මේ දවස්වල හැම තැනම උණ හෙම්බිරිස්සාව. සනීප වුනට පසුව වුනත් කෑමට කිසිම පිරියක් නැහැ. කටට අමුතුව අපහසුවක්. දිවට රස දැනෙන්නේ නැහැ. ඒ නිසා ටිකක් කටට පිරියක් ඇති වෙන විදිහේ පුංචි පහේ උම්මලකඩ සම්බෝලයක් හදා ගන්නේ මෙහෙමයි.
අවශ්ය දේ :
උම්මලකඩ ග්රෑම් 100 ක්
ලුණු ස්වල්පයක්
කරදමුංගු කරල් 4 ක්
කරාබු නැටි දෙකක්
ඉඟුරු කැබැල්ලක්
තෙල්
රම්පෙ, කරපිංචා
සීනි මේස හැඳි දෙකක්
සුදුළූණු බික් 4 ක්
රතුළූනු ගෙඩි පහක්
කෑලි මිරිස් ග්රෑම් 100 ක්
සාදන අන්දම :
1. මුලින්ම ළූනු, රම්පෙ, කරපිංචා ආදිය තෙලෙන් බැද ගන්න.
2. දැන් කරාබු නැටි, කරදමුංගු සහ උම්මලකඩ මද ගින්දරේ බැද ගන්න. හොඳින් බැදුනාට පසුව කෑලි මිරිස් සහ අනෙකුත් බැද ගත් ළූනු, රම්පෙ, කරපිංචා එකතු කර කලවම් කරන්න.
3. දැන් සීනි සහ ලුණු එකතු කරමින් කලවම් කරන්න. සුළං නොවදින සේ බෝතලයක අසුරා ගන්න.
4. කල් තබා ආහාරයට ගත හැකියි.
එන්. ඒ. පී. සී.