විටමින් E මගින් ඔබගේ සම සහ හිසකෙස් සදහා ලබාදෙන පෝෂණය සහ පහසුවෙන් විටමින් E ලබා ගත හැකි ප්‍රභව

කාන්තා ඔබ සෑමවිටම වියළි සමක් සහ දුර්වල හිස් කළඹක් හේතුවෙන් පීඩා විදිනවා. ඇත්තටම ඔබ දන්නවාද මේ සියල්ල සඳහා බොහෝ දුරට හේතු වන්නේ ඔබට ප්‍රමාණවත් පෝෂණයක් නොලැබීම බව. නීරෝගි ශාරිරික සහ මානසික සෞඛ්‍යය තත්ත්වයක් පවත්වාගැනීමට මූලිකවම වැදගත් වෙන්නේ විටමින් සහ ඛනිජ ලවණ වලින් පොහොසත් ආහාර වේලක් දිනපතා ලබාගැනීමයි.

ඔබ දන්නවාද ඔබගේ ආහාර වේලේ අඩංගු වෙන විටමින් E සම, හිසකෙස් සහ මාංශ පේශී නීරෝගිව පවත්වාගැනිමට ඉතා වැදගත් බව..

ඔබගේ සමට විටමින් E මගින් ලැබෙන ප්‍රතිලාභ


සූර්‍යාගේ අහිතකර UV කිරණවල බලපෑමෙන් සමට වන හානිය අවම කිරීම
එහි ඇති ප්‍රතිඔක්සිකාරක ගුණාංග මගින් සමට පෝෂණය ලබාදීම
ඔබගේ වියළි අඳුරු සමට තෙතමනය ලබාදීම
සමෙහි වැදගත් අංගයක් වන කොලජන් ආරක්ෂා කිරීම
විටමින් E , විටමින් C සහ රෙටිනෝල් වැනි ප්‍රතිඔක්සිකාරක සමග සම්බන්ධ වීමෙන් ඇස් වටා සම අඳුරු වීම පාලනය කරනවා.
කුරුලෑ ඇතිවීම පාලනය කරනවා

ඔබගේ කෙස් කළඹ සඳහා විටමින් E මගින් ලැබෙන ප්‍රතිලාභ

හිසකෙස් වර්ධනයට අවශ්‍ය පෝෂණය ලබාදීම
හිසකෙස් වියළි වීම පාලනය කිරීම

ඔබගේ සිරැරේ විටමින් E ඌනතාවයක් ඇතිවීමෙන් ඔබට එල්ලවිය හැකි බලපෑම

සිරැරේ සෛල දුර්වල වීම සහ බිඳවැටීම
සිරැරේ ප්‍රතිශක්තිකරණ පද්ධතිය දුර්වල වීම
දෘෂ්ටි විතානය ආශ්‍රිත ගැටළු
මාංශ පේශී කැක්කුම් සහ දුර්වල වීම
සිරැරේ සමබරතාවය පිළිබඳව ගැටළු ඇතිවීම

සිරැරට ප්‍රමාණවත් පරිදි විටමින් E ලබාගත හැකි ආකාර


බීජ, ඇට වර්ග ආහාරයට ගැනිම. විශේෂයෙන් ආමන්ඩ්, රටකජු, වට්ටක්කා ඇට ආදියේ විටමින් E බහුලව අඩංගු වෙනවා.
ගස්ලබු, අලිගැටපේර, අඹ වැනි පළතුරු
රතු බෙල් පෙපර්, වට්ටක්කා, නිවිති, බීට්රූට්, බ්‍රොකලි කොල වැනි එළවලු
සෝයා තෙල්, සූරියකාන්ත තෙල් වැනි තෙල් වර්ග

හැඩකාරි අපගේ විශේෂ උපදෙස් : ඔබගේ දෛනික විටමින් E අවශ්‍යතාවය ස්ත්‍රී පුරුෂ භාවය, වයස , ගර්භනීභාවය සහ මවුකිරි ලබාදීම ආදි සාධකයන් සමග වෙනස් වෙනවා. විශේෂයෙන් ඔබ විටමින් E අතිරේකයන් ලබාගැනීමට සැලසුම් කරනවා නම් සහ ඔබට කොපමණ විටමින් E ප්‍රමාණයක් ලබාගැනීම සුදුසුද යන්න සම්බන්ධයෙන් ඔබගේ වෛද්‍යවරයාගේ උපදෙස් ලබාගැනීම වඩාත් සුදුසු බවත් ඔබ මතක තබාගැනීම වැදගත් වෙනවා..