගෙදරදීම පිළියම් කරන්න

01. උකුණන් හිසෙන් සදහටම නැති කරන්න ගෙදරදීම කරන්න පුළුවන් ප්‍රතිකර්ම රැසක්  තියෙනවා. ඔබේ දරුවා ස්නානය කරන විට සුදු රෙදි කඩක් ගෙන ෂැම්පු
කිරීමෙන් අනතුරුව හොදින් හිස සුදු රෙදි කඩ සමගින් හිස් කබල පිරිමදින්න. ස්වල්ප වේලාවකින් අනතුරුව ඔබට හොදින් දැක බලා ගන්න පුළුවන් මේ සුදු රෙදි
කඩ තුළ උකුණන් සහ ලේඩින් රැදි සිටින ආකාරය. මේ ආකාරයෙන් කිහිප වතාවක්ම සිදු කිරීමෙන් යම් ප්‍රමාණයකට හෝ මෙම ගැටලුවෙන් මිදීමට හැකි වෙනවා.

02. ඔබේ දරුවාගේ හිස අඩුම තරමින් සතියකට එක් වතාවක් හෝ පරීක්ෂා කර බලන්න. හිස කෙස් හා සහිස් කබල හොදින් නිරීක්ෂණය කරමින් උකුණන් හා ලේඩින් ඉවත් කර දමන්න. ඒ වගේම උකුණු පනාවක් ගෙන හිස පීරිමෙන් හිසෙහි උකුණන් ලේඩින් ඉවත් කිරීමේ හැකියාව තියෙනවා.

03. ඔබේ දරුවාව දිනපතා ස්නානය කිරීමට යොමු කරන්න. එවිට හිසෙහි රැදෙන දහඩිය, කුණු, දුහුවිලි ආදී සියල්ල ඉවත් වී යනවා. යම් ප්‍ර‍මාණයකින් හෝ
උකුණන් අවම කර ගැනීමට හැකියාව ලැබෙනවා.

04. ඔබේ දරුවාගේ ඇදුම් පැළදුම් සහ අනෙකුත් පුද්ගලික භාණ්ඩ වෙනම භාවිත කිරීමට ඉඩ කඩ සැලැස්වීම වඩාත් හොදයි. විශේෂයෙන්ම දරුවාට මෙහි අවශ්‍යතාව පැහැදිළි කරන්න. එමගින් උකුණන් අනෙක් නිවැසියන්ට බෝ විමද වළක්වා ගත හැකියි.

05. හිසෙහි උකුණන් ඉවත් කිරීම හිස පිරීමෙන් හෝ දිනපතා ස්නානය කිරීමෙන් පමණක් සිදු කළ නොහැකියි. ඒ සදහා නිවසේදීම ඔබ විසින් සකස් කර ගන්නා අත්
බෙහෙත් භාවිත කළ හැකියි.විශේෂයෙන්ම තම්බන ලද දෙහි හිසේ ගැල්වීම විනාකිරි, කොහොඹ තෙල්, ඔලිව් තෙල්, තේ ගස්වලින් ලබා ගන්නා තෙල් හා කරාබු නැටි තෙල් ආදිය භාවිත කරමින් නිවසේදීම ඔබට අත් බෙහෙත් සකස් කර ගැනීමේ හැකියාව තිබෙනවා. මෙහිදි ඔබ වඩාත් සැළකිලිමත් විය යුතු කරුණක් තිබෙනවා. යම් අසාත්මිකතාවක් මෙම අත් බෙහෙත් වලින් ඇති වේ යැයි ඔබ පරික්ෂා කළ යුතුයි. සකසා ගත් මිශ්‍රණයෙන් ස්වල්පයක් දරුවාගේ කන පිටුපස ආලේප කර විනාඩි 15 ක් පමණ ගතවූ පසු කිසිදු වෙනස්කමක් සිදු නොවූයේ නම් පමණක් භාවිත කිරීමට කටයුතු කරන්න.

දරුවන්ගේ හිසෙන් උකුණන් ඉවත් නොකළොත් මොකද වෙන්නේ ?

කුඩා දරුවන්ගේ හිසේ උකුණන් බෝවීම වැඩි වූ විට හිස දැඩි කැසීමකට ලක් වෙනවා. මේ නිසා හිස තුවාල වීටමද පුළුවන්. තුවාල ඇති වුවහෝත් එයට විෂ බීජ
ඇතුල් වී යම් ආසාත්මිකතාවක් දක්වා වර්ධනය වෙන්න තියෙන ඉඩකඩ බහුලයි. ඒ නසා උකුණු ප්‍ර‍ශ්ණය විසදීම අත්‍යාවශ්‍යයයි. එමෙන්ම කුඩා දරුවන්ට මෙම උකුණු ප්‍ර‍ශ්ණය මානසික ඒකාග්‍ර‍රතාව කෙරෙහිද බලපාන්න පුළුවන්. නිතරම හිස කැසීම තුළ ඔවුන්ට අධ්‍යාපන කටයුතුවල නිරත විමට බාධා ඇති විය හැකියි. උකුණන් බහුලව ඉන්න කෙනෙකතුගේ හිස කෙස්වලින් උකුණන් වැටීම තුළ ඔබේ දරුවා සෙසු පුද්ගලයන්ගේ අප්‍රසාදයටද පත් වෙන්න තියෙන ඉඩ කඩ වැඩියි. මෙම හේතු සාධක සැළකිල්ලට ගෙන ඔබේ දරුවාත් උකුණු ප්‍ර‍ශ්ණයෙන් පීඩා විදිනවානම් අදම ඒ වෙනුවෙන් ඔබේ කාලය වෙන් කර ප්‍රතිකර්මයක් කරන්න. එය ඔබේ දරුවාගේ දින චර්යාවට බොහෙවින් උපකාරී වේවී.

Related Articles

Featured Articles

Trending Articles

අපේ ජනප්‍රියම ලිපි

5 beauty secrets Kareena Kapoor shared
   165
   129

කරීනා කපූර්ගේ තරුණ පෙනුම ගැන ඇය කියූ රූපලාවන්‍ය රහස් 5 ක් මේ

කරීනාගේ සම ලස්සනට තියා ගන්න මේ උපක්‍රම ලොකු බලපෑමක් ඇති කරනවාලු. අපි දැන් බලමු ඒ රූපලාවණ්‍ය රහස් මොනවද කියලා. මොකද අපිත් ආසයිනේ ලස්සනට හැඩට ඉන්න...
Happiness of fulfilling a promise - Story
   171
   125

පොරොන්දුවක් ඉටු කිරීමේ සතුට - Story

පවුලේ සාමාජිකයන්ගෙන් එල්ල වෙන පීඩනය නිසා ඇය නිතරම ඔහු සමඟ රණ්ඩු වෙනවා. ඒත් ගැහැණු ළමයා පිරිමි ළමයාට ආදරෙයි. දවසක් ඇය ඔහුගෙන් ඇහුවා “ඔයා මට කොච්චර ආදරෙයිද?” කියලා.. Cont
Do not do these if you want to look rich
   62,869
   92

ඔබටත් පොහොසත් පෙනුමක් අවශ්‍ය නම් මේ වැරදි කරන්න එපා

ආකර්ෂණිය ධනවත් පෙනුමක් ලබා ගැනීමට අපි එතරම් සැලකිල්ලක් නොදක්වන මේ වැරදි ටික හදා ගත්තොත් ඔබට කා අතරත් කැපී පෙනෙන්න පුලුවන්
Are you making your lover tired of you?
   5,692
   75

පෙම්වතාට පෙම්වතිය එපා වෙන මේ පුරුදු ඔයා ළඟත් තියෙනවද?

අපේ දුර්වලතා සහ වැරදි නිසා සහකරුට අපිව එපා වෙන සහ කළකිරෙන. බලන්න එහෙම වෙන්න හේතු වෙන මේ පුරුදු ඔයා ළඟත් තියෙනවද කියලා
Oyster Mushroom Crispy Recipe
   5,374
   75

බිම්මල් ක්‍රිස්පි - Recipe

ඔයාගේ මුළුතැන්ගෙයි සකස් කර ගන්න පුළුවන් රසවත් බිම්මල් ක්‍රිස්පි හදන හැටි හැඩකාරී අපි ඔයාට කියලා දෙන්න තීරණය කළා

Latest Articles

Most Viwed