අන්ධ මිනිසෙකුගේ ආදරය - Story

September 22, 2020
909
Love of a blind man - Story
එක්තරා තරුණයෙක් ලස්සන ගැහැණු ළමයෙක් එක්ක විවාහ වුණා. ඔහු ඇයට බොහෝ සෙයින් ආදරය කළා. දවසක් ඇයට හදිසියේම සමේ රෝගයක් වැළඳෙන්න පටන් ගත්තා. ඒ රෝගයත් එක්ක සෙමෙන් සෙමෙන් ඇයට ඇගේ සුන්දරත්වය නැති වෙන්න පටන් ගත්තා. මේ අතරතුරදී දවසක් ඇගේ සැමියා රැකියාවේ වැඩ කටයුත්තක් සඳහා සංචාරයකට පිටත් වෙලා ගියා. වැඩ කටයුතු ඉවර කරලා ආයි ගෙදර එන ගමනේදී ඔහුට අවාසනාවන්ත හදිසි අනතුරකට මුහුණ දෙන්න වුණා. රෝහල්ගත කරලා සිහිය ආවාට පස්සෙයි බිරිඳ දැනගත්තේ ඔහුගේ ඇස් වල පෙනීම නැති වෙලා කියලා. කෙසේවෙතත් ඔවුන් දෙදෙනා අතර පැවතුණ ආදරය නිසාම විවාහ ජීවිතය සුපුරුදු පරිදි පැවතුණා.

නමුත් දවස් ගෙවිලා යනකොට ඇයට ඇගේ රෝගය නිසා තිබ්බ සුන්දරත්වය ක්‍රම ක්‍රමයෙන් නැති වෙලාම ගියා. ඇගේ අන්ධ ස්වාමිපුරුෂයාට මේක දැනගන්න ලැබුණේ නැති නිසා ඔවුන්ගේ විවාහ ජීවිතයේ කිසිම වෙනසක් වුණේ නෑ. ඔහු ඇයට දිගටම ආදරය කළ අතර ඇයද ඔහුට බොහෝ සේ ආදරය කළා. එක් අඳුරු දවසක ඇය මිය ගියා. ඇගේ මරණය ඔහුට දරා ගන්න අමාරු, ඉතා විශාල ශෝකයක් ගෙන දුන්නා. ඒ නිසාම ඇගේ අවසන් කටයුතු සියල්ලම අවසන් කළාට පස්සේ ඔහුට එම නගරයෙන් පිටවීමට අවශ්‍ය වුණා.

ඔහු නගරයෙන් පිටත් වෙන්න සූදානම් වුණු දවසේ නිවසට ආපු ඔහුගේ මිත්‍රයෙක් මෙහෙම ඇහුවා. “දැන් ඔයාට තනිවම ඇවිදින්න පුලුවන් ද? කොහොමද ඔය විදිහට අලුත් නගරයකට ගිහින් ජීවත් වෙන්නේ? ඒ දවස්වල ඔයාගේ බිරිඳ ඔයාට උදව් කරපු නිසා ඒක ඔයාට හයියක් වුණා. ඒත් දැන් ඒ උදව් නැතුව ජීවත් වෙන්නේ කොහොමද?" මිත්‍රයා අහපු සාධාරණ ප්‍රශ්න වලට උත්තර දෙමින් ඔහු අවසානයේදී මෙහෙමයි කිව්වේ. 

“මම අන්ධ වෙලා හිටියේ නෑ. මම ඒ ව්දිහට ක්‍රියා කළේ එයාගේ රෝග තත්ත්වය නිසා. මොකද මම එයාගේ සමේ තත්වය දැක්කා. ඒත් ඒක මම දන්නවා කියලා එයා දැනන් හිටියා නම්, ඒක එයාගේ රෝගයට වඩා විශාල වේදනා ගෙන දෙන තත්ත්වයක් වෙනවා. ඇත්තටම මම එයාගේ සුන්දරත්වයට විතරක් නෙමෙයි ආදරය කළේ. එයාගේ හදවතේ මං ගැන තිබ්බ සැලකිලිමත්බව හා ආදරණීය ස්වභාවය නිසායි මම එයා එක්ක ගොඩාක් ආදරයෙන් බැඳිලා හිටියේ. ඒ කාලයේදී එයාගේ සමේ තත්ත්වය මම දැක්කොත් ඇයට ඇය ගැනම ලොකු ලැජ්ජාවක් ඇති වෙයි කියලා මට හිතුණා. ඉතින් ඒ නිසා මම අන්ධයි කියලා එයා ඉස්සරහදී මවාපෑවා. මට අවශ්‍ය වුණේ එයා ජීවත් වෙන ටික කාලයේ හරි එයාව සතුටින් තියා ගන්න විතරයි.”

පාඩම : ඔබ කෙනෙක්ට සැබවින්ම ආදරය කරනකොට, ඔබ ඔබේ ආදරණීයාව සතුටින් තබා ගැනීමට ඕනෑම දුරකට යන්න සූදානම් ඇති. ඒ නිසාම සමහර වෙලාවට එකිනෙකාගෙන් නොදැනුවත්වම සිද්ධ වෙන හිත රිදෙන වචන, ක්‍රියාවන් සහ පාලනය කරගන්න බැරි සිදුවීම් වලදී අන්ධ විදිහට හැසිරෙමින් ඒ වගේ තත්ත්වයන් නොසලකා හරින්න පුරුදු වෙන එක ඔබ දෙදෙනාටම ගොඩක් හොඳයි. දෙදෙනාටම සතුටින් ජීවත් වෙන්න පුලුවන් වෙන්නේ එතකොටයි. රූපයේ අලංකාරය කාලයත් සමඟ මැකී යනවා. නමුත් හදවතේ සහ ආත්මයේ වටිනාකම් සැමවිටම එක හා සමානයි. ඒ නිසා කෙනෙක්ට ආදරය කරද්දී ඔහුගේ/ඇයගේ පිටතින් පේන දේට නෙමෙයි ඇතුළාන්තයේ තියන වටිනාකම් වලට ආදරය කරන්න.

Related Articles

Featured Articles

Trending Articles

අපේ ජනප්‍රියම ලිපි

Know about Vaginal atrophy
   2,110
   635

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?
This is why your skin look dark
   33,085
   166

ඔබේ සම අඳුරු වෙලා පේන්නේ මේ හේතු 5 නිසායි

අඳුරු පැහැ වුනු මුහුණ යලි පැහැපත් කල හැකි මේ පහසුම ක්‍රම ටික ඔබට අත් වැසිල්ලක් වේවි
Are you a good wife? (01)
   3,483
   125

ඔයත් යහපත් බිරිඳක්ද? මේ ලක්ෂණ ඔයා ළඟත් තියෙනවද? (01)

විවාහය කියන්නේ කණ්ඩායම් වැඩක්. තවද අවශ්‍යතාවන් සපුරා ගැනීමට දෙදෙනාම එක් වී උත්සාහයන් දැරීමට අවශ්‍ය වෙනවා. ඔයාට ‘හොඳ ස්වාමිපුරුෂයෙක්’ අවශ්‍ය වනවා සේම, ඔයාගේ සැමියාට හොඳ බිරිඳක් අවශ්‍ය වෙනවා. ‘හොඳ බිරිඳක් වන්නේ කෙසේද’ යන්න පිළිබඳ අද හැඩකාරී අපි මෙ ලිපියෙන් කියලා දෙනවා
Use these natural ingredients carefully
   205
   119

මේ ස්වාභාවික අමුද්‍රව්‍ය 8 අධික ලෙස භාවිතා කළොත් සිද්ධ වෙන්නේ මොකක්ද කියලා දන්නවාද?

පරිසර හිතකාමී සහ සාමාන්‍යයෙන් අඩු හානිකර දේවල් වුවත්, මෙම ස්වාභාවික අමුද්‍රව්‍ය අපගේ රූපලාවණ්‍ය කටයුතුවලට එකතු කිරීමේදී අපි තවමත් ප්‍රවේශම් වෙන්න ඕනේ
4 breakfast mistakes lead you to gain weight
   517
   78

උදෑසන ආහාරය මඟින් ඔබව තරබාරු කරවන වැරදි 4ක් මේ

තාමත් නව වසරේ ආරම්භක කාර්තුවේ ඉන්න නිසා උදේ ආහාරය මඟ හැරිය යුතුද නැද්ද යන්න පිළිබඳ විවාදය පසෙකට දමලා, ඔබ උදේ ආහාරය සඳහා අනුභව කරන දේවල් වලට අවධානය යොමු කරන්න පටන් ගන්න. ඔබේ බර අඩු කරන්නේ හෝ වැඩි කරන්නේ එයයි

Latest Articles

Most Viwed