ගාලික් පීසා රොටි

අද හැඩකාරී අපි ගාලික් පීසා රොටී ලේසියෙන්ම ගෙදරදීම හදා ගන්න විදිහක් කියලා දෙනවා.

අවශ්‍ය ද්‍රව්‍ය :

පාන් පිටි 600 g
යිස්ට් තේ හැඳි 1
සීනි මේස හැඳි 2
ලුණු තේ හැඳි 1 1/2
මද උණුසුම් වතුර අවශ්‍ය ප්‍රමාණයට
ඔලිව් ඔයිල් මේස හැඳි 3
බටර් (කාමර උෂ්ණත්වයේ)
සිහින්ව කපා ගත් කොත්තමල්ලි කොල ටිකක්
හීනියට කපා ගත් සුදු ළූනු

සාදන ක්‍රමය :

01. මුලින් පාන් පිටි බදුනකට දමා එයට ලුණු, සිනි හා යිස්ට් දමා කලවම් කර ගෙන, එම පිටි මැද වලක් හදා ගන්න.

02. පසු ඇතුලට ඔලිව් ඔයිල් හා මද රස්නේ වතුර වලින් ටිකක් දමා හොඳට කලවම් කර ගන්න.

03. දැන් හිමින් හිමින් පිටි සමග එම වතුර ට්ක කලවම් කර අතේ නොඇලවෙන පදමට පිටි මිශ්‍රණයක් හදා ගන්න.

04. දැන් හදා ගත් පීසා පිටි මිශ්‍රණය විනාඩි 45 හෝ පැයක් තෙත රෙදි කැබැල්ලකින් වසා තියා ගන්න.

05. දැන් ලෑල්ලක අරගෙන පිටි ටිකක් ඉස ගෙන, හදා ගත් පිටි ගුලියක් අරගෙන හොදින් තුනියට වගේම රවුමට ෂේප් කර ගන්න.

06. රොටි තැටියක් රත් වෙන්න තියා, හොඳින් තැටිය රත් වුනාම හදා ගත් පීසා රොටි එක දාලා එක පැත්තක් පිලුස්සා ගන්න.

07. දැන් රොටිය අනිත්පැත්ත හරවා ඒ පැත්ත පිලිස්සෙන අතර තුර රොටිය මතට සුදුලූණු සහ කොත්තමල්ලි ඉස ගන්න.

07. පුලුස්සා ගත් පීසා රොටි එක අරගෙන රොටිය දෙපැත්තේම බටර් ටිකක් ගා ගන්න.