තිත තියපු ආදර කතාවක් යාළුකමක් විදිහට පවත්වාගෙන යන්න එපා කියන්නේ ඇයි?

September 20, 2018
4,724
Think twice if you want to remain friends after a break up
ආදරය කියන්නේ සුන්දර අත්දැකීමක් කියලා හැඩකාරී අපි කිවොතින් ඔයා අපිත් එක්ක එකඟ වෙන්නත් නොවෙන්නත් පුළුවන්. සමහර විට එකඟ නොවී එකඟ වෙන්නත් තියෙන ඉඩකඩ වැඩියි. මොකද ආදරය කරන හැමෝමට ඒ අත්දැකීම සුන්දරතම, මිහිරිතම අත්දැකීමක් බවට පත් වෙන්නේ නෑ. ආදරය විඳින වගේම ආදරය නිසා විදවන පෙම්වතුන්, පෙම්වතියන්ද අපි අතරේ ඕනෑ තරම් ඉන්නවා. ආදරය සුන්දර අත්දැකීමක් වුණත් ඒ අත්දැකීම සුන්දරව බුක්ති විඳින්න ලැබෙන්නේ අතළොස්සකට විතරයි. ගොඩක් කැමැත්තෙන්, ලෙංගතුකමෙන් පටන් ගන්න ආදර කතාවලට කණකොකා හඬන්න පටන් ගන්නවා. විවිධ හැල හැප්පීම්, බාධක මැද තවත් දුර යන්න බැරි නිසා ගොඩක් දුර යන්න හිතාගෙන හීන මැවුව ආදර කතාවට තිත තියනවා. ඉතිං කාලයක් තිස්සේ පවත්වාගෙන ගිය ආදර කතාවට තිත තියන්න වෙන එක ඇත්තටම ආදරය කරපු දෙන්නෙක්ට දුකක්, වේදනාවක් කියලා අපි ඔයාට අමුතුවෙන් කියන්න ඕන වෙන්නේ නෑනේ. ඉතිං ඔයා ඊට පස්සේ මොකක්ද කරන්නේ හොඳම යාළුවෝ විදිහට ඉන්න තීරණය කරනවා. දැන් ඔයාලා ආදරවන්තයෝ නෙමෙයි හොඳම හොඳ යාළුවෝ විතරයි. ආදරය යටපත් වෙලා සැබෑ යාළුකම ඉස්මතු වෙයිද? එහෙම නැත්තම් හිත රවට්ටවා ගැනීමක් විතරක් වෙයිද?

තේරුමක් නැති යාළුකමක් වෙයි

මොනයම් හෝ හේතු සාධක නිසා ඔයාලා දෙන්නාගේ ආදර කතාව ඉදිරියට පවත්වාගෙන යන්න හැකියාවක්, අවස්ථාවක් ලැබෙන්නේ නැති නම් ඉතිං ඔයාට තියෙන පිළියමක් තමයි ආදර කතාවට තිත තියන එක. ඉතිං සම්බන්ධතාව නැවත්තුවාට පස්සේ හොඳම හොඳ යාළුවෝ විදිහට ඉමු කියලා තීරණයකට එළැඹුණත් හැඩකාරී අපිට අනුව නම් ඔයා පොඩි කාලයක් ඒ සම්බන්ධතාවයෙන් ඈත් වෙලා ඉන්න එක තමයි හොඳම දේ වෙන්නේ. මොකද ඔයාලා දෙන්නා කාලයක් ආදරය කරලා ඒ බැදීම එක පාරටම යාළුකමක් බවට පත් කර ගන්නවා කියන කතාව ටිකක් විතර කරන්න අමාරු දෙයක්. ආදරය කරන කාලයේ තිබුණු සිතුම් පැතුම් ඒ අයුරින් පවත්වාගෙන යන්න ඔයාලා දෙන්නම උත්සාහ කරනවා. සමහරවිට ඔයාටත් නොදැනීම ආපහු ආදරය කරන්න පටන් ගන්නවා. ඉතිං යාළුකමයි හරියට පවත්වා ගන්න හැකියාවක් එයින් ලැබෙන්නේ නෑ.

අලුත් පාරක යන්න බැරි වෙයි

පරණ ආදර කතාව ඉවර වුණා කියලා හැමදාම ඔයාට ඒ ගැන දුක්වෙවී ඉන්න බැහැනේ. ඔයාලා දෙන්නාම කොහෙන් හෝ තැනකින් නැවත ජීවිතය පටන් ගන්න ඕන. ඒත් හිටපු පෙම්වතා, පෙම්වතිය එක්ක හොඳම යාළුවෙක් විදිහට ඔයාලා දෙන්නා අතර තියෙන බැදීම තවදුරටත් පවත්වාගෙන ගියොත් ඔයාලා දෙන්නාටම අලුත් පාරක යන්න ටිකක් විතර අසීරු වෙයි. මොකද ඔයා පරණ පුරුදු, හැසීරීම් ඒ විදිහටම පවත්වා ගන්න උත්සාහ කරයි ඔයාලා දෙන්නාටත් නොදැනීම. හැඩකාරී අපි ඔයාට කියන්නේ ඔයාට අලුත් පාරක යන්න ඕන නම් පරණ සම්බන්ධතාවයෙන් චුට්ටක් ඈත් වෙලා ඉන්න. කාලය එක්ක ඔයාට මේ සියල්ල හොඳින් විසඳා ගන්න පුළුවන් වෙයි. අපි ඔයාට කියන්නේ ඔයා ආදරය කරපු කෙනා එක්ක තරහා වෙන්න හෝ ඔහුට හෝ ඇයට වෛර කරන්න කියලා නම් නෙමෙයි. දෙපැත්තට වෙලා ටික කාලයක් ඉඳලා මනස හදා ගන්න. එතකොට අලුත් පාරක යන්න ඔයාලා දෙන්නටම පුළුවන් වෙයි.

ආදරය අලුත් වෙන්න තියෙන ඉඩකඩ වැඩියි

විවිධ හේතු සාධක නිසා වෙන් වෙලා යන්න සිදු වුණත් ඔයාලා දෙන්නාගෙන්ම ආදරය සම්පුර්ණයෙන්ම නැති වෙලා යනවා කියලා ඔයාට හිතට එකඟව කියන්න බෑනේ. ඉතිං දිගින් දිගටම කතා කරාම වෙන්නේ පරණ විදිහටම ආදරය කරන්න පටන් ගන්න එක. ඔහු හෝ ඇය ගැන හොයලා බලන එක. හිතට එකඟව ඔයාලා දෙන්නාට දුර ගමනක් යන්න අමාරු නම්, ඒ බැදීමට තිත තියන්න වෙනවා. ඊටත් පස්සේ යාළුවෝ වගේ ඉමු කියලා තීරණය කළත් එයින් වැඩකට ඇති දෙයක් නම් වෙන්නේ නෑ. මොකද පරණ විදිහටම ආදරය කරන්න පෙළඹෙන්න තියෙන ඉඩකඩ වැඩියි එතකොට. අන්න ඒ නිසා යාළුකම ආපහු ආදරයක් බවට පත් වුණොත් අපාහු ඔයාට වෙන්නේ පරණ විදිහටම දුක් වෙන්න. පසු තැවෙන්න.

තේරුමක් නැති වැඩක්

ආදර සම්නබන්ධතාවකට සමු දුන්නාට පස්සේ යාළුකමක් විදිහට හරි ඔයා තවදුරටත් ඒ සම්බන්ධතාව තියා ගන්නවා කියන්නේ ඔයාගේ හිත රිදෙන්න තියෙන අවස්ථාව ඉතාමත් වැඩියි. ඔයාගේ හිත දන්නවා ඔයාට ඒ බැඳීම පවත්වා ගන්න අසීරුයි කියලා. ඉතිං ඔයා ආපහු ඒ බැදීම ඔයාට අයිති නෑ කියලා දැනෙන කොට දුකක් වේදනාවක් ඇති විය හැකියි. ඉතිං එහෙම යාළුකමක් තියා ගන්න එක තේරුමක් නැති වැඩක්. හොඳම දේ තමයි ඔයා ඒ බැදීමෙන් ටික කාලයක් දුරස් වෙලා ඉන්න එක.

තවත් බැඳීමක් සාර්ථකව පවත්වා ගන්න බැරි වෙයි

ආදරයේදී අපි හැමෝම ආත්මාර්ථකාමීයි. ඒක තමයි මනුෂ්‍ය ස්වභාවය. ආදරය කරන කාලයේදී ඔයා හිතන්නේ ඒ ආදරය තමන්ගේම විතරයි කියලා. ඉතිං ඔයා පරණ සම්බන්ධතාවට තිත තියලා ඔයා අලුතින් සම්බන්ධතාවක් පටන් ගන්නවා කියලා හිතන්නකෝ. ඉතිං ඔයා අලුතින් පටන් ගත්ත සම්බන්ධතාව පවත්වාගෙන යනකොට පරණ පෙම්වතා හෝ පෙම්වතිය එකක් මිතුරු සම්බන්ධතාවක් පවත්වාගෙන යනවට ඔහු හෝ ඇය කැමති වෙයිද? අතේ ඇඟිලි 05 ම එක විදිහට නෑ කියලා ඔයා දන්නවානේ. අන්න ඒ නිසා සමහර දේවල් එකිනෙකා තේරුම් ගන්න විදිහ, අර්ථකථනය කරගන්න විදිහ එකිනෙකට වෙනස්. ඔයා පරණ පුරුද්දටම ඔහු හෝ ඇය එක්ක මිත්‍ර සබඳතාවක් පවත්වාගෙන යාම අලුත් සම්බන්ධතාව පවත්වාගෙන යාමට බාධවක් වේවී. ඒ නිසා තිත තියපු ආදර කතාවක් යාළුකමක් විදිහට පවත්වාගෙන යන්න කලින් දෙපාරක් හිතන්න.

Related Articles

Featured Articles

Trending Articles

අපේ ජනප්‍රියම ලිපි

Shirt dress inspirations to stand out like a diamond
   10,265
   2,574

දියමන්තියක් වගේ කැපිලා පෙනෙන්න සැහැල්ලු ෂර්ට් ඩ්‍රෙස් විලාසිතාවන්

ෂර්ට් ඩ්‍රෙස් කියන ඇඳුම අනිත් මොන ඇඳුමක් එක්ක ගත්තත් පුංචි වැදගත් කමක් ඔයාට එකතු කරනවා. අද හැඩකාරී අපි ඔයාට මහගන්න, මස්සවගන්න සැහැල්ලු ෂර්ට් ඩ්‍රෙස් පැට්න් වලට අදහස් ටිකක් දෙන්න යන්නේ
Difference between love and truth - Story
   3,871
   1,266

ප්‍රේමයේ බැඳීම සහ සත්‍යය අතර වෙනස - Story

ඔවුන් අතර තියන දැඩි ප්‍රේමය නිසා ඔවුන්ට ඒ තීරණය අරන් වෙන් වෙන්න කිසිම අවශ්‍යතාවයක් තිබ්බේ නෑ..
Don’t do these mistakes that slow hair growth
   12,351
   1,000

ඔයාගේ හිසකෙස් වර්ධන වේගය අඩු කරන මේ වැරදි කරන්න එපා

කොණ්ඩය ඉබේටම වැඩීමට ලොකු කාලයක් ගත වෙනවා. නමුත් දිගු සහ නිරෝගිමත් කෙස් කලඹක සිහිනය සැබෑ කර ගැනීමට මෙම බලපෑම්කාරී දේ පිළිබඳව ඔයා දැනුවත් විය යුතුයි
Home remedies to get rid of Calluses
   1,044
   367

පාදයේ කැලසස් නොහොත් ඝන ගැටිති නිවසේදීම ඉවත් කරන්නේ කොහොමද?

කැලසස් කියන්නේ ඇතිල්ලීම හෝ ඝර්ෂණය නිසා පාදයේ ඇතිවන ගැටිති වලටයි. මෙය වේදනාකාරී මෙන්ම කකුලට අපහසුවක් සහ අවලස්සනක් ගෙනදෙනවා. ඉතින් කැලසස් ඔබේ පාදයේ හෝ අතේ ඇති නම් නිවසේදීම මේ පිලියම් කර දුරදිග නොයා එය ඉවත් කරගන්න පුලුවන්
How to remove hair dye on your skin
   414
   299

ඔළුවට දාන හෙයාර් ඩයි එක සමේ ගැවුනොත් ඉවත් කරන්නේ මෙහෙමයි

ඔයා නිවසේදී කෙස් කලඹ වර්ණ ගැන්වූවත්, සැලෝන් එකට ගියත් ඒ හෙයාර් ඩයි එක අනිවාර්යයෙන්ම ඔයාගේ නළල, කන්, බෙල්ල හෝ වෙනත් තැනක ගෑවෙනවා. නලලේ, අතේ, කන්වල පැල්ලම් සිටින මේ ගැටලුවට විසඳුම් අද අපි ගෙනාවා

Latest Articles

Most Viwed