අපි ඇත්තටම දරුවන් සමඟ හදවතින්ම බැඳුනු මවුවරුන්ද?

September 25, 2020
5,461
Are we emotionally available mothers?
අපි කැමති වුණත් නැතත් මේ ඇත්තට මුහුණ දෙන්න වෙනවා. වසර ගණනාවකට කලින් අපේ අම්මලා අපිව හදා වඩා ගත්ත කාලයට වඩා වර්තමාන‍ය ගොඩක් වෙනස්. දරුවන්ගේ අනාගතය ලස්සන කරන්න හිතාගෙන මව්වරුන්ගෙන් බොහෝ දෙනෙක් දැන් රැකියාවන් වල නිරත වෙනවා, විශාල වගකීම රාශියක ඔවුන් හිර වෙලා. මේ මොන දේ කරත්, අපි අපේ දරුවන් එක්ක හදවතින් බැඳුනු බැඳීමකින් ජීවත් වෙන්න ඕනේ.

හදවතින් බැඳෙනවා කිව්වම එයින් අදහස් වෙන්නේ ඔයා කාලයත් සමඟ ඕනෑම බාධකයකට ඔරොත්තු දෙමින් ඔයාගේ දරුවන් සමඟ අව්‍යාජ සම්බන්ධතාවයක් වර්ධනය කර ගන්න එකටයි. මේක මවකට ආදළ වන්නේ මෙහෙමයි. ඔයා දරුවාගේ හැඟීම් සමඟ බැඳෙන්න නම් ඔයා ක්‍රියාශීලීව සහ මිත්‍රශීලීව සිටිමින්, දරුවන්ව ඔයාගේ ජීවිතයේ වැදගත් කොටසක් කර ගන්න ඕනේ. ඉතින් හදවතින් බැඳුනු මවක් මෙන්න මේ කියන දේවල් නිතරම කරනවා. 

ඔයාගේ හැඟීම් විවෘතව ප්‍රකාශ කරන්න
ඔයාට දුෂ්කර හෝ කලබලකාරී හැඟීම් ඇති වුණාම ඒවා සඟවා නොගත යුතුයි. ඇතැම් සිදුවීම්, අවස්ථා ගැන ඔයාට හැඟෙන දෙය ඔයාගේ දරුවන්ට කියන්න. ඒ ගැන ඔවුන්ගේ අදහස් සහ හැඟීම් ද ඔවුන්ට ඔබ වෙත ප්‍රකාශ කරන්න ඉඩ දෙන්න. මෙමගින් දරුවන් ඔයා සමඟ ඇති සම්බන්ධතාවය වැඩි දියුණු කර ගන්නවා විතරක් නෙමෙයි, දරුවන් ඔවුන්ගේ හැඟීම් ප්‍රකාශ කරන විදිහ ඉගෙන ගන්නවා. දරුවන් ටිකෙන් ටික වැඩෙනකොට ප්‍රශ්න එක්ක ගැටෙන ආකාරය වටහා ගන්නවා.

ඔයාගේ දරුවා පවසන දේට සවන් දෙන්න
ඔයා තමන්ගේ දරුවන්ට ඇහුම්කන් දීමෙන් හැඟීම් වලින් බැඳුනු මවක් වෙන්න පුළුවන්. ඒ නිසා අද ඉඳන්වත් ඉලෙක්ට්‍රොනික උපකරණ ක්‍රියා විරහිත කරලා සහ පවුලේ සෑම සාමාජිකයෙක් සමගම අදහස් බෙදා ගැනීමට නියමිත වේලාවක් වෙන් කර ගන්න. දරුවා ඔයාගෙන් ප්‍රශ්නයක් අහනකොට, ඔයා එයාට ප්‍රතිචාරය දක්වන්න. ඔයා ඇහුම්කන් දීමට කැමති බව හඟවන්න. ඒ වගේම ඔවුන් සමග නිතරම කතා කරන්න සහ අදහස් බෙදාගන්න ආස බව ඔවුන්ට පෙන්වන්න.

දරුවාගේ පාසැල් වැඩ වලට උදව් කරන්න
දරුවන්ගේ හැගීම් සමඟ බැඳුනු මවක් දරුවන්ගේ පාසලේ කටයුතු ඇතුළුව දරුවාගේ සෑම අංශයක් ගැනම අවධානයෙන් ඉන්න ඕනේ. දරුවා පාසලේදී හැසිරෙන්නේ කෙසේද, එයට ඔබේ දරුවා සමඟ ඔබ ඇති බැඳීම කෙලින්ම බලපානවා. ඔවුන්ගේ අධ්‍යයන කටයුතු කරගෙන යාමට සැම විටම උපකාර කරන්න. මේකෙන් අදහස් කරන්නේ ඔයා දරුවාගේ අධ්‍යාපන කටයුතු සඳහා මව විදිහට පැය 24 ම කැප වෙන්න ඕනේ කියලා නෙමෙයි.  එයින් අදහස් කරන්නේ දරුවාගේ සමස්ත යහපැවැත්ම සඳහා ඔබේ කාලය හා ශක්තිය ආයෝජනය කරන්න කියන එකයි.

දරුවාට නිදහස ලබා ගැනීමට උදව් කරන්න
දරුවා වැඩෙනකොට වැඩිහිටියෙක් වගේ තනිවම ජීවත් වෙන්නට පුහුණු වෙන්න ඕනේ. ඒකට මව විදිහට ඔයාගේ උපදෙස් ද ඇතිව දරුවා සෙමෙන් ස්වාධීනත්වය වර්ධනය කර ගැනීම වැදගත්. ස්වාධීනත්වය පුහුණු කිරීමෙන් දරුවා මිතුරන් ඇසුරු කිරීමටත්, බාධකයන් ජය ගැනීමටත්, පරාජයන් දරා ගැනීමටත් සහ තනිව තමන්ගේ වැඩ ටික කර ගැනීමට හුරු වෙනවා. ඒ විතරක් නෙමෙයි කාලයත් සමඟ දෙමවුපියන් තමන්ගේ දරුවන්ට නිදහස ලබා නොදීමෙන් ඒ වගේ දරුවන් සැම විටම තවත් කෙනෙකු මත යැපෙන්න උත්සහ කරනවා.

සමාව ඉල්ලීමට බිය වෙන්න එපා
හදවතින් බැඳුණු මවක් තම දරුවන් සමඟ අවදානම් තත්ත්ව වලට මුහුණ දෙන්න බිය වෙන්නේ නැහැ. ඔබ වැරදි නම්, ඔබ වැරදි බව පිළිගැනීමද එහි කොටසක්. එතකොට ඔයාව ආදර්ශයට ගනිමින් ඔයාගේ දරුවන් යහපත්ව වැඩෙනවා වගේම ගතිගුණ වලින් පොහොසත් වෙනවා. ඔයා යම් වැරැද්දක් කළ බව පිළිගෙන සමාව ඉල්ලනකොට, ඔයාගේ දරුවන් පසුතැවීම හා සමාව දීම පිළිබඳ වටිනා පාඩම් ඉගෙන ගන්නවා. මේක වැඩිහිටියෙක් වීමට පෙර ඔවුන් ඉගෙනගත යුතු පාඩමක්.

දරුවා ඔයා ආදරය කරන බව දන්නවා
හැගීම්බර අම්මලා වාචිකව හා ශාරීරිකව තම ආදරය ප්‍රකාශ කිරීමට බිය වෙන්නේ නැහැ. ඔයා දිනපතා ඔවුන්ට ආදරය කරන බව කියන්න. ඔවුන්ව බදා ගනිමින්, ඔවුන් කැමතිම සෙල්ලම කරමින් ගුණාත්මක කාලයක් ගත කරන්න. විශේෂයෙන් මවගේ වැළඳගැනීම් හා හුරතල් කිරීම තුල දරුවන්ට ආදරය දැනෙනවා විතරක් නෙමෙයි, ඔවුන්ට නිවසේදී ආරක්ෂිත බවක් දැනෙනවා. ඒ අතර දෙමාපියන් ගැන විශ්වාසය තබනවා. ඒ නිසා ඔයා හැමදාම ඔවුන්ට ආදරය කරන බව දරුවන්ට ක්‍රියාවෙන් පෙන්වන්න.

Related Articles

Featured Articles

Trending Articles

අපේ ජනප්‍රියම ලිපි

Weralu benefits
   2,339
   157

වෙරළු වල ගුණ

වෙරළු කොලස්ටරෝල් සඳහා ඉතාම ගුණදායකයි. දිනකට වෙරළු ගෙඩි පහක් අවම වශයෙන් ආහාරයට ගන්නවා නම් හිතකර…
How to keep pregnancy glow like kareena and anushka?
   3,512
   88

කරීනා කපූර් සහ අනුෂ්කා ෂර්මා වගේ ප්‍රෙග්නන්ට් කාලෙත් ලස්සනට ඉන්නෙ කොහොමද?

ප්‍රෙග්නන්ට් කාලෙ කරීනා කපූර් සහ අනුෂ්කා ෂර්මා වගේ ලස්සනට ඉන්න එක පොඩි පියවරක් ඉදිරියෙන් තියමු. ඒ වගේ ඔයාගෙත් ප්‍රෙග්නන්සි ග්ලෝ එක ලබා ගන්නේ කොහොමද කියලා අපි අද කියන්නම්!
How to kill bad bacteria in your mouth
   427
   68

ඔබේ මුඛයේ බැක්ටීරියා විනාශ කර සැහැල්ලුවෙන් හුස්ම ගැනීමට ක්‍රම 6 ක්

ලෝකයේ මිනිසුන්ගෙන් සියයට 35% ත් 45% ත් අතර සංඛ්‍යාවක් ඔවුන්ගේ දිවා කාලයේ මුවින් දුගඳක් වහනය වීම නිසා පීඩා විඳිනවා. මුවින් දුගඳක් වහනය වීම සමඟ සටන් කිරීමට පහසු ක්‍රම 6ක් අද අපි ඔබ වෙතට ගෙන එන්න සුදානම්
Uncomfortable because of body odour?
   6,750
   62

දහදිය දුඟද නිසා ඔයත් හැමදාම අපහසුතාවයට පත් වෙනවද?

අහලා ඇතිනේ දහදිය ගඳ දැනෙන්නේ තමන්ට නෙවෙයි ළඟ ඉන්න අනිත් අයට කියලා. ඒ නිසා අනිත් අය ඉස්සරහා අපහසුතාවයට පත් වෙන්නේ නැතුව මේකට විසඳුමක් හොයා ගමු
Know about Vaginal atrophy
   2,369
   42

යෝනි මාර්ගය වියලීම (Vaginal atrophy) ගැන ඔබ දැන සිටිය යුතු කරුණු

ඔබේ යෝනි වියලි බව, යෝනියේ හට ගන්නා දැවිල්ල, යෝනි ශ්‍රාවය, ලිංගික ප්‍රදේශය කැසීම, මුත්‍රා කිරීමේදී දැවෙන වේදනාව, නිතර නිතර මුත්‍රා කිරීම, මුත්‍රා ආසාදන වැනි රෝග ලක්ෂණ තියෙනවා නම් Vaginal atrophy දැයි සොයා බලන්න. ඉතින්, ඔබට මෙයින් අවදානමක් තිබේද?

Latest Articles

Most Viwed