රටකජු කන්න කවුරුත් වගේ කැමතියි. නිකන්ම නිකන් රටකජු කනවට වැඩිය පොඩි වෙනසක් කරලා හදන මසාලා රටකජු හදන්නේ මෙහෙමයි...
අවශ්ය ද්රව්ය :
අමු රටකජු කෝප්ප 1
කඩල පිටි කෝප්ප 1/2
හාල් පිටි කෝප්ප 1/4
ලුණු තේ හැඳි 3/4
මිරිස් කුඩු තේ හැඳි 2
කහ කුඩු පොඩ්ඩක් (තේ හැඳි 1/4 ට පොඩ්ඩක් අඩුවෙන්)
ගරම් මසාලා පොඩ්ඩක් (තේ හැඳි 1/4 ට පොඩ්ඩක් අඩුවෙන්)
හොඳින් තලා ගත් සුදු ලූණු බික් 4
දෙහි හෝ ලෙමන් යුෂ තේ හැඳි 1/2
ඇඹුරු තෙලේ බැදීමට තෙල්
සාදන ආකාරය :
01. බෝල් එකක රටකජු වලට දෙහි හෝ ලෙමන් යුෂ හැර අනෙක් සියළුම කලමනා ටික එකතු කරන්න. හොඳින් කලවම් කරන්න
02. දැන් එයට දෙහි හෝ ලෙමන් යුෂ ටික එකතු කරන්න. වතුර චුට්ට චුට්ට දමමින් රටකජු වල පිටි ටික හොඳින් ඝන ලෙස (පිටි තලප ලෙස ) තැවරෙන ලෙස වතුර එකතු කරන්න.
03. දැන් ගැඹුරු තෙලේ බැදගන්න. සතියක් වුනත් හොඳින් කට වැසූ භාජනයක අසුරා රසවිඳින්න පුලුවන්.