මේ දේවල් නිසා ඔබේ ආදර සබදතාවත් අතර මඟදී බිඳ වැටෙන්න පුළුවන්

June 14, 2017
6,257
The Reason we Lose Love
දෙදෙනෙක් අතර ආදර සම්බන්ධයක් ආරම්භ වන විට ඔවුන් ගොඩක් බලාපොරොතු තියාගෙන තමයි සම්බන්දතාවය පටන් ගන්නේ. ගොඩක් දෙනෙක්ගේ අපේක්ෂාව වෙන්නේ ඒක විවාහයකින් කෙලවර වෙනවා දකින එක. නමුත් කාලයක් තිස්සේ ඇසුරු කරද්දී දෙදෙනාගේම වැරදි අඩුපාඩු පෙනෙන්න ගන්න එක සහ විවිධ මත ගැටුම් ඇති වෙන එක සාමාන්‍ය දෙයක්. ඒ තුල එකිනෙකා ගැන කලකිරීම්, සිත් රිදවීම් අනන්තවත් ඇති වෙනවනේ. මේ වගේ තත්වයන් දුර දිග යාම නිසා බොහෝ ආදර සම්බන්දතාවන් අතරමග බිඳ වැටෙනවා. අද අපි ඔබට කියන්නේ ආදර සබදතාවය අතරමඟදී බිඳ වැටෙන්න බලපාන ප්‍රධාන කාරණාවන් කිහිපයක් ගැනයි.

1. අපේක්ෂාවන්

ආදරය අහිමි වීමට ප්‍රධාන හේතුවක් වන්නේ අපේ අපේක්ෂාවන්. එකිනෙකාගෙන් ඉහල අපේක්ෂාවන් බලපොරෝත්තු වීම හා එම අපේක්ෂාවන් ඉටු නොවීම තුල එකිනෙකා කෙරේ කලකිරීමක් ඇති වෙන්න පුළුවන්. ඒ වගේම දෙදෙනා අතර මත ගැටුම්, ආරවුල් ඇති වෙන්නත් මේ තත්වය බලපානවා. එකිනෙකා හොඳින් තේරුම් අරන් ඉන්නවා නම්. අනෙකා තමන්ගෙන් අපේක්ෂා කරන දේවල් ගැන දෙදෙනාම සංවේදී වෙනවා නම් අදර සම්බන්ධතා වලදී අපි මුහුණ දෙන ගොඩක් ප්‍රශ්න වලින් මිදෙන්න අපිට පුළුවන්.


2. සන්නිවේදනයේ දුර්වලතා

ප්‍රේම සම්බන්ධයක වැදගත්ම කාරණාවක් ලෙස මෙය හඳුන්වන්න පුළුවන්. දුර්වල සන්නිවේදනය නිසා ඇතිවන ආරවුල් නිසා අනන්තවත් ප්‍රේම සම්බන්ධතා බිඳ වැටෙනවා. පෙර සඳහන් කලා මෙන් ඔබගේ අපේක්ෂාවන්, බලාපොරොත්තු, අනෙකාට දැන්වීමට මනා සන්නිවේදනයක් දෙදෙනා අතරම පවත්වා ගැනීම ඉතා වැදගත්. තර්ක කිරීමට, සැලසුම් කිරීමට සහ ඔබේ හැඟීම් ප්‍රකාශ කිරීමට ඔබට කතා කිරීමට අවශ්‍ය වෙනවා. සන්නිවේදනයේ අඩුකම හා දුර්වල සන්නිවේදනය එක් අසාර්ථක සම්බන්ධතාවයක් සඳහා ඇති ප්‍රධානම හේතුවක්.


3. ඉරිසියාව

ඇතැම් අය තමන්ගේ පෙම්වතා හෝ පෙම්වතියට කොපමණ ආදරය කලත් හිතේ කොනක ඔහු හෝ ඇය පිළිබඳව ඉරිසියාවක් සඟවා ගෙන ඉන්නවා. ඇතැම් වෙලාවට ඔහුට හෝ ඇයට ඔබේ හිතේ තියෙන දේ දැනෙන්න පුළුවන්. සමහර වෙලාවට ඔයාගේ ක්‍රියා වලින් එක ඔහුට හෝ ඇයට තහවුරු වෙන්න පුළුවන්. එහෙම උනොත් ඒක ඔයාගේ ප්‍රේම සම්බන්ධයට ගොඩක් ප්‍රශ්ණ ඇති කරන්න හේතුවක් වෙයි.


4. විශ්වාසය බිඳ වැටීම

ආදර සම්බන්ධයක් පවත්වා ගෙන යන අයට වගේම විවාහ ජීවිතයක් ගත කරන අයටත් අනිවාර්යෙන්ම ඉතාමත් වැදගත් කරුණක් ලෙස විශ්වාසය හඳුන්වන්න පුළුවන්. විශ්වාසය කියන්නේ ලබා ගන්න පුළුවන් දෙයක් නෙවෙයි. දිනා ගත යුතු දෙයක්. ඒ වගේම නැති කර ගත්තොත් ආයෙත් ඇති කරන්න ගොඩක් අමාරු දෙයක්. ආදර සම්බන්දයකදී අපි හිතා මතා හෝ නොහිතා කරන වැරදි වලින් එකිනෙකා ගැන තියෙන විශ්වාසය නැති වෙන්න පුළුවන්. ඊට පස්සේ ඇති වෙන තත්වය ගැන අමුතුවෙන් කියන්න ඕන නැහැනේ.

විශ්වාසය නැති උනාට පස්සේ කොච්චර සමාව ලැබුනත් වැඩක් නැහැ. මොකද එතකොට දෙදෙනා අතර තිබුණු ආදරයේ පිවිතුරු බව නැති වෙලා ඉවරයි. දෙදෙනා අතර කොතරම් ආදරයක් තිබුනත් දිගුකාලින සම්බන්දතාවයක් පවත්වාගෙන යන්න ඕන විශ්වාසය හා අවබෝධය මත කියන එක ඔයා අමතක කරන්න එපා


5. සැකය

ප්‍රේම සම්බන්ධතා වලට සැකය කියන්නේ දරුණුම විෂබීජයක්. පැහැදිලි හේතුවක් නැතුව අනෙකාව අනවශ්‍ය විදියට සැක කරන්න එපා. ඒ වගේම සැකයක් ඇති උනොත් ඒක තහවුරු වෙනකන් ඉවසිලිවන්ත වෙන්න. ඔහු හෝ ඇය ගැන පුංචි හරි සැකයක් තිබුනත් ඔයා එයාව සැක කරනවා කියන එක එයාට දැනෙන්න ඉඩ තියන්න එපා. එහෙම උනොත් ප්‍රශ්න ගොඩයි. ඒ වගේම ඒ වගේ අවස්ථා වලදී ඒ ගැන කෙලින්ම කතා කරලා ප්‍රශ්නය විසඳගන්න. දිගින් දිගට සැකය හිතේ තියා ගෙන ඉන්න තාක් කල් ආදරණිය සම්බන්ධතාවක් පවත්වාගෙන යන්න අමාරුයි.

6. වෙහෙසට පත් වීම

මේ කිව්ව සියලුම කාරණා නිසා අවසානයේ අපි වෙහෙසට පත් වෙන්වා. ආදර සබදතාවය ගැන තෘප්තියක් නැතිව යනවා. එකිනෙකා ගැන කලකිරෙනවා. ජීවිතේම එපා වෙනවා. සමහර විට දැනටමත් ඔයා මේ හේතු නිසා වෙහෙසට පත් වෙලා ඉන්නවා වෙන්න පුළුවන්. සම්බන්ධතාවය තුල අපි බලාපොරොත්තු වෙන නිදහස, සතුට, සැනසීම නැති වෙලා ගියාම මෙතෙක් කල් පටල ගෙන ඉඳපු අත්වැල බිඳ දමනවා. මේක තමා බලාපොරොත්තු ගොඩක් හිතේ තියාගෙන පටන් ගන්න ගොඩක් ආදර සම්බන්ධතා වල අවසාන ඉරණම වෙන්නේ.

Related Articles

Featured Articles

Trending Articles

අපේ ජනප්‍රියම ලිපි

Remedies for skin itchiness in pregnancy
   8,237
   206

අම්මා කෙනෙක්ට ගර්භණී සමයේදී සිරුර මත ඇති වෙන කැසීම් සඳහා පිළියම්

ගර්භණී සමයේදී ඇති වෙන කැසීම් වළක්වා ගැනීම සඳහා ඔබට වැදගත් වෙන ස්වාභාවික හා ආරක්ෂිත නිවෙස් පිළියම් කිහිපයක් මෙන්න
How to made the perfect spree blouse
   11,673
   177

ඔයා අඳින සාරියට ගැළපෙන සාරී බ්ලවුස් එකක් මහන්නේ මෙන්න මෙහෙමයි

අද අපි තීරණය කළා සාරී ජැකට් එකක් ඔයා මැසීමේදී එහෙමත් නැති නම් මිලදී ගැනීමේදී අවධානය යොමු කළ යුතු කරුණු කිහිපයක් ඔයා එක්ක කතා කරන්න
Bad Habits that Woman Should not Have
   21,476
   123

කාන්තාවන්ට මැරු කැඳවන වැරදි පුරුදු

කාන්තාවන් වන ඔබ සතු ඇතැම් වැරැදි පුරුදු නිසා බොහෝ දේ අහිමි වෙන්න පුළුවන්. ඔබ එවැනි පුරුදු නිසා අනතුරේ හෙළනුයේ ඔ‍බේ මෙන්ම අන්‍යයන්ගේ ජීවිතයි
Signs You're In A Toxic Relationship And It's Ruining Your Life
   94,583
   86

මේ දේවල් ඔබට කරන්න කියන පෙම්වතුන් ගැන නම් දෙපාරක් හිතන්න

අපි හැමෝම ආදරේ කරන්න වගේම ආදරේ ලබන්නත් කැමතියි. ඒත් වැරදි සම්බන්දතාවයක අපි හිර උනොත් මේ දෙකෙන් එකක්වත් අපිට ලැබෙන්නේ නෑ
How to keep your feet beautiful
   44,000
   80

මුහුණේ වගේම දෙපා වල ලස්සන රැක ගන්නේ මෙහෙමයි

ගොඩාක් වෙලාවට අපේ දෙඅත් සහ දෙපා නිතරම හිරු එලියට නිරාවරණය වෙනවා. මුහුණට වඩා ඉක්මනට කුණු දුවිලි එක්ක ගැටෙනවා. එනිසා අනිවාර්යෙන් විශේෂ සත්කාරයක් දෙපා වෙනුවෙන් ලබා දෙන්නම ඕන

Latest Articles

Most Viwed