මේ ලිපිය කියෙව්වාට පස්සේ ඔබ අනිවාර්යයෙන්ම රබර් අත්වැසුම් පැළඳීමට පටන් ගනියි

August 3, 2020
709
You will start to wear rubber gloves after reading this
ගොඩක් කාන්තාවන් මුලුතැන්ගෙයිහි පිඟන් කෝප්ප හෝදන්නේ කිසිම අත් වැසුමක් නැතුවයි. මොකද ගොඩක් අය ඒකට පුරුදු වෙලා නෑ. නමුත් පුංචි කාලයේදී පිඟන් කෝප්ප හෝදන්න දෙමාපියන් රබර් අත්වැසුම් පැළඳ ඉන්න ආකාරය දැකපු අයට නම් ඒ පුරුද්ද ඉබේම හුරු වෙලා ඇති. ඒ නිසා ඔබ ඒ වගේ නිවැරදී පියවරක් අනුගමනය කළොත් ඔබේ දරුවන්ද අනාගතයේදී ඒකට පුරුදු වෙනවා. සමහර ගෘහණියන් අත් වැසුම් පැළඳීමේ වැදගත්කම ගැන හිතලා වත් නෑ. ඒත් ඒවා පැළඳගෙන කුස්සියේ සේදීම් ටික කරනවා නම් කොච්චර වටින වාසි ලැබෙනවාද කියලා අපි අද ඔබට කියලා දෙන්නම්. ඔබ පිඟන් කෝප්ප හෝදද්දී නිතරම රබර් අත්වැසුම් පළඳින්න ඕනේ මේ නිසායි...

1. ග්‍රහණය කර ගන්නට
ජලය, සබන් සහ සිනිඳු ද්‍රව්‍ය කියන්නේ ගැලපෙන සංයෝජනයක් නෙමෙයි. ඒ නිසයි හෝදද්දී අපේ අතින් නිතරම අහම්බෙන් වීදුරු සහ පිඟන් ඇඟිලිවලින් ලිස්සලා යන්නේ. සාමාන්‍යයෙන් ඒ වගේ වෙලාවට පිඟන්, කෝප්ප බිඳෙන්න යන්නේ එක තත්ත්පරයයි. රබර් අත්වැසුම් පැළඳීමෙන් ඔබට ඒ කරදරය වළක්වා ගෙන ඒවා හොඳින් අත් දෙකට ග්‍රහණය කරගන්න පුලුවන් වෙනවා. මේවායින් ඔබට තවත් වාසියක් සහතිකවම තියනවා. ඔබේ අතින් යම් භාණ්ඩයක් බිඳෙන්න කලින් හෝ අත ඒවාට කැපෙන්න කලින් ඔබේ අත් දෙක ආරක්ෂා කරගන්න පුලුවන් වෙනවා.

2. සමට
උණුසුම් ජලය සහ සේදීම් වලට ගන්න සබන් පවා ඔබේ සමට එතරම්ම හොඳ නෑ. උණුසුම් ජලය ඔබේ දෑත් විජලනය කරන අතර සබන් වලින් ද ඔබේ අත් වලට හොඳක් නන් වෙන්නේ නෑ. ඔබේ සමට ඇත්තෙන්ම ඒ වගේ සබන් වලින් දැවිල්ලක් වුණත් ඇති වෙන්න පුලුවන්. සබන් නියපොතු අතර රැඳුනාම නිය ආසාදන පවා ඇති වෙනවා. විශේෂයෙන් ඔබට දැනටමත් තියෙන්නේ වියළි සමක් හෝ සංවේදී සමක් නම්, රබර් අත්වැසුම් භාවිතා කළොත් මේ සෑම උවදුරකින්ම ඔබේ සම ආරක්ෂා වෙනවා.

3. අපිරිසිදු දේවල් 
ඔබ අත්වැසුම් පැළඳ සිටිනවා නම් පිඟන් සෝදද්දී ඉතුරු වෙලා තියන ආහාර ඉවත් කරද්දී ඒවා අතින් ඇල්ලීමට ඔබට සිද්ධ වෙන්නේ නෑ. සෝදද්දී ඒවා ඔබේ නියපොතු යටට යන්නේත් නෑ. ඔබෙ නිය ආලේපන ආලේප කරනවාද? එහෙනම් ඔබ දිනපතා ඔබේ අත් දෙක සබන් වතුරට දමන්නේ නැති තරමට ඒවා බොහෝ කාලයක් ඔබේ ඇඟිලි මත රඳවා ගන්න පුලුවන්. ඒ වගේම සේදීම් සඳහා නිතරම උණුසුම් ජලය භාවිතා කරනවා නම් දීර්ඝ කාලීනව අත් ඒවාට නිරාවරණය වෙද්දී ඔබේ නියපොතු පැලීමට හෝ කැඩීමටද හේතු වෙනවා. 

4. උණුසුම
ඔබේ පිඟන් භාණ්ඩ නිසි ලෙස පිරිසිදු කරන්න සමහර කාන්තාවන් උණු වතුර භාවිතා කරනවා. නමුත් ඔබේ දෑත් ඒ සඳහා කිසිසේත් කැමති වෙන්නේ නෑ. මොකද ඒ හරහා ඔබේ සම වියළී යනවා විතරක් නෙමෙයි, ඔබේ සමට බොහෝ විට උණුසුම දරා ගන්නත් බැරි වෙනවා. රබර් අත්වැසුම් පළඳින්න. එතකොට උණු වතුර ඔබේ අත් වලට කරදරයක් වෙන්නෙ නෑ. මේ ආකාරයෙන් ඔබට ඔබේ කෑම පිඟන් වඩා හොඳින් හා ඉක්මනින් පිරිසිදු කරගන්න පුලුවන්.

Related Articles

Featured Articles

Trending Articles

අපේ ජනප්‍රියම ලිපි

7 hair styles for day-to-day use
   16,637
   660

ඔයාගේ හැඩ වැඩි කරන කොණ්ඩා මෝස්තර 07 ක්

ඔයා දිනපතා ඔෆිස් යන කෙනෙක් නම් එකම විදිහේ කොණ්ඩා විලාසිතාවකට කොටු වෙන්නේ නැතුව එක එක විදිහේ කොණ්ඩා විලාසිතාවක් කරලා බලන්න. ඒක ඔයාට වෙනසක් වගේම ඔයාව දකින අයටත් වෙනසක් වෙයි
Benefits to have a banana and warm water in the morning
   1,065
   249

දවස උණුසුම් වතුර වීදුරුවක් සහ කෙසෙල් ගෙඩියක් සමඟ ආරම්භ කිරීමේ ප්‍රතිලාභ

අදින් පසු සෑම උදෑසනකම උණුසුම් වතුර වීදුරුවක් සමග කෙසෙල් ගෙඩියක් ආහාරයට ගෙන දවස ආරම්භ කිරීමට උත්සාහ කරන්න. එයට හේතුව එමගින් ඔයාගේ ශරීරයට මෙන්න මේ වගේ ධනාත්මක බලපෑමක් ඇති කරන නිසයි..
At last love come in another form - Story
   230
   170

අවසානයේදී ආදරය වෙනත් ආකාරයකින් නැවත ඔබ වෙතට පැමිණෙනවා-Story

ඔහු ඒ පුංචි ගැහැණු ළමයාට කියනවා පහුවෙදාට උද්‍යානයට ආවම නැවතත් ඔහුව හමු වෙන්න කියලා. කිව්ව විදිහටම ගැහැණු ළමයා ඊට පහුවදා ඔහුව හමු වෙන්න ඇවිල්ලා හිටියා…. cont..
Changes in a girl when she starts to live solo
   7,304
   160

ගැහැණු ළමයෙක් ඇගේ තනිකඩ ජීවිතය භුක්ති විඳින්න පටන් ගත්තාම වෙන දේවල්

නොගැලපෙන ආදරයකින් හෙම්බත්වී ඔබ ඔබවම තෝරා ගන්න දිනයක් එනවා. තනිකඩව සිටීමෙන් සතුටක් ලැබීමට පටන් ගත්තාට පස්සේ බොහෝ ගැහැනු ළමයින්ට දැනෙන ආකාරය ගැන අද අපි ඔබට කියන්නම්...
5 beauty secrets Kareena Kapoor shared
   875
   117

කරීනා කපූර්ගේ තරුණ පෙනුම ගැන ඇය කියූ රූපලාවන්‍ය රහස් 5 ක් මේ

කරීනාගේ සම ලස්සනට තියා ගන්න මේ උපක්‍රම ලොකු බලපෑමක් ඇති කරනවාලු. අපි දැන් බලමු ඒ රූපලාවණ්‍ය රහස් මොනවද කියලා. මොකද අපිත් ආසයිනේ ලස්සනට හැඩට ඉන්න...

Latest Articles

Most Viwed